【龔成問答信箱】(Q22461-Q22480)
Q22461:
老師,阿里巴巴講話警告稅率會轉變,對佢影響有幾大?
龔成老師︰
其實而個講法只係預警,暫時都未知到底最尾會發展成點。
阿里(9988)以往被視之為「國家重點軟件企業」,稅率只需10%。如果中國政府除去佢「國家重點軟件企業」質素,佢就要好一般企業一樣,支付25%所得稅。
當然,未必係佢全部子公司,都要支付25%所得稅。因為部份分部(如天貓、淘寶中國等),本身同時受惠於「高科技企業」或「認定的軟件企業」稅務優惠,就算失去10%的優惠,都唔會一下子跳到25%咁高。
當然,會否全部稅務優惠,都全部被移除,都無人知。
若果成事,有機會令阿里每年增加過百億稅務支出,由於稅務因素,會影響集團長線盈利能力。若真的發生,估值上就有需要下調。
現階段只能說,此股現價合理,但估值有機會要再調整。在有較多不確定因素下,此股暫時不要大注。
------------------------------------------------
Q22462:
老師,我現時20歲 想問一問你我的持倉是否合理。1351 是在不理性時買入的 希望你比啲意見
持有:
3067 十四手 $均價16.48
9988 一手 $204.8
1313 一手 $7.87
1448 一手 $7.33
1351 一手 $2.7
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時20歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
現時你持有股票,都係有增長潛力和質素,你可以照持有。
當中,輝煌明天(1351)係中國的廣告公司,主要提供以下兩類移動廣告服務。
(1)中介服務:擔任客戶的廣告代理,將客戶與其指定的媒體發佈商相連接並投放廣告;該等廣告以不同形式發送,包括動態消息廣告、應用程序商店廣告及視頻形式廣告。
(2)精準廣告服務:為客戶計劃及進行廣告投放,並負責整個廣告流程;該等廣告通常以在媒體發佈商營運的移動應用程序出現的彈屏廣告等形式展示。
佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。
睇翻過往財務數據,業務都有增長的,不過盈利就有少少波動,反映好受市場環境影響,對經濟較敏感。規模較細,未見有好大獨特性。你只有一手,照持有都可以,但不建議加注。
但在平衡配置上,你有地方可以改善。現時組合,你係好偏重左係潛力股(3067, 9988, 1313, 1448),佢地雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
現有持股不用沽出,只要未來時間,慢慢加大翻平穏增長股部份,令組合回復平衡,咁就可以。
最後,我建議你把握年青,去努力學好投資知識。要去多讀投資相關書本、年報,新聞和課程。
書本上,你可以睇我寫架"80後百萬富翁"、"財務自由行"和"股票勝經",都適合初學者。
另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
------------------------------------------------
Q22463:
龔成老師你好 我今年35歲,已婚並育有1子(4歲)我已拜讀你7本書籍,但對自身面對的問題仍然感到迷茫,望老師對我的情況做作指點和評價。
我為家庭唯一收入來源,月入約70000-80000。最近把所有資產轉為現金約1200萬。
雖看似不錯,但現有工作最壞情況只能再維持2-3年,之後可能只有20000-30000月入(收入不可靠進修或個人努力改變,除非創業)。
現有生活質素為租住約1200萬單位和為有車人士。兒子學費約15000一個月。家庭沒有其他特別消費。
如果希望將來生活能夠至少保持現有質素,請問老師會你會如何步處?
感謝老師指導
龔成老師︰
其實你都算年青,除了創業外,我相信你努力,都有機會找到一些較高收入工作。
以你35歲,我一般會建議先利用「平穩增值股」+「潛力股」作投資目標,做好財富增值部份。
由於你係家中收入唯一來源,在進行任何投資前,你應先儲起最少半年開支,作應急之用。
以現時大市合理區狀況,你可以先用一半資金,慢慢"分注"買入優質股。餘下一半,就等大跌市機會。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
但若果你真係預期用盡方法去開源節流,未來都有好大機會,長時間出現入不敷支的狀況。你可以將部份資金,用來買收息股,去補助你每月現金流。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,每個人都有自住需要,建議你長線都要計劃添置一間自住物業,以免受租金波動風險所影響。
------------------------------------------------
Q22464:
您好龔sir,我想請問下3868信儀能源,2号公報業績,想請教您有何見解,謝謝
龔成老師︰
信義能源(3868)有質素,佢主要於中國經營太陽能發電場業務,並向國家電網的當地附屬公司銷售電力。
而佢派息高的,因為管理層話會用高派息政策。
投資價值都有,但不能投資太多,因為佢業務都有風險的,要注意股價波動,如分注長線都可以投資。現價已經係略貴,回多1,2成才好開始小注。
------------------------------------------------
Q22465:
龔sir , 想請教下你既投資部署。我老公早年買股票損手,虧蝕了好多,現時佢投資組合以下,想你比比意見。
佢40歲,月入12萬左右,佢行業黎緊有些不確定性,帶機會帶來重大變化,有一層剛買的自住物業 ,月供23000左右
3878 420000股 平均成本3.4
1833 400股 平均成本97.4
3808 4000股 平均成本13.5
6060 2100股 平均成本29
9988 1000股 平均成本180
3067 200股 平均成本15.9
1024 400股 平均成本120
有100萬現金在手 ,想拎其中30萬再投資股票 ,以上股票需要減持d嗎? 另外建議買咩股票較理想?或者建議投資什麼?
龔成老師︰
首先你要明白,我地唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
近期中央不斷有新政策出台,令大市氣氛轉差,不少股票都出現大幅回調。但我地要考慮地方,唔係佢跌幾多,而係D企業長線質素,有無被影響。
睇翻你老公持有股票,全都都係有質素,而且整體買入價,大致都係合理,都唔見質素上有明顯轉差,可照持有。
但要留意翻,以下幾個重點問題。
首先,較大問題係VICON HOLDINGS(3878),佢主要於香港及澳門提供地基工程及配套服務,此股市值唔高,每年盈利都只是1至2千萬。
這企業唔係話無質素,但始終規模唔大,你預佢股價會較波動,此股不宜太大注。
而且,就算一隻股票再優質都好,我地都唔好太偏重係佢身上,成個組合要平衡。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
現時這股佔組合太重,必需要減持部份,換至其他優質股上。
另外,眾安在綫(6060)、平安好醫生(1833)盈利能力未穏定,甚至係未有盈利。唔係話佢地無投資價值,只係不確定性較高,不宜持有太多,暫時唔好再加注。
最後,你先生而家組合,太偏重左係潛力股(全部持股都係),佢地雖然有增長潛力,同時風險都較高,不宜持有過多。
以你先生40歲年紀,潛力股可佔約4成,餘下應用以下平穏增長股。若你先生投資經驗較淺,潛力股比重,要再調至2-3成以下。到他學到一定投資知識,才慢慢調高。
但唔需要沽出現有持股,只要未來時間,你先生慢慢加大翻平穏增長股部份,去令組合回復平衡,咁就可以。
你現時個30萬和沽出3878資金,可以分注買入以上平穏增長股,它們現價都合理。餘下70萬,我地就等大跌市出現,才去入平貨。
------------------------------------------------
Q22466:
你好龔Sir!唔好意思打攪您,有d投資分配上既問題想請教您。
本人32歲單身,月入月50K,沒有太多家庭負擔。2017年同家人合份於觀塘月華街買一50+年齡頂樓單位作收租投資,用本人一人名下購入,最近租約將到期,
現在家人結婚想自己另外買樓,需要資金,正考慮將觀塘單位賣出同家人分拆,抑或買下家人果一半業權
考慮因素包括:
-本人大部分資金現在壓係股票上大概120萬
-如果買下另一半業權可考慮賣出部分股票定將單位作按揭換取流動資金去買呢
-舊樓頂樓存在滲水甩牆漆等問題,日後長期維修保養手尾多
-觀塘現在正重建,亦都有大型新樓落成,該舊樓單位會否有升值潛力呢
-抑或賣出單位再物色另一個,或換得流動資金買股票好呢
以上希望聽下您意見/建議哦!感謝您!
龔成老師︰
觀塘因為坐落東九,政府計劃將來將東九發展成一個大型商區,附近地區樓價必然有一定支持。
但問題係你間屋已經50+年,又出現較多維修問題。如果保留放租,長線你維修成本,可能會慢慢蠶食你租金回報。
50+年樓本身已經較難做長期按揭,對新買家吸引力都較弱。
而且現時市況,優質股值博率明顯較高。因此,我偏向建議你沽出物業,套現去投資優質股作增值,相信會較好。但現時大市只在合理區,資金唔好盡用,要留少少等大跌市機會。
當然,如果你此期間,發現有質素又超值的旬盤,你都可以用套現資金去投資。
------------------------------------------------
Q22467:
龔sir,睇左你專頁一段時間,遇到跌市,心境比從前平靜多了,可以不用常常看股價,但看到數天的波動,不禁有點擔心,雖然已留有現金待入貨,但手持的股票跌了一半有多,應該繼續持有嗎?
