關於 細佬係結他老師 ，我們在網路上蒐集到這些相關的討論、資訊與評價

［細佬］好很長篇

終於，我細佬嫁咗(一時講錯😆) 終於娶咗個好老婆！婚禮當日，睇住佢行禮成個緊張仔，到拖住佢老婆傻笑禮成，我諗嗰一刻比起佢出show上台前緊張又興奮百倍！

而喺台下嘅我，就有一份莫明其妙嘅滾動，相信最大嘅原因係小弟人生第一次感受到，佢唔再係當年瞓喺我下格床，成日畀我整鬼佢嘅細佬。突然，我腦海入面嘅留聲機播起呢首歌：

“I will find my way, I want a different way. After the wind and rain, There'll be a brand new day
小時候受傷有人心疼失落有人安慰，現在遇到困難自己就要學會面對⋯⋯困難要用我的堅強和努力勇敢面對，現在用心去追，感覺就對⋯I find my way～”

Flashback突然回帶

2003年，一個悶熱嘅廣州晚上，一個北上無心求學嘅我，我打開大氣電波，無意間聽到呢首熱播新歌，RnB旋律加上一把清新嘅嗓音，有令人鑽入收音機嘅魔力，正正因為呢首My Way，張敬軒呢個名字就開始被人關注，無幾耐佢仲去埋香港發展添⋯

一支走音結他

有一年暑假，身為窮L嘅我，慣例返香港炒散幫補下，我一手揸住爛鬼鐵線木結他，一手拉住發嗅皮箧，迫三個鐘長途巴返屋企。一入門口，懶理畀阿媽震爆耳膜嘅威脅，我將所有行裝鳩擗，然後開雪櫃10秒KO一包雀巢檸檬茶，再入房睇下細佬妹搞緊乜。

果然，細佬都係機不離手，對眼黐實部gameboy遊戲機，我忍唔住將佢從比加超個世界召喚返嚟現實：「喂，有無媾到女呀？」雖然我咁問，但其實我都無，咁做大佬係要扮下野咖嘛😅

一講到女，佢似乎都有啲興趣，肯放低部機，見狀，我打蛇隨棍上，拎出支爛結他，表演起那純熟嘅基礎四個chord，佢睇到不知幾入神，我就話：「嗱⋯咁啲女女先會埋你身㗎嘛，堆bu堆？」

就係咁，佢一拎起支結他，就無放低過，仲不斷鑽研，後尾做埋全職樂手教結他搵食添呀！其實我從來都唔識彈結他，支結他仲走晒音添，哈哈😆

最令我感到奇妙嘅係，佢喺大學因爲玩音樂識到個靚女，家陣仲嫁埋畀人(sor又講錯) 娶埋人做老婆添呀！😎👏🏻

當年我點整鬼下格床嘅細佬？

話說每個星期日晚都會播龍珠Z，咁夜老竇實唔畀睇啦，但我作為一個稱職嘅百厭星，又點會難到老夫呢～

我會先扮瞓覺，一夠鐘就喺上格床跳落地面，企喺隔住大廳嘅玻璃門後面偷睇，每逢去廣告，即刻用輕功踩住書枱彈返上床，因為老竇例必入房睇下細佬有無跌被，而我就將喘氣聲盡力掩蓋！

如是者，我跳上跳落，細佬完全瞓唔著，結果佢幾歲人仔竟然識得報串，畀老竇剷到上天花板唯有死返去瞓啦，但我好唔憤氣，用腳踩轉床尾買餸車個車轆，發出啲奇怪鐵銹聲，於是又靈機一觸，同細佬講：「哎吔！有鬼呀⋯⋯」

我見佢驚驚地，就加多幾錢重：「唔洗怕，我識瞬間轉移！」佢話唔信，我一野跳落地面，大力拍佢屁股，嚇完佢又再踩住書枱彈返上去，咁又玩咗好耐。

結果？佢咪又報串囉，真係狗到爆，成日出絕招！

我整鬼佢嘅回憶太多，而佢報串嘅次數都數唔晒，有次佢怕畀人打，將阿媽收埋喺梳化後面嘅藤條飛咗落街，老竇搵唔到竟然第一個找我悔氣：「唔係你仲有邊個吖？！」就係咁我幫細佬又食一次死猫⋯

