阿Sa打完俾我,祖兒又打俾我。
容:喂,LeoBall!
我:你係?
容:我把聲你都唔認得?
我:(以為係猜猜我是誰)唔駛啦唔該。
容:唔係呀,我係Joey呀!
我:咪玩啦,Joey Tang明明係男人(因為冇諗過容祖兒會打俾我)。
容:我真係㗎,嗱,(突然又唱)🎵由這一分鐘開始計起春風秋雨間,限我對你以半年時間慢慢的心淡 🎶
我:咦?真係喎。咩事咩事Joey?!
容:之前阿Sa同你講做主持單嘢呢,你諗成點呀?
我:哦,但係我冇做主持好耐啦喎!
容:唏,冇所謂啦,而家興復出吖嘛!啲歌手都係咁啦,At 17呀、Shine呀,嗰啲都復出晒!
我:有狀態就「復出」啫,我冇狀態就叫「伏出」㗎啦!
容:(靜過太空)
我:不過咁,見係你,有個條件,我就幫你做啦。
容:唔通你想我......
我:唔好諗歪呀,我已經有小美子㗎啦!......我淨係想當日同你同Sa同嬌影返張Selfie。
容:哦,ok,no problem!
#靜過太空 系列 #FF對白 #結果最後唔記得咗影 容祖兒 Joey Yung Twins 蔡卓妍&鍾欣潼
#最後只係同咗 微辣 Manner PressLogic - Girls女生日常 LKFtv 影selfie #有冇人想睇
場地提供:The Emperor Hotel 英皇駿景酒店-駿景軒
同時也有12部Youtube影片,追蹤數超過6萬的網紅ERNEST案內所,也在其Youtube影片中提到,我第一次睇呢套戲已經係12月戲院臨閂之前,之前機緣巧合之下見到導演恆仔,我有同佢講話多謝你拍呢套戲,我睇完覺得好感動。導演話其實呢套戲都係原自於一個idea,就係一秒可以改變好多嘢,然後就變成一秒拳王呢套戲。當我睇多次呢套戲之後,我就發現呢個idea係好簡單地貫穿整部電影。第二就係導演都想喺呢個時候...
結果最後唔記得咗影 在 ERNEST案內所 Youtube 的最佳解答
我第一次睇呢套戲已經係12月戲院臨閂之前,之前機緣巧合之下見到導演恆仔,我有同佢講話多謝你拍呢套戲,我睇完覺得好感動。導演話其實呢套戲都係原自於一個idea,就係一秒可以改變好多嘢,然後就變成一秒拳王呢套戲。當我睇多次呢套戲之後,我就發現呢個idea係好簡單地貫穿整部電影。第二就係導演都想喺呢個時候,比返香港人一啲正能量。
如果你係未睇套戲嘅話,我建議係即刻去睇,而因為香港喺呢兩年經歷咗咁多事之後,相信呢部戲一定可以比返一啲力量大家去改變。大家可以先再睇呢個影評,因為接下落嚟我所講嘅內容係劇透。
首先喺出戲名一秒拳王之前,就係一幕周天仁(周國賢飾)點建得到呢個所謂異能嘅戲。簡單為大家介紹咗一秒拳王會出現嘅原因,就係佢曾經死過一秒之後又再復生,能夠睇到嘅一個message就係你以爲你死咗咩?原來只係個一秒嘅錯覺,下一秒你又死而復生,所以周天仁(周國賢飾)得到一個所謂嘅超能力。究竟預知到一秒係唔係超能力呢?只係睇大家點去睇呢件事。
好快喺周天仁(周國賢飾)細個嘅時候,佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候,佢就話佢老豆覺得呢一秒預知係無Q用,但佢想用呢個天賦做一個有用嘅人。咁呢一秒喺觀眾嘅角度嚟講,係有用定無用呢?喺電影嘅中段,當周天仁同林明幀喺海邊傾計之後,我哋其實可以搵到屬於自己嘅答案。
堂妹林明幀同周天仁(周國賢飾)講,其實會唔會有一個平行時空係有另一個更開心嘅自己存在呢?周天仁就反問,其實佢預知個一秒同佢改變咗嘅個一秒會唔會就刷出咗林明幀所講嘅平行時空呢?我嘅答案就係,其實根本就無所謂嘅平行時空,從來都只有自己點選擇同埋點去做。用打拳為例,如果我預見自己下一秒比人打,唔代表我一定可以避到㗎嘛,而我避到,係大前提我要相信預知個秒見到嘅係真嘅,然後我先可以選擇同決定避唔避開呢一拳。而如果自己都唔相信自己避到,繼而決定作出行動去閃避嘅話,我係點都唔會改變到一秒後發生嘅事,所以只係睇我相唔相信自己做到,同埋決唔決定行動去作出改變。喺我眼中,導演係同緊大家講,就算只係一秒嘅抉擇,都唔可以睇小,只要我哋選擇去做,先有資格去改變。重點唔係一秒嘅異能,係周天仁嘅選擇。