788 @ 1.49
2126 @34.6
2131 @ 9.6
3908 @ 18.9
6618 @ 111
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
中國鐵塔(0788)不是無質素的。始終中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面。
佢現時的收入都增長,盈利都保持向上,但增長比之前略減,加上股本回報率不高,是這股較弱的地方。若分析佢市盈率,會見到現時仍然處較高水平,反映佢雖然股價回落左唔少,但仍然未到平。
這股算是合理價。
這股長遠仍算有發展力,可長線。不過,潛力度比過往略減。如果想組合增長力較強,可考慮上翻D,部分轉其他。
藥明巨諾(2126)、云想科技(2131)、京東健康(6618)都是有風險有潛力類別,這類股,你要有心理準備上落大,不宜持有太多。
中金公司(3908)質素算是不差,增長力都有。
業務包括投資銀行:提供股權融資、債務及結構化融資、財務顧問(包括併購、戰略聯盟及公司重組等)及新三板服務。
以及股本銷售及交易:包括經紀業務及資本中介業務。
固定收益、財富管理服務、投資管理都是佢業務。
佢主要在中國國內經營業務,亦在香港、紐約、倫敦及新加坡設立網絡。
其實佢不是無生意,盈利都有,增長力都不差,可持有。
------------------------------------------------
Q22468:
龔sir, 我係投資新手,之前$380買了1手美團, $290入左1手阿里巴巴,已經跌左3,4成,到底我應該點做好? 唔想止蝕,但我又唔急住套現,但想問你覺得呢兩隻股質素如何 ?
現時投資策略又應該點做?應該分段買入溝貨定係買下其他股票平衡配置風險? 儲蓄還有大概40萬現金左右
如果買入其他股票又有什麼建議?
還是投資美股etf 仲好?
同埋都想知港股開始進入熊市未?
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
美團點評(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理區頂,你一手就守住先,但預佢上落大。
至於阿里(9988),買入價貴,暫時只有守住先,之後會好翻D,但要上翻去,要耐心。
美股港股,最重要是尋找優質股,中資股雖然有政策風險,但如果捉到政策方向,反而可變成好有利的工具。
至於牛熊,現世代的作用已大減,你集中分析「企業長遠質素」就得。
------------------------------------------------
Q22469:
龔sir想請問隻1024快手点睇?本人2OO買入,点解好多股票跌咗多年都冇法升返以前价位?係咪唔識唔好買股票?
龔成老師:
如果投資經驗不多,應該考慮一些較穩健的,例如ETF、港鐵(0066)、恆基(0012)等,快手(1024)是較高風險類,估值好難,所以股價上落大,如果持貨多,可能要減少少,如不多,就守住先。
但佢不是無質素的,佢係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。
快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。
雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。
由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。
簡單來說,企業有質素,有發展。
現價雖然無之前咁貴,但仍未平,可稱為合理區中上部至頂,但短期股仍會十分波動。
------------------------------------------------
Q22470:
老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94(次)之後
存貨周轉日360除0.94=383(天)但系另一份筆本第30頁,顯示存貨周轉日系274日 是不是我計錯左條數,
另外我想問問銷貨收入,系邊一個部份,可以搵到呢條數,唔該哂呀sir
龔成老師︰
你計算係正確,用我上堂教的方法,答案會係383日。而274日係中銀網資料,佢提取存貨價值的模式,同我上堂的有不同。
如果你有留意1,2堂,我都有提翻同學,其實網站有時個計算方法,或者提取資料等,有機會各有不同,所以會出現誤差。
所以,你最好只係作參考。要較精準地計算一些數據,有時係要我地自己動手計算,才可以得出較有意義的數字。
"銷貨收入"一般就係指你個"營業額",你可以係損益表中找到。
------------------------------------------------
Q22471:
龔sir ,最近有件事比較煩惱,現時自住樓已供完,銀行估值約$450萬(河畔花園),小妹一直都想住村屋 可以種植物,又無特別要求那區(工作九龍區),但都想住近d市區。
Sir你可以建議那些地區村屋比較有增值或環境比較理想,和我應該如何做按揭?應該fullpay 或比首期?
龔成老師︰
你可以考慮在沙田區找找,當中都有一些村屋的,相信會較適合你,你可以睇下當地的地產代理。第一,沙田這區我睇好,第二,近你現時的地點,第三,近你九龍返工。
住村屋的人,一般都係希望有較好環境,或者入場費架平的人。你預增值能力唔會高,如果交通較便利和接近市區,會係一個加分位。
但留意買村屋有好有壞的,好處是村屋除了呎價較低外,實用率一般達9成,比較實用。而且,適合飼養寵物或值物人士。
但村屋要注意的事項比較多,村屋不設入伙紙,只有滿意紙,而買入前要確保有滿意紙(因為不少村屋是個別業主自己興建,質素存有疑問,是否有滿意紙都未知)。
同時,村屋可能涉及丁權、地契等複雜問題,甚至有過路費、業權、僭建等問題,買入前一定要了解清楚。
此外,連天台或花園的村屋,要清楚是否入契。
至於按揭方面會較低,一般60%至85%不等,成數不及一般的住宅物業,買入前要預較多首期,更由於成交疏落,銀行估值可能會較低,買入前一定要做估值,而按揭年期最高為25年。
而按揭成數,愈高愈好,因為而家借貸息率低。你應該盡借,再用空出資金去作投資增值,咁會較理想。
------------------------------------------------
Q22472:
龔成老師你好,首先想多謝你一直以來為眾多位讀者解答問題和鼓勵我們,多謝你。
本人37歲,已婚,月入2.8萬,太太月入1萬,每月儲現金$10,000,基金供款共$4000, 其他開支14,000.
基金現金價值70萬,現金儲蓄5萬,股票26萬。(分別阿里巴巴20萬, 中國鐵塔2萬,建設銀行3萬,保利協鑫1萬)
我有幾個問題想問的:
1. 發現基金操控上得不到最大利潤(有大約20%增長),有需要放手兑現,作其他投資嗎?
2. 如果現階段想買樓兩公婆住,又應該如何部署?買樓後,是否不能做到財務自由?
3. 另外父母在內地有物業,想兑現,但疫情關係又唔想親自上去,有什麼辦法作買賣?然後又如何把錢帶回香港?
先多謝老師的耐心解閲,萬分感激。祝身體安康!
龔成老師︰
1) 你可以衡量基金的投資策略,所投資的資產類別、投資策略、風險程度、市場、費用成本、
以及過往的表現(可以睇佢過往5-10年,如果回報係比主要投資市場高,才值得繼續投資)。
2) 其實我地做財富增值,就係儲優質資產。物業都係其中一種。每人都有買自住樓需要,否則就要一直承受租金變動風險。
但如果你要資金盡用,去買物業,就會令你成個財富組合,偏晒係物業類,咁係唔理想。
最好係你用優質股,再累積更多財富。到你可以置業同時,留有一定優質股增值,和每月供樓後,都能留有一定資金作投資,才實行置業大計,咁會可以維持增值能力,以達財務自由目標。
當然,如果你實際生活上,係有必要即時置業,你都可以入市,只要長線肯定係可以"供得起",咁就無問題。
3) 內地物業買賣程序,我無研究。
------------------------------------------------
Q22473:
老師,我個仔剛出世,想幫佢用佢嘅利事錢買隻股票,大約5萬,放十年,有無咩介紹? 謝謝
龔成老師︰
小朋友由於可投資時間長,策略上十分簡單。你可以儲指數基金,盈富(2800)、美股的VOO都得。
若你想增長力較高,可以儲安碩恒生科技(3067)。但此股波動性會較大,要睇翻你自已風險承受能力。
基本上,以你小朋友年紀計,持有以上股票都係可以,但你明白當中風險。
------------------------------------------------
Q22474:
多謝老師之前回覆,我有少少地方唔明想問清楚少少:
(1)我查左個貸款息率大概1.3%左右,最多可以拖長到十五年還,咁我即係應該拖到最長黎還,中間就攞自己既人工去投資,
但係要記得留定一筆錢用黎做後備資金喺需要既時候還款?
(2)估值部分你話「而重點係佢當年有一部分虧損,來自終企業務」咁係咪即係如果做估值果陣見到有個唔尋常既數字,就應該搵番果年既年報仔細睇清楚原因?
(3)如果想用評估表做外國既股票估值有冇乜野特別需要注意既部分?定係同香港公司一樣睇番份年報就可以?
再次唔該阿sir幫忙睇左份評估表同埋詳細解釋!
龔成老師︰
1) 這個利率很低,有一定值博率。還款年期,你用最長15年。
現時大市在合理水平,你獲得資金可分注入市,但要保留3-5成資金。唔係用來還款,而係用來等大跌市時機,去入平貨。而每月還款,你就係每月人工中預留一筆現金,去支付。
至於投資邊類股票,你就睇翻自已投資經驗和風險承受能力。較高的話,可投資"平穏增長股",較弱就投資"收息股",或者你從2者中取個平衡。
例如收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
2) 無錯,這一點很重要。其實你係年報,發現任何異常數字(特別係個數字都大),我地一定要了解當中原因,才可以做出一個穏妥的估值。
3) 大同小異,睇年報都係差不多做法。但當然外國市場和文化,始終都會同香港有所不同,係評估一間企業時,都要多了解數字以外因素,以免決定出現偏差。
------------------------------------------------
Q22475:
你好,龔sir。我現持有︰
中海油(2000股)
小米(600股)
VESYNC 1000股
安碩恒生科技 400股
朝雲集團 500股
現股市不穩定。應減持或增持?謝謝解答
龔成老師︰
你要記住,投資唔好受大市氣氛影響,你要客觀分析。到底隻股票,係下跌同時,佢長線質素有無變差。如果無,下跌反而係造就我地入平貨機會。
你現時持有股票,雖然近期有較大回調,但唔見長線投資價值,有明顯轉壞,你照持有就可以。
VESYNC(2148)有少少潛力的,但不確定性高,不宜大注。
中國海洋石油(0883),質素都算有,但不是最高質類別,佢對油價較為敏感,所以,如果長遠油價向上,佢都會增值的。
雖然佢都有一定的規模及質素,但卻不是最高質素的企業,這是由於佢地的產品自主力較弱。
石油是商品,當中沒有差異性,佢地要將石油賣出,只能跟國際油價,這令佢地處於被動狀態,沒有價格自主的能力,這令佢地的獨特性有限。
這類商品企業,都可投資,但就要明白不是最高質的企業。所以投資時,同樣不宜太大注。
------------------------------------------------
Q22476:
老師早晨,我有34000股互太,均價8.67,轉倉去朗廷1270係咪更具值博率
原因互太是高位入,即使疫情完結,我諗去返高位既機會好低
反而朗廷因為疫情同社運,跌到0.98,疫情後股價更有機會去返疫情前水平(唔係高位)
老師,1448去到$7.03,你係咪會加注?
