八仙嶺 之 純文字攻略：
係大埔火車站集合，搭小巴20c或巴士75k到大美督落車，去番馬路過對面後右轉向上斜出發！
約15分鐘：上完馬路斜後，見到火警訊號指示牌行左邊路上山。
約25分鐘：到達春風亭。
約42分鐘：有路牌，往橫山腳方向直走。
約1小時5分鐘：有路牌，左轉前往八仙嶺。
約1小時25分鐘：到達八仙嶺－仙姑峰。
約2小時20分鐘：到達最後一峰－純陽峰。
約3小時30分鐘：有路牌，右轉往鹿頸，直行往黃嶺鶴藪，請直走。之後會出現無路牌的分叉路，都係殊途同歸，不過行左面就可以係山頂上睇到風景，故建議行左面山路，之後都會有小路落番原路。
約4小時10分鐘：有路牌，直走往鶴藪。
約4小時15分鐘：會見到一條好小好小的石橋。
約4小時20分鐘：有路牌，直走往鶴藪。
約4小時35分鐘：有路牌，左轉往平山仔，右轉往鶴藪，請右轉。
約5小時5分鐘：無路牌，行完一大段水塘路同馬路之後會去到鶴藪民居，可左轉入村搭小巴出返粉嶺火車站！
▼ 行山系列第十一撃 –＃八仙嶺
https://youtu.be/0_Dq1Ibe0Q8
