8th Week Green Monday 完成✅😋💚
食素難，搵素食嘅黃店仲難😖今晚差啲想放棄
.
-早餐🥣南瓜薯仔番薯加兩個生果，清清地好快肚餓，好彩有同事們嘅愛心自家製月餅🥮做午餐前小食頂下個肚😋好靚又好味😋多謝晒。
.
-lunch🥙和同事去了公司附近一間新開嘅茶餐廳，見到佢嘅午餐應該得呢個吃得，蝦乾蒜蓉蒸茄子，我將啲蝦乾俾晒同事，淨係食蒜蓉蒸茄子🍆
.
-Dinner🥗因為lunch淨係食蒸茄子🍆勁快肚餓，但係放工之後要去深水埗有啲嘢買，咁同事就介紹咗一間素黃店叫素年嘅俾我，可惜我喺深水埗嘅另一邊買嘢咁啱遇上落大雨，咁我就快快手搵另一間嘅素黃店啦，記得另一位同事介紹梅貴緣響我呢度附近，冒着大雨咁衝左過去，點知佢竟然星期一放假！oh nooooo😖😢😭😭😭😭
.
我勁肚餓又攰又全身濕晒覺得自己好慘😭諗住返旺角睇吓有咩素食黃店啦，點知又係勁少, 知道有間Green common諗住過去食啦，點知又係勁遠我去到朗豪坊已經好肚餓，而且雨又開始大，我想放棄了，想返屋企求其煮啲素食就算，我突然間醒起旺角熟食中心有間黃色車仔麵，可以上去點啲素食嘅餸咪OK囉！點知上到去見到原來佢有販賣仲有紅燒豆腐羅漢齋飯好感動呀😭😭😭 老闆娘見我自備膠盒仲減我兩蚊，，anyway終於解決咗啦😫😫幾經辛苦我終於食得飯，不過我點都要加餸用蕃茄秋葵洋蔥炒蛋加餸慰勞吓自己😢。
.
店名：海都車仔麵茶餐廳 (旺角)
地址：旺角上海街557號綜合大樓2樓4號舖
.
後話： 今晚經驗令我真係覺得好佩服嗰啲堅持食素嘅朋友，更加佩服嗰啲堅持食素黃店嘅朋友，堅持真係一啲都唔簡單😖尤其是係當你超肚餓但係身邊有一間素食店都冇嘅時候真係好徬徨，更唔好話黃嘅素食店，反而身邊大把餐廳同食肆勁大引誘, 勁肚餓嘅時候我差啲就想放棄，不過放棄係好容易，堅持係好難，好彩我第八個禮拜Green Monday終於堅持到落嚟了, 以後我會準備好迎接每個星期嘅Green Monday, 唔會俾自己餓親，咁就冇藉口比自己放棄啦。
.
@ 海都車仔麵茶餐廳
秋葵洋蔥炒蛋 在 秋葵洋蔥炒蛋-Dcard與PTT討論推薦|2022年11月|網路名人美食 ... 的推薦與評價
找秋葵洋蔥炒蛋在Dcard與PTT討論/評價與推薦，提供秋葵料理阿基師,秋葵炒鹹蛋,秋葵番茄炒蛋相關資訊，找秋葵洋蔥炒蛋就在網路名人美食食譜烹飪. ... <看更多>