同埋1448去到幾多先算平?我計合理價係6.4-7.5
龔成老師︰
互太紡織(1382)這股不差的。佢主要從事紡織產品之製造及貿易。
朗廷(1270)係香港持有酒店的投資信託,重點位於亞洲的已落成酒店,現時酒店組合包括香港朗廷酒店、香港朗豪酒店及香港逸東酒店等。
現時股息率計(1270用2019年股息率計),朗廷(1270)值博率係較高。
以上2隻都係收息股,我地持有目的係收息,為自己創造穏定現金流。這類股票,比較適合年長/己退休人士,或者風險承受力較低人士。
如果你係較年青,這2隻股票,都唔適合你。
另外,雖然朗廷(1270)現時值博率係較高,但我地唔會因為咁,就將互太全部換晒去朗廷個邊。我地要做個平衡配置,唔好令成個組合偏重係個別幾隻股票身上。
所以,如果你想投資朗廷(1270)的話,你可以將部份持股,換碼過去,但唔係全部。
福壽園(1448)現價在合理區頂,如果你有貨,建議等佢回多10-15%倒,才加下一注。
合理價你計算都接近,你預大約HKD5.5 - 7.5左右。
------------------------------------------------
Q22477:
龔sir,我係股票班學生,我快速計左一下700既合理價 可以俾d意見嗎
我用7年數據︰
2014 35.93市盈 3.23EPS
2015 39.51 3.71
2016 36.04 4.9
2017 31.33 8.97
2018 40.43 9.46
2019 31.14 10.96
2020 27.42 18.37
我將七年市盈由細到大排 然後計中間三年即係 31.33-36.04,至於EPS果到 應該要點拎好。
因為佢個波幅都大 如果take7年 average 就計到 8.51就係 合理價266-306 好似有啲離地
然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價,計出為 463-533 好似合理d
龔sir, 想問我甘計有無問題 希望可以指教下
龔成老師︰
你市盈率計法,可以就用這個3年數字(31.33-36.04)。
而EPS,由於企業和行業本身,都係近年才快速增長,因此我地會拿近少少,5年平均EPS作基礎會較準。因應佢增長潛力,上調多25%左右。
再加上10%緩衝區(這個課堂有教,唔記得係乜,就要溫翻初班第5堂SLIDE26),合理值大約係︰HKD373 - 547。
至於機構預測,你都可以作為參考,睇下會唔會同自己答案差太遠。如果有太大落差,就要找出原因。
------------------------------------------------
Q22478:
龔Sir你好,最近對於複利有d問題諗唔明,希望你有空可以解答
複利係指一隻股票收到的利息再投資返係同一隻股票,咁如果我哋手動做股息再投資,應該點做?
假設一:
我有一隻A股票每個月月供緊1000蚊,而今個月收到500蚊股息,咁我係將呢500蚊係下個月再加落月供度,變成1500蚊去供A股票?咁我第三個月又變返月供1000蚊?
假設二:
咁如果我長揸緊既股票,並無做緊月供,咁我每次收到既股息應該點做股息再投資從而產生複利效應?
謝謝回答!
龔成老師︰
1) 唔洗咁複雜,你月供金額可以不變,只要另外將新收到股息,再買翻股票,就會有複利效果。但有時個股息不多,你可以儲起先,等有一定金額才再買貨。
2) 長揸和月供都無分別,收到股息先儲起,夠1手,而當時價格又合理,就再買。其實成個做法,都係一樣。
可能你會想問,有些股票佢係零派息,咁係唔係就無複息效果呢?
答案︰唔係。因為除了派息再投資外,企業賺到錢,將這些資金重新投入在業務上,都會有複息效果。
當然我地都要考慮翻,企業不派息,去為本身業務再投資,到底係唔係有更高效益。如果係有,就有投資價值。如果再增值效率不高,其實佢派息,才代表管理層做法理智。
------------------------------------------------
Q22479:
龔Sir你好呀。我有計劃明年年中移民,因稅務問題可能要在離開之前賣清股票,以往一直跟隨龔Sir教既方法長期投資
今年年初自律性低左買貴左新經濟股,所以你見到我坐住左幾隻,現在市況唔穩定,心裡其實有D壓力。所以想問問龔Sir我用咩策略去賣清D股票比較好
Current Portfolio
5 - 1,200 @ Avg 51.25
11 - 300 @ 114.91
27 - 4,000 @ 43.79
241 - 2,000 @ 22.05
285 - 2,000 @ 8.58
388 - 200 @ 190.36
700 - 200 @ 587.69
868 - 2,000 @ 7.79
1211 - 2,500 @ 40.05
1317 - 48,000 @ 2.59
2158 - 400 @ 49.63
6618 - 200 @ 136.58
8083 - 8,000 @ 3.57
9988 - 500 @ 241.3
多謝指點龔Sir!
龔成老師︰
其實買新經濟股唔係唔得,只要你唔係近退休人士,按自己年紀和風險承受力,作出合適配置,咁就可以。
但由於你明年中就要移民,需要清空持股。因此,你現時唔好再入貨,反而要慢慢開始分段沽貨。
唔好等到走個一刻,先一次過沽,因為無人知個陣個市,是好是壞。所以,你要分段咁沽,去平衡價值波動性風險。
你不要著重那一個「賺蝕數」而決定留或賣,是重要考慮質素,上述的股票,較高風險或質素較一般的,要先賣出,例如醫渡科技(2158)、中國有贊(8083),另外,另外的,可以分段去賣。
------------------------------------------------
Q22480:
Ar sir, 近日港股市場下跌好大輻度,科網股還有長線投資價值?3690同9988前景質素如何?
想詢問現時700,1810,3690,9988四隻論值博率,邊隻好?
龔成老師︰
近期受中央政策和大市氣氛影響,不少科技股都有較大回調。但我地要睇翻,這些政策到底對相關科技股,有無造成長遠影響。
美團(3690)和阿里(9988)都受反壟斷政策,造成不同程度的影響。你預中短期會較波動,但長線相信這些企業,適應了相關法規後,會慢慢轉好。
因此,若你有持貨,可以照長線持有。但美團(3690)始終不確定性較高,不宜佔組合太大比重。
至於"輪"這類短炒工具,我唔建議你買。因為中短期股價,受好多因素影響,基本上係無得估。所以,我建議你買正股,作長線投資會較好。
而正股值博率,以現價計騰訊(0700)和阿里(9988)係會較高。而小米(1810)和美團(3690)就相若,但質素上小米(1810)會較好。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有21部Youtube影片,追蹤數超過3萬的網紅Brian Cha Motivation,也在其Youtube影片中提到,呢兩年,香港嘅朋友一定有聽過... 甚至同身邊嘅朋友、家人 討論過呢個議題:「移民」 ⠀⠀⠀ 我當然都遇過朋友問我: 「Brian,你會唔會考慮移民」? ⠀⠀⠀ 我個回答係...「Yes」 但我想移民嘅原因同大部分人唔一樣, 希望各位想移民嘅朋友都明白呢件事... ⠀⠀⠀ 世界好大,生活方式都有好多...
