關於 網龍目標價 ，我們在網路上蒐集到這些相關的討論、資訊與評價

1230 #收盤 #重點
📍非凡推出─台股盤勢即時直播─啦 不用怕人在外頭錯過最新消息，敬請追蹤「非凡股市最前線」：https://tw.tv.yahoo.com/stock-watch/

#台股 #歷史新高
台股進入2020年封關倒數，儘管美四大指數走跌，但今（30）四台股仍不受影響，開高走高，在電子股回穩，塑化、鋼鐵強勢撐盤下，指數盤中突破14500關卡，收盤更創新里程碑，攻上14687.7點歷史新高，大漲215.65點、漲幅1.49%，成交量2617.61億元。

#台幣 #28.1關卡
英脫歐達成協議讓英鎊走強、美元指數再度跌破90大關，主要亞幣包括人民幣、韓元奮起，讓新台幣兌美元匯率今（30）日早盤亦再度升破28.1元價位，直逼28元整數大關。有外匯交易員指出，封關前夕台股加速衝刺，加上年底為出口旺季，都是台幣走升的因素，而新台幣兌美元中午暫收在28.1元，大升4.15角，成交量更爆出13.69億美元大量。

#鋼鐵 #塑化
鋼鐵族群在缺料漲價題材下，今（30）日整體族群一片通紅，新鋼（2032）、春雨（2012）連袂亮起漲停紅燈，官田鋼（2017）大漲逾6%，燁興（2007）、佳大（2033）、彰源（2030）收漲3~4%；。另外，塑化股也轉強，台化（1326）、南亞（1303）、台塑（1301）、台達化（1309）上揚2~3%，國喬（1312）、台苯（1310）收漲逾1%。

#記憶體 #IC設計 #遊戲股
台股今（30）日電子資金再度回流，帶動指數續寫歷史新高。「宅經濟」遊戲股全線上漲，鈊象（3293-TW）直奔漲停價 774 元，創近 2 個月新高，宇峻 (3546-TW)、歐買尬 (3687-TW)、網龍 (3083-TW)、辣椒 (4946-TW)、華義 (3086-TW) 等，盤中也都亮燈漲停。IC設計也來電，金麗科（3228）亮燈漲停，立積（4968）大漲近7%，力旺（3529）、揚智（3014）、尼克森（3317）、威盛（2388）、凌陽（2401）、譜瑞-KY（4966）勁揚2~4%。DRAM則是漲價效應蔓延，華邦電（2344）大漲超過5%，晶豪科（3006）、旺宏（2337）收盤上揚1~2%。

#NORFlash #華邦電
NOR Flash晶片價格看漲，美系外資看好漲價效應，重申華邦電(2344)、旺宏(2337)兩家公司「優於大盤」評等，目標價各為29、52.5元。華邦電今早再度帶量上攻，股價重登30元高檔。

#鋼市 #鋼價
因日本與美國廢鋼漲勢不斷，帶動國內各大鋼廠調漲鋼筋和廢鋼價格，隨著國際原物料行情飆漲，連H型鋼亦受到影響，為反映成本，東鋼12月連開3次漲盤，累積調漲2100元，創單月最大漲幅。

#矽晶圓 #環球晶
環球晶（6488）目前全產能滿載，董事長徐秀蘭表示，至明年上半年都可望維持滿載狀態，將逐步調漲產品現貨價。

#證券股 #券商
股市將迎封關交易了，股市指數今天又創歷史新高，證券股今日全面大漲，反映券商今年在自營與經紀等業務的大豐收。今年累計到11月全體證券商稅後淨利498.42億元，較去年同期成長33.62%。累計前11月證券商經紀手續費收入因大盤總成交值成長而較去年同期增加56.49%；承銷業務淨利則較去年同期成長13.65%；若排除因發行認售權證大幅虧損的個別證券商，餘全體證券商稅後淨利為536.41億元，較去年同期稅後淨利364.5億元成長47.16%。
#財經 #新聞 #非凡新聞 #ustvnews #news

