喺屋企整膶牛麵💛 #空肚講宵夜
空肚講宵夜牛扒 在 梁祖堯 Facebook 的最佳貼文
空肚講宵夜牛扒 在 貝貝Alice-小寶貝夢遊日記 Facebook 的最佳解答
「石垣旅行～day3: Vanilla Deli食超juicy和牛漢堡、竹富島觀光：坐水牛車、踩單車、西棧橋，kondoi beach、fusaki beach 睇消失的日落、超好氣氛嘅居酒屋「一魚一會」，coco咖喱宵夜」
Vanilla Deli食和牛漢堡
無記錯今日又係懶瞓到差不多12點左右先出門口，老公已經熟路到唔駛睇地圖都識去啲地方，佢話黎黎去去都係同一條路🤭，大概12:00我地就到咗餐廳，裝潢係一間美式快餐店咁，咁早就坐滿晒，然後等候時間寫住50分鐘⚠️吓，食個漢堡都要等50分鐘？😦一心以為佢拋窒下人，等唔好咁多人等位，點知等了又等，又真係等咗差不多50分鐘！🥶日本人真係好慢功出細貨，如果係香港開漢堡包舖要等50分鐘，間舖應該執咗笠🥴
1:Special burger，薯條跟沙律 ～ 餐牌唔見有得點，咁啱老公喺cashier果個位見到，寫住amazing taste，就叫咗一set～嘩！確係好食好juicy，塊麵包都唔係cheap野果啲，類似麥包咁款但好好食，個醬都好好食，但我唔肯定佢係沙律醬定芝士，總之好好味，兩層肉好juicy，食唔停口！
2:Bacon and cheese burger跟沙律～因為我地唔識日文，見佢分開兩個價錢，老公唔識就揀咗平啲果個，食落都好食，但係又未去到嘩一聲！後尾我地喺度諗，可能貴價錢啲果個係用日本和牛？因為我之前睇介紹話好似呢度特色係食和牛漢堡～
3:好似係吉烈豬扒飯～叫俾貝貝食嘅，貝貝食咗好多呀，可能因為啲汁撈飯好好食，仲有少少菜有蛋有肉有薯蓉，貝貝餓到連塊沙律生菜都想食😂不過到貝爸食果陣，佢就話麻麻地，可能因為有汁嘅飯都俾貝貝食晒
竹富島觀光
食完漢堡去到碼頭，最後搞到成2點先有船搭，點知原來尾班船係17:30。好彩只需要搭十分鐘就去到竹富島，貝貝一見到船就好開心唱row row row your boat～
不過提醒大家，黎呢個島唔好帶bb車呀，因為預咗搭水牛車同踩單車嘅話，都用唔著又唔知可以放佢去邊！除非你全程都諗住行路。
竹富島觀光：坐水牛車
咁我地事先無買package ，一落船就聽指示去左邊搵水牛車嘅接駁巴士搭，好彩仲有一架係有空位俾我地上車，如果遇著人多，可能要一早喺碼頭或網上買package留位。搭咗5分鐘車，就去到水牛車reception，買飛跟住聽叫名就可以上車啦！好可惜我地霸唔到頭位呀！如果可以坐前面，望實隻牛拉車會好啲，好在後面都有水牛車跟住，我地就不斷向前向後望下隻牛，貝貝呢個時候都俾我地叫醒咗，佢好驚訝咁話：「oh! moo moo!cow!」其實水牛車無乜特別，都係車你繞下個島，而且導遊係講日文，我地係完全聽唔明，四周啲風景同我地踩單車嘅路線係一樣，勁似迷宮，不過佢會喺尾段拎個三味線彈奏，幾有feel嘅，當係一種體驗。一場黎到，又帶住貝貝點都要試下，比佢見識下咩係水牛！不過有樣野我都睇得有少少唔舒服，就係隻牛成日行行下好似攰到郁唔到， 成日都停低，咁個導遊又成日鞭佢😖又曬又熱，架車又重，我覺得佢好慘...不過水牛真係勁嘅，唔洗帶路佢都知幾時需要轉彎，行邊條啱嘅路...
竹富島觀光：踩單車
跟住我地去租單車，當時已經係15:30，點知佢話16:30要還車😑我地實在太晏先去啦，雖然聽人講個島好細，但係都搞到成個行程十分之趕，每個地方去到只可以影幾張相就急住踩去下一個點。而租車方面，有電動單車揀，爭1000yen，我就踩普通車，貝爸就同貝貝揸親子電動車，起初我又好驚貝貝會唔肯坐同跳車，點知佢地兩個踩得勁開心！貝爸話好青春好有戀愛嘅感覺喎😪！我係後面睇到佢地勁溫馨...
