【#直島 藝術列車、貓咪與氣質CAFE】
#岡山 第四日，轉個陣地去 #直島 做氣質女先。
一早由岡山車站踏星期六 限定嘅 #觀光列車 #LaMalledeBois，45分鐘就到達 #香川縣 藝術之島直島。由16年 #瀨戶內藝術祭 總監 #北川フラム 設計，不但列車有型，估唔到沿途車站 #八浜駅 設計都襯哂部車，每個位都係打卡靚位；着陸後藝術品同貓咪 已經狂按相機快門，尋日司機叔叔推介嘅氣質CAFE #ApronCafe 仲不得了：裝修靚唔在講，餐廳Special Set全用岡山產有機蔬菜與食材精製，爲冬季虛弱身體立增營養，食完 仙氣爆燈！仲有岡山產番薯自家製英式鬆餅外賣，俾你邊睇藝術品一路行住嘆，優悠到唔想番香港～
夜晚仲未食夠皮，嚟到 #焼肉Js苑 嘆 岡山名牌靚和牛。唔試過都唔知岡山嘅幻之和牛 #千屋牛 可以咁入口即化、新派名牌 #清麻呂牛 霜降均勻又抵食，性價比贏哂、#奈義牛 肉味濃郁，咬極仲有肉汁。再嚟一杯獨創梳打 #スーパーピオニール 係提子梳打再加滿滿 #麝香葡萄冰，食到熱辣辣瞬間降溫，唔怪得食極停唔到口！
聽日就係岡山行最後一日，聲些決定趁年尾，向桃太郎求番個福。想知去邊？記住留意聲些更新啦～
#直島貓貓自動波俾人摸摸
#終於見到草間彌生南瓜波
#宇野のチヌ仲有SIR滑梯
#以後食唔慣香港牛點算
#PEGGY先生
#peggysensei
終於見到草間彌生南瓜波 在 草間彌生- Explore 的推薦與評價
車廂以最新創作的大型雕塑《南瓜》及「波點女王」為主題，到處都是黃底黑色波點與南瓜圖案，列車即日起至12月27日行走屯馬線。車廂內除了讀到草間彌生的名言，同時可掃二維 ... ... <看更多>