還是恨鐵不成鋼嗎 ?
Why not 彼可取而代之？
新世代要反思的係自己企圖兩邊不開罪的問題，
這樣下去，明天的世界不會是你們的，
一如 陶君行蔡耀昌劉世良蔡子強，曾經係泛民新世代，
又如 陈景輝葉宝林朱光偉黃浩銘 等80後， 曾經令我的充滿希望的新一代啊，
如今 ?????? 思维方式老餅過馮檢基了， 全因為泊了黎党碼頭，養尊處優，都统一思想了。之鋒及你們還遠嗎 ?
無啦啦扎醒，都要講兩句。
喺事前，識我嘅朋友，私下都講過我完全唔睇好人哥選情，因為我地啲票已經再催唔返出來。可以分幾個原因：
1. 泛民係要畀懲罰（呢個係泛民死忠同冇諗法冇票嘅人以外一致共識）
2. 好多人已經對政局失望到極點
3. 我地打慣比例代表制，已經返唔到去單議席單票制
4. 民主派組織經營不足，形象已經嚴重落後。
不幸中之大幸：
1. 只係比姚松炎流失左12000票，比我想像中少
2. 李卓人+馮檢基得票少過陳凱欣，少左班盲毛係咁賴𠝹票論，冇人好賴
大形勢大氣氛下，好似有利民主派，但實際係完全不利嘅。派李卓人出來，其實係唔適合人選，落區就知道架啦，只係大敵當前，我地都要放低唔講，打左仗先。
人哥喺工運同議會其實有重要嘅貢獻，冇人可以否認到佢過往喺工運同議會嘅工作，但佢真係政治包袱太大，傷痕纍纍，太易畀人攻擊。議政經驗豐富係優點，亦係缺點。出元老，都係因為大家對佢有信任，可以壓住一啲不必要嘅人選糾紛，同埋大家都可以接受、妥協嘅人選，又覺得似係會贏到嘅人，呢個係人哥江湖地位同功力嘅彰顯，但某程度其實都唔係件好事。
今次選舉，咩選舉策略、樁腳出唔出齊票、有冇人放軟手腳，抑或咩屌票、焦土、白票呀，根本都唔係要檢討嘅野，呢啲都全部係無關痛癢嘅事。真正問題，係到底點樣做好整盤嘅抗爭策略，令到人心可以回歸、團結，走出低谷，令到唔同光譜、年齡可以重新互相理解、溝通同合作。當然，最好時機其實係311，但今日已經好難返到轉頭。成件事，最需要改變嘅係心態，唔好再高高在上啦，個啲民主派Good Old Days，派西瓜掛民主派牌頭就贏嘅日子已經一去不返啦。改變心態，將民主派啲劣習、惡習全部掃走，面對過往做錯嘅事，交代清楚，對歷史錯事負責同道歉，先有方法重新輕裝上路。
呢篇文章，可能好多人睇完都唔舒服，心諗：車，點解唔一早講。又或者，質疑我喺度破壞團結。上次補選，我輸左初選，係我完全要負責嘅問題，我連初選都贏唔到，冇資格話人。但今日處境唔同，冇人覺得我呢幾年會選（呢幾年都選唔到啦），官司開始都半隻腳入監房，咁咪講野大聲啲。而家民主派唔係需要咩自我慰藉，而係要痛定思痛，內部多啲有善意而具批判嘅批評，大鳴大放，同時面對住自己做錯嘅事，要負上應要負上嘅責任，唔好再避而不談，先可以重新出發。
呢十年參與社運期間，見證住民主派中興同衰落，我心入面有傷心、憤怒、失望嘅感受，偶爾都會有喜悅同滿意嘅情況，但呢幾年肯定係負面情緒比較多。我諗唔單係我，唔少戰友、普通市民都會咁諗。民主派輸選舉，唔一定係壞事，陳凱欣都只係近兩年任期，咪畀親中派試下喺議會全面控制，搞左啲乜出來，但更重要係，民主派到底知唔知點解愈選愈少票咁輸。
本土好、焦土好、白票好，佢地所有人都曾經走上街頭，本身好多人都試過同民主派坐同一條船，但點解佢地離棄民主派，就係因為太多民主派口是心非，表裡不一，表現、言行都令佢地失望，所以令佢地唔再信任泛民。我地幾時照顧好佢地感受？有冇諗過而家係發生咩事？
好，要檢討，就自己檢左先。喺呢幾年嘅運動入面，其實我有時都幾迷失，搞搞下又唔知自己想點，表現有時令好多身邊嘅人失望，甚至覺得我有私心，令到有好多人無法信任我。喺度，要同大家致歉，因為好多事都係我一手一腳摧毀人地對我嘅信任，做人唔夠坦誠，做事太過馬虎。初選輸左之後，其實我足足唔理事個幾月，頹到去極點，覺得做錯好多事，辜負左好多人努力同信任，唔識面對外面嘅人。去到而家，先叫稍稍好啲。
我好希望民主派中人可以放低歧見，藉失敗檢討自己，唔好再令親者痛，仇者快，同唔同光譜、世代嘅人坦誠相待，消除仇恨同隔膜。團結、信任，知易行難，但我仍然相信仲有可能。有啲膠同天真，但做人就應該係咁架啦。
太夜，打到有啲1999，請見諒。其實冇咩好沮喪，聽日又係新一日。晚安。
程凱欣年齡 在 新城電台節目【人生馬拉松】歐海健校長跟梁智鴻醫生及程凱欣 ... 的推薦與評價
新城電台節目【人生馬拉松】歐海健校長跟梁智鴻醫生及 程凱欣 小姐分享明愛胡振中中學的教育理念，談談在一所學生來自17個國家及地區的中學， ... ... <看更多>