之後喺周天仁(周國賢飾)同佢個仔走嘅時候,張建聲走嚟找佢麻煩。周天仁喺呢個時候用一秒避開張建聲個拳,但就令到再下一秒嘅佢同個仔被車撞到。我哋可以喺呢一個橋段得知,就算有呢個一秒嘅預知仿似避過一劫,其實再下一秒都可以發生不幸嘅事。意外發生之後,周天仁選擇唔打場表演賽。由周天仁無咗呢一秒天賦,決定退賽再決定點都係要打呢場拳賽,更加可以話比我哋知一秒係次要,選擇先係重要。
去到周天仁同阿JOE嘅表演賽最後回合,最後個幕係話比觀眾知套戲嘅重點唔係一秒嘅預知,而係一秒嘅選擇。大家記唔記得喺周天仁比阿JOE KO個十秒,出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗,之後佢見到一個走馬燈之後又再返返去倒數緊嘅臨尾幾秒,周天仁(周國賢飾)又再企返起身。呢一幕係講緊無咗異能嘅周天仁,其實就算唔洗預知都可以知道如果佢唔企返起身,最後就只會輸,而呢個結果係每個人都能夠預知。對我嚟講個訊息就係,一個凡人走到絕路都好,只要佢決定企返起身佢就一定可以作出改變,所以最後比賽結果係點並唔重要,電影亦都刻意無講出嚟,最重要係周天仁成功話比個仔知佢唔會變返一個廢人,而阿JOE都真真正正地打到一場拳賽。
點解我會認為香港人一定要睇呢套戲?除咗因為戲入面嘅警察可以唔帶委任證on duty之外,我諗係因為恆仔想話比香港人知,至少係我呢一個香港人知,只要我相信一秒嘅行動都可以改變到自己嘅話,就算世界變成黑暗,人生走到絕境,我都一定可以行返去光明。希望大家可以相信自己,繼續為自己而打拼。
每天關注我的9UP狀況:
https://www.instagram.com/ernest_pch/
結果最後唔記得咗影 在 李根興 Edwin商舖創業及投資分享 Youtube 的最佳解答
《哈佛知識分享: 熱氣球及冷奶昔故事》
做生意和熱氣球及冷奶昔有什麼相同? 希望此故事令你對做生意的睇法有所啟發。
聯絡李根興 Edwin Whatsapp (+852) 90361143
故事全文:
英國一份報紙曾舉辦過一項高額獎金的有獎問題遊戲。題目是:「如何防止熱氣球超重墜毀?」。
在一個充氣不足的熱氣球上,載著3位科學家。第一位是環保專家,他可以使人們不會因環境污染,全球暖化而面臨死亡。第二位是核子專家,他有能力防止全球性的核子戰爭。第三位是糧食專家,他能夠令地球所有人脫離飢荒的命運。
可惜依家由於氣球充氣不足,要犧牲其中一人才能確保熱氣球不會墜毀,咁應該犧牲誰? 丟邊個落去呢?
問題見報後,很多熱心的讀者紛紛把自己的答案投給報社,彼此爭辯哪一位科學家比較重要, 甚至乎作埋長篇大論點解 環保、防核、或者糧食係地球最重要。
最後,得獎的是竟然是一位小男孩。他的答案是:「丟下那個最肥的人」!
點解? 你梗係唔記得咗個題目啦。題目要解決的是「如何防止熱氣球超重墜毀?」。 邊個係邊個科學家唔重要。故事帶出什麼理念? 聽埋哈佛教授 Clayton Christensen 點講?
教授話你做任何生意,都要知道 What are the JOBS to be done? What are you HIRED for? 人客「聘請」你,係為乜呢?
麥當勞曾經做一個研究,希望賣多啲 milkshake. 因此佢訪問咗好多顧客,研究下點樣改良啲奶昔嘅味道。 甜啲?淡啲?啲朱古力大粒啲? 結啲?定多冰啲? 結果無論點樣 segment 個市場,點改良個味道,生意都冇升過。
後來麥當勞就請咗呢個教授 Clayton Christensen 做佢顧問,教授就發現原來大部分嘅奶昔朝頭早八點半之前已經賣出, 咁啲人點解咁早就嚟買呢?
