【#狙擊勞顧會】打工仔要知道嘅5件事!
❗勞顧會關我咩事?
﹒勞顧會係諮詢組職,好多勞工權益議題(如勞工假期、失業援助)都先要喺勞顧會通過
﹒政府經常用「勞顧會未達成共識」為藉口,阻撓有利勞方的法案
❗作為打工仔,我有無得選勞顧會嘅僱員代表?
﹒無!只有根據《職工會條例》登記的僱員工會先可以登做為勞顧會選民,所以400萬打工仔更無票參與選舉
❗點解建制派可以一直壟斷勞顧會?
﹒勞顧會用「一工會一票」及「全票制」(即一個工會授權代表可用選出最多5名候選人)的方式選出,即是較多工會嘅陣營就會全取
﹒親中派工會(同工聯會、勞聯及工團總會有聯系)嘅工會佔近4成, 在「全票制」方式下,親中派往往輕易勝出
﹒立法會勞工界功能界別3個議席,和60個勞工界特首選委嘅情況一樣
❗️今屆勞顧會有何重要?
﹒今屆勞顧會共有27名候選人角逐5個勞方委員席位,並有869個僱員工會授權代表投票「做選民」;較上屆12名候選人及425個工會登記投票均翻倍,創歷史新高。
﹒反修例運動後掀起開工會潮,傳媒形容今次選舉為反修例運動後「新工會浪潮首次亮劍」,亦係新工會勢力分佈嘅「試票場」
❗我無票,可以做咩?
﹒獨立工會的5名候選人呼籲香港人於星期六(勞顧會選舉當日),到美孚社區會堂外
進行「一人一票」的象徵性公民投票,表示「支持五位獨立工會派出的候選人」,表達對親共建制派工會壟斷勞工界的不滿
﹒未能到場的市民,亦可參與5位獨立工會的候選人投票網站:https://vote.fight4lab.hk (2020年11月20日23時59分截止)
❗為左凸顯制度之不公,獨立工會派出5名候選人角逐5個勞方委員席位!
🔥郭嘉榮(香港金融業職工總會)
🔥李志宏(社會及政治組織從業員工會、沙田區議員)
🔥雷謙凱(社會及政治組織從業員工會 )
🔥文浩然(香港教育專業人員協會 )
🔥徐考澧(香港酒店工會)
同時也有1部Youtube影片,追蹤數超過6萬的網紅錄低香港 DocHK,也在其Youtube影片中提到,思浩大談哈里梅根最後一次皇室活動,座位分佈安排有緣機!(大家真風騷) 英國哈里王子及妻子梅根昨日(9日)在西敏寺出席英聯邦日活動(Commonwealth Day service),是二人宣布淡出王室後,首次與英女王同場出席公開活動,亦是最後一次以高級王室成員身分出席公開活動。英女王、劍橋公爵伉儷...
