鏡頭一轉，倫敦未來一星期除了明天，日日都會變返好清涼 #又美麗又涼快 ，所以小露寶明天後又可以抖返一星期（所以電費唔多駛擔心，因為一年最多都係用10-30日，視乎你有幾怕熱 😂😂😂）
大家留意返一點，我係鍾意分享我做緊/做左嘅野，但除非真係好好，否則我很少會強烈叫大家做一樣野，買冷氣機如是、移民亦如是，我會同你講清楚價錢、怎樣做和要付什麼代價，我不會叫你「買左先算」、「移左先算」。
因為我真的不會對你的人生負責。
因為我真的不會對你的人生負責。
因為我真的不會對你的人生負責。
有啲移民page，佢會同你講「有手有腳實搵到野做」、「點會生活唔到」？但你如果有仔細留意，你會發現佢言語間和分享的什麼「放棄七位數字的退休金、放棄香港幾萬月入的工作、賣樓辭職」等等，你就知道—— 這些人根本有家底，就算咩都唔做咬老本都閒閒地夠食幾年，打跛腳都唔駛做嗰隻，對於佢來說，做老麥做收銀係賺錢買花戴、好厲志嘅 #窮中產大作戰真人show ，玩夠6年入籍後佢有成百萬退休金等緊佢拎，同一個真正拎住十萬八萬就黎英國捉襟見肘做老麥做收銀係兩個完全唔同嘅心態同境界。佢每日玩夠8個鐘返去大屋隨時可以浸下浴缸玩下水；真係窮嘅人俾人玩夠8個鐘，返去間shared flat仲要同roommate 排隊用廁所。
佢唔係有心要害你，佢只係離地，佢遺忘左「體驗貧窮」同「真係貧窮」係兩回事。
最後的最後，我還是那一句：冷氣機要不要現在用正價硬食買返黎？自己諗。移民要不要「走難」、「走左先算」？自己諗。正如你可以笑9我幾百鎊買部冷氣機返黎擺、一個月用得兩三次，但我想說的是，你才第一次來到英國，不要把在蜜月期內的感覺當成事實的全部，你住多兩三年，感受多幾年寒暑、嚐過這裡的人間冷暖，我們再討論 #英國點點點 吧。
你的人生是你的，我在這裡記錄下來的是我個人的成長足跡，學我者不一定生、似我者也不一定死，但好好計劃一下還是必須的。
#時間是最好的試金石
#蜜月期時一定好好架
#星也閃進眼中海也跟我相擁
#但問題係熱情過後回歸平淡生活時怎麼辦
窮中產大作戰真人show 在 怎算中產階級？ 陸淨資產vs.台月收入6萬- YouTube 的推薦與評價
http://bit.ly/2nmT5F7 ○TVBS新聞APP最即時立即下載→http://bit.ly/2ch35Gb ○訂閱頻道，最新資訊馬上接收→http://bit.ly/2flUkiY … Show more. ... <看更多>