品牌同新媒體有咩關系？
//舉個例，香港米芝蓮三星中菜館龍景軒有一碟賣緊460蚊嘅炒飯，入面嘅材料你喺街市都會買得到，你大可自己返屋企炒，問題係點解依然會有人俾460蚊食呢碟炒飯？撇除錢多使唔哂呢類原因，講到尾就係龍景軒炒出嚟個飯同你喺屋企炒出嚟個飯，即使係用住相同嘅材料都好，都係天淵之別，因為烹調所需嘅廚藝係喺千錘百煉之下先會形塑成嘅一種技藝，技藝係無法輕易被複製，所以一個好廚師真正兌現價值嘅地方並唔係嚟自佢用嘅材料有幾好，而係嚟自佢嘅廚藝功力有幾高。各有千秋嘅廚藝，就成為咗每位出色廚師獨有嘅品牌價值。
代入返媒體嘅概念，資訊就好似炒飯嘅材料一樣，有啲可能會獨家嘅，但大多數都係各處可見嘅資訊嚟，而報道資訊就好似烹調一樣，每個人當有材料喺手，每個人都可以煮，決勝點從來都係在於箇中嘅技藝。廚師嘅技藝叫做廚藝，但係媒體嘅技藝又係啲乜嘢呢？當媒體揾唔到佢自己專屬嘅技藝果陣，媒體自然就無「報格」，更莫論任何想像到嘅「品牌價值」。反之，當一個媒體揾到自己擅長嘅地方，呢種長處就會慢慢形成他人對呢個媒體嘅想像，變成一種既定印象，自自然然就會產生出「呢啲嘢只有你呢個媒體先會做」嘅概念，形成「報格」，而呢個就係建構品牌價值嘅方法。
而當你諗返轉頭，你就會發現，香港絕大部分嘅新媒體明顯從來無考量過自己嘅品牌價值，因為作為受眾嘅大家根本無法子清晰咁講出呢啲新媒體嘅特色同個性係啲乜嘢，更莫論啲乜嘢「報格」同「品牌價值」，因此呢啲新媒體亦都無辦法圍繞住品牌價值呢個概念去建立出合理嘅發展方向，而呢個就係香港新媒體永遠都危在旦夕嘅禍根，就係對自身想像力不足而生。//
肉麻都要講，再一次感激Happy Kongner嘅米迦肯花時間精神响本人嘅Patreon寫文章，超長原文：
【客席作者文章】米迦：點解新媒體（二） 如何突破香港新媒體嘅已有局限
https://bit.ly/3yi4lni
#社交媒體陷阱
***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk
***************************************
米芝蓮三星中菜 在 【開心分享】新葡京酒店多間餐廳蟬聯米芝蓮殊榮！ ... - SJM ... 的推薦與評價
最新公佈的《米芝蓮指南香港澳門2021》中，澳門擁有3間米芝蓮三星餐廳，而其中兩間就在新葡京酒店哦 ！「天巢法國餐廳」已是連續十三年獲頒米芝蓮三星榮譽，而中菜 ... ... <看更多>