【龔成問答信箱】(Q21921-21940)
Q21921:
老師,上完最後一堂,多謝你既分享同教導。
我follow左你個page好耐,但都係今年先開始認真學投資理財,以前以為只要儲錢叻就ok.
自問儲錢唔算差(當然無老師勁), 以前一個月揾一萬左右都儲到7至8000左右,因為細個開始就想收租退休
(大學個時我靠幫人補習都儲到10萬畢業)不過總係儲唔到大錢,次次一儲到一筆仔,就會係無厘頭既情況就會用左
直至認真睇投資書,認真睇致富心理先發現原來我方法算ok, 但心態唔好
老師,尋晚你話俾個終極目標自己,我好認同。收租退休都仲係我終極目標,但係依家學識要set short term goals
話說我買左樓,唔係最理想既,但都係我心水地方之一。新界藍籌屋苑,希望會係我第一間有既樓,之後會再換大啲/買多層收租,希望一步一步向目標前進。
多謝你過去8堂授課。雖然我未明得晒,不過都照報左進階班!希望可以學多啲野!
暫時我都只係做緊月供,見次次你講親既優質股都偏貴。同埋啱啱買完樓要少少時間回氣,差不多差左袋。
不過我會留意多啲股票市場,等自己既投資唔好集中晒係層樓度,雖然依家有mortgage link account, 但我諗揀啱股票既回報會更高,更快可以幫我買第二層樓然後開始收租。
Sor for 太長氣
龔成老師︰
其實你未掌握晒,係正常。但只要你努力溫書,再去實踐。好多你唔明的知識,就會慢慢變得明白。
因課堂教你們的,只是一些知識、技巧和經驗分享。你必需要去實踐,去累積經驗,我教的知識才會有用。
你現時投資想法,大致都正確。由於你財富組合,偏重係物業類。現時你應用新資金,先集中投資優質股。而你未對平貴太有把握前,可維持月供模式去做。
而第二個物業,你唔洗太急,最好隔長少少時間,先再考慮,以減低週期性價格風險。
至於進階班,其實你掌握到初班的7成知識,你就應該應付到。如果你覺得自己未到7成,你就在此期間,比心機溫,為進階班好好準備。
進階班見!
------------------------------------------------
Q21922:
你好啊,想請教下因為計劃緊買樓。
1. 你覺得應該放哂全部股票去比多啲首期好,定係留返部分股票唔放之後比少啲首期較好?
2. 另外,如果諗住可能半年-2年內買樓,係咪唔應該再做月供?
因為我同男朋友現時月供我:$5000 / 男朋友:$8000
龔成老師︰
1) 現時按息不高,我建議你借多D,空出來資金,用來投資增值,效益會較高。
而且,我地投資都會講求一個組合平衡性。如果你買樓,而要盡固股票,令成個財富組合,完全偏晒去一邊,其實係唔理想。
2) 要視乎你月供資金,係唔係需要用來置業。如果不用,你維持月供係無問題。
若要動用,你就要睇有多久,才會動用。若只有半年至1年,最好就不要月供,直接現金持有。
如果長少少,可以去到2年,你都可以維持月供。但選股上,就唔可以太進取,盈富(2800)係可以。
但比亞迪(1211)和小米(1810)這類潛力股,波動性太大,我唔建議。
另外,你可以考慮收息股,佢地增長力不高,但勝在股價波動較細,又有一定股息,都值得你考慮。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
------------------------------------------------
Q21923:
老師,我係你股票班學生,上年上你堂,真係獲益良多,感謝你一直既分享,同發放正能量,令我覺得自己都有機會做到。
但可惜我剛上完堂,婚姻出現問題,呢半年我經歷情緒問題,好想自己慢慢放下件事,好想向前行
想為自己打算,要靠自己係香港置業,決定自己生活,但睇過好多小單位,一個人供真係好吃力,供得樓黎,又無多餘錢投資,令我覺得無希望一樣。
睇住自己之前建立既股票組合,阿里同中煙都跌好多,而令到心情更差,好似已經努力存資金,但覺得唔會達到財務目標一樣,好灰心。
想多謝你的正能量分享,有時令我覺得仲有希望。另一方面我對唔住你,發生件事後,我無好好溫習,可能課程內容已經俾反晒老師你了。
但我呢排情緒好轉,我亦打算抽時間溫習,希望會pick up 反。感謝
龔成老師︰
每個人一生中,難免都會經歷一些人生起跌。在不順境時,會覺得做什麼事都很困難,有一種無形的無力感。
但你要明白,這個世界,唔會永遠只係給你不如意的事。就好似大雨過後,你是總會看得到晴朗的藍天一樣。
你可以給自己一個時間,去慢慢調整自己心情。有需要時,你可以尋找專業人士意見(如社工、醫生)。之後,你再調整投資和置業計劃都未遲。
中煙國際香港(6055)和阿里巴巴(9988)都有質素,中短期波動總會有,但佢地質素無明顯變差,你照長持有就可以。
月供方面,如果你係用我之前建議,你就照進行,就可以。
記住,你要先照顧好自已,才進一步去計劃其他的事。只要我地要按部就班,一步步去處理眼前問題,總會找到方向。
------------------------------------------------
Q21924:
龔成老師,我最近買了一些股票,比亞迪1211,恆大汽車708,中國平安2318,信義光能968,中芯國際981,工商1398,粵海270,這些股可以長期持有嗎?需要set止蝕嗎?
另想問問中國有贊8083有潛力嗎?想買黎長線投資,值博率高嗎?
另完美醫療最近兩日回了不少,現價8蚊左右可買入嗎?還是等待合理價4~6蚊再買?
VESYNC 2148我12蚊買,依家跌到10蚊想問需要止蝕嗎?佢係小家電龍頭,但由於之前有部份股權有禁售期,黎緊18號解禁,我怕會再大跌,請問需要止蝕嗎?但看佢基本面是強的,唔該哂。
補充一下買價︰
比亞迪1211:$171{佔比10%}
恆大汽車708:$36・35{佔比10%}
中國平安2318 :$83 {佔比20%}
信義光能968 :$13・93{佔比10%}
中芯國際981:$24・75,{佔比10%}
工商1398:$5・02{佔比20%}
粵海270:$11・5 {佔比10%}
阿里巴巴9988:$217・8 {佔比10%}
龔成老師︰
這些股票都有質素,係一個偏向進取的組合。若你係年青至中年人士,這個組合係可以。
但比亞迪(1211)現價係貴,現貨可持有,但加注最少等到$135以下,才好考慮。
另外,恆大汽車(0708)雖然可能有潛力,但風險高,佢資金投入的確強,大力發展新能源車,但這些仍未有賣產品真正的實力,長遠能帶動多少收入,未知。
由於仍有好多未知數,而股價已經大升左好多(比半年前),因此,這刻要自己衡量風險。
可能佢真的有潛力,但連基本的銷售銷售都未有,我地作為投資者,就好難分析,只可以話佢股價會大上大落。
我唔係話佢無投資價值,只係不確定性較高。投資時,必需控制注碼,不能太大注。
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較大,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
完美醫療(1830)現價依然唔平,你最好等佢有明顯回調,才慢慢小注儲貨。
VESYNC(2148)有少少潛力的。佢係美國小家電線上市場的市場參與者。根據報告,在小家電零售商中,佢係美國就通過亞馬遜產生的零售額而言排名第三及通過所有線上渠道產生的零售額而言排名第五。
業務不算差,發展有潛力,但企業規模始終較細,業務未穩定,整體都有風險。若你只係小注,持有無問題,但就要明白當中的風險。
至於解禁,解禁唔代表股東一定沽貨。而且與企業質素無關,你係唔應該考慮。
------------------------------------------------
Q21925:
龔sir, 最近我睇完你一篇關於現金貶值的文章,這樣
你讚不讚成加按物業去做投資,例如股票、基金或年金?
龔成老師︰
現金長線都只會係貶值,我地今天借錢,明天雖然要回歸還同等金額的現金,但當中價值,其實已經係貶值了。
在現時低息環境,加按物業去投資,係可以考慮。
但大前題係你有無個明確的投資目標,可以確保你有效運用這筆資金,去增值自己的財富。優質股、基金或年金都可以考慮。前2者,你可以比較翻個回報,邊個較理想。
而年金,由於本身回報唔算十分高,若按息增加,有機會令你賺取的息差收窄,甚至消失,你要明白這個風險。
之後,我地就要因應你年紀,去睇翻自己現時負債水平,係唔係適合再加重負債。
若你係30歲,總負債相對總資產去到90%,都可以。但若年紀較大,到50歲時,就最多只可以50%。
------------------------------------------------
Q21926:
龔sir. 我現有的股票組合ok嗎?