【龔成問答信箱】（Q18541-Q18560）

Q18541：

成哥，請問你可唔可以分享一下你長揸一隻股票嘅時候，點去面對自己嘅心情高低起伏呢？

例如長揸某隻股票，本來贏緊20%以上但一個大跌，竟然跌穿自己嘅買入價，嗰一下，真係唔知補唔補好，補又驚再跌，唔補又驚錯過！

身邊又有人話都一早叫你賣㗎啦！賣咗咪再買翻，賺多轉囉。心情真係好複雜又辛苦

龔成老師：

我會集中睇將來，例如我持有1211，12年，由$10上到$80，再跌翻$10，近年先上翻。

我當時由大賺變大蝕，我的睇法好簡單，就是「企業將來的價值」，我等佢的車普及，這個方向不變，佢的技術當時未得，但進步中，即是將來的企業價值會更高。

你要對「股價」睇得好輕，反而不斷分析企業價值，這企業在多年後，會發展成怎樣，價值會怎樣。同埋，建議你減少睇股價，我當時訓練自己，一個月先睇一次股價。

你試想想，港交所（0388）、騰訊（0700）升左100倍，如果你同你身邊人的方法，一定連一倍都賺唔到，我過往做左銀行證券行10年，大明白一般散升錯D乜。

------------------------------------------------

Q18542：

老師你好，想問點解房託要上市？自己全資擁有收租唔好咩？上市有咩著數？

龔成老師：

好多原因的，例如佢原來都想賣出物業，但咁樣上市可以賣出部分股構，同時有控制權，另外，佢將物業包裝成房託，能得到比散賣更高價。

另外，可能佢認為賣出部分股權得到資金，同作投資其他項目，會有較好的回報率，都會令佢咁樣做。

------------------------------------------------

Q18543：

我看到新聞，澳門賭牌2022年會到期，之後會睇下點。

其中三間係美資。若要分析1128 2282 1928 在中美貿易戰下如不獲續牌，這是否長遠影響企業的優質度?

龔成老師：

中美的對立，的確會增加風險，但我從澳門長遠的發展，以及定位去分析。

如果完全唔考慮政治因素，金沙（1928）、銀娛（0027）成功的機會最高。因此，就算考慮政治因素，我都對金沙有信心（當然，世事無人知的）。

------------------------------------------------

Q18544：

老師幾好嗎？多謝你上次解答
近期很多消息都指美元會大跌35% ，而我玩持有

請問需要即刻對換英磅/歐羅？還是買金？銀？有睇你報導，你都建議買入實貨

但現在對換，差價都差得很多

龔成老師：

出面的分析，不一定準，走勢的變數好多，美元未必會咁樣大跌的，因此不用太擔心。

加上，其他外幣始終都是「貨幣」，與美元一樣，都只是「交易工具」而無「實質價值」。所以貨幣長期下跌，美元與外幣都是一樣。

如果你擔心美元，部分轉到英磅與日元是可以的。

另外，部分投資黃金都得。

其實我地最重要是建立一個長期的財富組合，重「配置」，而當中大部分是「資產」，例如物業、優質股、車位等。

------------------------------------------------

Q18545：

老師，我睇《80後百萬富翁》後，有兩個問題想你再講解下：

1）百萬富翁140頁指以60萬首去去做另一投資項目，每月派息再加有增長潛力的，也可以做到如買樓升值的一樣。

問：但樓的增值是以200萬來做基數，其他如股票則是先由60萬做基數起算，是否輸蝕了槓桿原理？還是那個項目也是要用到槓桿如孖展？

2）百萬富翁182頁：指市盈率過低代表企業存在問題，將來盈利會下跌。

想問點解過低就代表有問題，有那麼潛在的問題？
謝謝

龔成老師：

1）另一項目是沒有槓杆。

如果你細心睇，其實我當中有另一個假設，你睇139頁會見到，就是「按揭利息」與「租金回報率」都是5%。

如果要利用槓杆產生更多回報，就要有一個大前題「回報率大過利息」，如果大過的話，借貸愈多愈有利，相反，借貸愈多愈不利。如果兩個數一樣的話，原本借貸最終的回報，與我地用同一筆本金，無借錢投資另一項目的回報，是一樣的。