移民顧問課程 在 林佳龍 Facebook 的最佳貼文
踏出光合之行的第一步
~攏係好朋友‧台灣作夥行
這個周六佳龍展開光合公益關懷之行,簡稱《光合之行》,我們把主題稱為「攏係好朋友‧台灣作夥行」。這是在疫情前就有的計畫,因為疫情緣故順延。但我們希望能到台灣各地進行一場正向旅行。
這一年多的時間,台灣跟世界歷經了許多苦難。COVID-19的爆發改變了我們的生活,防疫固然是重要的,但是仍有許多事情需要我們關心。經歷過太魯閣事故,佳龍有許多省思,從中也看到社會許多被關注的面向,我想呼應吳念真導演所說的:「台灣需要一場幫助別人的運動」。
我們的社會經常因為陷入一些紛擾而讓人與人彼此敵對,這些敵對的慣性,讓我們分裂,讓我們爭鬥,也讓我們疲倦。然而,我始終相信,多數人是良善而願意彼此相助的。因此,在思考要透過光合基金會作些什麼事情的時候,我想到了吳念真導演的話。我們從互助的角度出發,尋找光點,彼此聚合,就能照亮黑暗。光合之行與其說是一場旅行,更像是一場運動,一個聚合光源、在呼吸之間行光合作用,彼此分享養分,彼此向上提升的社會運動。
《光合之行》的首站,我們來到了台中和平區達觀部落,拜訪佳龍的好朋友,一位了不起的女性,前台中市副市長-林依瑩。
我想大多數的人都聽過《不老騎士》,或者看過這個紀錄片。如果沒有依瑩,我們看不到這個美麗計畫的誕生,也可能忽略老人家也有夢想這件事情。依瑩曾是弘道老人福利基金會的執行長,多年來她一直投入老人福利照護,連結各行各業有志之士投入其中。因為感佩她的理念,佳龍2014年當選台中市長後,邀請她擔任我的副市長,希望能借助她的專業,讓台中市政府的社會福利能真的幫助到需要的人。四年的日子,我們沒有浪費任何一天,共同提升台中市政府的長照服務、機構轉型還有人才培育。很可惜,2018年,我們沒有連任,很多理想無法繼續。但依瑩不但沒有放棄,更舉家移民達觀部落,繼續投入偏鄉老人福利照護,考取「照顧服務員單一級技術士技能證照」,投入第一線的照護服務,並發展出24小時的照護計畫。
這天,佳龍隨依瑩深入了解她的工作。來到玉山高中,參與培訓課程,也更了解長照第一線的專業與挑戰是多麼不容易。很高興,在她多年的努力下,已經有許多年輕人返鄉投入長照的服務,這些穿梭在偏鄉的年輕身影,我看到了他們身上的光亮,也感受到極大的溫暖。
上午的課程結束,我抵達双崎部落,參與「台灣善種子義工團」為一位阿公蓋房子的計畫。他們利用週末休息時間,到全台灣行善,也助弱勢起厝。千斤重的建材,他們接力搬進山區不喊苦。烈日底下,只見他們分工有序,合力興建,造鋼構、拉水電、釘木板、鑽孔洞、焊鐵片,爬上爬下,汗流浹背,低頭做事。很榮幸,佳龍接受他們邀請擔任義工團的總顧問,未來與他們一起到台灣各地播下善種子。
我穿上蘇亭熒理事長遞給我的制服與工程帽,也跟著他們爬上屋頂蓋起房子。當然,沒有經過專業訓練的我,也只能做點鎖螺絲,釘釘子的工作,但這個付出的過程,讓人覺得滿足。新屋主是一位阿公,他因為遭逢家變,產生酗酒的習慣,脾氣也不甚好,但因為依瑩邀請他加入「友雞計畫」,讓他能投入養雞與賣雞蛋的工作,從中得到成就感,身心狀況也慢慢有了改變,希望這個眾人合力建成的新家,能讓阿公住得開心,走出過去。
在依瑩的介紹下,佳龍也新認識了兩位分別為71歲及81歲的老人家。他們接受氣切插管治療,身體受盡折磨,原以為是不可能恢復正常生活,但是在依瑩團隊的照顧之下,發生了奇蹟,而這個奇蹟被刊登在今周刊的封面故事,他們也親筆簽名送給我,邀請讀者能撥空閱讀(大安溪畔的小奇蹟!https://reurl.cc/R0AQbr)
期間我也認識這個奇蹟的幾位功臣。包含傅華國醫師、鄭文琪營運長、梁娟娟護理師等,聽著他們分享治療與照護期間的過程,我也油然產生敬意。照護是一條不容易的路,除了家人的陪伴,醫療團隊與照護團隊更是奇蹟的最大推手。這是此行最重要的收穫,我們都應該彼此努力,讓台灣的長照服務得到更完整的支持,讓長照服務能更制度化、專業化、人性化。
簡單用過餐後,我抵達依瑩所成立的伯拉罕共生照顧勞動合作社參訪。我時常拿到依瑩送給我的有機健康雞蛋,以及用有機雞蛋製成的蛋捲,原來有些雞就養在合作社的後方,山區裡的空氣好,這些雞看起來更顯自由自在,也難怪雞蛋的品質沒話說,不管是想品嘗雞蛋或想支持他們,都可以上網訂購(http://plahan.com.tw/hen/)
伯拉罕跨專業的整合團隊發展出共生照顧模式,核心是照服員,搭配居醫、居服、社工、護理,還有OT(職能治療師)、PT(物理治療師);此外還有居家打掃與空間美學。未來更希望鼓勵照服員變成「照老闆」,鼓勵年輕人回鄉創業,「現在伯拉罕已經有一半以下是不到40歲的生力軍,這是多麼不容易的成果。在得知伯拉罕的公益送餐服務每個月有近240公斤白米需求,佳龍也代表光合基金會捐出250公斤白米,略盡心意。
最後一站,我們來到「博屋瑪國小」,與比令.亞布校長敘舊,關心學童受教環境。我在擔任立委期間,就積極推動《實驗教育三法》。擔任台中市長以後,有機會關注台中市的實驗教育,因此在任內,推動博屋瑪國小成為全台灣第一個原鄉實驗教育機構。很高興聽到比令校長與我分享這些年的成果,他頻頻感謝這個政策讓學生能得到不一樣的教育環境和成果,但佳龍更要感謝所有投入這個計畫的教育工作者、學生以及家長,還有部落的參與,謝謝你們的相信與付出。
由於和平區山地有許多眼鏡蛇出沒,佳龍從新聞得知有隻名叫「傻瓜」的忠犬,為護主而遭眼鏡蛇咬死,特別請知名燈藝師藍永旗老師製作以傻瓜為原形的花燈,致贈給學校。過去我在擔任交通部長推動台灣燈會籌備期間,和藍永旗老師結下很深的緣分,藍永旗老師百忙之中,得知此事,特別抽空無償趕製,希望學童留心毒蛇之外,也能記得這則在地的溫馨小故事。
這是我收穫滿滿的首趟光合之行,我也希望我們每個人都能為自己規劃一趟光合之行,把助人放在心中,就能充滿正面的能量。成為光,讓我們一起走在光裡。
光合之行的首站從台中出發,陸續將到全台各地,關心偏鄉、長照、農業、地方創生、青年創業、產業轉型、教育、文化與交通和觀光等領域的公益工作者,也是佳龍的好朋友。期待接下來「攏係好朋友‧台灣作夥行」有更多精彩的故事發生。
大家週末愉快。
伯拉罕共生照顧勞動合作社
玉山高級中學 Y-Sun Senior High School
台灣善種子義工團 / T G S V G N P O
臺中市博屋瑪國民小學
銀享全球 Silver Linings Global
移民顧問課程 在 龔成 Facebook 的最讚貼文
【龔成問答信箱】(Q21781-Q21800)
Q21781:
龔sir, 我係你舊生,有關於現金流嘅問題想請教,我偶爾聽到你評論一些公司現金流強,請問現金流強、普通、弱有什麼指標?謝謝你百忙抽空回答
龔成老師:
投資者會分析企業的現金流量表,在年報可以找到的,當中會分為「經營活動」、「投資活動」、「融資活動」3部分,而我地會集中分析經營活動部分。
如果企業的經營活動現金流保持強勁,反映企業憑做生意,持續保到理想現金流,除了反映業務不差外,企業得到大量現金,無論發展,又或派息,都是有利因素。
你預保持年年正數,就是現金流強或普通,而當中的數字大,就是強勁。當然,我地仍有好多因素分析,例如現金流量表的各項目,盈利的情況等。
------------------------------------------------
Q21782:
龔老師你好丫,我係你嘅忠粉,我有問題想請教你的
我現時28歲,剛上車一年,地點係粉嶺聯和墟帝庭軒,買入價係550萬。
想問下黎緊幾年個區樓價升幅大唔大?因為我見附近又有新盤開賣。
我想過幾年轉返出沙田或荃灣的地方住。所以先上車再換樓,咁樣做岩唔岩丫
龔成老師:
坦白講,粉嶺聯和墟始終離市區有距離,就算去翻地鐵粉嶺站,都要坐小巴或行一段時間,長遠的升值潛力不算大。
當然,聯和墟有點似一個小鎮,如果工作地點不是市區,從本身的生活配套上,其實不算差,因此不是劣質。
你擁有一個物業,都算是處於「物業追物業」的狀態,不過選擇物業就不是最好類別,但都不是差。現時你物業,可持有的,到你日後,可轉翻出去沙田或荃灣,無論自住定長遠升值能力都會較好。
------------------------------------------------
Q21783:
龔老師你好。我今年已32歲,一直都沒有理財概念,只係被動地儲錢(即係用剩先儲,但我唔買名牌嘅)。
上年好不幸地被裁員,剛剛搵到工,但人工只剛剛夠食住行+俾屋企人藥錢(年頭驗到有事),差唔多無剩。而我亦只是個文員仔,唔望會加人工,就算搵新工都唔會加到好多。
我嘅人生好似入左個死胡同咁,晚晚臨瞓時都眼濕濕,唔知未來點算。
目前儲蓄只有20萬,深明擺係銀行只有慢慢眨值,想請問有什麼資產增值的方法?