立法會議員分佈 在 Kai Chi Leung 梁啟智 Facebook 的最讚貼文
一九八五年,因應前一年簽署的《中英聯合聲明》所承諾的港人治港,香港迎來第一次立法機關選舉,開始了民主化的步伐。立法機關出現異議聲音,傳媒發現原來可以做議會新聞,議員們從發言、開委員會、辦聽證會,到寫私人條例,一步一步學習,直到一九九五年民主派在立法局唯一一次過半。當年通過的《保護海港條例》,至今仍然在保護我們的維多利亞港。
之後,經歷短暫的臨時立法會,香港的議會政治進入漫長的有限反抗期:可作監察,卻難決定大局。來到二零一六年,政治環境急速惡化:選前DQ、選後DQ,到今天繞過法院直接行政DQ⋯⋯民主派終於決定退出議會。
香港議會政治,自1985年起,至2020年止,歷時35年,暫時告終,不知何時再會。
註:下圖以每年1月1日及7月1日之議席分佈為準。一九八五年的立法局沒有清晰的「民主派」分類,下圖把當時的李柱銘和司徒華歸納為「自由陣營」。
立法會議員分佈 在 無神論者的巴別塔 Facebook 的精選貼文
【支持本Page營運請加入Patreon成為付費會員 https://www.patreon.com/user?u=7173543】
自從個幾星期前通識教科書將「三權分立」一詞刪後,教育局長楊潤雄公然表示香港從來都無「三權分立」需要糾正,然後特首林鄭月娥再隨即表態支持後,突然間呢個Term又變成全城最Hot Keyword。
其實中共質疑「三權分立」呢個字都唔係今時今日先發生,早響2013年郝鐵川已公開否定香港政府係屬「三權分立」機制,去到2015年張曉明重申「特首超然於三權之上」、葉劉隨即附和表示香港政制的確不符合三權分立定義──而家林鄭政府只不過係將中央政府嘅旨意透過刪改教科書落實而已。
遺憾嘅係,之前因為飯民應唔應該「捐狗窿」加入臨立會2.0撲出黎阿支阿左嘅一班社會科學棍,對於「香港係咪有三權分立」呢個問題,竟然拖拖拉拉成個禮拜都比唔倒個答案出黎,少數最尾有答到嘅幾個學者,唔係莫測高深,就有講到唔清唔楚──為此,我決定用一般人都明白嘅語言,同大家解釋一下「三權分立」嘅基本概念,同埋而家最大爭議點響邊:
1. 三權分立目的係乜?
答:好多人響討論「三權分立」之前,可能連孟德斯鳩本《論法的精神》都未揭過,所以連好多基本概念都搞錯。我好同意岸伯講,孟德斯鳩提出「三權分立」呢個概念之時,根本就唔係用佢黎引證民主嘅好處,其實只係出於對於制約行政權力嘅一種考慮:孟德斯鳩認為司法、立法同行政三權分立、互相制約,先至可以響政治自由同政府效率之間取得平衡。
例如孟德斯鳩就舉過古代共和國體制為例子,如果貴族同平民都擁有平等一票,貴族就唔會對於守護共和制度有任何興趣,所以必須要將貴族同平民權力相互制衡,先能夠令彼此有透過議會守護自己利益嘅意欲──所以響孟德斯鳩心目中,權力分立嘅中心思想係在於制約,而唔係民主。
2. 三權分立先可以保障民主?
錯。最簡單,當日孟德斯鳩推崇嘅英國政制,行政權就係由非民主推選嘅英國國王所持有;英國議會當時亦未有完全民主嘅普選,唔單止全國只有5%成年男性有投票權,仲要有好多「衰敗選區」只有幾戶人家卻響議會擁有一個議席,權力分佈極不平衡。
反而響19至20世紀,英國君權逐步被削弱至完全放棄管治實權,內閣制一併兼有行政同立法權力,三權分立消失,英國嘅民主制度反而得以逐步完善。好重要所以再講一次,三權分立只係形式,權力分立相互制衡制約先至係關鍵。
3. 點先叫有三權分立?
其實呢個世界好多政制都可走去拗有無三權分立。例如響我角度黎講,基本上一個內閣制嘅國家係好難有三權分立,除非你有另外一種方式賦予總統有足夠制衡嘅實權。又例如中共響1980年代為咗抗拒社會對於政府實行三權分立嘅要求,會花好多精力去逐步引證其實西方好多民主國家都做唔倒真正嘅三權分立。
但而家網上又會有好多人堅持,所有先進民主國家都有三權分立嘅概念埋藏咗響體制之中。所以有無三權分立,主要都係睇你點對呢個Term落定義:究竟係字面上定係精神上?究竟係制度上定係現實情況上面?
最簡單一個例子,有好多人都會拎英國直至《2005年憲制改革法令》之後,先至正式削除下議院嘅司法職能,但你會唔會因為咁覺得英國去到呢一年先至做倒司法獨立?唔會家嘛!