呢啲種種發生喺我同細佬之間嘅小回憶，曾經令我充滿發自內心嘅妒忌，但大個咗，想追都追不回，我慶幸有個曾經被我妒忌，又成日報串嘅細佬，無佢，而家邊有咁多野可以笑呀！

—————————
#人在港偽泰仔日記
#細佬係結他老師
#同時係皮革師
#可以參觀佢葵興studio

(歡迎查詢結他班及皮革品)
細佬ig: https://instagram.com/lykdennis

中三揀科好似啲人結婚咁，錯！係慘過結婚，因為人地結婚一兩年發現性格不合都仲可以離婚，你發現你揀咗嗰科性格不合呀？除非你有兩三個X喺手，否則學校隨時唔比你drop，見到人地讀到舐舐脷，你想轉又無得轉，然後焗住讀焗住考焗住個成績跟你成世，諗起都覺得慘。因為你覺得咁慘，因為你覺得咁無奈，因為你覺得你自己掌握唔到自己既命運，於是同佢地一樣，啲人結婚之前就要搵風水佬去夾夾個時辰八字，而你就希望老師點條生路你行，話你知你適唔適合讀佢嗰科。

可惜既係，風水佬其實都算唔到自己要喺天橋底擺檔，你老師當年一樣算唔到自己適唔適合讀自己教緊嗰科，問來問去最後都無人話到俾你知你未來讀咩科會讀得好，就算我真係神算算得到你會讀得好，你都可能諗其實讀其他科會唔會更好。同學們，其實未來既嘢無人講得埋，潛質就係睇唔見先叫做潛質，所以今日想講既，唔係咩人會讀得好，而係咩人會讀得唔好，睇下你中唔中喇！

第一，你唔夠理性。咩係理性呢？理性既相反唔係感性，你睇多啦A夢都會喊嗰啲都可以係一個好理性既人，其實理性既意思，係你做決定既時候會考慮既係啲咩？一個理性既人，當佢做決定既時候，佢會盡可能諗下自己做決定既理由合唔合理。正常人大多數時候做決定都唔理性既，你落床邊隻腳會著拖鞋先？你點知而家喺你屋企嗰個女人一定係你呀媽？點解你覺得大隻佬多數係gay既？其實我地好多時候唔會諗自己既決定既理由，通通都係由習慣、印象、直覺等等黎做決定，因為咁樣最快，最有效率，亦都通常係好準確既。日常生活OK既，但係放落Physics入面呢，好一部分既同學之所以Physics讀得唔好，都係衰太習慣用直覺黎做決定，見到加速度有「速度」呢兩個字，就會覺得混亂，日常生活有摩擦力，所以一定要俾力啲嘢先會keep住郁，呢個印象入咗腦，以後一做到Newton’s first law就錯晒。理性既人鍾意思考，而思考好費時好費力好費精神，好多時俾人感覺係「咁樣咪得囉，點解你要諗咁多？」但係呢種願意思考既態度，正正係讀好Physics既一大重要元素。(DSE出卷最鍾意陰啲人用直覺做決定，目的其實係想將啲因為睇得多而習慣咗啲題型既人篩走，盡量想令到啲真係對Physics有理解既人高分。)

第二，你想像唔到。乜嘢係想像呀？就係你只係知道好片面好片面既資訊，然後你就要去構想一個好具體既內容，呢個過程其實要運用你腦入面既大量記憶體，情況有啲似你睇小說，小說只係寫啲文字出黎，啲資訊好片面，當你見到呢啲文字，你就要用想像力，去建造一個具體既情境，你要完整咁感受呢個想像出黎既世界，你就要記住入面每一個你想像出黎既物件既顏色、質感，每一個動作既聲音、節奏，呢啲既內容可能同你生活完全脫勾，意味住你仲要抑壓住你覺得唔習慣既衝動，所以你個腦喺想像既時間其實係不斷run緊。讀Physics其實同睇小說好相似，小說會逐字逐句話你知而家個場境係點，每一個人物做緊呢乜，而Physics一樣，喺Wave同optics入面尤其喺，Wave入面會話你知一個空間入面唔同既粒子既動作，從而要你想像返個大環境係點，Optics鍾意畫一兩條光線就表達晒所有其他光線，因為做唔到動畫，所以過程中好靠想像力，你個腦唔可以同時呈現出呢啲想像，你就會有諗諗下又唔知做緊乜既情況。(其實為左淺化Physics ，而家DSE出卷已經盡量俾多啲圖你，等你少啲出現想像唔到既情況，但係咁亦都反向證明咗，好多人係因為想像唔到而攞唔到分。)