恒生 16.97%
中國銀行 4.08%
領展 26.87%
中國人壽 11.28%
港鐵公司 15.38%
阿里巴巴 14.93%
小米 10.49%
月供組合ok? 已供1年
盈富基金 53.14% ($4000)
恆地地產 21.99% ($1000)想停供,供左1年都未供到一手...
小米 21.99% ($1500)
香港電訊 2.88%(供左1個月停供左,因為你說要先增值才再現金流)
想放左恆基轉投2800,想利用沽左既錢每月加大供2800月供金額到5000元,龔sir,請問你的睇法,謝謝
龔成老師︰
先講現有持股,質素上係可以。以你41歲年紀計,都適合你。
中國人壽(2628)質素只算中等,不宜持有太多。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
但要留意,銀行業營運模式較特別,風險會比一般行業為高。必需堅守30%這個準則,如果可控制在20%以內,會更好。
另外,盈富(2800)係不受此限,因為它是一個包含58間優質企業的基金,這些企業來自不同行業。因此,盈富(2800)就算在組合中佔較大比重,都唔會造成過度集中性風險。
你現時恆生(0011)、港鐵(0066)和領展(0823)係超標,但由於佢地都質素,因此你不用沽出,只要利用新資金,去慢慢拉翻平衡,咁就可以。
月供方面,無問題。如果你想集中供盈富(2800)係可以,但唔建議沽恆基(0012)現貨,因為此股係有質素,碎股唔應該係你持有一隻股票與否的考量。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21927:
龔老師想請教一下,早前以26蚊入左2手 0241 阿里健康,今日跌到18蚊,請問如呢幾日以18蚊入番1至2手,呢隻股下半年,有無上升既潛力?
^_^感激不盡!
龔成老師︰
我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,而唔係短期炒賣,去賺差價。
阿里健康(0241)這是潛力股,佢營運醫藥電商、互聯網醫療等業務。
「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。
另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。
阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。
業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。
我唔知道佢下半年會升定跌,但以長線潛力計,這股有投資價值。但由於不確定性較高,這類股只建議小注持有,但你預佢股價上落大。
若你資金非常充裕,就算再加1,2手,都只係佔你組合比重好少,否則不建議加注。
------------------------------------------------
Q21928:
龔sir, 你好! 有問題想請教你意見,本人43歲,而家住緊一層已供完既未補地價居屋,先生剛剛又買了一層新樓大約明年底可收樓,之後打算住新屋。問題是我層居屋可以點處理好呢?
我唔會補地價放租,亦唔想冒險放租。咁樣應唔應該賣左層樓佢呢?
層樓大約可放到450萬左右,加上我有130萬現金,可否用500萬買一啲收息股來用作生活費。理想係有每月2萬5,我今年開始冇做野,家中無小朋友,先生亦都唔想我再工作。
新樓方面先生可以自己供無問題及支付到大家既生活費。先生亦提出話如果賣左層樓之後10年股票收入會唔會追唔到通脹?
如果真係賣樓轉買股票請問邊啲會合適?(是否銀行股和公用股好)麻煩龔sir比啲意見我呀。唔該晒你。
龔成老師︰
你個情況,比較複雜。我一般會建議,最好將空置物業放租,避免浪費了收取現金流機會。
但你不考慮去補地價放租,我建議可以的話,你們先住居屋。新樓則放租出去,用以租養樓的策略。變相,你先生每月都可以空出一些資金,去用作生活開支。
如果你地都係希望賣樓,去買收息股,都可以。只要你選擇的股票係有質素,長線必然係跑嬴通漲。
但由於收息股作用,主要係提供穏定現金流,去支援你生活開支。因此,你唔好預佢有明顯增長力,只會係收下股息而已。
若你希望每月有2.5萬蚊現金流,以股息率6%計,你需要本金500萬,故你賣樓後,資金係足夠的。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
現時大市只在合理區,你可以先用一半資金,慢慢咁分注入市。餘下就等大跌市,才出手入平貨。
但你要緊記,唔好太集中係個別企業或行業,成個組合要平衡。相同行業不可佔組合多於30%,而單一企業不要高過15%,否則會有過度集中性風險。
------------------------------------------------
Q21929:
龔成老師,你好。手上有幾隻股我列為灰色股,已持有好幾年,已經跌到一個點,現在想重組下,我應該放哂佢,還是那些可以繼續持有,搏翻身?希望你可以給我意見,萬分感謝
1)1165,順風潔能,均價1.3,持有30000股
2)1848,中國飛機,均價9, 持2000股
3)6136康達環保,均價1.75,持23000股
4)1668華南城,均價1.65,持14000股
5)1800 中交建,均價7持6000股
6)1186中鐵建,均價7.6,持3500股
7)665海通,均價3.7,持30000股
希望你能抽空看一下
龔成老師︰
順風清潔能源(1165)睇唔到有明顯投資價值,你最好係沽出。
康達環保(6136)質素好一般,長線建議你換至其他優質股,會對你較有利。
華南城(1668)、中交建(1800)、中鐵建(1186)、海通國際(0665)質素只算不過不失,這些股唔建議持有太多。
中國飛機租賃(1848)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
其實佢業務有獨特性,在行內有規模,有長線投資價值。
最大的風險來自佢高負債,佢業務原理是借錢,買飛機,再租出給飛機公司。
航空業不確定性較大,對佢有影響,加上佢利用槓杆,風險點都會有。不過,這只是中短期情況,長遠仍是不差的。
現貨可持有,但總投資注碼不能多。
我相信你投資,存在不少核心性問題,例如選股、定價、理財概念等等。
見你持有股票,不單係質素較弱,而且好多時都係買貴貨。你要明白,買股票就同買企業,你必需要了解企業架優勢,點賺錢、行情有無發展,財務狀況等。
唔好聽消息,或者只係知個號碼,就去投資。另外,你要學識點樣去做估值,點去定平貴。
唔好受大市氣氛,影響你判斷。大市好狂熱,人人買股票,你就要小心。因為個價好易被炒高晒,影響你長線回報。
在你再投資前,我建議你先睇我寫架《80後百萬富翁》、《財務自由行》和《股票勝經》,相信可以幫助到你,去認識正確的理財概念。
之後你再重新計劃,你往後投資之路。
------------------------------------------------
Q21930:
早晨龔成老師 我想問一問關於6666恆大物業 自從我係16.4入左4手之後就一直跌到依家 跌左差唔多一半
我買之前都有做功課見佢持現金比例都好高 賺錢能力又唔錯 見佢管理物業嘅面積都增加緊 但預計嚟到佢9.8配股 佢母公司3333恆大又出債務等壞消息
想請問老師對6666前景睇法點 現價算唔算平 同埋如果母公司出事對佢有幾大影響 唔該晒老師
龔成老師︰
恒大物業(6666)其實都有質素,有長線投資價值。
佢係物業管理服務運營商,佢係中國物業服務百強企業中,以項目所覆蓋城市數目計,佢排名第二,如果以總收入、總毛利及總淨利潤計,排名第三。
類別為中高端住宅物業、寫字樓及商用物業,並已訂約管理其他物業類型如主題樂園、產業園、康養項目、特色小鎮及學校等。
佢絕大部分物業管理服務收入,來自集團控股股東恒大集(3333)所開發物業提供的服務。
至於配售,暫時只係預測,而且2.7億佔已發行股數,係一個好少的比例,影響不大。我地投資與否,應集中翻係企業質素本身。
恆大(3333)和恒大物業(6666)是2間獨立公司,就算恆大(3333)出事,財務上都唔會直接影響到恒大物業(6666)。
但恒大物業(6666)不少收入,是來自母公司提供之物業。若母公司恆大(3333)出現債務問題,影響其物業發展速度,將有機會出現負面影響。
你買入價略貴,近期股價回調不少,但都只算係合理區頂部。若你持貨不多,可以守。但持貨較多,最好沽出部份,去平衡風險。
------------------------------------------------
Q21931:
老師,好鍾意你本新書,教左我一樣好重要的事,失敗係必然,有機會去錯係好事。。。。但我都想問一樣你無咁專的事,就係我到30歲先知自己過度活躍症加d亞斯保加。。。
越來越覺得自己好難打工,因為唔鍾意跟大隊,唔明老闆的暗示,無法一心二用,易得眾人,短期記憶差。。。。。。
但我睇野好通透,危急時好應變到,長期記憶好好,觀察力好強,數理好好,英文好<<<其實都比較係這兩個病常見的特質
你所講那5條路,邊條你覺得我行好?
