又是多年前的舊文。
————————————
【今夜像霧像雨又像風,不妨卿卿我我】
回到90年代,有唱片公司為了宣傳自己的歌,可以向電視台買一個晚間時段狂播自己的歌。
1.因為這個時段(也因為我當年仲有持續地開電視),我識唱一首歌。
2.今夜的星光燦爛,那半醉一雙眼,透過了友誼界限……
3.林帆《今夜》。一首你明明冇買碟但都應該識得哼頭幾句的歌——唔只識唱,甚或仲好記得個MV:某夜,隆重地著上冷衫乙衫的林帆,在一個沙灘緩緩步行,離奇是沙灘上早就布下了一個由唔知邊個布下的Blur Blur哋燈光陣(Blur是鏡頭效果),而更離奇是,鏡頭突然閃出一條友,著住件Tee,恍如體操選手般過度活躍地跳嚟跳去再打埋斛斗,看得(著住冷衫的)林帆好不興奮,而更更離奇是,這時林帆竟然坐在一張相當歐陸味的床上——Who擺這麼一張床在沙灘上?唔重要,重要是一班幕後創作人為了營造「今夜的星光燦爛那半醉一雙眼透過了友誼界限」這淒美意境,真的苦心孤詣地,做咗好多嘢,擺咗好多Props,也應該使咗公司唔少錢……
4.但真正使錢的是,一間唱片公司為了推廣旗下歌手,是可以向電視台買一個時段,晚晚播幾首歌,持之以恆地播播播播播播播播播到我事隔多年依然識得唱《令夜》,兼背得出個MV。
5.那間唱片公司是飛圖,只是我們大部分人都慣咗口叫佢「飛圖卡拉OK」——在那個未有電腦揀歌再幫你換埋碟的年代(而是有個膠File,攝滿寫著密麻麻編號的紙,你想唱邊首,就唔該根據張紙去櫃枱攞相對應的LD,所以不是揀歌唱,而是揀碟唱,為慳時間惟有成隻碟唱晒),我們去唱K(當時會好隆而重之地講「去唱卡拉OK」,恍如沒有「卡拉」,成件事就冇咁OK),走唔甩,一定唱過飛圖卡拉OK之出品。
6.我尤其欣賞那些為拍而拍的MV。A歌手明明不是飛圖門下,飛圖為了製作A歌手某首作品的卡拉OK版,是會專誠請幾名Model仔或演員仔(有些在好多年後真的紅咗),專誠拍一個MV,MV仲會盡量嘗試配合歌詞內容,從中你會看見一種近乎偏執的認真……也有一些,冇人的——嚴格來說應該是冇一個特定的人,因為成個MV就是齋拍世界各地美景,讓你唱歌之餘眼睛想旅行,一首MV,N種感受。
7.然後,飛圖也有屬於自己的歌手。例如梁雁翎。有一個秘密,咁多年我都冇話俾同學和老師知——我.愛.梁.雁.翎!我由衷地覺得梁雁翎好靚!OK你可以話佢娘,但「靚」和「娘」,是兩種不相關而又可以並存的性質,一個人自然可以靚得來完全唔娘,但娘,同樣也掩蓋不了一個人的靚……但當年的我未讀過亞里士多德,不知道以上道理,以致當同學們話佢娘時,我只能(揞住良心)附和……現在不同了,我已經唔使理班同學,可以大聲講:梁雁翎好靚呀!《像霧像雨又像風》好好聽呀!《你怎麼說》仲好聽啊!同蔡濟文合唱的《慢慢地陪著你走》亦好動人呀(當年我幾咁想邀請女同學L跟我合唱,無奈一直不敢開口……)!
8.當然,還有卿卿。她真的能夠用聲音,演繹出一種唔係你話扮就扮到的性感淒怨 & 風情;當大家只記得她的《擋不住的風情》,《卿卿我我》才是我的卿卿首選。
9.Yes,這就是90年代初的香港樂壇。你可以去迷天王天后,可以去愛純情玉女,可以去捧位置二三線但歌藝相當一級的男歌手,也可以好似我咁,晚晚臨近午夜開電視聽卿卿林帆梁雁翎(而又唔使話俾同學知)——你有得揀,因為真係有得俾你揀。
10.為求懶係首尾呼應,且讓我用《今夜》副歌作結:今宵方知往日孤單,期求明晨夢幻不散,過去欠你現在奉還~~
同時也有2部Youtube影片,追蹤數超過3,200的網紅咪卡Mika,也在其Youtube影片中提到,------------------------------------------------------------------------ 如果喜歡我的影片 可以按下訂閱~ 請幫我按個 👍喜歡👍 大家若有任何想法或建議 還請各位不吝指教 💕留言💕給我哦 Instagram:https://w...