4. 香港有無三權分立?(反方意見)
正正因為頭先講咗,有無三權分立可以循好多角度去定義,所以而家兩邊嘅討論係口拗同鼻拗:
話無三權分立嘅最大理據,除咗係《基本法》上面並無寫明之外,特首嘅權力亦明顯係比議會強大得多。不過最重要嘅卻係,而家嘅行政會議係可以由特首任命任意數量嘅立法會議員入去,導致行政同立法組織成員身份重覆;
然後所有行政會議成員都必須遵守「保密制」同「集體負責制」──即係特首響行政會議決定咗嘅嘢,兼任行政會議立法會議員唔單止唔可以再同黨友討論相關事項,更必須響立法會投贊成票支持──換言之特首單單透過委任行政會議成員一招,已可實質操控立法會本身,咁點睇都真係無可能係三權分立囉。
5. 香港有無三權分立?(正方意見)
而家班支持者最鍾意拎番過去政府官員、法官嘅判詞作為證據,指出過去所有公權力機構都承認香港政制係有三權分立特色,再加上我地以前番學上堂教嘅一直都話香港係三權分立,你而家打算反口推翻佢係極之樣衰;
而且就算行政主導令特首權力超然於立法會之上,但立法會卻仍然擁有彈劾特首、連續否決財政預算案迫使特首辭職,呢啲就係制衡權力;更加唔駛講基本上特區政府仍然必須遵守法院判決,而法官係終身制任免,政府不能橫加干涉。響呢個角度睇黎,三權又的確係有所分立,互相制衡。
6. 點解中共多年來堅持香港從來無三權分立?
香港人經過多年來同共慘黨交手,我諗大家都心知肚明:共產黨根本就唔係要同你就政制層面上辯論香港有無三權分立,而係想矮化立法會嘅地位:
既然立法會無權制衡「行政主導、地位超然」嘅特首,咁就好應乖乖配合特首施政;由教育開始去除「三權分立」概念、進行「三權合作」洗腦,就係要學生明白無論立法會定係法庭,任何制衡特首嘅嘗試都只係拖慢政府效率,所以特區政府先會響必不得已嘅情況下採用各種極端行政手段進行剪布、DQ同人大釋法。
當然仲有一樣中共無親口講出黎嘅係,響行政、立法同司法三權之上,仲有中央政府呢個足以壓毀一切嘅超級權力;但呢種權力響《基本法》限制於國防外交兩大範疇之內,為咗繞過呢重限制,特首作為傀儡嘅「超然權力」就變得非常重要。
7. 香港人點樣面對中共嘅思想洗腦?
事實上自從垃圾會被廢,大部份法官早已響中共「溫馨提示」後全力為中共政權服務,無論你覺得香港有無三權分立都好,權力制衡呢樣嘢響香港早已名存實亡。
與其浪費精力糾纏於司法、立法虛假嘅「舊兩權」,倒不如全面攤抱外國制裁、街頭戰線嘅「新兩權」,呢個先可能係可以對港共政權作出真正施壓、為香港爭取倒真正民主嘅唯一出路。
立法會議員分佈 在 錄低香港 DocHK Youtube 的最佳解答
思浩大談哈里梅根最後一次皇室活動,座位分佈安排有緣機!(大家真風騷)
英國哈里王子及妻子梅根昨日(9日)在西敏寺出席英聯邦日活動(Commonwealth Day service),是二人宣布淡出王室後,首次與英女王同場出席公開活動,亦是最後一次以高級王室成員身分出席公開活動。英女王、劍橋公爵伉儷威廉王子和凱特、王儲查理斯及夫人卡米拉坐在前排,哈里和梅根、愛德華王子夫婦坐在後排。《People》報道,哈里梅根見到威廉凱特時向他們微笑打招呼,不過等待英女王到場時,四人似乎沒有什麼互動交流。
![post-title](https://i.ytimg.com/vi/P808nxhoPAw/hqdefault.jpg)