龔成老師︰
現時大環境唔係咁理想,就業市場,以至人工收入受到影響,係正常,唔好諗得太負面。大環境我地係改變唔到,但個人心態係可以改變。
你先要了解自己未來工作發展目標,講緊係長線,10年以上。
再睇翻,現時工作,可唔可以幫你達成目標。如果唔得,那這份工作,純粹只過渡性。你就要工作之餘,努力為你目標工作做準備。
學習相門知識、上相關課程、或者做有關兼職。目標係當市道轉好時,這些經驗可以增加你成功就職理想工作的勝算。
至於財富增值方面,你要一改以往金錢觀念。想做到理想財富增值效果,每月我地係先要儲起一筆錢投資,到真係有錢剩,才作休閒消費,概念是跟你以往係倒轉。
我建議你有時間的話,可以找些增加收入方法,例如兼職、網上小生意等,目的係每月可以開始空出一定資金,作投資增值。
以你32歲,可以選擇一些「平穩增值股」+「潛力股」作投資目標。
到你每月可儲到錢時,你可以每月先用一半儲蓄做月供股票,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
至於20萬,我建議你扣起半年開支和屋企人藥錢。有剩的一半,你可以分注買入上述股票,餘下同樣等大跌市機會。
------------------------------------------------
Q21784:
龔sir你好,我今年年初開始接觸到你呢個Facebook page,好有啟發,慢慢開始改正我投資觀念,仲一次過買左你幾本書希望增加投資知識。
有兩個問題想請教你:
1)未認識你呢個網之前只係靠屋企人一d介紹買入一d股票,所以唔識睇“平貴”同優質程度去揀同買,宜家手上股票組合需要慢慢調整,
其中手上持有696呢隻股票,而且係組合入面都佔左幾多(大概20萬入面嘅5萬)。我睇過你嘅書知道呢隻股票有佢嘅獨特性,但我當時2-3年前嘅平均買入為$21-22,
宜家佢股價一路都上唔返去。我因為某d原因暫時唔可以再投入額外新資金去買股票,可以動用黎買嘅現金只有萬五左右。如果我得戶口入面個二十萬黎增值財富,
咁我應該繼續放係度繼續等待定先賣出部份黎增加現金同買其他股票增值?
2)另外,你係書度提過可以留意係生活之中自己喜歡嘅野同埋身邊嘅潮流黎發掘潛力/優質股。最近香港人都係度談論Viutv/mirror/error,
我都係一份子。請問龔sir點睇電盈前景?我睇過佢地係電視業務之前都仲蝕錢,但已經慢慢開始有改善,如果佢地咁嘅走勢,
會唔會有潛力突破到一直以來嘅“穩定”?
先謝謝你!
龔成老師︰
1) 中國民航信息網絡(0696)係資訊服務及網絡管理解決方案商,目標市場為中國航空客運及旅遊行業。
例如電子旅遊分銷系統、機場旅客處理系統等,過往業務穩定,有長線投資價值,不過不是高增長類。
你買入價有少少貴,但又唔係好貴,可以守。若你係年青至中年人士,這股適合,照持有就可以。但由於佢佔你組合較重比例(個股應維持少於組合15%),我建議你都部份,換至其他優質股,咁會較好。
記住,我地投資股票,就等同你投資緊一間企業,一盤生意。你必需了解佢業務、賺錢能力、行業發展、財務狀況等,才去做決定。
如果你而一刻投資經驗較淺,不懂定平貴。你可以用分注或者月供模式去儲貨,去平衡買貴貨架風險。
現時大市只在合理區,你餘下5萬蚊就先儲起,等大跌市才出手。
2) 生活選股法,係其中一個選股模式。因為這些企業和你生活息息相關,所以你較易了解佢當中營運模式和優勢。
但這只是初級,之後我地就要進一步審視佢本質、行業未來發展、財務狀況等等,才可以決定,是否一間值得投資的企業。
電盈(0008)雖然業務算穩定,但由於負債較多,都有一定風險。
VIU TV最近的確發展不錯,但當你再仔細分析佢年報。你會發現媒體部份,其實佔佢收入比重不高。
因此,就算佢有較理想發展,當整個集團盈利幫助,唔會好大。
這股作為收息股,可以,但增長力不強,若你較年輕,就不宜持有太多。同時負債多有風險,不建議大手投資。現價合理的。
雖然這隻算不上係優質股,但你這個思考模式係正確。只要你再努力學習更具體的投資知識,和累積經驗,相信你長線會有唔錯成績。
------------------------------------------------
Q21785:
龔成老師你好,一家準備移民到英國生活,賣出香港物業後可預計套現800萬。
準備到當地買一層$200~300樓自住,其餘想投資賺取生活費,因為未必會在當地工作,所以需要現金流。
請問:用50%~70%資金買英國樓收租,其餘買收息股好唔好?
如果買收息股,應該係買英國股?還是買港股比較好?
因為對英國股票唔熟悉,只有留意港股,阿sir有無英國收息股推薦?
我見阿sir話個組合要平衡,同一股不能太多,咁一般收息組合應該買幾多隻股票?
(好難搵到太多唔同行業又有6%以上既收息股)例如3988 1398 939 都係銀行業
多謝阿sir解答
龔成老師︰
買入自住物業後,用50%~70%資金買英國樓收租,其餘買收息股架策略,係可以。
但你投資英國樓時,緊記只可以投資一些真正了解的項目,堅守「不認識就不投資」的原則。
確保自已真的已了解當地的物業市場、租務市場、法例、經濟發展。而物業有潛力,租金回報率又理想,咁就可以。
另外,唔好用晒全數資金去投資,要保留一部份現金在手,大約半年開支左右(你可自己按情況調整),以備不時之需。
至於收息股,其實你買美股、英股、港股都係無問題。你只要睇翻你自己的認識程度、交易成本、稅務成本等,去做決定就可以。
我自己主力研究港股,所以比你建議,都會集中係港股。由於現市大市只係合理區,有不少優質收息股,都無6%咁高。
但我地唔會知,未段一段時間,佢地會唔會回到6%以上。所以,我地只可以策略性地,因應平貴,係現階段先入小注入貨。每有回調,再慢慢加注。
但正如你所講,係配置股票組合時,唔好太集中某行業,以免出現過度集中性風險。相同行業不可佔組合多於30%,而單一企業不要高過15%。
特別要留意係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
收息股︰港燈(2638)、香港電訊(6823)、恆生(0011)、工行(1398)、置富(0778)、陽光(0435)、深高速(0548)等,大多有5%股息
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
(你可睇下《50穩健收息股》當中仲有好多)。
最後,你要留意英國係收取股息時,係會抽稅。係計算你實際現金流時,你注意這點,以免高估左實際股息回報。詳細計算方法,建議你上官方網頁,或者向當地稅務顧問查詢。
------------------------------------------------
Q21786:
你好,龔成老師,我今年34歲,獨女,屋企供滿左層居屋市值大概480萬,月入4萬,之前因為種種原因幾乎沒有儲蓄。現時有5萬現金,MPF 30萬,
黎緊每月可以儲1.5萬
1. 希望可以55歲退休,想之後每月有最少2萬現金流,請問我應該可以點步署?
2. 屋企人曾經提出以現有單位再買私樓,但居屋原來不能再按,所以唯一方法就係賣出現有單位再另外買私樓,請問長遠計係咪私樓會保值啲?
老師有冇建議我可以點做?點樣安排會好啲?
多謝龔成老師
龔成老師︰
1) 如果你希望55歲退休時,每月有2萬蚊現金流,以股息率6%計,你需要本金400萬。
你可以用「平穏增長股」 + 「潛力股」的組合,去累積這筆資金。現在你每月先用5成儲蓄,即$7500做月供。其餘先儲起,用一邊月供一邊儲蓄的策略。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
2) 居屋雖然投資價值,一般都遜於私樓,但好處係投入資金較少。可以用空出資金,作其他投資之用。
由於你這間是自住屋,是否配合你長線生活需要,會比佢保值能力更重要。除非你現時自住樓,真係好唔理想,配合唔倒你長線生活要求。否則,我唔建議你沽出。
若你想投資物業,你可以先用優質股增值,到一定金額才買物業投資。
------------------------------------------------
Q21787:
早晨龔sir,我除左月供apple外,頌可以月供咩股票可以做到五年連本賺200萬,月供資金有1萬蚊其實有無咁既機會?
現持有9988兩手、823四手、6618兩手、966三手、BIDU 8手,Apple 26股、JD京東20股,Qcom 21股 美股都係依兩星期內先入手
現持有股票還可行?
龔成老師:
你月供apple,可以,佢有質素,無論持術、發展、品牌、銷售網絡都十分強,是可以長線持有的股票。
佢設計了各種各樣的消費電子設備,如智能手機(iPhone)、(iPad)、智慧手錶等。
而iPhone占蘋果總收入的大部分。另外,蘋果亦為客戶提供各種服務,亦是一些延伸的賺錢模式,如蘋果音樂、iCloud、蘋果電視、蘋果支付等。
由於已經發展得好大,因此,最高速增長期已過,之後會進入穩定的增長期。長遠的投資價值仍在,但要留意股價。近年大部分時間在合理區中上部至略貴的水平,如投資要分注,長線。
至於其他股,都可以持有,基本上都是有質素的。
不過,你較多比例集中在科網類別,這會出現集中風險,你要注意翻。
要5年$200萬,$10000月供,仍未足夠的,你要提高金額同時供其他股。另外,每月仍要儲到基本現金,等機會。
選股無問題,但最好平衡翻個組合。同時,在買入時,要慢慢分注,不要一次過買入太過。要同時留現金。
------------------------------------------------
Q21788:
Sir,其實到水桶3楷段買收息股,基本上長期收息,不會常常買出買入,應該選優質的企業的股息越高越好,你常推介的置富和陽光分別5.7%、6.1%
我見3988中國銀行有7.1%更多,反而很少推介是否有問題呢?