謝謝阿sir
龔成老師︰
首先,多謝你支持我的新書。
你的健康問題,可以先請教醫生意見。以我理解,係可以透過藥物和一些訓練去治療的。
至於5條路點選擇,其實好睇你個人意向、興趣和專長。你現時健康上的問題,我相信唔會明顯影響到你行任何一條路。
「經紀團隊」、「專家」你可試下。其實「生意」都可以,但你可以試左「經紀團隊」、「專家」先,在這兩個類別,有好多你這些無法明老板想甚麼的人,反而更成功。
其實,行這些路重點唔係你當下能力。而係你是否願意投放時間,將自己磨鍊成一位專家。
當中會經歷無數次失敗,你覺得自己有否能力堅持下去,才是成功與否的重點。
------------------------------------------------
Q21932:
龔sir,有財務上嘅嘢想你幫手分析
本人30歲,已婚,暫時未有子女,但將會計劃生小朋友,與太太收入共50k左右嘅穩定收入。
資產:
1)約100萬現金
2)60萬基金保險儲蓄
3)一隻價值約30萬手錶(非必要不會變賣)
4)一層300呎一房單位,價值500萬左右,位於新界元朗區,於2018年做9成按揭上會,月供15000左右
現時與太太居住於家人嘅住所,每個月會俾番$5000家人作租用
有2個問題:
1)我應該作出投資嗎?因為驚拎錢出嚟投資,將會有小朋友需要用錢時,擔心未能即時調動
2)我應唔應該賣咗現時擁有嘅物業,因為我想買番近少少自己現時住嘅地方,當初置業係一時衝動,現時想平手賣出現時物業,並以9成按揭買另一較大嘅物業。
龔sir,我應唔應該賣出現時嘅物業再買入另一較大,樓齡較舊嘅物業?求解答,好困擾
龔成老師︰
1) 現金長線只會一直貶值,不作投資,變相你的實際財富,其實一直在減少。當然,我地都要因應實際情況,去預留一些現金,作日常交易和應急之用。
所以,你要睇翻你自己人生規劃,去調整投資大計。若你短期內,例如1-2年就打算生小朋友,時間較短,故這部份資金,最好以現金儲起備用。
但餘下的資金,我建議你進行投資增值,咁會較好。
你現時財富組合,已經有物業類。將來投資,我會較建議用優質股進行增值,這樣財富組合平衡會較好。
以你30歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
大市現處於合理水平,那100萬資金(要先扣除,有需要預留的資金),你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
2) 至於換樓,你要先想清楚。因為香港買賣樓宇成本,其實唔細,一買一賣你當中會無左唔少錢。
作為自住樓,除非佢好唔適合你"長線"生活所需。或者投資價值好弱,否則我唔建議作出變動。
若你真係有實際需要,要轉換自住物業。你可以有2個方法,一個當然是沽出現貨,再換另一間。
另一個就係將而有物業放租,自己另租自住物業。這樣做,就可以保留你這個物業資產,同時也可以滿足你生活需要。
但大前題,係你這個物業要有投資價值,最少有能力跟大市同步,否則就無投資意義。
------------------------------------------------
Q21933:
你好,我買了2618(京東物流),現在我心態放寬,等盈富再跌,再入
京東9618 我也賺了少少時放了,把錢集中在剩下中
都是因為龔sir 建議,已留名你澳門班
龔成老師︰
京東物流(2618)都有質素的。
京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務,從倉儲到配送,從製造端到終端客戶,涵蓋普通和特殊物品。
根據一些調查報告,按總收入計,這企業係中國最大的一體化供應鏈物流服務商。
2018、2019 及 2020 年,京東物流營收分別為人民幣 379 億元、人民幣 498 億元和人民幣 734 億元。
京東物流於 2018、2019 及 2020 年產生的虧損淨額分別為人民幣 28 億元,人民幣 22 億元及人民幣 40 億元,不過,如果扣除一些非現金流的開支,又未算太差。
佢表示,上市集資所得,部分將用於升級和擴展該企業的物流網絡;部分將用於開發與供應鏈解決方案和物流服務相關的先進技術。
企業有優勢的,長遠發展正面,但中短期股價未必有好強的表現,這股都有投資價值,但現階段未必值得大額投資,小注投資係無問題。
至於沽出京東(9618),若你係因為風險承受能力,而作出的調整,係可以。
但從財富增值角度,緊記優質股係一定要長線持有,才會有理想效果,唔好升少少就沽,目標要放遠少少。
希望疫情盡快受控,可以早點,可以回澳門跟大家見面,澳門班見!
------------------------------------------------
Q21934:
老師,買了你的書看,學到不少價值投資法。本身持有自住物業,打算月供股票計劃約行2年左右,我都比較保守,想上落較少+慢慢增長,以下組合可行嗎?
進行了約半年:
1)AIA $3000/月
2)HKEX $3000/月
3)建行 $3000/月
打算加:
4)新鴻基 或 領展 $3000/月
供完余下每月約$10000 cash flow作buffer,有其他投資推介嗎?
龔成老師︰
你現時打算月供的股票,都係有質素。當中港交所(0388)盈利較受大市波動影響,會係較高風險的一隻。但只要你長線持有,以上5隻都係無問題。
這個組合算係平穏增長型,若你係年青至中年人士,這個組合都係可以。
新地(0016)和領展(0823)都有質素,但增長潛力,領展會高少少。至於餘下$10000,我建議你先儲起,等大跌市機會,才出手掃平貨。
緊記月供係一個長線計劃,月供最少維持3年,並持有這些股票5年以上,才會有較理想效果。
你月供2年勉強都可以,但再優質的企業,都要時間去增長,所以你必需要用長線持有模式,去處理這些月供得來的股票,才會有好回報。
------------------------------------------------
Q21935:
龔sir你好,今次係第二次聯絡你,過去半年期間,我買晒你所有著作睇晒(除左買樓4部曲果本),亦閱讀左好多巴菲特同凱恩斯講價值投資既書,叫做開始慢慢理解股票係乜野一回事
我背景今年34歲,月入只有約18k,加埋太太都係只有約30k,上年買左層6m新樓,月供約15k,今年年尾亦會多個新生命,本黎以為一世人就要供樓供到60歲退休,
但自從睇左龔sir既經歷同著作,我深深相信只要有無窮既意志力同不斷增加知識,一樣可以改變人生,就係呢團火令我將所有非必要既支出cut晒,
放工/放假亦搵多份part time增加收入去投資(雖然真係好攰),所以我先多謝龔sir令我改變左人生態度!而我亦係呢幾個月開始建倉,詳情如下:
66@500 $45.75
175@1000 $24.75
270@2000 $13.16
1099@400 $17.7
1177@1000 $7.74
1928@400 $38.4
1972@200 $23.75
3067@200 $18.96
9988@100 $217.6
暫時仲有約$250k(全副身家)係morgate link
有幾個問題想請教龔sir:
1)你對我所持股票組合有無乜建議?如果我目標係以增長為主,有無邊隻應增持/減少?或加入邊隻股票?
2)現有組合算平衡嗎?
3)我理解龔sir所講,優質股如果股價下跌,反而有加注既機會,但有樣野唔明就係如果我買入一隻股後,股票從未跌穿買入價,咁應該如何去𧗾量加注與否呢?
因為對於資金唔多既小股民,如果只持有一兩手,財富增值一定有限,但如果高於買入價加注咪會拉低左回報囉?
4)我打算短期內最多只會動用多50k投入股票市場,因為要再增加收入/同儲蓄後先會再拎出黎投資,餘下200k就留低以備不時之需,
但現在是否未到時候?係咪應該留起呢50k,等大市有明顯回調先動用?
5)1810&1448我自己好想入,如果無貨幾錢入第一注好?還是起碼等到合理價先入貨?論增長力是否1810會比1448高?
再次多謝龔sir你改變左我人生觀!由於我現時做零售業,夾唔到時間上你堂,但我已決定過埋今年就轉工,希望到時可以夾到時間見到龔sir你真人
Thank you sir!