第1站我地就去西棧橋，原來d路都幾難搵，入面成個迷宮咁，一唔小心睇錯就行錯晒，好彩我地都有停低問咗人先繼續行，跟住沿路都有d小指示…
竹富島觀光：西棧橋
條橋其實無乜特別，不過睇個海景非常之靚靚靚，漸變藍藍綠綠咁，海底好清，不過太大風，我地又好趕時間，影咗幾張相到此一遊就出發去下個景點…
竹富島觀光：kondoi beach
好大個沙灘，d沙幾幼，不過貝貝仍然係死都唔肯落沙😂我地有踢下海水，我可以形容為冰咁凍！如果係夏天同埋有時間，真係好想舒舒服服坐下，聽下海風聲…好舒服
時間關係都係去唔到星砂濱，聽說果度有一粒粒星星形狀嘅沙（其實係昆蟲的屍體）不過買水牛車飛果時每人都有送咗一包，就當自己睇咗啦。
跟住去還單車，去郵局寄postcard，再去食咗杯雪糕，就完咗我地竹富島之旅啦，如有機會再去，真係要早d早d早d起身出發呀！我好想食果間刨冰都食唔到。
見差唔多日落時間（天文台寫 18：15），就諗住去著名睇日落嘅地方，fusaki beach！其實佢係fusaki hotel 入面，但佢個沙灘係對外開放，點知我地去到無晒位泊車，因為貝貝瞓咗，我就同貝貝入咗lobby 等貝爸泊好車先出去，當時仲見到個太陽架！點知貝爸返到黎18：00，我地就行出去，點知個太陽落咗山啦😑見到呢個現象，我地係完全呆咗😂激鬼死…所以記得要早d去，世事真係那可完美呀？唯有周圍行下欣賞下呢間酒店，真係好大好靚，之前都想book呢間酒店住，不過新翼太full book唔到！希望有機會住下呢間酒店！又有沙灘又有泳池～
居酒屋「一魚一會」
呢間我都係用visa 白金秘書訂枱嘅，佢話遠處有免費停車場，不過我地唔識路搵唔到。石垣嘅居酒屋好多都批准食煙，我地隔離轉咗2張枱嘅人都係煙駁煙，聞唔慣煙味嘅人真係坐得有d辛苦，大家要慎重諗下接唔接受到。
今次我地被安排坐塌塌米，但係佢都有bb櫈，所以貝貝食野時都坐得好舒服！呢間餐廳d野都好好食，魚生幾新鮮，啲款特別，和牛炒飯貝貝食咗好多碗，好食到要成碟拎黎筆…仲有貝貝真係勁鐘意食海葡萄，佢成日偷偷食完一條又一條…
呢度氣氛又係超好，大叔出黎唱咗2次歌，跟住員工會一齊唱帶住大家一齊跳舞，貝貝又係勁開心，係咁跳，仲要跟住唱😂😂成日亂入😂氣氛仲好過上次舟藏之里，大家都勁投入勁high！唱到d人要叫encore😂叫埋d員工做主唱，超難忘的一晚。不過貝貝又係人地唱唱下嘅時候痾poo poo🤦🏻♀ 明明大家好開心跳緊舞，佢就無啦啦停晒手腳，自己企係中間谷屎😂
後尾返到香港，我再俾d video 貝貝睇，佢一睇又係勁開心，係到唱！
coco咖喱宵夜
跟住我地去左藥妝店行左陣，貝爸又話肚餓😑今次選擇左去coco咖哩食，不過貝爸話唔好食，貝貝就坐側邊食飲吱吱啫喱…
下篇會介紹第4日行程，fusaki beach、泳池、雞白湯拉麵、荒山野巔BANNA PARK 玩屎忽會開花嘅sir 滑梯，encore 美崎牛
1Y10M11D
——————————————
重溫：
「石垣旅行～飛機篇」～https://www.facebook.com/permalink.php?story_fbid=557784531648890&id=155831361844211&__tn__=-R
「石垣旅行～day1：美崎牛燒肉、入住art hotel、birthday、舟藏之里居酒屋，驚安Donki行街」～https://www.facebook.com/permalink.php?story_fbid=558567868237223&id=155831361844211&__tn__=-R
「石垣旅行～day2: 麵屋八重山style、Dolphin Fatasy親親海豚、公設市場買手信、食著名雞蛋布丁、石田屋品嚐石垣牛」～https://www.facebook.com/permalink.php?story_fbid=560364568057553&id=155831361844211&__tn__=-R
「石垣旅行～day3: Vanilla Deli食超juicy和牛漢堡、竹富島觀光：坐水牛車、踩單車、西棧橋，kondoi beach、fusaki beach 睇消失的日落、超好氣氛嘅居酒屋「一魚一會」，coco咖喱宵夜」～ https://www.facebook.com/permalink.php?story_fbid=561161031311240&id=155831361844211&__tn__=-R
「石垣之旅～day 4: fusaki beach、雞白湯拉麵、刺激到爆炸的小朋友天地BANNA PARK，encore 美崎牛燒肉」～https://www.facebook.com/permalink.php?story_fbid=562118027882207&id=155831361844211&__tn__=-R
FB: 貝貝Alice-小寶貝夢遊日記
IG:bowl_lam
記得讚好我地 Page 之餘，仲要 Set 做搶先看呀～
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活
