米媽帶左小花返屋企喇。 但因為全埋身，加上要同小花磨合佢食既時間表，谷奶，催乳師上黎幫手（呢個係真心專業同解決到米媽既石頭胸、餵奶姿勢，同格甩底因爲漲奶而出既副乳腺，有需要可以問米）所以真係忙到天昏地暗。
不過米媽好期待返到屋企既一刻，期待米米見到小花妹妹，同好緊張米米對小花既反應。呢幾日落黎，米米真係一個超過一百分既家姐同囡囡。
由迎接入門口一刻，米媽準備左禮物代小花送俾米米，之後米米去摸摸妹妹，抱妹妹，之後不斷出出入入望下小花有無喊。米媽埋身餵奶時或者泵奶時，米米知道米媽谷奶痛，佢會一邊幫米媽按胸。 等米媽想休息時，佢堅持唔出廳玩，要戴住口罩係米媽隔離望住我訓，幫手拍拍米媽。
每次餵奶都會係隔離問米媽仲痛唔痛，有無啜損。 （妹妹食得好唔好）實在太貼心。
同埋米米會遞手，好多好多一叫就去做。幫手拎尿片，倒暖熟水準備棉花，掉尿片。
米媽好感恩。 多謝你小天使，雖然而家日夜顛倒，餵奶埋身又完全無得訓，兩邊胸都損曬流血。米媽用訓覺既時間去陪米米，有時用埋身時間去講埋故事俾米米聽，好攰，但見到小米同小花既互動，一切都值得。
講返啲搞笑野，米米見米媽餵奶或者用接奶神器接奶時，佢每次都問佢想飲。 直情拎個杯黎希望我倒少少佢飲。😂尤其第一日入屋後第一餐奶，佢終於飲到媽咪奶。 有次妹妹飲淨少少既黃金初乳都俾埋佢😂😂
最後，米爸係一千分爸爸及老公，一直都係隔離照顧同幫手
呢個就係米媽米米呢幾日既日常
掌聲係俾米米家姐的
#全埋身真係好顛
#加上小花食力驚人米媽都幾乎無停低過
#呢頭食完果頭又夠鐘埋身
#兩邊胸谷又啜損又埋身唔泵得要手擠係過來人先明
#係愛呀米媽唔會放棄的
#朋友介紹左另一個催乳師黎米媽屋企兩小時就推鬆曬無再塞佢以前做左十幾年助產士有需要既媽咪真係要搵佢唔會後悔
#米媽暫時好少出post因爲連電話都無拎過係手
#小米姊妹花
#米媽育兒生活