第三，你數學出事。其實數學能力係Physics能力一個好重要好重要好重要既指示劑indicator，一來係Physics要計數，二來係Physics同數學所需要既能力需要有唔同，但亦有好大部分重疊。前者就大家都明，真係數學好屎既人，就會出現計計下計錯數既情況(DSE為左呢班人，已經盡量減少計數、或者係減少啲要計得複雜既數)，後者反而係重要啲，雖然有好多數學既內容其實係應用唔到喺DSE Physics上面(上到大學情況就唔一樣)，但係由於數學好既人，通常就係邏輯能力強，心思細密僅慎，語文能力普通而覺得數學入面搵到成功感既人，呢樣同Physics人既特性係十分之相似，所以數理數理呢兩科，成日俾人當係孖公仔咁樣唔係無原因。(不過真係會有數學好Physics差或者Physics好數學差既人存在，而且個人觀察，通常啲人都係數學好Physics差，咁可能係同第一點有關，Physics比起數學無咁好操。)

不過最後，以上都係講幾個有機會出事既位，但係未講到最多人出事既位，最多人其實讀Physics讀得唔好，係因為一個字，懶！老實講，有好多嘢係可以靠努力、靠啱既方法做到返黎，所謂努力，唔只係講你而家放幾多時間，仲講緊你由幾時開始努力，我自己成個小學英文嗰科都得過且過，大個英文唔好都唔好意思話自己無語言天份，因為我望住英文辣辣聲嗰堆，你知唔知人地細個花幾多時間同心機放喺語文度？你錯過咗學習能力最高既童年，上到中學你就會覺得自己比人地無天份，但你唔知道既係，呢啲所謂既天份，係有得靠努力、靠啱既方法追得到。要講「我失敗係因為我無天份無潛質」既門檻其實係好高好高，因為當你講得出呢句既時候，代表住既係你已經盡晒可以盡既力，試過無數既方法都唔得，咁你先可以咁講，而事實上，幾乎呢個世界無人可以咁講，所以我地可以做既，係當你想做得好既時候，用啱既方法，用努力去做好佢，「我究竟有無潛質呀？」其實諗黎都多餘。

「沒哭過、沒笑過，只有一聲再見。是走過凡間的天使，也是一份充滿淚水的禮物。」在一張關於「善別」的講座海報上，這句話無聲卻有力地訴說着背後的故事。

朱子溢，作為一個夭折嬰的父親，是這個講座的分享者之一。

「無腦兒」BB

事件回帶到2013年，已經是兩個女兒之父的朱子溢，和太太陳頌恩(Mary)，原本很開心地準備迎來他們第三個愛情結晶品—朱瑋恆。「我哋產檢時如常去睇BB，因為已經係第三胎，所以一睇嘅時候，我哋已經知道嗰個係心臟、腳、手。但醫生比平時沉默，比平時有啲反常。」

隨後醫生嚴肅地告訴他們，他們的孩子是「無腦兒」—即天生沒有頭蓋骨的BB，無頭蓋骨的緣故令腦部不能發展，即使足月出生，一般也只能活3至5小時。絕大部分「無腦兒」父母會選擇終止懷孕，醫生着子溢兩夫婦下決定。

由天堂跌至地獄

「唔想去接受呢個事實，亦唔想去理解呢件事，只想呢個檢查結果係錯嘅。」Mary憶述時仍略帶激動。無奈事實就是事實，經過不斷的「腦交戰」，最後Mary和子溢還是決定把孩子生下來。「我哋就係佢嘅父母，我哋係愛佢嘅，唔拾得唔要佢。」

就是一份「不捨得」，Mary懷胎十個月，最後在私家醫院順利生下沒有頭蓋骨的愛兒瑋恆。「佢出世嗰一刻我哋好開心，同時好矛盾地又好難過，因為我哋知道佢好快要死。」子溢無奈地憶述。可能瑋恆亦十分不捨這對父母及兩個姐姐，所以他比預期的3至5小時多活了一倍，足足陪伴家人10小時之久。

不懂痛的BB

有些不明所以的觀眾，或者會認為瑋恆要經歷10小時的「痛苦」才得以「解脫」，是很殘忍的事，但子溢就這樣回應：「我記得當時瑋恆出世，兒科醫生有同我哋講，因為BB嘅腦部發展唔強，以及佢對痛嘅觸覺未建立，所以兒科醫生話佢唔會痛嘅。而且，我覺得無人能夠好似瑋恆咁，10個鐘都係充滿愛，有父母、家人一直陪住佢一世。」