佢問咗好多個買奶昔嘅人,之後發現原來味道同價錢都唔係最重要。 最重要嘅原來係佢哋朝頭早日日揸車返工,又長又塞車好悶,左手揸住個軚盤,右手無嘢做。
食個漢堡包有太滯,食薯條又要添茄汁,食 donut 又整到隻手黐立立, 食 bagel 又加多隻手要揸 cream cheese,食條香蕉就兩分鐘食完, 食條Snickers 朱古力bar 又太邪惡,食完好內疚, 飲杯可樂一陣間又飲曬, 但如果飲杯 milkshake 呢? 你唔會 shuuu 一聲飲完,一飲就足足可以飲足23分鐘,車程呢23分唔駛悶。飲完個肚仲感覺好滿足,去到十點十一點鐘都唔會覺得肚餓。
So .... What is the JOB to be done? 佢發現 milkshake 嘅JOB to be done 係解悶。人客HIRE milkshake 係希望令到揸車返工嘅人途中唔駛悶, 尤其是唔揸軚盤嗰隻手。但其他選擇呢? 就一隻手未必搞得掂, 影響駕駛。
明白呢一點之後, 麥當勞就發現原來有呢個需求嘅市場再唔係飲開milkshake 嗰班顧客,市場馬上大咗七倍。 咁條飲管可唔可以整幼啲,幫更多人「解悶」耐啲呢? 半個鐘,45分鐘? 亦都因為咁,麥當勞接納咗教授的建議,milkshake 之後就更加大賣。
做生意就好似上面個氫氣球或者milkshake 故事咁, 好多人沉迷咗喺個日常細節入面, 但忘記咗 What is the JOB to be done? What are you HIRED for? 如何防止熱氣球超重墜毀? 要丟,就梗係揼最重個落嚟啦!
Starbucks, JOBS to be done 就係 The third place between home and office or home and school. Uber, JOBS to be done 就係好容易地、唔使煩地由A點去到B點。 Disney JOBS to be done 就係令我全家人開心啲。
我自己嘅商舖基金都不斷地思考緊呢個問題, 係咪就只係低買高賣,賺錢咁簡單呢? Thinking ....
你盤生意呢? 嚟你呢間餐廳係嚟食飯定想識朋友呢? 去你間boutique 喺嚟買衫,定唔想煩你揀埋畀佢呢? 嚟你間健身室係想練大隻啲,定係令自己唔好咁內疚, 乜運動都唔做,而家起碼可以同人講喺間gym嘅member呢?
如果重新角度睇嘢,市場會唔會大好多呢? 你杯 "milkshake" 又有乜嘢 JOBS to be done 呢?
"What are the JOBS to be done? What are you HIRED for?" 人客為什麼要「聘請」你? Harvard Professor Clayton Christensen (1952 - 2020)
後記: Professor Christensen 是哈佛歷來最有影響力教授之一,他於2020年1月23日因血癌 逝世,享年67歲。我有幸於2016年及2018年兩次在哈佛就讀他的課程,就知識改變了我一生。李根興 Edwin
。。。。。。。。。。。
想知更多做生意知識及故事,我新書《李根興的生意哲學》 將於2020年6月份出版。內容包括 (1) 我至愛的創業勵志故事,(2) 生意理論,(3) 商舖知識,(4) 創業隨筆。合共約360頁,定價HK$198。現接受預訂,可以whatsapp我 (+852) 90361143。 按收到order次序交書。新書有我親筆簽名及封面message (特別封面版 - 數量有限)。
買舖/賣舖/租舖/投資商舖基金熱線: 2830 1111
盛滙商舖基金公司網頁
www.bwfund.com
李根興創業之友 (講做生意) https://www.facebook.com/EdwinNetwork/
李根興商舖之友 (講舖) https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
結果最後唔記得咗影 在 錄低香港 DocHK Youtube 的最佳貼文
思浩大談愛爾蘭漂流瓶之迷,字迹化開網民投降!(大家真瘋Show 2020)
在熱心網民幫忙下,近年很多漂流瓶順利物歸原主。愛爾蘭科克市內的自然保護區上周五(27日)向網民拋出一道難題,期望大家為一個漂流膠樽尋回主人。由於樽內信件的字迹化開難辨,令網民無不舉手投降。自然保護區職員在Twitter指出,該個來自德國的膠樽2001年4月5日寄出,已在海上漂流19年,至近日才被發現。樽內信件可隱約見到:「給找到這個膠樽的水手,這是來自德國的問候!」
相關影片:
1. 思浩大談美國小孩執到吊墜,原來已經唔見咗三年!(大家真瘋Show 2020) bji 2.1 (https://www.youtube.com/watch?v=BqYc0Bu2nT0)
2. 思浩大談日本驚人研究,雙下巴成因關個背事!(大家真瘋Show 2020) bji 2.1 (https://www.youtube.com/watch?v=EqbvgYZ9NVE)
3. 思浩大談大陸臨床試驗中心,邀請五千人試疫苗!(大家真瘋Show 2020) bji 2.1 (https://www.youtube.com/watch?v=_cug_Lr9MqI)
#電影 #食物 #tvb #梁家輝 #德國 #愛爾蘭 #郊野公園 #電視劇 #我老公 #第一次 #好多人 #唔覺 #唔記得 #唔講 #唔做 #唔應該 #唔肯 #唔知咩 #唔該 #垃圾 #好難 #最後一次 #王家衛 #第一個 #偉仔 #梁朝偉 #因為你 #全世界 #洋垃圾 #應該係 #溫兆倫 #海洋生物 #洗米華 #唔開心 #電影公司 #我記得 #陌生人 #思春期 #玻璃樽 #不舉 #記得你 #有緣人 #就是你 #海洋垃圾 #海灘 #鄧萃雯 #思浩 #曾華倩 #擺渡人 #漂流瓶 #達瑞文 #大家真瘋Show #思浩大談