籃總呢篇聲明，純粹由我個人意見去睇，只能夠講: 欠缺PR !
其實解釋得詳細啲，會唔會好「啲啲」❓
9比1之說🧐
聲明提到: 十隊甲一組球隊祇有其中一隊持不同意見，普遍認為暫時宣布取消本年度銀牌及聯賽賽事乃逼不得已之舉……
到底喺9隊同意取消及延期比賽到下年8月，還是同意延期，但唔喺去到8月咁長呢? 因為你用「普遍」呢個字眼，實在好模糊。咁其中一隊持不同意見，又係乜野意見呢? 單從字面，可以有不同演繹，所以呢點真係要解釋一下。事關原來係9隊都同意延期到出年8月，咁大家就唔駛傾啦!!，最多大家就走去叫老闆「放水」!!
泡泡聯盟 🧐
聲明提到: 籃總不可能效法NBA 用[泡泡場地]形式比賽，因需顧及群聚感染風險，暫停開賽是唯一選擇。
呢個問題唔可以話你錯，但你要解釋多少少。事實上香港真係得一隊職籃，所以根本無可能要求其他球隊嘅職球員、球證、工作人員，HOLD起晒自己工作同生活時間去進行復賽，因為呢筆錢邊個俾? 再講，有冇一個合適嘅場地舉行呢? 邊個位置做隔離同每日做檢測呢?
就算採取家居隔離，再由交通工具直接運送到比賽場地，但還原返根本問題，有咩球員可以完全放棄自己份工去全程投入比賽呢? 好多球員都有自己嘅家庭，所以唔係職業化，又真係好難行得通。 你要喺份聲明到解釋俾大家聽!!
點解唔可以同足總比較? 因為人地真係職業囉!! 不過講真，最近有好多報導都認為，咁急咁復賽，對球員唔係好事，因為缺乏狀態，會容易導致受傷。
但點解坊間有咁多聲音? 係因為你可以好似足總咁，為大家同政府磋商，睇吓點樣可以盡快爭取球場開放、為受影響嘅業界爭取更多資助之類，俾大家知道你們一直有為大家積極爭取。
開辦賽事可行性🧐
聲明提到: 倘若疫情有緩和跡象，可以盡快利用一两個月時間與各參賽隊伍進行緊急協商，務求達成於短期內開辨賽事的可能……
咪就係要你有一個PLANNING ! 寫定兩、三個PLAN 來氹下大家都好嘛！總好過一個建議都無。例如話當疫情一旦受控，可以爭取球場搞返個工商盃、籃總盃等，等多啲球隊一齊玩，令大家熱下身都好呀!!(*最好搵埋有線做直播，咪我有工開囉!! )
至於最後一段，有無必要響咁火辣辣嘅時候寫出來，就留返委員會你們想想喇! 又或者可以修飾下啲字眼，會唔會大家都睇得舒服啲?
總而言之，無論甲一組又好，業餘又好，大家都只係想盡快投入返籃球運動，作為呢項本地運動最高權力機構，真係要幫幫手為大家爭取到底!!
#支持香港籃球
#純屬個人意見
#只係想做PR