龔成老師︰
1) 你持有的股票都係有質素和增長力,是適合你的,你照持有就以。
2) 大致上都平衡,但留意一點,以你年紀,潛力股大約佔5成就好了。若你投資經驗較少,要再下調多1,2成。盡可能控制在這個範圍,以免組合中風險過高。
而且,你要隨著年紀增加,要慢慢將潛力股比重下調。去到50歲時,大約只宜佔2成。
3) 你要用買入價,作為入市標準。我地去制定入市策略時,應用企業平身估值平值,去做決定。只要在合理區,我地就可以有計畫地,慢慢分注入貨。但升越合理區,開始貴的時候,我地就要等時機。
若你可用注數不多,第一手是在合理區頂,我地另一注,最好等有較明顯回調,才出手。
若你注數較多,第一手是在合理區中間買入。但由於手上持貨不多,就算回升至合理區中上,你都可以再入小注,再增加持貨。
當然實際操作,我們除了可用注數外,都要考慮埋大市情況,此股質素和潛力等,去得出個最終方向。
你可以參考我<<股票勝經>> P.316-317 中的"金字塔式買入法"。我們分配資金模式,大致上就會用這個方法。
4) 這50K,我建議你儲起,因為現時大市只在合理區,不宜將全部可用資金入市。要留有部份,用來等大跌市機會。
5) 小米(1810)和福壽園(1448)都有好有質素的潛力股,增長潛力上,我會比小米高少少分數。
現價計,小米(1810)略貴,要回多1,2成才算合理。而福壽園(1448)算合理區頂至略貴,無貨先入一注都可以。
我的書本,只是給你一些投資知識、技巧和經驗。真正令你改變人生觀的,其實是你自己。
我有時都開星期六班,你可以留意。雖然你暫時夾唔到時間上堂,但唔好因為咁,就停左學習。要多睇財經新聞、年報、相關書籍,去提升自己技巧,長線投資才做得好,加油!
------------------------------------------------
Q21936:
龔成老師,你好: 上年才認識你, 開始爬文.
本人己是中年,現在份工已做了13年(有中年危機), 但一點都唔開心, 只是求生活, 月入3萬, 物業Mortage尚有300萬, 只有40-50萬現金,上年開始供股$4000 AIA & $4000 銀娛.
想請教:
1) 現在開始步會否太遲?
2) 如果想用儲蓄錢(40-50萬) 加碼在每月供股部份, 應該怎每月供幾多, 買邊隻比較安全?
3) 需要點做才有被動收入3萬達到財務自由?
每月可以儲多$2000現金
龔成老師︰
1) 現時起步雖然唔算係早,但只要你用正確方法和心態去投資增值,都可以做到一定效果出來。
2) 以中年人士而言,都有增值需要,但策略上要保守少少。你可以選擇一些「平穩增值股」,作為投資目標。
以現時大市合理區狀況,你手上50萬,我唔建議盡用。你大約可以20-25萬,分開3年,每個月加大$5500-7000去做月供。
平穏增長股:盈富(2800)、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
你可以從中選擇多2隻,更好方法,就是全數加入盈富(2800),佢係包括55間質素不錯上市公司股票的組合,有助你平衡組合中的風險。到你有一定能力,才買其他我建議的股票。
餘下現金和每月多儲的$2000,就是等大跌市時才出手。如果你能在這段時間學好選股等技巧,到大跌市時就能把握機會,財富增值會更明顯。
3) 如果你希望每月有3萬蚊現金流,以股息率6%計,你需要本金600萬。
你要透過以上方法,去累積這筆資金。到有足夠數量時,就將佢換成收息資產,去創造現金流,支付你退休生活的開支。
我假設投資回報有10%(連股息再投資),你每月投資$10000 + 50萬本金,15年後大約會增值至590萬,故這樣安排相信很大機會達至你的財務自由目標。
------------------------------------------------
Q21937:
龔sir, 現為大學year3, 預計畢業後有20-25萬資產。暫為14萬資產,5萬由屋企人保管投資,2.5萬貴金屬, 4.7萬股票,其餘為現金。
今年內預計會再有5萬現金收入作為增長,暫時收入以補習教學為主,7-8、12為收入高峰。現為21歲,如果想5年內有100萬資產,應如何部署增加收入?
小妹在投資市場上曾入手港股1.06 元入手432及美股以64usd 入手Nio,而432已離開,仍手持nio, 但虧損波幅較大。
我可以承受中等風險的投資,但仍未搵到合適自己的投資組合
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
你現時大學year3,相信是十分年青的年紀,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
策略上,你應以增值為主。
貴金屬(如金銀、黃金),主要係用來對沖突發性事件。佢本身唔會創造現金流,不宜持有太多。佔組合3%左右,其實就足夠,最好以實貨持有。
蔚來(nio)有質素的。佢係中國高端電動汽車市場運營,生產電動汽車,同時間佢發展緊自動駕駛,以及人工智慧等下一代技術的創新項目。
例如型號EP9、ES8、ES6、EC6,通過佢自己的銷售網路銷售汽車。長遠發展正面,前景就無問題,現貨可持有。
但你預佢之後的股價上落仍大,投資一定不能太大注。可長線的,注意風險。
盈大地產(0432)過去多年都出現虧損,加上負債不輕,睇唔倒佢有投資價值,不要再投資。
由於你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。
你可以投資「平穏增長股」和「潛力股」。你每月5成儲蓄做月供。其餘先儲起,用一邊月供一邊儲蓄的策略。
你現時無太多投資經驗,潛力股這類風險較高的股票,你就不要持有過多,最多維持2-3成好了。你相再保守點,甚至先集中係平穏增長股類。
到你有一定投資經驗﹐潛力股比重可以相應調高,佔組合約3-5成,視乎你當時投資經驗多寡和了解這些股票程度而定。
現時大市只是合理區,你現有25萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$8000 + 25萬本金,5年後大約會增值至100萬。你可以就著這個預算,去計劃你的理財方案。
當然,這個金額只係一個參考。你還很年青,負擔相對較少,應該盡力儲蓄去做增值,儲蓄比例最少要達至收入一半,才算理想。
------------------------------------------------
Q21938:
龔成老師你好,我今年32歲,月入$45,000,每月可儲$20,000至$30,000。
1. 目前持有股票:盈富基金2800 5000股@24.5、希慎興業0014 500股@29.5、粵海投資0270 2000股@12.08,以上是希望可以長揸收息。
2. 另外還持有:偉易達303 1300股@89.30、易大宗1733 12000股@0.78、中國銀行3988 20000股@3.29、碧桂園2007 10000股@14.57、明源雲909 1000股@60,
雖然部份都有息收,但股價一直上不回家鄉價,要不要考慮止蝕。
3. 現有$300,000現金,考慮再買入以下股票:金沙中國有限公司1928,國藥控股1099,阿里巴巴9988,銀河娛樂0027,京東集團9618,中國平安2318,
請問以上推介那一隻呢?建議買入價是多少?