「突然好想你歌詞」的推薦目錄:
- 關於突然好想你歌詞 在 月巴氏 / Work Super Guy Facebook 的最讚貼文
- 關於突然好想你歌詞 在 Facebook 的最讚貼文
- 關於突然好想你歌詞 在 葉朗程 Facebook 的最讚貼文
- 關於突然好想你歌詞 在 咪卡Mika Youtube 的最佳解答
- 關於突然好想你歌詞 在 馬嘉均 Mason Ma Music Youtube 的最佳解答
- 關於突然好想你歌詞 在 五月天突然好想你歌詞版 - YouTube 的評價
- 關於突然好想你歌詞 在 MAYDAY 五月天[ 突然好想你Suddenly missing you so bad ... 的評價
- 關於突然好想你歌詞 在 突然好想你- 五月天- 『超高无损音質』【動態歌詞Lyrics】 的評價
- 關於突然好想你歌詞 在 好想你歌詞2023-在Facebook/IG/Youtube上的焦點新聞和熱門 ... 的評價
- 關於突然好想你歌詞 在 好想你歌詞2023-在Facebook/IG/Youtube上的焦點新聞和熱門 ... 的評價
- 關於突然好想你歌詞 在 突然好想你-日文版- 稻村壤治/George Inamura 的評價
突然好想你歌詞 在 Facebook 的最讚貼文
《Megahit》感想🤌🏻
好記得第一次聽哩首歌嘅demo version時,我腦海裏面岀現咗「派對」、「開心」兩個term。同時間有另外一隻demo都好有party feel,但始終都係畀哩一隻句”Uh-oh Uh-oh Uh-oh”吸引咗,所以最後就揀咗哩首。
首先要感謝 Wyman @concertyy 參與今次填詞🙏🏻一直好期待哩一份詞!同Wyman傾過幾次哩首歌嘅架構同主題,好感激Wyman你對我嘅耐性同「心軟」,可以keep返「Uh-oh Uh-oh Uh-oh」、「Boom Boom Boom」、「Bang Bang Bang」幾句歌詞。(問你可唔可以keep哩幾句嗰陣其實好心虛😆因為覺得原因係「想排舞排得有趣啲」好似有啲過份😅)感謝你遷就我而創作左哩一個關於人與人之間嘅衝突同溝通嘅主題。每次我對份歌詞有疑惑,你都好有耐性同我逐一拆解。好享受每次同你嘅溝通🙏🏻多謝你!
感謝Edward @edwardmusicproduction 同背後團隊好多晚嘅努力。今次Edward喺幾個session之中幫我搵咗好多次屬於哩首歌嘅聲線。雖然錄音嘅時候未開始排舞,但Edward不停叫我想像我喺演唱會表演哩首歌會用咩感覺,我腦海想像嘅係「玩味重」、「自信」同「隨性」。每一首跳唱歌都會同Edward back and forth一齊討論mixing,今次都唔例外,感激Edward你嘅耐性同心機,每次錄音有你都格外安心🙏🏻
之前同大家分享過,哩首歌遇到嘅挫折同煩惱都唔少,我曾經因為哩首歌而感受到「壓力爆煲」四字嘅真正感受😆 原因就唔多講啦,但所以更加要好好同導演阿水 @waterchan10 同Alan @kubricklo 講聲多謝你地🙏🏻 辛苦你地要喺幾日之內準備好場地、攝影團隊、道具、Dancer服裝等等。感謝你地對Vintage theme嘅Art Direction堅持,先有依家大家睇到咁靚嘅畫面。 @eyeeyestudio
然後要多謝花姐 @ahfa0908 幫手一齊諗storyline。記得有一晚喺車,我突然諗起平時去開嘅油站,我就話:「不如我哋去油站拍啦!」而今次想同之前嘅跳唱作品唔同,所以整個storyline就從一個戇直而大頭蝦嘅油站見習生角度岀發,延伸成個故事。MV裡面每一個情節都係我地亂打亂撞、亂講出嚟,但又要同「碰撞、衝突之下可能有新結果」有關,所以都諗到好頭痕。點知講講吓,越講越大,好多位又好似幾通😆💪🏻就confirm咗成個plot~ 但最繁複嘅步驟就係要逐句逐句度好每一句歌詞嘅shot係拍緊咩,確保有足夠秒數去表達劇情,淨係咁都度咗幾個鐘🤣 辛苦團隊一齊坐咗幾個鐘去confirm成件事🙏🏻
今次《Megahit》主要想表達無論情侶、家人、朋友、同事都好,人與人之間可能會有好多溝通上嘅衝突,但即使雙方嘅性格同價值觀唔一樣,唔溝通過又點知work唔work?可能會有驚喜嘅結果~ 而今次MV想表達三個唔同嘅衝突之下衍生出驚喜嘅結果:
一、油站見習生嘅大意令Dee哥被撞車尾,但反而揭發佢綁架麗英一事。
二、油站見習生唔小心撞到Vip Joyce嘅手而被佢鬧,油站見習生驚慌錯手開啟洗車掣繼而推Joyce上車,從而避過雜物跌落嚟嘅一劫。