所以，你提出「輸蝕了槓桿原理」，要有一個大前題，就是「回報率大過利息成本」。

2）因為市場是公平的。

我假設，現時市場對這行業，一般公司的市盈率為10倍，但有一間公司佢的市盈率只有5倍，點解？

例如股價$100，每股盈利$20，明顯比同行為平，但如果下年度的盈利會由$20下跌至$10，原本的5倍市盈率，就會變成10倍。

因此，我地分析時，要想想「點解該股票的市盈率過低」？原因何在。

------------------------------------------------

Q18546：

龔老師您好，想請教吓如果按大富翁致富藍圖一書中的投資棋盤。其實最終在棋盤上可以有五、六十隻股票。

當然當中有優質股、潛力股、倍升股和收息股，而每隻股嘅注碼亦不同。

現實中，龔老師的持倉又是否按投資棋盤分散在不同類別的行業中呢？持股數約幾多隻呢？謝謝

龔成老師：

其實書中的投資棋盤，是一個我地尋找「優質資產的方向」，你可以在這裡找到不少優質資產，但這不代表我地全部都要買入。

我地會選擇較優質，長遠有較強增長力的，同時，要睇現時的平貴去決定。

適當的分散當然重中，但如果亂分散，亦是無意思的。因為我地投資每一個項目，都要小心研究，花好多時間，而買入後，更要持續去跟進。

我一般會建議持有10隻左右的股票，而同一行業唔好多過3成，同一集股票唔好多過15%。總之，每一隻股都要優質，要了解，同時又不能太過集中。

------------------------------------------------

Q18547：

啊Sir，上完你八課的初班，確實是獲益良多。我和朋友每堂都是坐在課室前排。而且每堂我和朋友都會出來問問題。多謝你的解答。

另外，最後一堂你分享自己成功的方程式，我真係好有共鳴。一定要有明確目標，然後拼命向前衝，路程上有時會近一些，有時會遠一些。不過只要你堅持一定可以完成。

我都會盡我最大努力，達成擁有一億資產的目標。下年我向朋友會繼續報讀進階班。

另外，我個人的目標企業大致已有貨，只差比亞迪。

現時雖然有貨，但就未買夠貨。大多股票只有目標數量的一半。

想問啊Sir：

1. 那我現時的策略是在合理區已要入貨？還是到平宜區才入呢？

2. 可以評估一下我現時的組合嗎？
- 優質股
1. 煤氣x6,280@$14
2. 銀娛x1,000@$52.25
3. 港鐵x2,163@$39.33
4. 領展x1,159@$61.13
5. 友邦x2,517@$43.6
6. 金沙x1,691@$29.17
7. 太古x3,200@$18.96
8. 盈富x1,232@$24.88

-潛力股
1. 鐵塔x20,000@$1.47
2. 小米x2,600@$23.42
3. 舜宇x400@$119.2
4. 南方ETFx2,000@$7.81
5. 雅生活x750@$35.3

3. 比亞迪我暫時未有，應該等到$69以下才入嗎？我很想入這股。

麻煩啊Sir

龔成老師：

加油！我深信只要我地有「明確目標」，有方法，努力一步步行，就一定會做到！

1）如果你貨仍是不足，而你有足夠的現金，其實可以現價分注投資，就算在合理區，只要你唔好用盡現金，有現金等大跌市時入貨就得。

如果你潛力股唔夠貨而想入，其中一個方法是分注加入一些相關ETF，例如月供華夏恒生科技（3088）。都是一個代替的方法。

2）都是優質股，分配無問題，但你可以加多少少潛力股比例，特唔是你想財富有$1億這個目標。

你可以月供一些潛力股，或相關基金，會較適合你的。

3）這股近期升了不少，但估值角度，$7X先入會較穩陣。但如果你想入，可以用一個進取少少的方法，就是唔理價月供，只要你月供金額不過多，有心理準備佢大跌時，有現金入貨就得。

加油！進階班見！

------------------------------------------------

Q18548：

龔老師您好,跟住你學習咗好長一段時間,非常感謝你每次的分享.今日鼓起勇氣留言, 有點長，望採納。

基本情況：月入30k, 單身,澳門工作的珠海人,雙城往返（類似HK跨區工作），兩老退休（他們每月的退休金可以保障在珠海正常生活衣食無憂）。

珠海市區兩層樓已經供斷，一出租一自住，家庭用車一部已供斷。結婚隨緣。現金存款60萬港幣，15萬人民幣。月俾家用5k，月儲22~23k。疫情前最大開支是旅遊，或朋友聚會出街食飯，否則用錢很少。