麻煩晒
龔成老師︰
1) 你個財富增值概念,唔係太正確。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時32歲去計,應先做好增值部份,而唔係去諗點收息。你現時持有股票,其實都有一定增長力,係平穏增長股類,都適合你,你長線持有就可以。
2) 你唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
你上述持股有質素,但偉易達(0303)、中國銀行(3988)只係收息股,增長力好一般。碧桂園(2007)負債水平好高,風險唔細。
而明源雲(0909)不確定性較高,這4隻股票,你都不宜持有太多。
至於易大宗(1733),此股投資價值不高。最大的問題,就是核數師意見,過往多年都出現「保留意見」,反映核數師認為佢盤數「有古怪」,有些問題,這類股,沽出較好。
3) 這6隻股票,都係有質素的增長股,都適合你。阿里巴巴(9988)和京東集團(9618)偏向潛力股類型,風險會較高﹐故要控制注碼。
現時這些股票,都在合理區,現價可以入1注。但由於未算平,故資金不要盡用,最好多等每回調10-15%,才再考慮加注。
------------------------------------------------
Q21939:
成哥你好,想問下你隻1024快手,我330入,依家大概回到去204,見佢業績都麻麻,請問可唔可以長線持有,定升返d轉其他。
另外本身個組合想入返d實業類,蒙牛乳業同農夫山泉,想問下咩價位入比較合理。
謝謝你抽空幫忙。
龔成老師︰
快手(1024)係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。
快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。
雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。
由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。
簡單來說,企業有質素,有發展,你現貨可持有,但你預佢短期股仍會十分波動。
蒙牛乳業(2319)有質素。
佢於中國從事乳製品生產及經售業務,乃中國領先的乳製品生產商之一,以蒙牛為主要品牌提供多元化的產品,包括液體奶(乳飲料及酸奶)、冰淇淋及其他乳製品(如奶粉等)。
無論品牌、銷售網絡、發展,都不差,長遠正面。這股有長線投資價值,不過現價就唔算平,回翻10%先慢慢分注入,會較好。
農夫山泉(9633)有質素的。由於有一定的品牌價值,因此企業質素與發展正面,財務數據不差,生意與盈利都有理想增長。
不過上市不久,股價較波動,同時上市前數據可能執靚過,因此要注意風險度。現價合理區頂至略貴。
若想入貨,現價小注投資好了,這股適合長線的。
------------------------------------------------
Q21940:
您好龔成, 訂閱您Fb已多年, 以下有一問, 十分煩惱,未知閣下能否抽空賜教:
情況:媽有一個自住三房私人舊樓單位,樓齡32年, 估計如賣出約560萬。 因該樓舊需要夾錢換𨋢, 大約每戶比20萬, 暫時不知何時要付。
她已60+歲退休弄孫, 她除家用外無收入。我們3個子女現為搬出,但家姐租樓多年,有意和姊夫跟一細女回去同住,他們儲蓄20萬左右未夠錢買樓。
她有幾個選擇, 哪個是最好的財務安排?
1. 賣出,媽出首期比家姐買較新的樓, 家姐供樓 ,然後:
1A: 4人(媽,姊,姊夫, 一細女即孫 )同住, 可能繼續住元朗/轉去東涌/青衣。媽每月比少少租家姐當幫手供。或
1B: 自己另外買細單位自住,其餘投資/買股票做每月收入 (唧種可推薦給她這些退休人士而是比較高收入,低風險?)
3. 繼續自住, 家姐搬回, 每月給媽家用
或有其他選擇, 但現時未想到。
十分感謝!
龔成老師︰
其實係財務層面,這3個選項都係可以。反而我覺得,選擇邊個方法的重點,應該是你媽媽自己的想法。
因為香港一買一賣的成本較高,因此,未有明確目標前,(3)是較好。
當然,另外兩個方案其實都可考慮,最重要是你地成家人的意願,因為現時影響多人。進行(1)的方案時,要大家傾好各自的權益,清清楚楚是最重要,大家要「先小人,後君子」。
如果你媽媽,係想和你姐一家同住。若現有自住樓係配合到佢地長線生活所需,咁就可以。
除非有好大生活上問題,否則不建議換樓,因為香港買賣樓宇成本唔細,一來一回,會唔見好多錢。
若你媽媽不想同住,佢可以沽出現時物業,換一間較細自住屋。再將餘下資金,投資一些收息股,去為自己創造現金流,支援自己退休生活上的開支。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只係合理水平,資金不宜盡用,你可以先將部份,以分注形式買入上述股票。餘下資金,就等大跌市出現,才加大力度掃貨。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
第一生命保險有限公司 在 龔成 Facebook 的精選貼文
【龔成問答信箱】(Q15221-Q15240)
Q15221:
你好呀龔生.今年我16歲.大約一個月儲到600-700蚊到.但我想更加好咁管理同增長自己噶財富.可以點做
龔成老師:
這一刻,可以先做到儲蓄的部分,因為暫時你本金不多,要投資股票等增值工具,未必有足夠的資金。
建議你這刻集中儲蓄,到你有一定數目後,你可以考慮盈富(2800)、領航標普五百(3140)這類增值工具。這刻不用急。
你這年齡已有理財概念,十分好,這刻要做好量入為出,設定每月的儲蓄計劃,如果可以的話,可建議個人的收支表,記低每天的消費。同時,這年齡是知識增長期,可以多睇理財書,相信好快可以用到這些知識。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15222:
hi sir, 我係你之前股票班既學生, 我剛剛嘗試分析隻0177, 利用第6堂所學既去分析, 初本指標all pass, 但佢5年既負債都比資產多, 而且仲比較波動
想問下阿SIR遇到呢類股應該點再進一步分析, 因為我個人比佢既優質度係18分, 而我覺得負債係一個重要的因素但我唔識分析, 所以想請教阿SIR, thanks~
龔成老師:
課堂的指標,是基本的指標,當完成第一步、第二步的分析後,就要全面分析企業,這時就要睇翻企業的損益表、資產負債表。
江蘇寧滬高速公路(0177)本質不差的。負債方面,主要從幾方面去睇(好多時我地要正式分析年報,不能只睇財經網站)。第一是流動情況,即是流動資產與流動負債的分析,這方面佢是要扣分的,不過,由於佢的現金流量強勁,這方面可以減少不利因素,整體算是扣少少分。
同時,要分析總負債的情況,這方面佢算是過關。
整體來說,佢是合格的,只是流動性方面會扣分,但未至於成為核心性不利因素。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15223:
龔成您好,看完您的書後,突然有靈感覺得生物科技10年後會有突破,想問1530三生製藥點睇,或者那隻生物科技股較穩健?
我知道玩時生物科技並不流行,股價十分波動,但那隻會有強的現金流,可以為公司提供資金進行科研。
龔成老師:
三生製藥(1530)有質素的,但業務較為波動,雖然近年的生意保持向上,但盈利有時增長較快,有時出現下跌,反映企業本身有風險。
但我地以長線分析,見到這企業業務模式不差,每年現金流強勁,不過股價上落就較大。整體上,這股有投資價值的,只要投資時不要太大注就得。
另外,你可以留意下長江生命科技(0775),但這股的風險比三生製藥更高,要留意。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15224:
阿SIR 我想問問
由於香港最近的經濟轉差, 地產股如SHK及恆基股票也有較大回調, 但我同時供緊領展
領展同地產股算不算是同一板塊?
因為我有D心郁郁想投資SHK
暫時月供分配為
1211:2000
2800:2500
823:2500
如果每月有多2000蚊,我應否加SHK或恆基?
同時我都覺得金沙中短期會受中國經濟轉差有較大影響,股價相信會慢慢回落
我呢2000蚊供地產股定賭股好?
謝謝
龔成老師:
香港的經濟,中短期當然會較弱,但只要我地分析企業時,以長期角度分析,就更能了解那些企業有質素、值得長線投資的。
領展(0823)及你上述提及的2隻地產股,都是地產類別的,你要計算好同一類別在組合中的比例,不宜過多。
你投資不是不可,但我會建議你調整一下月供比例
盈富(2800)$3000
比亞迪(1211)$2000
領展(0823)$2000
恆基(0012)或新地(0016)$2000。
從平衡的角度,加賭業股會比恆基(0012)或新地(0016)好,但如果你比較睇好地產長遠的發展,只要你照我上述比例去做用供,仍是無問題的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15225:
龔成老師,我是住在澳門的,所以要報讀課程唔係好方便,同時因我現在沒有工作。
所以我有些問題想請教,我有現金20萬,想投資一些股票來賺取一些生活費,請指點這方法可行嗎?謝謝
龔成老師:
首先,由於你這刻無工作,財富配置上會偏向保守,因此唔能夠投資進取的項目。建議你預留$5萬-$10萬作備用,不要投資。
至於餘下的資金,可以投資較穩健的股票,雖然增長力不算強,但這是較平衡的做法。
你可以建立一個收息股組合,你可考慮港燈(2638)、香港電訊(6823)、匯豐(0005)、工行(1398)、置富(0778)、陽光(0435)、深高速(0548)等,大多有5%股息,相信是較適合你的投資。
當然,你可以小注投資有基本增長力的股票,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15226:
老師,有問題
股東應佔溢利 跟股東權益有什麼分別?
是否股東應佔溢利是有形 股東權益是無形?
那看年報 是否股東權益重要點?
但股東權益會計不是可以做靚佢?