三、巨星落車驚見記者偷影,和油站見習生溝通後達成共識,轉換身份,體驗油站見習生的生活。
這個MV還有很多有趣的細節,例如每個人物角色在每個事件發生前後的表情變化、巨星被識穿後的反應意思和道具服裝details。感激 @tinyeyes39 @princejoyce @deegor_hkwa @laiyingdesu @rockinair @beeplok 的幫忙和傾力演出🙏🏻 邀請到你哋係我嘅榮幸🙏🏻
辛苦Rock Sir @rockinair 同Dancer朋友們造就哩一隻舞。好記得一開始我同Rock Sir講話好想《Megahit》有一個signature手勢畀大家跟住一齊跳。好希望下一次現場表演時可以同大家一齊唱一齊跳「Uh-oh Uh-oh Uh-oh」🤌🏻
最後要多謝神徒們👶🏻喺準備哩隻MV嘅過程之中,每次我同你地分享我有煩惱同埋遇到挫折嘅時候,你地都留言、story叫我努力支持我。記得阿水問我巨星車牌想係咩,我答「AL7795」,因為好想紀念今年生日你哋為我帶嚟嘅喜悅同支持。多謝每一位神徒👶🏻♥️
Dance version即將推岀啦~
睇住Official MV先😆
希望今次帶畀大家驚喜同快樂~
希望大家喜歡 #Megahit 🤌🏻♥️
突然好想你歌詞 在 葉朗程 Facebook 的最讚貼文
對著鏡子梳理眉毛的時候,突然被廁格內傳出的一聲慘叫嚇呆了。
是一星期前的事,但那聲慘叫實在無法忘記。
「Everything alright?」我隔著門問。
「咔」一聲,門慢慢打開,是我 team 的一位同事。
「嚇親你,」同事頹喪地走出來,「唔好意思。」
明白的,這陣子,很多同事都被恆大搞瘋了。
其實個世界就係咁現實,而這個所謂金融世界,比現實更現實是常識——好景的時候稱兄道弟,冧市的時候各自閉翳。地踎啲講句,出得嚟行,唔通唔使還。
意思是,好景的時候自然心紅,一心紅就進取,客戶用一蚊買兩蚊債券,屌,基本嘢。
好喇,冧市喇,作為一家穩健的金融機構,就梗係先自保,借畀你嗰一蚊,唔該還咗先。
本身這個有借有還的遊戲是十分公道的,但為什麼同事會發癲?因為,叫唔叫個客還,銀行是有 sole discretion 的,亦即係話,我哋可以叫個客還,亦都可以叫個客唔還住。
「Susanne 真係 on9,」這位兩日冇剃鬚的同事完全不介意大聲地公告天下,「黃生淨係隻艇都成億,係成億 full pay 呀,佢點會 default 呀,唔好癲啦。」
我叫佢冷靜啲,似乎令佢更加唔冷靜——「Susanne 話要 call 佢 margin,真係好撚短視,要我而家叫佢還,佢實還㗎,還完之後咪即刻 cut account 囉,係咪要咁吖?」
開口埋口的 Susanne 是 risk management 那邊的同事。
「晦氣嘅嘢,你同我講冇所謂,對住 Susanne,盡量低聲下氣好嗎?」
「低聲下氣?我對住個客已經成隻狗咁,對住條八婆又做多次狗?」
「你客氣,Susanne 都仲有斗零咁多機會隻眼開隻眼閉;你開拖,佢一句 no 就係 no。」
聽我這樣說,同事終於冷靜了一點,但目光仍然盛著恨意。就在這時候,我給了他一個匪夷所思的建議:「你有冇 airpods?」
「有,why?」
「你而家入番去廁格,去 YouTube 睇一個 MV,歌名叫做《小諧星》。一路睇,一路聽,一路聽,一路留意歌詞。」
是難以置信的,但這首歌真是萬靈的仙丹。
香港的娛樂事業可以靠一隊叫 Mirror 的年輕人起死回生,本來真是半信半疑,直到非常後知後覺地聽了這首《小諧星》。
慚愧承認,之前真係一首 Mirror 都未聽過,唔係唔想聽,係到咗某個年紀,總是有一股惰性拖延著那份接受新事物的勇氣。
然後一係唔聽,一聽即刻癲咗。那個 MV 的四百萬個 views 當中,我應該貢獻了最少一百個。
起初當然是被周秀娜小姐 draw 入去,她那個被 Edan 飲晒杯奶茶的扁嘴表情,喂大佬,真係溶掉了所有中佬的心。
睇吓聽吓,原來這是一首無名小子單戀女神的歌——女神已經有男朋友,而且還要是事業有成的有錢人,典型一個雞蛋挑戰高牆的故事。
愛情裏的廢青與富豪又好,工作上的 front line 與 risk management 也罷,很多時就是無力與大力的對決。
有時候,當你知道力不如人的時候,唯有像黃偉文寫的詞一樣:「跟他怎可能拼,只好專心做諧星;將單戀劇情,改寫出喜劇場景;用我痛苦表情,換你那好心情,留底這半條命。」
對,最緊要留底自己條命。
