近排見好多朋友同我講有間新晉韓國品牌
「BANCHAN & COOK」殺入銅鑼灣時代廣埸，
主要以韓式輕食營造一個小清新Café既風格。
成間餐廳既空間設計非常通透自然，主要以簡潔
為主題，再佈置左好多乾花做裝飾，仲有少少
Girlish既特色，而近排佢地搞緊個Halloween
主題菜式，加入左好多南瓜既元素，
款款都好適合打返個靚卡咖！👇
-
📌Halloween Menu
♦Snack -
▪ Spicy Kimchi Pancake with Ink Sauce - $72
▫ 究竟「黑暗泡菜煎餅」有幾黑暗？
其實係加左墨汁令佢賣相變到好黑黑實實，
但入口果種質感唔係想像中果種脆口，
係好似韓式年糕果種煙韌。裡面仲加左泡菜，
食落就有種辣辣地感覺，幾過癮。
-
♦Main Course -
▪ Creamy Pumpkin Pasta with Prawns - $138
▫ 輪到另一個萬聖節特色「大蝦南瓜意粉」，
幾有驚喜既係佢竟然有兩大隻海蝦仲要幫你開埋邊，
比你啖啖肉慢慢嘆，淨係呢樣都即刻食慾大增呀。
另外麵條係用Fettuccine，煮既時間岩岩好，
仲做到好多咬口，唔會過淋，唔錯。
-
♦Drinks -
▪ Pumpkin & Cinnamon Latte - $48
▫ 何謂「怪獸泡泡咖啡」？就咁睇個名好似好得意，
其實係個賣相由幾種顏色組成而有種漸層既效果，
驟眼睇又真係好似一隻怪獸排牙既LOL..
面頭仲有層忌廉，最底部會飲到有D南瓜蓉，
口感好特別，創意值得加分。
-
📌Lunch Set -
▪ Omurice with Eel - $105
▫ 知道佢地既蛋包飯好出名，額外再點左個
「鰻魚蛋包飯」，原條鰻魚相當有睇頭，
半熟狀態咬落相當嫩滑。呢個蛋包飯唔係
用蛋皮包住，而飯上面用左一整塊厚身既蛋飯蓋住，
醬汁仲會有個拉花既效果，好有心思。
-
📌Dessert -
▪ Cream Egg Roll with Korean Red Bean - $48
▫ 最後食埋個甜品「紅豆忌廉蛋卷」，
蛋卷好有空氣感，相當鬆軟。旁邊既紅豆蓉咬落
好軟綿唔會太甜，再配搭埋忌廉一齊食，多種層次，
口感好豐富！
-
📍 BANCHAN and COOK - 반찬앤쿡
🎈尖沙咀金巴利街3號金利大廈地下
