#婊揚好人好事
見到香港01裁員的新聞，不禁令人妻先生喊濕一包紙巾。
點解？因為香港01，係好多人心目中嘅「良心媒體」，好多香港民主鬥士都鍾意分享。喺呢個咁令人難過嘅日子，我地不如重溫一下傳說中的傳媒青樓，不，我指的是傳媒清流香港01的精彩報導。
一.
最精采的，當然首推小編01主動婊明心跡，明明無人問佢意見，但點都要講句「香港01一貫立場是反對台獨」。大家完全感受到小編偉大的愛國情操，同志們，請好好學習小編同志的雷鋒精神！
二.
「對待異見人士趨鬆、外界人士未感寬大」呢句，真係屈機過「袁木很誠實」，大佬呀，周星馳食十萬個謊話豆沙包都講唔出嘅台詞，竟然你可以咁輕鬆地講出黎，會不會打算裁員後邀請李先生來接力寫「真係笑話」？
三.
在林榮基門外偷聽到人地有女人，呢個又係經典！係囉，又會咁岩，單單新聞都偷聽唔到，係得呢單聽到嘅？當香港人人都在喊著要守護銅鑼書店主人的時候，你拉個桃色醜聞出黎係咩意思呢？我其實好想知道香港那一班很熱愛01的民主鬥士，一面分享01、一面支持林生，當時他們的心理會否有點不平衡？又，唔好介意我問一句，那位聽力咁神奇嘅記者朋友，唔知聽唔聽到經理房裁員、每個部門要交幾多個人頭呢？
四.
最後當然不能不提「古有孔子刪詩經，今有01改六四」。撥亂反正是每一個時代的大人物的責任，香港01作為網媒清流，良心媒體，自然有責任將官方歷史傳播開去，射殺變中槍，至於裁員嘛... 叫精簡架構。
講到尾，其實點解堂堂第一網媒，會搞到裁員咁嚴重？「本來就蝕緊錢」當然是元凶之一，Facebook cut reach相信也令媒體元氣大傷。更要命的是，由於該01的記者和編輯的手腕高明，基本上把能得罪的專頁都得罪了，試問仲有邊個大page未俾你「參考」圖/片/文，quote錯專頁主人名、下下都叫人網民、又或者係老作夾硬屈去炒花生？有如此高超的報導技巧，又點會要各專頁幫手推文？結果條數只會越來越精采，咪精采到今時今日咁囉。
點都好啦，我好多謝01俾左咁多機會我明白江湖險惡，明槍易擋暗箭難防，而玩弄歷史的人，最後果然也逃不出被歷史埋葬。我見新年流流，大家裁員咁高興，我祝各位文記：
裁員廣進，年年有今日，歲歲吔香蕉。
#我真係恭喜你呀
#簽左個咁蠢嘅西記者返去
#你快啲染紅佢添呀
#據聞記者被裁員後好鍾意自立門戶
#不如大家開個新media
#叫現眼報
#我會幫手share的
#為虎作倀
#我唔係做記者架
#所以我唔識屈人
#唔服氣唔緊要
#你講返邊一篇文唔係你01登嘅
