［#體檢二三事］ 如何預防老退化
健忘 => 腦退化 => 認知障礙 => 老人癡呆
老友記，關於健康，有幾件事最擔心：老人癡呆，柏金遜，骨質疏鬆，關節痛。今次先講解認知障礙症，下次有機會再講其他。
認知障礙症，其實是因為大腦神經細胞病變而引致大腦功能衰退嘅疾病。患有認知障礙嘅老友記，佢哋嘅記憶、理解、言語、學習、計算和判斷能力都會受影響，亦會影響情緒、行為，及感覺等。
根據醫管局數字評估，在香港65歲以上的長者中，每100人便有5-8人患有認知障礙症，而80歲以上更加最每3人就有1人患有不同程度的認知障礙症。
認知障礙主要分三個階段：
早期的症狀包括：
～短期記憶轉差（例如唔記得啱啱發生過嘅事）
～表達力轉差 （諗唔起點形容事情）
～仍可以照顧自己，但有時需要別人提醒 (例如要帶鎖匙電話出街)
中期的症狀包括：
～混淆遠期記憶和現實情況 （例如以為自己仲未退休要返工）
～容易混淆日期、時間、地點
～表達能力開始出現困難，成日諗唔到需要嘅用詞
～需要別人協助照顧日常生活
後期的症狀包括：
～對日期、時間及地點失去概念
～記憶力下降，有可能連熟悉的人和事情也機會忘記
～表達能力困難，甚至有機會失去言語能力
～需要倚賴別人貼身照顧，包括大小便，以及餵食等
要減低患上認知障礙症的風險，和減慢老友記腦部退化嘅速度，以下幾點大家要留意：
1）多動腦 - 好多人都話打麻雀有助預防老退化，但係要睇吓你識唔識打，如果你已經係武林雀手，相對效果冇咁好，反而學習新的事物，例如學下點上網，打下機，或者學下琴棋書畫，對刺激腦部更加有幫助
2）定期做身體檢查，三高 （血糖、血脂、血壓）會增加心血管阻塞，腦中風，以及認知障礙症的風險
3）飲食中要少豬牛羊，多吃魚，雞蛋和不同顏色的蔬菜，以及轉用橄欖油
4）如果以營養素來說，就需要維他命B群，維他命C, E, 奧米加三脂肪酸，葉黃素和玉米黃素
5）戒煙和減少飲酒
6）保持開心正面心態
大家都要多關心身邊嘅老友記喔～
#呢個時勢大家要鬥健康鬥長命
#好多事情絕對唔可以忘記
#時間耐咗唔代表會沖淡一切
#第一次整長輩圖
#自己都笑咗
#健忘 #腦退化 #老人癡呆 #認知障礙 #阿兹海默症
#營養師 #Nutritionist #AnnieLee
