#停課不停學 #被逼留在家中 #頭頂吽出菇同霉🕸
#武漢肺炎的日子
呢個世界，應該無嘢可以阻擋孕媽媽想食嘢嘅慾望！特別想食嘅嘢🤣！
既然出唔到街去泰國餐廳食泰菜，唯有自己整啦！平時去親食泰菜，一定會叫《芒果糯米飯》，因為真係超超超超好味呀😋！原來自己整都好易，只係需要啲時間浸定啲糯米，而且價錢比起去餐廳食，平成一大半！真係平靚快又飽肚嘅甜品🥰！
各位，我唔客氣啦！😚😚
—————————————————————————
《芒果黑糯米飯》4～5人份量
材料：
1. 黑糯米 400g (可用白色糯米代替）
2. 椰槳 400ml
3. 糖 60g
4. 鹽 1/3tsp
5. 芒果1個
做法：
1. 先將黑糯米洗淨後浸水至少4小時以上或浸過夜（此食譜是浸過夜）。
2. 瀝乾黑糯米後放入電飯煲中，加入同等份量的水煮至熟。（或可用大火隔水蒸30-45分鐘。）
3. 此時，可同步處理椰槳，將椰槳、糖、鹽倒入鍋中，慢火煮滾成泰式椰槳，煮滾後（即見到泡沫）可熄火，放涼至室溫。
4. 黑糯米煮熟後，加入一半泰式椰槳拌勻。
5. 芒果去皮切片。
6. 將黑糯米飯放入碗中弄成球狀，加入芒果，淋上另一半泰式椰槳即成。
#芒果黑糯米飯
#第一次整就識
#因為真係好易
#自煮樂廚
#Alfred媽食譜