龔成老師:
其實最好是建立一個「收息股組合」,因此,幾隻都得,可同時持有。
但我地在分析收息股時,要同時考慮佢業務,因為業務將會影響佢的股價及股息變動,金融業的不確定性以及內銀的風險,比本地的收租企業,前者風險較高。
------------------------------------------------
Q21789:
龔sir。本人48歲,因健康問題已退休,正準備移民往台灣!有幸在半年前朋友介紹而認識你!
購入你的作品,有股票勝經、年報勝經、50穩健收息股、財務自由行及80後百萬富翁!
想請教,我現持有以下股票:
66 有728股 (在IPO時購入一手,持有多年有碎股!)
178 有6000股 (平均價$1.927)
270 有6000股 (平均價$13.773)
435 有1000股 (平均價$3.48)
778 有2000股 (平均價$6.98)
823 有100股 (購入價$69.9)
1398 有1000股 (購入價:$4.94)
1810 有400股 (平均價:$23.35)
2638 有1000股 (平均價:$7.77)
2800 有500股 (購入價$26.62)另開始月供,每月投入$4000
另有3067 有500股(平均價$17.66
我會繼續購入,還有50萬資金!
1.請問龔sir 我是否買得太多問種類股票?
2.需要整合一下嗎?可以如何優化?
3.另我還想購入9988及0285作長線投資!
麻煩你
龔成老師︰
1) 你現時持有種類和數量,算可以。長線計,組合維持10隻左右,會較理想。
2) 從質素上而言,你持股係無問題,可持有。但由於你係退休人士,投資選項時,我地要保守少少。
你應該較集中係「收息股」類別,因為你退休之後係無收入,需要透過「收息股」的現金流,去支援你的生活開支。
因此,你應以「現金流是否充足」作大前題,去考慮你個財富配置。現時你收息股只有陽光(0435)、置富(0778)、工行(1398)和港燈(2638),唔算太多。
長線計,唔好太集中係幾隻身上,應建立一個平衡的收息組合,包括不同企業和行業,唔好太集中係個別股票。相同行業不可佔組合多於3成,而單一企業不要高過15%。
以下係一些優質收息股,你可以參考下。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
當然,你都可以參考我<50穩健收息股>書中資料。
如果你現有收息股,產出現金流已經係足夠應付你基本生活。你才考慮增持一些「平穏增長股」來增值,好似盈富(2800)、港鐵(0066)、粵海(0270)、領展(0823)、莎莎(0178)等。
否則,「平穏增長股」類持有現貨好了,唔好再加注。
而小米(1810)、安碩恒生科技(3067)這類「潛力股」雖有增長潛力,但波動性太高,唔適合你。現貨可持有,但唔好加注了。
現時大市只在合理區,你可以用多15-20萬,以分注形式入市。餘下的就等大跌市,才用來入貨。
但由於你將會移民台灣,加上你本身身體都有些問題。建議你先預留相關的潛在支出,才開始投資計劃,這樣安排會較為穏當。
3) 阿里(9988)和比亞迪電子(0285)同屬「潛力股」類別,波動性太高,唔建議你投資。
------------------------------------------------
Q21790:
龔成老師你好!本人想請教你有關投資方案 , 本人50歲 , 因市況不景氣, 剛被公司辭退, 待業中 , 家中有兩老需照顧及供養。
本人住公屋, 有積蓄大約25-30萬, 希望老師可以指導如何投資增值, 以維持家庭基本生活.
感激萬分 !! 謝謝 !
本人為基層人士
龔成老師︰
我地做財富增值,係需要因應人生階段、投資經驗、客觀環境等因素,去作出一個配置。
由於你暫時無收入,加上有雙親需要照顧,中短期現金的需求不少。所以我地投資前,先要保障好你生活上無問題,做好防守部份,才考慮進攻。
以你現時情況,我建議你先儲起半年基本開支(包括照顧雙親部份)的應急錢,計好數,真的「閒錢」才開始投資計劃。
你可以用「收息股」作投資目標,雖然佢增長力唔高。但派發的股息,可以為你提供穏定現金流,去減輕生活支出的壓力。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
但要留意,現時股價只是合理,未到平宜。因始資金不要用盡,大約先用一半,以分注形式慢慢入貨,餘下等大跌市才動用。
到你將來工作變得穏定,有更多空閒資金可作投資。你就可以加入一些較有增長力的「平穏增長股」,去提升翻個增長力。
但現階段,你應以維持家庭基本生活為主要目標。故先集中係能提供現金流的「收息股」身上,「平穏增長股」就暫時不要考慮。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
------------------------------------------------
Q21791:
龔Sir,最近我媽媽退休,有一筆$28萬退休金,現想幫她作投資,想請教一下阿Sir
Plan A
$20萬 股票收息股投資
$5萬 作定期或買Ibond
$3萬作後備資金
收息組合
6823 (15%)
1883 (15%)
778 (15%)
6 (15%)
435 (15%)
1038 (10%)
939 (5%)
1373 (5%)
1398 (5%)
Plan B
$25萬,特選客戶優惠
放5年,每年回$6萬,5年後總共得到$30萬
途中如需提出餘下金錢,則不可再累積任何利息,並需收取3%手續費
龔Sir 對兩個計劃有什麼意見?那個較好?
龔成老師︰
整體而言,PLAN A會係較好。
如果想組合更加平衡,可以加入GX恒生高股息率ETF(3110),同時減少你部分15%幾隻股的比例,去到10%,會較好。
因為你不少選股,都有相同類別的情況,例如相同是電訊,相同是房託,長建(1038)與電能(0006)關連性都高。
PLAN A以收息股作為主力,再加入風險較低的Ibond作平衡。而且,整體回報都明顯較PLAN B為高。
當然,PLAN B都有佢好處,就係回報係更有保證。因為始終收息股都係股票,會有一定不確定存在。
你可以在風險承受能力和回報之間,取個平衡,去決定用邊個計劃。
------------------------------------------------
Q21792:
成哥,我今年一月碩士畢業,過多幾個月就黎25,一d工作經驗都無。因為讀書讀得太多,現在覺得早我兩年出黎做嘢d人好似都好好。
我自己見mt第二輪failed左, 覺得好失敗25歲已經輸俾人地同年齡好多。雖然上左你股票班投資有斬獲,但事業上確是0。
突然覺得自己全部都係0,係社會廢物。好想消失係呢個地球。我應該點算。
龔成老師︰
你現在才事業剛起步,一切由零開始,是正常的。
加上現時市道較差,未必可以短間內找到心儀的工作,但唔好咁快放棄。
同時間,如果未能找到合適工作,都唔代表無野做。你可以做些兼職,有收入之餘,可以獲得工作經驗,如果同你本科有關,咁就更好。
另外,你可以有時間,去借書返來進修其他知識。把握現在空閒,去上些有用課程。
保持個人積極態度,無論對你本身或者見工,都百利而無一害。
另外,我建議你加強一些讀書以外的技巧,例如溝通、領導、處事等。記住,無人生來就是廢物,只是你未找到自己的真正價值而已,加油!
------------------------------------------------
Q21793:
龔sir你好,我睇左你本5年買樓4部曲,想請教你
我27歲,老公30歲。2人月入大約$43000。已問銀行話我同老公收入及職業可買530萬樓下的樓按9成都冇問題。
我同老公睇緊灣仔區樓,我地睇左十幾間樓,有間心水單棟樓,賣445萬,中銀估價430萬,匯豐估400萬。開放式實用207尺,間屋四正,但42年樓。打算用首置按9成收租
樓的詳細:
好處:
間格實用四方,多窗
高層(非頂層)向東,景觀開揚有山有公園望,光猛
落樓30秒即到地鐵站(囍匯旁近合和中心)
旺中帶靜,樓下條街唔嘈(唔係對正大馬路及叮叮路)
裝修企理四正,再油油就ok
冇任何滲水情況
廁所乾濕分隔整齊
平路入大廈唔洗行樓梯級
管理費唔貴,平其他單橦樓$400-$500
外牆及大堂已大維修,來緊換升降機都唔洗業主比錢,大廈有盈餘200萬及政府津貼50萬
唯一唔好處:
42年樓齡,現在可按30年,但將來放好難放。
主要想買樓收租,現在租金下降,但都位置方便都應該放到$11000-12000。感覺間樓幾好,就算老左冇地方住係到住都唔差。
我們目標係400萬/under 400成交,都係我地budget內。灣仔20-40年樓齡較貴,而且有啲太近街市。所以比較心宜這物業,只是擔心樓齡老,但灣仔區的樓都係比較老,我需要擔心之後難放售嗎?
我們仲要睇其他樓,希望發現荀盤。感謝sir解答,謝謝!
現在我們同朋友一齊夾租新界私樓3房單位,兩人租樓支出共6300。如冇意外未來5年都會同朋友一齊住慳錢。
另外因為我未來大約5年後可能會quit現在full time社工的工作,想自己做塔羅諮詢師+part time 社工,所以襯現在工作穩定,想先上車然後遲啲放心追夢。
兩個都第一次買樓,希望將來可換大屋/再買多層。這個上車盤可取嗎?