龔成老師:
你問的野,並非三言兩語講到,因為當中涉及不少會計上的概念。
「股東應佔溢利」,你可以理解為今年的盈利(其實有點分別,但你當係先)。例如今年企業賺了$1億。
「股東權益」是股東在會計上,佔整體企業多少部分,例如企業資產的價值$30億,負債$10億,股東權益就是$20億。這是一個會計上的數目。
其實,兩個都是重點,你可以理解,股東應佔溢利是形容企業的賺錢能力,股東權益是資產角度的分析。
兩者都可以利用會計去「修飾」,因此,分析時要較小心。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15227:
龔成我想問下3918(佢係一隻博彩股) 有冇潛力價值,我睇過佢地年報,主席,管理層都對未來有衝勁,佢哋資產都係慢慢升緊,加上佢哋信用評價都好好
負債方面吾會太多。我想問有冇機會同金沙或者銀河娛樂一樣
龔成老師:
金界控股(3918)有質素的,這是柬埔寨最大的酒店、博彩及娛樂運營商,旗艦NagaWorld是金邊市唯一的綜合式酒店及賭場娛樂城,持有為期達70年至2065年的賭場牌照,NagaWorld僱員人數超過5500人。
另外,金界亦享有在金邊市方圓200公里範圍(柬越邊境地區、Bokor、Kirirom Mountains及Sihanoukville除外)內至2035年屆滿為期的獨家賭場經營權。
另外,金界的Naga2期,總建築面積超過12萬平方米,當中包括NagaCity步行街的零售及公共區域,而Naga2將設有約1000間酒店客房,娛樂設施及賭場,以擴展業務。當中的NagaCity步行街已經開業,包括面積不少的免稅品商店。
柬埔寨仍是發展中的國家,當中的潛力不能忽視,中國的旅客不斷增加,預期這情況仍會持續,而金界在金邊的壟斷優勢,再配合新發展項目,是一個不錯的機遇。
另外,中國經濟轉弱,中短期會對佢不利,但長遠仍是正面的。不過,柬埔寨始終是新興的市場,總會存有不確定性,因此,這股可投資,但不建議太大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15228:
龔sir認為追縱美股的ETF 3086和3140 現況怎樣?過去一年的表現幾好咁喎
龔成老師:
唔好在意過往一年的股價走勢,因為我地唔會預測之後中短期的股價走勢。最重要睇長遠,當中企業的發展。
BMO納指(3086)、領航標普五百(3140)都是追蹤美股指數的相關基金。當中有很多優質,全球最強的企業在其中。
相信佢長遠仍有增長力,但由於當中的企業已很有規模,增長力不是爆升類,而是平穩增長型。有投資價值的,月供都不差。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15229:
吖sir,你好,你對2138尼類由本身做醫美轉型緊去做一間醫院級別集團
有睇過你的書,書中講解倍升股的時候,尼只股好似年報數據都似你書中講特質。你點睇這企業?
龔成老師:
書中所講的特點,是我地要尋找優質股、倍升股時的基本要求,到我地正式分析時,仍要睇好多野的。
財務數據當我地運用時,一定要將佢意義化,了解當時的大環境,如何產生這樣的財務數據,反映了企業一個怎樣的情況。
香港醫思醫療集團(2138)我見佢業務發展得唔差,就以最新的中期業績來講,營業額增長近3成。
期內業務概況中,醫療服務營業額增長1倍,另外,美學醫療、美容及養生以及銷售護膚,仍然佔佢6、7成的生意。仍然是佢業務收入的核心。
整體來說,這企業不差的,業務有質素,有增長力,不過近年負債增長快,加上這企業的規模不算好大,都成為風險。現價合理區中上部,分注投資都可以。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15230:
呀sir我想問金沙會唔會續唔到賭牌?
龔成老師:
機會率好低。
我在股票班中,用了10分鐘講述賭牌續牌的分析,從澳門政府的角度出發去分析。當然,無絕對的答案,但推斷到,銀娛(0027)、金沙(1928),是最大機會得到賭牌的企業,最不擔心。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15231:
老師,有一啲潛力股都想聽下老師嘅意見:
1762萬咖壹聯、1951錦恩生殖、1521方達控股
最後,對於大行嘅估價評級,我哋應該用乜嘢心態去理解?信?唔信?有陰謀?想影響市場然後獲利?
問題有啲多,謝謝老師
龔成老師:
萬咖壹聯(1762)不過不失。業務不差,但現價唔平。
佢最新的收益同經調整淨溢利,顯示佢增長左唔少,不少睇翻佢的財務報表,佢2018年有一些優先股同認購證的虧損,合共有$4億,令佢2018年度最後有賺變蝕,當然,當中唔少都只是一些會計上的問題。
從業務上,佢仍然有增長的,但現時佢的經調整淨溢利約$1億,以現時市值$60億計,點都有少少貴,反映市場已預期佢會高增長。
這類股有危有機,可能有潛力,但只能小注投資。
錦欣生殖(1951)本質不差的,長遠有增長力。
佢主要係中國及美國,透過合約安排從事經營及管理輔助生殖醫療機構,以提供輔助生殖服務、管理服務,以及輔助醫療服務。
佢的自有輔助生殖醫療機構,包括位於中國的成都西囡婦科醫院及深圳中山泌尿外科醫院,以及位於美國加利福尼亞州的3間HRC Medical手術中心以及NexGenomics PGS實驗室。
佢過往的財務數據不差,生意與盈利都有不差的增長。
不過,佢上市年期不算長,加上佢現時市值去到$300億,就算佢盈利增長快速,相信佢接下來幾年,每年盈利都只會有幾億,以這作假設推算,佢現時的估值都幾貴。
如果你見佢有回落,先小注投資,之後再跌先入。
方達控股(1521)係一家專注於為生物藥品及農用化學品市場的公司提供研究及開發服務的公司,主要客戶包括生物科技及製藥公司。
業務增長快速,但現價都唔平,加上規模唔算大,因此現時投資值博率未算高。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15232:
你好,我經常有留意你嘅更新,想問下,我係家庭主婦,有20萬現金想學下投資,拎左10萬做訂期半年,就拎得
想問下老師,做月供股票好定一手買入好,及有咩選擇,可否俾啲意見,麻煩晒
龔成老師:
對於初階投資者來說,月供一定是較好的選擇,因為買入價能有效平均,減少一次過在高位買入的風險。當然,你一定要長期月供先有效。
另外,盈富(2800)對你來該最適合,因為這是一個組合,50隻質素不差的股票,對未有選股能力的投資者來說,是得適合的。
加上同時持有多隻股,比起單一股票,風險能有效分散,因此較好。
你可以首先開始月供盈富,每月$3000-$5000。之後,開始學投資,並從一些穩健類的股票開始學習,例如:金沙(1928)、長建(1038)、中銀(2388)、港鐵(0066)、恆基(0012)、港交所(0388)等。
記住,我地投資不是炒賣,是長期持有,原理就是投資了一間企業。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15233:
成哥 你好 又麻煩你了,之前我有問過你關於保險的事情,你就話對儲蓄成份保險有保留
我保險經紀最近推我一隻每年5000,供10年期共5萬,到第十一有55000,第二十年差不多了11萬,咁樣計法係咪相等於每年有10%回報,因為我現時月供都係預設每年10%(但股票始終有風險,未必可以每年10%)
但保險戈到係保証無風險,一定係有戈個額。其實以上有無我地睇唔到既盲點/不利地方,或者你睇法係點
龔成老師:
由於複利息的關係,咁樣並不會有10%回報。
但你可以問清楚佢,當中的實際年回報率是多少,從而評估當中的吸引力。
這類產品,好處是低風險,可以視為組合中防守的部分,因此,並不是無投資價值的。但我會建議將較多資金,集中在進攻。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15234:
你好,想問下737 仲會唔會升?
同埋想問下900 點睇
龔成老師:
灣區發展(0737),即是之前的合和公路基建。大股東轉左做深圳投控國際資本控股基建有限公司(即是深圳旗下的公司),暫時在業務上,仍然是持有公路。
佢原本是收息股,增長力不強,近年佢改得名,相信之後會有唔同,之前只是持有公路收路費,但之後相信會有搞作,可能有野發展。
相信會多有少少上升的潛力(但仍左有未知數),不過,收息的穩定性比過往會減。
至於AEON信貸財務(0900),這股不差的,但質素又未去到好高,同時增長力不強,只能視為平穩增長類,以收息來說,可以的,但這股不建議太大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15235:
老師 想問下現在購入安踏會否過貴?如何過貴什么價位入市比較合理?