遺愛人間的「無言老師」

「朱瑋恆喺2013年11月27日，朝早9點正式宣布死亡。」Mary憶述當時醫生的宣布，仍然有揪心之痛。本身是老師的Mary和子溢，為了讓瑋恆的生命更添意義，原本打算讓他參與器官捐贈，但由於體積太小，當時的科技做不了器官移植；機緣之下他們接觸到中大的「無言老師」計劃，於是瑋恆便做了大體老師。兩年後取回遺體，火化、安碑：「做咗撒灰之後，感覺真係完咗、好圓滿嘅感覺。」

流產嬰父母之痛

作為夭折嬰的父母，Mary和子溢深深體會新生命來臨卻又很快離開人世的椎心之痛。他們表示，瑋恆的身後事能夠人性化地處理，大大減輕了對他們的二次傷害。反觀那些少於24周的流產嬰，根據現行法例不屬人類遺骸，無法在公營墳場火化及安葬，在公立醫院更會被當作「醫療廢物」，會與醫院其他人體殘肢或組織一起火化，又或可能棄置於堆填區。

即使父母努力爭取取回遺體，亦不容易找到火化的地方，目前唯一可行的途徑便是到寵物店火化。早前就有報道，指有流產準媽媽因不願見自己嬰兒以寵物火化形式火化，胎兒遺體存放在醫院超過半年之久。這做法令Mary兩夫婦覺得，無疑是對流產嬰父母造成第二次、第三次的傷害！

「唔通將來想拜祭BB嘅時候，對住個堆填區拜咩！」Mary苦笑。「依家嘅天使花園，係行緊好正確嘅方向。」子溢補充。

經過流產嬰父母多年來的爭取，陸續有團體開始為少於24周的流產嬰，提供安葬的地方，例如道風山基督教墳場的「天使花園」和華人永遠墳場的「寧馨園」等。

而食環署早前回覆傳媒時表示，將透過行政措施劃出特定範圍，設置專供安放流產嬰的設施，初步擬設於粉嶺和合石墳場，預計最快今年第一季落成，將會是食環署首個可安置不足24周流產嬰的墳場。

從死看生的「生死教育」

訪問期間，腹大便便的Mary在丈夫子溢的陪同下，帶我們到道風山的「天使花園」走了一轉，在傳統中國人的觀點看來，孕婦最好不要去墳場這些地方的，但Mary卻笑說：「我哋一家唔忌諱講死亡，我哋都成日同兩個女討論生死嘅話題，兩個女亦都會喺我哋面前話好掛住細佬瑋恆。」

有一生必有一死，不忌諱講死亡，Mary和子溢更將和瑋恆的生命故事，帶入校園去推廣生命教育，從死看生：「死亡發生嘅時候，令我哋更加珍惜我哋有嘅生命。」

在3月1日，Mary和子溢的第四個孩子平安、健康地降臨世上，是繼五年前的「無腦兒」瑋恆後，他們家庭又再次迎來新成員。今集《港。故》跟大家一起看看一個關於「無腦兒」、流產嬰以及生死教育的故事。

-------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube

「沒哭過、沒笑過，只有一聲再見。是走過凡間的天使，也是一份充滿淚水的禮物。」在一張關於「善別」的講座海報上，這句話無聲卻有力地訴說着背後的故事。

朱子溢，作為一個夭折嬰的父親，是這個講座的分享者之一。

「無腦兒」BB

事件回帶到2013年，已經是兩個女兒之父的朱子溢，和太太陳頌恩(Mary)，原本很開心地準備迎來他們第三個愛情結晶品—朱瑋恆。「我哋產檢時如常去睇BB，因為已經係第三胎，所以一睇嘅時候，我哋已經知道嗰個係心臟、腳、手。但醫生比平時沉默，比平時有啲反常。」

隨後醫生嚴肅地告訴他們，他們的孩子是「無腦兒」—即天生沒有頭蓋骨的BB，無頭蓋骨的緣故令腦部不能發展，即使足月出生，一般也只能活3至5小時。絕大部分「無腦兒」父母會選擇終止懷孕，醫生着子溢兩夫婦下決定。