龔成老師︰
若能做到你預期租金回報$11000-12000,租金回報率,勉強算係可以。
雖然位置係唔錯,但始終係偏舊,相再轉手較難。而且維護成本,可能都唔少。再加上,實用面積太細,連一個基本家庭生活的尺寸(約300尺),都未到,都係扣分位。
我明白你策略係先細屋,後大屋。但要這策略成功,其中一個重點位,就係個細屋必需有一定增值能力,至少同大市同步。
你現時灣仔這個納米尺寸的單位,能否做到,我較有保留。
如果你未找到合適單位,其實你都可以用優質股,去先做住增值。加上你未來5年住屋問題,都算解決左。
除非你真係找到租金回報率理想、單位又有質素、價格都可以,才出手置業。否則,你唔需要急於一時。
------------------------------------------------
Q21794:
Sir 早晨,我上佐3堂睇埋80後的百萬富翁,開始有d投資既概念,想幫我媽媽買入水桶3既股票,發現佢原來係好多年前開佐個股票戶口,
當中有1102環能國際同埋1150米蘭站,但一直無理到d股票,雖然佢好彩當時都有買到d水桶3既股票,但原來而家呢2隻股票已經供過好次股或者係合股,
佢手上既貨變哂碎股,量唔多既,分別係500股同2000股,但而家賣又賣唔出,可以點做?
同埋我都想問個問題,劣質股係唔係可以跌破0股價或者負數?如果會,甘會點架?股東會唔會被逼補倉架?麻煩哂你
龔成老師︰
首先,持股數量多與少,係唔係碎股唔重要。我地是否持有一隻股票,最重要係睇質素。
環能國際(1102)年年虧損,無投資價值。
加上核數師意見,每年都是「保留意見」,代表盤數有機會有問題,建議盡快沽出。
米蘭站(1150)質素不太好。
佢每年的生意持續下跌,加上年年虧損,投資價值不高,建議沽出。
劣質股係可以跌到個價好細,但唔會跌破$0或者負數,所以唔會有補倉情況。
你所講的補倉,多數是一些槓桿性投資(例如︰用孖展買賣),才會出現。一般去買正股,係唔會出現咁架情況。
------------------------------------------------
Q21795:
請問9888百度2021Q1業績公佈後最新PE9和預期PE4是怎樣理解?
有時見到靜態市盈率及TTM,又是怎樣。
龔成老師︰
我地一般會成日講的市盈率PE,就係「靜態市盈率」。
[計算︰現時市值,除去最近一年的總純利]
而「市盈率TTM」,係表達現時總市值,相對過去4個季度的純利。[計算︰現時市值,除去最近4個季度總純利]
由於年度數據,只會一年更新一次。故用季度作比對,數據會相對較新,會比較貼近現況。
若「市盈率TTM」比「靜態市盈率」細,你可以理解為,佢近季度盈利能力係有上升。但緊記,我地投資要分析長線和整體,唔好單用這個數字,就下結論。
至於「動態市盈率」,主要係預估本年全年純利。
[計算︰現時市值,除去預測本年度全年總純利。]
由於只係一個預測數字,只宜作參考。
------------------------------------------------
Q21796:
龔老師,你好。本人31歲,月入1萬5。月光族。手上無存款,年供2萬儲蓄,月供1100人壽醫療。卡數負2萬。
無家庭負擔,每月俾3000家用。自己搬出來跟男友同住5年,算普通生活不用負擔。
本身十分在意外表,定期會做facial, 已經維持13年。戶口一有錢就會一筆過買treatment &美容針。每月平均有2000在護膚品。
近期開始留意老師專頁,覺得自己真係井地蛙,原來大家都可以咁有錢。希望以後可以開始投資,但無方向,唔知老師有無好介紹。
雖然有睇到有相似個案分享,但大家都有積蓄... 我一無所有,所以好迷茫。原本有2萬5工作,因為疫情辭退之後,只能搵返1萬5,之前試過有輕生想法,覺得自己30歲人好失敗。
想問下開股票戶口?我應該開邊間?本身自己只有匯豐出糧戶口,但朋友分享話citi bank股票戶口比較好?
龔成老師︰
現時礙於大環境欠佳,其實好多事情都未必可以控制得到。但相信長線,疫情會過去,生活與工作都會慢慢重回正軌。現時艱苦,只係一時,唔好氣餒。
而且,有時這些不利的環境,反而可以激發我地的潛能,造就你的成功。
其實,要做財富增值,唔一定係本身好高人工,或者已有一大筆資金,才可以做到好效果。其實只要你每月有一筆閒錢,可以定期做投資增值,已經係可以。
因為你尚算年青,能進行資產增值時間較長,複息效果會較佳。只要你好好把握時間,努力學習正確投資方法,和每月努力儲錢,相信都可以做到不錯效果。
只要你這刻努力,做好理財,定目標,好肯定你過5年後,會比過半同齡人的財富更加多!
投資戶口,你可以係銀行或證券行開都得,只要佢費用合理,又方便你自己,咁就可以。
你現時還很年輕,儲蓄保險這類產品,不建議持有太多。雖然風險較細,但增長力不高,會拖慢你財富增值步伐,你要自己平衡下。
另外,你要想方法,令自己每月能空出一筆資金,作投資增值之用。
你可以考慮做兼職、做網上小生意,去增加收入。同時間,要睇翻日常生活,有無乜野不必要開支,係可以減少。
到你每月都可以空出一筆資金,就可以進行月供股票,去為自己財富增值。
你31歲,建議你用「平穏增長股」 + 「潛力股」的組合。現在你每月先用5成儲蓄做月供。其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q21797:
啊sir ,我是你的忠實讀者。我希望40歲可以做到有被動收入,不至於退休但可以財富增值。
我初學買股票,而因為老師的書。暫時都有小小的回報,大感謝!
但因為手頭上的股票感覺上太多,之前覺得樣樣都會升,就愈買愈多,有d賺有d蝕。
最近想重整一下,希望可以老師指點指點
手頭上月供︰
2800,2823,788
其他嘅就係︰
1997 ($28蚊入)
1928 ($27蚊入)
2845 (平均 $135入)
286 ($41.8入)
522 ($100入)
2388 ($22.5入)
293 (疫情時膽粗粗6.15入)
以上有好大部分都係因為老師嘅分享而有小賺,感謝
另外有一部分就蝕︰
1810 (平均28.5)
0606 (平均 64)
仲有一堆美股︰
APPL, TSLA, NNDM, ARKK, ARKF
美股收息指數
VYM, SPLG
我知道老師集中講港股,可否指點一下迷津,如何重整一下。
感謝
龔成老師︰
你現時股票數量有點多,而且都偏雜亂。長線最好集中翻10隻左右,會較容易管理。
另外,你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
而且,唔好見個市越升,就越買,咁係好危險。因為市況狂熱時,不少股票個價,都會被炒高,你好易會買貴貨。
如果你對點定平貴,唔係太有信心,未來投資可以集中用月供方法,去減少這方面的風險。
港股中,你持股大部份都有質素,可長線持有。
但愛帝宮(0286)質素較一般,長線換至其他優質,相信會較好。
國泰(0293)同樣質素只是一般。其中一個風險,是油價,睇翻佢過往多年,油價對佢成本影響好大,令佢盈利十分波動,就算佢利用對沖,都唔係好成功,反而試過因對沖而蝕大錢。
另外,航空業對經濟週期較敏感,收入不穩,同時唔算係一個好賺錢的行業,因此這股的質素只是一般。
就算佢重組,得到新資金,只是比佢「捱過這一關」,並不是賺錢能力方面有改善。你想持有都得,但不宜太多。
至於0606,我估你係打錯股票編號,應該是想說眾安(6060)。佢業務都有發展力的,但業務仍有不確定性。
初步睇,企業有發展力的,不過風險同時存在,因此唔建議太大注投資,這股都可長線持有的。
至於美股,同樣大致上都係有質素。但留意Nano Dimension Ltd (NNDM),初步睇佢業務都有吸引力,但暫時未做到收支平衡,風險會較高。投資與否,要自己衡量。
而月供方面,你現時組合已經可以。安碩A50(2823)和盈富(2800)係一籃子優質企業,較有風險分散能力,分配上,用這2隻做重心會較好。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21798:
你好,本人今年40歲, 1家4口, 家庭收入$50,000, 有3層物業 (合共約$2300萬, 己不用供款), 但由於都係細單位, 所以另外租住一間大物業, 暫時收租夠交租同埋夠交小朋友學費。
本人考慮8-10年退休, 想問應如何打算。本人有100萬亞洲債券基金,有約4厘, 另月供約$2萬股票(包括2800, 823, 9988, 388, 2, 1299)
謝謝解答!