龔成老師:
安踏(2020)有質素,我上年出的《50值博倍升股》都有推這股,更給「4分」的高分優質度。可見有一定的投資價值。
安踏核心品牌,係中國體育服裝市場,佢有一定的知名度及市佔率,同時,這企業透過不斷收購去擴大業務版圖,品牌合作亦是其中一個方法。
例如「NBA聯名品牌」,就是在2014年,NBA中國與安踏發展長期合作關係,安踏正式成為NBA官方的合作夥伴,以及NBA授權商。其後安踏推出安踏-NBA聯名品牌運動鞋和配件產品。
安踏的品牌有相當的價值,曾獲得Brand Finance的「全球最有價值服裝品牌50強」,是唯一一家榜上有名的中國體育用品品牌。
不過,近一年這公司上升倍計,的確有點過多,現價略貴。如果要入貨,跌10%先開始,同時要小注分注去入,這樣會比較穩健。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15236:
龔sir 一直都有follow你的問答信箱 見你推介1211, 1177和1448 是有質素的潛力股, 但因本金有限, 如只能選2股月供,
會較推介那兩隻? 這3股的潛力/質素是否有高低之分?謝謝解答。
龔成老師:
比較優質及投資有值博率的,是比亞迪(1211)、中生製(1177),這兩股可以進行月供,長期進行。
不過,唔建議將資金過份集中在潛力股,因為潛力企業的業務有較大不確定性,你太集中會有風險,所以要取平衡。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15237:
你好!成哥,吉利汽車同沃爾沃合併的消息,請問一間公司合併對股價有何影響?會否影響一間公司的估值?
龔成老師:
當然是正面的,這會提高佢長期的企業發展及價值。
在中國市場,唔少外國車以品質、信譽、售後服務理想見稱,中國亦成為戴姆勒最大的單一市場。
吉利不止能借助當中的技術優勢,同時能利用強大的品牌,令吉利整體車系進一步提升。近年吉利已不斷開拓較高價位市場,而且策略成功,帶動收入大幅上升,再憑著這個收購,將進一步令吉利的市佔率增加,以及檔次提升。
除了中國市場外,這次收購將令吉利更方便打通外國市場,是踏出海外市場重要的一步。不過,現時吉利海外銷售不多,要發展歐美市場,相信仍有一段路。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15238:
師兄目前點睇1109?
龔成老師:
華潤置地(1109)正面的,佢係華潤集團旗下的地產業務旗艦,是中國內大型綜合型地產開發商,主要業務為物業發展、投資及管理、建造及裝修的服務。
規模與業務等各方面都不差,但負債高則是風險所在,雖然國內好多同行都有這情況,這企業已經不算嚴重。
不過,從風險角度分析,負債始終會令這公司扣分,因此投資時不能太大注。整體都有投資價值的。現價合理,分注就得。生意與盈利都保持增長,派息都有4%,是不錯的股票,有投資價值,相信長遠不錯的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15239:
你好呀 我今年18歲 讀緊大學返緊parttime 每個月大概儲到$2000 依家儲埋嘅資金都有接近$20000 我想用月供股票黎幫我儲錢
等我大學畢業之後有一筆資金可以用 目前我諗住月供$2000比0823 供3-4年 請問會唔會好大風險? 供2800會唔會比較穩陣?thanks
龔成老師:
從穩健度來說,你供盈富(2800)當然較好,因為這是一個包50隻股票的組合,你投資這個的風險度會較低。領展(0823),是單一股票,你投資當然會比盈富的風險度高。
不過,如果你本身可以承受少少風險,投資領展的問題其實不算大,因為你年輕,以及從長遠的財富分配分析,領展就算長供$2000,也只會佔你財富比例一部分。
因此,領展的風險比盈富大,但不算好大。
無論那一隻,你現時都可以開始進行。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15240:
老師,想問下隻1266
老爸子 聽人講 買左10萬
想問下老師高見
龔成老師:
西王特鋼(1266)質素只是中等,投資價值一般般,近年盈利出現持續下跌,投資價值不算高,唯一的吸引是股息率高。
但我一向不建議太過以平去作投資首選,正如我股票班所講,我地要以分析企業的質素行先,之後才考慮平貴度。
這股就算投資,只建議小注好了。如果持有太多,可能要賣出部分。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
第一生命保險有限公司 在 呂維胤-為你打拼 Facebook 的精選貼文
再過幾個小時就要邁向2020🎉,2019的最後一天維胤來向大家報告2019年下半年度維胤和服務團隊做了哪些建設及努力💪。
未來維胤會持續推動各項建設,繼續拚,努力監督市政。若想知道更多資訊歡迎來詢問維胤並多多關注粉專,掌握第一手消息哦!
2019下半年大事紀電子圖檔:https://weiyintainan.pse.is/PGLSX
第三屆第三次臨時會+第二次定期大會總提案數103件
(主要提案26+連署提案77)
詳細提案內容電子檔:https://weiyintainan.pse.is/PPHLW
----------------主要提案----------------
👪民政:
案號7-建請市府增設松安里公園及活動中心。
案號8-建請市府增設大林里活動中心。
案號9-建請市府增設郡南里活動中心。
案號28-建請議會即時轉播增設手語轉播。
案號7-建請市府增加安億公園維護經費。
案號17-建請市府將淺草里內的中正里活動中心,改建為結合遊客中心的複合式活動中心。
案號18-建請市府增設王城里活動中心。
案號26-市府應通盤檢討現有之無障礙空間。
🏫教育:
案號3-建請市府舉辦「運河藝術節」。
案號1-建議爭取大港開唱。
案號12-市府應協助推廣英語互動廣播學習計畫。
案號13-市府應協助學校爭取社區共讀站。
案號14-市府應於不義遺址現址設立解說牌以還原歷史。
案號16-建請市府改善市立圖書館之無障礙空間。
案號28-建請臺南市教育局給予本市代理教師完整的一年聘期。
案號36-敬請改善體育場籃球場逢雨積水之情況,保障球友安全。
👷♂建設:
案號49-強烈反對臺南市肉品市場股份有限公司安南場遷併善化場,以維護市民食品安全健康。
👩🏻✈️保安:
案號10-建請市府於新興國小後門周遭設置T bike 公共自行車租賃站。
案號15-建請市府於鯤鯓景觀橋下設置T bike 公共自行車租賃站。
案號3-建請市府加置「警用肩燈」夜間設備。
案號36-應發予各里里長公務停車證。
🏗工務:
案號11-建請市府向國防部申請除役飛機置放於大恩特色公園。
案號12-建請市府加高永華國小前日新溪橋墩,保障學童安全。
案號52-建請市府將漁光大橋設置 LED 光雕造景,打造為具有地方特色意象之景觀橋。
案號54-建請市府將濱南路納入路平專案。
案號56-建請市府將中華南路一段、二段(國民路-金華路一段)納入路平專案。
----------------連署提案----------------
👷♂建設:
案號1-台南市區公園流浪狗安置問題。
案號25-建請市府應從根本解決廚餘問題,鼓勵民間投資設立廚餘處理廠,或由市府籌資設立。
案號41-安全有尊嚴的如廁是每個人的需求與權利,建請無障礙廁所普遍設置照護床,讓使用者有尊嚴、安全如廁,更減輕照顧者的負擔。
案號42-東山區高原里科尾(東原高幹 229-山原高幹 205)產業道路,因既有柏油路面老舊破損,路面凹凸不平影響行車安全,建請市府盡快編列預算修復,以維民眾生命財產安全。
案號43-建請市府有效提高市民投保相關農漁產保險投保之意願。
案號44-積極推動推廣清真認證,開拓本市漁產及農特產品之穆斯林市場。
案號45-建請新營第二市場部分應保留為當地特色保留區。
案號47-建請推廣台南咖啡店使用東山咖啡,創造地方連結,製造雙贏。
案號48-建請農業局,荔枝椿象暨秋行軍蟲噴藥防治作業應同時多區進行,避免荔枝椿象暨秋行軍蟲到處流竄,失去成效。
案號56-為促進產業發展、增加在地就業,建請市府向經濟部爭取國八東段、位於新市永就里的「番仔寮工業區」。
案號57-為維護校園健康,公費疫苗不能獨漏教師。建請市府安排教師與學童在第一順位施打公費疫苗。
案號61-建請市府「農業相關用地」及「農地周邊」,不得設立掩埋場。
👪民政:
案號6-建請市府編列預算興建北區長勝里活動中心。
案號24-為滿足準公共托嬰中心業者與主管機關間的溝通需求,建請社會局建立更完善之「托嬰中心主管聯繫會議辦法」,並確保各方意見能在會議中納入討論。
案號25-準公共化托育政策,對業者的稽查過於頻繁瑣碎,建請社會局納入家長、業者、相關團體意見,建立一套完善、有效的稽查流程。
案號5-建請重大或爭議公共政策納入公民討論機制,正式入法 為公民參政建立制度化渠道。
案號30-建請打造市民引以為傲、觀光客蒞臨朝聖的旗艦型親子場館。
案號31-因應 2026 年「超高齡社會」即將到來,建請市府規劃設立人性化的住宿式老人福利機構,使老人能在溫馨舒適的環境安享晚年。
案號32-建請社會局評估並向中央提案,放寬與修正《老人福利機構設立標準》中對營利團體的限制,使民間營利團體能參與老人福利機構的設立,促進市場永續發展。
案號41-依《國家語言發展法》積極推動將母語認證列入公務人員職級升等遷調或臺南市各局處招考人才等考試用人之加分評比項目。
案號43-建請民政局重新審視清明掃墓接駁車路線規劃,並建議試辦白河、柳營等路線。
案號45-很多家長獨自在家帶小孩時,總是會有需要臨時出門的狀況,但情急之下哪找得到人幫忙顧小孩?有鑑於此,建請市府辦理「定點計時托育」,讓家長出門辦事更放心!