由天堂跌至地獄

「唔想去接受呢個事實，亦唔想去理解呢件事，只想呢個檢查結果係錯嘅。」Mary憶述時仍略帶激動。無奈事實就是事實，經過不斷的「腦交戰」，最後Mary和子溢還是決定把孩子生下來。「我哋就係佢嘅父母，我哋係愛佢嘅，唔拾得唔要佢。」

就是一份「不捨得」，Mary懷胎十個月，最後在私家醫院順利生下沒有頭蓋骨的愛兒瑋恆。「佢出世嗰一刻我哋好開心，同時好矛盾地又好難過，因為我哋知道佢好快要死。」子溢無奈地憶述。可能瑋恆亦十分不捨這對父母及兩個姐姐，所以他比預期的3至5小時多活了一倍，足足陪伴家人10小時之久。

不懂痛的BB

有些不明所以的觀眾，或者會認為瑋恆要經歷10小時的「痛苦」才得以「解脫」，是很殘忍的事，但子溢就這樣回應：「我記得當時瑋恆出世，兒科醫生有同我哋講，因為BB嘅腦部發展唔強，以及佢對痛嘅觸覺未建立，所以兒科醫生話佢唔會痛嘅。而且，我覺得無人能夠好似瑋恆咁，10個鐘都係充滿愛，有父母、家人一直陪住佢一世。」

遺愛人間的「無言老師」

「朱瑋恆喺2013年11月27日，朝早9點正式宣布死亡。」Mary憶述當時醫生的宣布，仍然有揪心之痛。本身是老師的Mary和子溢，為了讓瑋恆的生命更添意義，原本打算讓他參與器官捐贈，但由於體積太小，當時的科技做不了器官移植；機緣之下他們接觸到中大的「無言老師」計劃，於是瑋恆便做了大體老師。兩年後取回遺體，火化、安碑：「做咗撒灰之後，感覺真係完咗、好圓滿嘅感覺。」

流產嬰父母之痛

作為夭折嬰的父母，Mary和子溢深深體會新生命來臨卻又很快離開人世的椎心之痛。他們表示，瑋恆的身後事能夠人性化地處理，大大減輕了對他們的二次傷害。反觀那些少於24周的流產嬰，根據現行法例不屬人類遺骸，無法在公營墳場火化及安葬，在公立醫院更會被當作「醫療廢物」，會與醫院其他人體殘肢或組織一起火化，又或可能棄置於堆填區。

即使父母努力爭取取回遺體，亦不容易找到火化的地方，目前唯一可行的途徑便是到寵物店火化。早前就有報道，指有流產準媽媽因不願見自己嬰兒以寵物火化形式火化，胎兒遺體存放在醫院超過半年之久。這做法令Mary兩夫婦覺得，無疑是對流產嬰父母造成第二次、第三次的傷害！

「唔通將來想拜祭BB嘅時候，對住個堆填區拜咩！」Mary苦笑。「依家嘅天使花園，係行緊好正確嘅方向。」子溢補充。

經過流產嬰父母多年來的爭取，陸續有團體開始為少於24周的流產嬰，提供安葬的地方，例如道風山基督教墳場的「天使花園」和華人永遠墳場的「寧馨園」等。

而食環署早前回覆傳媒時表示，將透過行政措施劃出特定範圍，設置專供安放流產嬰的設施，初步擬設於粉嶺和合石墳場，預計最快今年第一季落成，將會是食環署首個可安置不足24周流產嬰的墳場。

從死看生的「生死教育」

訪問期間，腹大便便的Mary在丈夫子溢的陪同下，帶我們到道風山的「天使花園」走了一轉，在傳統中國人的觀點看來，孕婦最好不要去墳場這些地方的，但Mary卻笑說：「我哋一家唔忌諱講死亡，我哋都成日同兩個女討論生死嘅話題，兩個女亦都會喺我哋面前話好掛住細佬瑋恆。」

有一生必有一死，不忌諱講死亡，Mary和子溢更將和瑋恆的生命故事，帶入校園去推廣生命教育，從死看生：「死亡發生嘅時候，令我哋更加珍惜我哋有嘅生命。」

在3月1日，Mary和子溢的第四個孩子平安、健康地降臨世上，是繼五年前的「無腦兒」瑋恆後，他們家庭又再次迎來新成員。今集《港。故》用8分半鐘，跟大家一起看看一個關於「無腦兒」、流產嬰以及生死教育的故事。

-------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB　
IG：http://bit.ly/oncckonggu_IG　
Youtube：http://bit.ly/oncckonggu_Youtube