龔成老師︰
你現時應透過累積優質資產,去幫自已財富增值。到你退休時,再轉換成收息資產,去創造穏定的現金流,以支援自己的退休生活。
物業都係其中一種優質資產類,除左有升值潛力外,都能提供穏定現金(租金),所以係合適的。
但我地財富組合除左要有增長力和質素外,平衡性都好重要。你現時資產明顯係偏重於物業類,長線你應加入一些優質股,以免過於集中個別資產類別,而產生風險。
因此,你新資金建議優先投入股市,去令成個組合更平衡。
現時你月供組合的股票,都係有質素和適合你。當中阿里巴巴(9988)和港交所(0388)係潛力股,以你年紀,大約佔組合4成好了,否則風險性會過高。
若你投資經驗較一般,或者承受風險能力較弱,再要將比重下調多少少。
現時大市只在合理區,每月資金唔好盡用。最好留有部份,等大跌市出現時,可以用來掃貨。
至於債券基金,坊間分好多種,你要小心睇,因為有d風險低,無乜問題,有d則有潛在的風險,絕對不是保本的產品,有機會出現了「賺息蝕價」的情況。
第一,有些債券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。
第三,不少銀行都會提供借貸,以槓杆去放大回報,以平息借貸去賺取息差。低息環境時間題不大,但進入加息週期,不止借貸成本增加,同時債券價格往往在加息期下跌,雙從打擊下,投資價值成疑。當然,若然加息步伐不快,息差利潤就可觀。
我不是說債券基金有問題,只是說明當中的風險,因為市面上的基券基金好多,你要仔細分析。
------------------------------------------------
Q21799:
老師,你覺得綠置居買唔買得過呀?近排鑽石山綠置居有點兒想抽。但投資價值是否比不上居屋?
而且你本書話黃大仙區投資價值不太高
龔成老師︰
綠置居投資價值會稍遜於居屋,但由於佢定價會比居屋低,故都有投資價值。
今次鑽石山綠置居,位置在鑽石山港鐵站附近,交通十分便利,故有一定吸引力。
雖然黃大仙區,本身人口老化,區內人均收入低,較難撐起樓價,故投資價值不高。但若作為自住樓,都有一定價值。因為佢定價較居屋低,能節省一筆資金,可以用作其他投資之用。
因此,只要佢適合你生活需要,而且有供得起,其實買都係可以。
------------------------------------------------
Q21800:
龔sir,我有些關於前途的問題想問,我現年33歲,現職學校合約文員,月薪萬幾,每次續約會多幾百元的升幅,這份工的優點是返工地點近屋企,
而且放工時間準時和放得早,但近日經過思考後我的目標是將來想財務自由,有自住樓,成為全職投資者,那麼我是否應為了得到穩定收入而投考政府文職公務員,
如果想成為全職投資者條路應怎樣走,謝謝老師答覆
龔成老師︰
我地可以透過投資和累積優質資產,去達至財富自由目標。
但大前題係你要有資金,最少每個月都可以有一筆閒錢,可以用作投資增值。
若你已經有個明確目標,係想做到財務自由,而現有工作收入又較難做到,你就時候作出改變,努力去提升自己收入,為財富增值創造基本條件。
到你每月有一定閒錢,就可以開月供優質股,去累積財富。之後,到有一定資金,就可以加入物業類。當資金累積到足夠數量,你就可以換成收息資產,去創造現金流,支援財務自由生活。
而要做到全職投資者,投資對你而言,不單要係興趣,而且更要成為你強項。若你現時對投資無乜了解,你就要先由一個「基本知識投資者」,慢慢開始提升自己。
你要花大量時間,努力去看相關書籍、睇年報聞、睇新、、上課程,去學習如何分析一隻股票。
到你累積到分析50間企業和長期實戰經驗,你就可以變成一個「有實力的投資者」,以算有做全職投資者的基本條件。
但要突破至最高層次的「真正專業投資者」,已經不單是投資知識的問題,因為要突破,就要擁有很強的分析力、很強的眼光、很強的心理質素。這些要更長時去磨鍊,才會做到。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
移民顧問課程 在 Brian Cha Motivation Youtube 的精選貼文
呢兩年,香港嘅朋友一定有聽過...
甚至同身邊嘅朋友、家人
討論過呢個議題:「移民」
⠀⠀⠀
我當然都遇過朋友問我:
「Brian,你會唔會考慮移民」?
⠀⠀⠀
我個回答係...「Yes」
但我想移民嘅原因同大部分人唔一樣,
希望各位想移民嘅朋友都明白呢件事...
⠀⠀⠀
世界好大,生活方式都有好多種,
每個人都可以選擇自己嘅人生,
而如果你曾經擔心過移民之後,
自己喺香港嘅生意會唔知點好...
⠀⠀⠀
我嘅建議係:將你嘅生意完全網絡化、自動化!
令你無論何時何地都可以有收入...
都可以搵到來自世界各地嘅客戶,
將你嘅業務透過網絡嘅力量... 擴展到全世界!
⠀⠀⠀
想知道點先可以建立成功嘅網上生意,
立即參加 Unlimited Sales Machine LIVE?
⠀⠀⠀
https://www.briancha.me/usm
⠀⠀⠀
我會喺呢個大型網上銷售特訓入面,
史無前例咁揭露我同我嘅團隊係點樣...
喺短短幾年間將公司年收入提升到 9 位數字!
⠀⠀⠀
? 名額即將爆滿... 快啲行動,唔好錯過呢個機會!
⠀⠀⠀
#BCM #briancha #motivation #success #business #mentality #mindset #coaching #consulting #usmlive #usm #unlimitedsalesmachine #live #event #sales #team #life #motivational #onlineevent #goals #Legend #impact #entrepreneur #sme #strategy #leader #leadership #entrepreneurship #management
我有一個網上銷售特訓演講會,
可以啟發你用新思維嚟經營生意:
⠀⠀
立即參加 Unlimited Sales Machines LIVE?
https://www.briancha.me/usm
⠀⠀⠀
#BCM #briancha #motivation #success #business #mentality #mindset #coaching #consulting #life #motivational #onlineevent #goals #Legend #impact #entrepreneur #sme #strategy #leader #leadership #entrepreneurship #management
.
.
.
Brian Cha 車志健是一位擁有超強影響力的人物,以及亞洲其中一位最著名的演講家。Brian 創辦商業顧問事業,其學員遍佈全球 30 多個國家和地區,每月接觸人數超過 5 百萬人次。
►Facebook : https://www.facebook.com/BrianChaMotivation
►Instagram : https://www.instagram.com/brian_cha/
►Website : http://www.brianchamotivation.com/
►Linkedin : https://www.linkedin.com/in/brianchamotivation
►Podcast : https://www.briancha.com/podcast-links
►Email : support@brianchamotivation.com
![post-title](https://i.ytimg.com/vi/UJnlmndiQ4E/hqdefault.jpg)
移民顧問課程 在 果籽 Youtube 的最佳解答
|催乳師|產後乳房硬似警鐘患產後抑鬱曾想抱子跳樓 學做催乳師幫助產後媽媽:大家焦點只放嬰兒身上
「睇人餵(母乳)好似好簡單,塞BB個頭去媽咪個乳房就食到,但原來唔係咁。」香港催乳中心創辦人嚴美艷(May)是兩子之母,每次產後都飽受餵哺母乳之苦,令她決定開催乳中心,令其他產後媽媽不用步她的後塵。
三十九歲的May現時對於如何餵母乳得心應手,考過國際認證泌乳顧問(IBCLC)的證書、也去過印尼學紮肚,現在正在修讀泌乳顧問課程。但她自己兩次產後的經歷,卻一點也不容易。
https://hk.appledaily.com/lifestyle/20210421/GDREUDHY7FH5HGOOVTLV5XIWXE/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#催乳 #產後 #乳房 #抑鬱 #紮肚
#果籽 #StayHome #WithMe #跟我一樣 #宅在家
![post-title](https://i.ytimg.com/vi/PNq8nZEt1dk/hqdefault.jpg)
移民顧問課程 在 果籽 Youtube 的最讚貼文
|街頭棟篤笑—麻甩佬上棟篤笑班學搞Gag 自組「笑旅時代」取悅港人:上到台就預咗俾人笑
「大家好,我們是笑旅時代!」四個大男人,竟借用韓國女子組合之名作自我介紹,的確令人會心微笑。這四個故作幽默的男人,參加了棟篤笑速成班,「滿師」後更組成四人組合,希望以笑話為遭受疫症打擊的港人帶來一點歡樂。
「我們都喜歡棟篤笑,恰好在網上看見陳樂添導師創辦了棟篤笑課程,名叫『笑住學棟篤笑』,便姑且一試。」Matt、Indome、Henry和Kinder相識於去年2月的棟篤笑速成班,四人分別從事理財策劃顧問、商務拓展人員、公關顧問及健身教練。參加課程原只希望在公餘時間自娛一番,中年夢一場,豈料越學越上癮。學成之後便組成四人棟篤笑組合,到不同的場地及中小學表演。
https://hk.appledaily.com/lifestyle/20210221/NU3P2XTW6ZFG7IG5VPLARKGMPE/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#棟篤笑 #中佬 #男子組合 #笑話 #搞笑
#果籽 #StayHome #WithMe #跟我一樣 #宅在家
![post-title](https://i.ytimg.com/vi/MpZ3RqPmt_k/hqdefault.jpg)
移民顧問課程 在 搵錯移民仲介隨時損失慘重?其實香港根本沒有「註冊移民顧問 ... 的推薦與評價
![影片讀取中](/images/youtube.png)
很多人移民都會考慮使用 移民顧問 公司的服務,也會從各大平台接觸 移民顧問 公司廣告。某些公司標榜自己是「香港註冊 移民顧問 公司」 來增加自己的誠信度 ... ... <看更多>
移民顧問課程 在 Tanson Migration 俊傑移民顧問 的推薦與評價
Which course is right for you ? 澳洲共有43所大學分部於8大州。澳洲升學選擇多而靈活性高,除了許多高等教育課程外,也有很多教育機構提供 ... ... <看更多>