做人遇到的任何挑戰,不要看成是單一的難關;三盤兩勝冇把握就五盤三勝,放長雙眼,就是為了增加自己的勝算。
回到自己座位,我問同事有沒有聽到那首歌。「有,多謝你 Marcus,我一定會好好同 Susanne 講。」
故事的結局怎樣?最後 Susanne 還是要同事 call 個客 margin,然後那個客真的一怒之下 cut 了 account。
但。
今天在文華酒店吃完午飯,我才親眼看到這個故事的反高潮。
面前的畫面:Susanne 很陶醉地拖著同事的手,在酒店的櫃臺 check out 房間。
我非常好奇,於是 text 佢:
Hey… I saw you and Susanne at MO…
佢個回應。
霸氣到一個點:
She made me a slave in the office. I made her a slave in the room.
人生,fair enough。
留底半條命,你總會找到,把對手就地正法的機會。
突然好想你歌詞 在 咪卡Mika Youtube 的最佳解答
------------------------------------------------------------------------
如果喜歡我的影片 可以按下訂閱~
請幫我按個 👍喜歡👍
大家若有任何想法或建議 還請各位不吝指教 💕留言💕給我哦
Instagram:https://www.instagram.com/yoko4720/
E-mail:mia31017@gmail.com
Facebook:https://www.facebook.com/yoko4720
Fans page:https://www.facebook.com/Mika158/
![post-title](https://i.ytimg.com/vi/-1sHUpKiZ3w/hqdefault.jpg)
突然好想你歌詞 在 馬嘉均 Mason Ma Music Youtube 的最佳解答
好喜歡五月天的歌曲同歌詞,五月佢地又嚟香港啦,買唔到飛好傷心,咁就改為唱佢地嘅Cover突然好想你自High一下。
睇完記得分享同埋訂閱我嘅youtube channel呀!~
Mason Youtube Channel: http://www.youtube.com/rednoonhk
Mason Facebook:http://www.facebook.com/rockmasonma
Mason Instagram: rockmasonma
五月天 - 突然好想你 歌詞
最怕空氣突然安靜 最怕朋友突然的關心
最怕回憶 突然翻滾絞痛著不平息 最怕突然 聽到你的消息
想念如果會有聲音 不願那是悲傷的哭泣
事到如今 終於讓自己屬於我自己 只剩眼淚 還騙不過自己
突然好想你 你會在哪裡 過得快樂或委屈
突然好想你 突然鋒利的回憶 突然模糊的眼睛
我們 那麼甜那麼美那麼相信 那麼瘋那麼熱烈的曾經
為何我們還是要奔向各自的幸福和遺憾中老去
突然好想你 你會在哪裡 過得快樂或委屈
突然好想你 突然鋒利的回憶 突然模糊的眼睛
![post-title](https://i.ytimg.com/vi/tHIy6abFFyE/hqdefault.jpg)
突然好想你歌詞 在 MAYDAY 五月天[ 突然好想你Suddenly missing you so bad ... 的推薦與評價
![影片讀取中](/images/youtube.png)
五月天7th【後青春期的詩】Poetry of The Day After....青春之後,後悔之前,我依然用力的活著!Mayday05:07一生一次的傷停補時,一期一會的勇氣之詩第 ... ... <看更多>
突然好想你歌詞 在 突然好想你- 五月天- 『超高无损音質』【動態歌詞Lyrics】 的推薦與評價
![影片讀取中](/images/youtube.png)
突然好想你 歌手:五月天製作演奏:五月天編曲:周恒毅+五月天鋼琴:周恒毅和聲編寫:瑪莎和聲演唱:強辯可樂+士傑弦樂編寫:周恒毅+李琪弦樂:李琪+藍 ... ... <看更多>
突然好想你歌詞 在 五月天突然好想你歌詞版 - YouTube 的推薦與評價
Mix - 五月天 突然好想你歌詞 版 · 胡夏Xia Hu - Those Bygone Years 那些年 · Mayday五月天[ 我不願讓你一個人I Won't Let You Be Lonely ] Official Music ... ... <看更多>