【 #週末遊廢人包 - 對撼Donki？5000呎日式超市「谷辰」尖沙咀開幕】
日本嘅零食雜貨一直都深受港人歡迎，大家見Don～Don～Don～Donki日日都逼到人山人海就知，就算暫時無得去日本旅行，買日本水果返去食都過足癮！而最近尖沙咀新開一間5000呎大型日式超市「谷辰」，零食、水果同雜貨全部日本直送，仲設有飲食區主打即製特色飯糰、salad bowl、茶漬飯、自家烘培咖啡等！追求高質日本飲食同雜貨嘅你，不妨帶另一半去行下，唔知會唔會一樣逼爆呢！
.
今次呢個大型超市一共劃分咗三個區域，營養輕食專區就有即叫即整輕食，以健康同高質食材為賣點，最吸引人就係佢哋嘅飯糰，唔同款式用上唔同日本米，仲有多款特色口味，例如有竹筍黑胡蔴流心蛋口味、紀州南高梅口味等，極有豪華版御飯糰嘅感覺！
.
之後當然有超市專區，大家最愛嘅時令靚水果都係100%空運到港，款式都算好齊全，另外仲有日本吉野家丼飯罐頭，正啊！編輯表示應該成年無食過。最特別要數「穀物自取區」！平時鍾意冲穀物做早餐/食果仁當零食，但次次都要一盒盒買？呢個自取區就畀你自由mix&match，要咩款要幾多就放落紙袋，之後按重量畀錢，咁就一定係啱你心水嘅口味喇～最後就係女仔最愛嘅品味生活專區，日用品同美妝品都喺呢個area，男友真係要買個飯糰食住等...
.
因為目前「谷辰」仲係啱啱開幕，所以由即日起至10月25日期間，買滿指定金額可以獲贈唔同禮品，大家記得把握機會，睇下呢間新超市係咪真係正！最後提下大家，雖然疫情真係緩和唔少，但去人多地方都要加倍小心，做好衛生措施，一陣逼到瀨咗嘢就唔好啦～
.
【谷辰 GUU SAN】
地址：尖沙咀中間道15 號 H Zentre 地下G01-02 舖
營業時間：星期一至日 09:00 - 21:00
.
#終於唔駛剩係逼Donki #可以逼第間了 #唔知有無主題曲呢 #好想試佢個飯糰 #飯糰 #超市 #尖沙咀 #日本 #優惠 #掃貨 #香港人 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #香港 #好西
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！
終於唔駛剩係逼donki 在 Made in Japan 關注組| 我終於係DONKI 買咗呢隻印度風咖喱 匙 的推薦與評價
我終於係DONKI 買咗呢隻印度風咖喱 匙，遲啲再買埋同款叉. ... Ken Tsoi. 覺得Donki啲嘢賣到好似759咁嘅價錢、唔使賣到大生咁平。都已經再做多好多生意. ... <看更多>