案號46-單親家庭補助申請須等經法院證明始符資格者,建請市府應研議提供暫時性補助措施,俟取得證明後應採溯及既往原則補發其自單獨負擔撫養之時點至核准期間內之相關福利。
案號47-建請市府儘速設置新化區及安定區親子悠遊館,建構友善育兒環境。
案號48-建請市府研議「未成年懷孕及未成年父母服務方案跨局處整合服務計畫」,將相關具體作法詳加載明,以維護兒童及青少年健康成長及其人格發展。
案號50-建請社會局針對幼兒、兒童相關政策資訊,應準備東南亞語言宣傳品,或確保能妥善傳達與新住民。
🏫教育:
案號2-為共創多贏,建議文化局應請相關得標廠商與地方社區加強互動與溝通。
案號3-各公立高中、國中、國小學校都應設置風雨球場。
案號22-建請將體育處升格為體育局,增加編制及資源,以強化競技體育及落實全民運動的健康城市願景。
案號24-市區公幼供不應求,建請增設公立幼兒園照顧青年家庭,並於偏鄉推動私幼公共化,讓有限教育資源發揮最大效益。
案號35-建請市府跨局處整合並整體規劃,推動在地創生將「祭典文化季-廟會嘉年華」, 仿效日本年度超人氣十大祭典活動型態,強化南關線在地文化資產傳承與保存, 為臺灣留下無價的文化瑰寶。
案號37-為了讓外配有學習的機會,請各校針對國、台語言開課。
案號38-請教育局關切安親班接送載運學童是否符合規範。
案號41-建請市府全力爭取辦理亞洲盃女子足球賽,並將新營體育場設為主球場,以增加原縣區之國際能見度。
案號42-建請儘速編列預算讓大新營各區皆有數座太陽能光電風雨球場供學生和社區民眾可全天候使用,落實強國必先強身的政策口號。
案號44-建請黃偉哲市長與文化局向教育部爭取國家圖書館南部分院應參考芬蘭中央謳歌圖書館,採「公民參與」、「以人為本」概念營運。
👩🏻✈️保安:
案號18-由北區往永康方向,中山南路與東橋一路交叉口,應設立左轉道及左轉號誌燈, 並依需求拓寬,增加上下班時間的交通流暢度。
案號21-兵工廠外標案要能顧及本市計程車生計。
案號11-東區部分路口紅綠燈秒數配置問題。
案號28-新市區公所前應設置行人專用號誌,增加行人安全與行人便利。
案號34-建請消防局賡續辦理義消救災訓練與消防衣補充更新,俾便支援消防協勤,確保本市市民身家財產安全,並減緩消防人力不足問題。
案號35-建請臺南市府針對住宅火警警報器之推廣申裝業務,加強橫向聯繫,並協調消防局、社會局與民政局就既有業務執行時共同分擔協力,期能發揮住警器政策最大效能。
案號37-建請警察局針對永康、安南、新營、東區、北區、仁德、佳里等 7 區的大型車內輪差安全宣導。
案號41-建請公設消防栓管理權責回歸自來水事業。
案號45-建請研議新營區繁忙路段之停車格收費之可行性,以提高周轉率。
案號46-建請市府向交通部爭取大新營地區觀光公車(或市府自辦),串聯溪北地區觀光資源。
案號47-建請參考韓國釜山多大浦夢幻夕陽噴泉表演,在臺南市沿海區域或是新營體育場廣場,評估施做音樂噴泉表演,帶動觀光人潮。
案號54-建請參考韓國釜山多大浦夢幻夕陽噴泉表演,在臺南市沿海區域或是新營體育場廣場,評估施做音樂噴泉表演,帶動觀光人潮。
案號55-希望自 2020 年起,臺南市聖誕跨年相關活動能夠溪北、溪南各一場,以增加溪北參與機會。
🏗工務:
案號2-建請市府於公園內增設植栽名牌。
案號3-請市府活化平實公園。
案號4-建請市府推廣植樹運動,並可搭配植樹節活動。
案號12-現有公園若無廁所,是否有指標圖示附近廁所或結合友善商店提供廁所服務。
案號55-建請市府將西門路段(健康路-永華路)納入路平專案。
案號105-建請於鹽水區岸內大排流水彎入大眾廟前設置污水處理廠。
案號106-建請市府儘快改善新營區農地重劃區埤寮段 498 地號及許丑段 341 等地號農路,以維護居民生命財產安全。
案號107-建請市府儘快改善後壁區土溝重劃區東西十七路及土溝重劃區東西十路改善工程,以維護居民生命財產安全。
案號108-建請市府儘快改善新營區太子宮段太子宮小段 1233 等地號農路改善工程,以維護居民生命財產安全。
案號109-後壁重劃區第五六工區 H6 路,因既有柏油路面老舊破損,路面凹凸不平影響行車安全,建請市府儘快修復,以維護民眾生命財產安全。
案號117-歸仁區六甲里六甲路與台 39 線排水改善計畫二,建請市府儘速辦理,以改善歸仁區六甲路、勝利路與台 39 線每逢大雨必淹問題。
案號118-建請工務局協助解決善化區興華路 223 巷,10 米都市計畫道路開闢工程。
案號119-建請市政府儘速辦理「南 140 線(南 177 線至南 140-1 線路段)道路改善工程」,以利行車安全。
案號120-建請市政府儘速辦理「善化區光明路道路改善工程」,以利行車安全。
案號121-建請市政府儘速辦理「善化區和平路道路改善工程」,以利行車安全。
案號123-對於私有土地存有公用地役關係,相關法規應明確訂定,以減少相關爭議。
案號124-因 172 縣道拓寬而遷移之樹木應妥善照護,建請另尋種植場所。
案號125-民國 109 年與 110 年淹水感知器增設,應優先考慮後壁、鹽水、新市、麻豆、下營、學甲 6 區。
案號139-為優化永康忠孝路交通機能,建請市府加速推動忠孝路南段拓寬,並規劃忠孝路銜接中山南路口截彎取直工作。
案號140-為加速南科擴編及完善周遭生活機能,建請市府完成樹谷大道南延計畫。
案號141-建請市府積極建置永康西勢銜接新化崙仔頂之「新灣橋拓寬」工程。
案號142-建請市府儘速完成永康砲校拆遷工程,將原砲校基地永康創意生活園區納入「2024 台南建城四百年」計畫。
案號143-為加速南科擴編,建請市府積極與中央配合,完成看西農場治水計畫。
案號144-為完善三爺溪水環境,建請市府提升防洪標準,針對三爺溪治水臚列長程清單。
案號145-為促進新市發展,建請市府擴大新市都市計畫。
💼議會提案:
案號145-建請民政局重新審視清明掃墓接駁車路線規劃,並建議試辦白河、柳營等路線。
#支持警消最強後盾
#推動教育平衡差距
#改善城市協助弱勢
#監督市政強力問政
#傾聽民意改善環境
#2019下半年大事紀
第一生命保險有限公司 在 國立成功大學National Cheng Kung University - Facebook 的推薦與評價
日本「第一生命保險有限公司」也公布2019年兒童夢想職業排行榜,與英國相同,男孩的第一名夢想職業也是「足球選手」,應是受到去年世足盃風潮吸引; ... ... <看更多>