工作情況：疫情對從事行業影響大（大型賭場內的酒店），自由行回復暫時不理想。澳門政府本地人優先，未來工作前景一般。（絕對理解澳門政府的做法）。

留係澳門，已經到達職業天花板，沒有澳門ID就沒有機會再升職（澳門的外地僱員沒有澳門ID，除非緊缺技術職位及高級管理人員）；返國內，酒店業大把空缺，但做到director level都未必有現在的收入。

股票方面，做了很錯的示範，很丟臉地在不懂的情況下聽網台就亂買，加上持倉的，一共蝕了10萬元，非常心痛，亦刺激我的起心肝努力學習投資。

隨著對投資的皮毛認識，才發現網台的專業人士基本都是短期炒賣。

請老師點評指教以下持倉，是否需要即cut：

384 [email protected]
493 [email protected]，值得長期持有嗎？
894 [email protected]，現價像垃圾般便宜，一直放在哪兒作為對自己的警惕。
1183 [email protected] ，是否值得長期持有？

其他，少量700 @430， 1810 @17.48， 1257 @3.92，這3隻打算長期持有，因為澳門月供貴，只能做到季度或者半年買入一次。

請老師指教投資方向，明白滾存的威力，但股票有點怕，是不是基金會低風險一些。希望60歲退休時有3-500萬退休金，保證生活質素，尤其老了後的醫療，雖然大陸有政府醫療保險。

另外，非常想報班，澳門幾時開班？

要提前請假。最近除了在看老師的書，還在看關於價值投資的《A Random walk down wall street》同《One up on wall street》。

如果想再深入學習，有什麼學位課程推薦嗎？會計學？金融學？我想把蝕去的10萬賺回來。

龔成老師：

首先講你的工作，相信疫情只是中短期問題，你慢慢會回到正常狀態，因此不用因為短期而改變大方向。當然，你可以利用這段疫情時間，試下不同的工作，其實可以有不同得著。

至於長遠發展，的確有點兩難，除非你在內地好有發展，人工較理想，否則，我會建議你在澳門發展，當儲錢，到有足夠資金後，再做自己想做的工作。

財富方面，你已有物業，因此在之後的配置，宜強化股票部分。記住，投資股票不是炒賣，是一個「長期的配置」，財富分配，你要買入優質股長線投資。

你要跟，就跟最賺錢的投資方法，唔好學唔賺錢的投資方法。你最好學價值投資法。

中國燃氣（0384）可持有。
國美零售（0493）投資價值一般般，賣出較好。
萬裕科技（0894）賣出較好。

澳能建設（1183）以過往的業務來睇，只是中等，業務發展不算強，整體不差但又未算好好。

佢最近宣布，同德國創新科技企業Ｕｂｉｔｒｉｃｉｔｙ達成戰略合作，於大灣區拓展大灣區開發、製造及分銷電動汽車充電業務。

睇翻澳能果邊，主席表示，目標係兩年內在港澳大灣區安裝500至1000個充電裝置。

企業發展力都有，但近期股價其實有點超前反映。這刻投資值博率未算高，如睇好，小注都可以。

至於另外3股，都有質素，可長線。

如果你擔心風險，建議你投資盈富（2800），這是風險較平穩，同時，只要你用分注投資模式，例如每1、2個月入一手，慢慢儲貨，已經一個平衡策略。

我會在疫情過後，來澳門開班的，希望2021年上半年。

另外，你可以多睇巴菲特相關的書，如果你學，讀一些會計、企業分析、財務分析都可以，但部分大學術，我會建議你花時間讀巴菲特相關書。

另外，我的《股票勝經》《年報勝經》都可以。

------------------------------------------------

Q18549：

成老師 想請教一下若未能安排時間上課 你有哪些著作 可以令我學習到 如何選出高增長股 及 如何確認該股票的現價是可以接受和如何確立目標價 謝謝

龔成老師：

你可以睇《股票勝經》《選股勝經》《年報勝經》。

至於要確認現價是否可接受，我地就要進行企業價值計算，記住，股價不同於價值。

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q18550：

龔成老師,我現持有以下股票組合:

長和(股數: 1000, 平均買入價: 62.65)
長江基建集團(股數: 500, 平均買入價: 45.9)
香港電訊(股數: 1000, 平均買入價: 11.42)
阿里巴巴 (股數: 100, 平均買入價:255.2)
騰訊控股(股數: 300, 平均買入價: 511.5)
美團點評(股數: 100, 平均買入價: 264)

想問下:

1長和系股票應否繼續持有, 還是應該放售然後購入其他股票?

2香港電視及雷蛇可否現價購入
謝謝

龔成老師：

1）長和系有質素的，不過歐洲因素令佢中短期仍弱，李氏不將增持中，反映佢睇好企業長遠發展。不過，相信不是高增長，但慢慢會好轉。

你持有可以，但預佢增長力唔算好強。

2）香港電視（1137）業務有前景，但有兩點都存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？另外就是估值方面，我都好難講這刻的估值，只能話唔算平，如果投資，不建議大注。

雷蛇（1337）雖然可以有潛力，但本質好波動，盈利不足，所有的市值，都只是基於「將來預期」去產生，這個預期可以變得好快，因為大家都只是「估」。

同時，電競行業的真正營運模式，賺錢能力如何，充滿了未知數，一個遊戲可以好受歡迎，亦可以好快無人玩。因此，這股有前景，但風險好大，無人知真正的價值。而佢另一些業務較是較新興，同樣有危有機類，所以，佢有可能有潛力，但風險方面就要注意。

------------------------------------------------

Q18551：

想問下 之前買中興763 27.8有1000股 而家見佢受政治影響係咁跌 應該點算好 止蝕？還是長遠都係有質素？

想問下1177 記得龔sir 都有買 你係咩價位買 已經賣出？

想問下而家見佢由7月14蚊跌到8個幾 而家9蚊可以買入？

龔成老師：

中興通訊（0763）從基本面分析，這股不差的，我亦相信5G的發展，會對佢長遠有正面影響，因此長遠不會太差。

佢本身係中國高科技通信設備主導供應商之一，通過提供客戶化的產品及解決方案，目前主要服務於中國及其他發展迅速的新興市場。

佢主要同中國電信、中國網通、中國聯通和中國移動等中國主導的電信運營商建立了長期穩定的合作關係。這部分是較穩定的。同時，佢亦向全球多個國家銷售產品，但之前同美國果邊，因政治問題而有影響。

不過，政治等因素令佢股價大上大落，從生意分析，長期仍會有發展的，只是有潛在的政治風險，這點不能忽視，而這個風險好難分析及預測。

此股可長線，只要唔係佔你組合太高比例，都可以，同時要明白這股上述的風險。

至於中生（1177），我大約在$6買，之後2送1，即是調整後成本價為$4，我會長線持有，等企業成長。

佢$14，因為2送1，會自然調整至$9.3，這不是跌，是送股的正常股價調整。你預$8以下合理，現價小小注，或月供都可。

------------------------------------------------

Q18552：

龔成老師你好 我現在23歲 月入$24000 家用$15000
現金大概10萬 持有3手匯豐 目標想30歲前有一百萬有冇可能

打算月供$5000
$2000 2800盈富基金
$1500 0823 領展

1, 還在考慮$1500供多隻港鐵定舜宇光學較好 想聽下老師你意見

2, 見港鐵會有政府支持 但早前社會運動令港鐵營業額下跌 你認為長遠黎講港鐵前景會唔會有好轉？應唔應該月供

3, 領展現價64.3 算唔算低位？現在應該把握機會入一手先定係月供會較好？

4, 另外京東$301算合理價嗎？建唔建議現價買入？

5, 而家我3手匯豐蝕緊3萬幾 又冇息派 仲應唔應該繼續持有？長遠黎講有冇機會升返？

6, 仲想問下月供股票通常用證卷行定銀行 銀行長遠黎計真係要俾多好多費用 但證卷行又驚會有風險

Sorry 我係投資新手好多野問 多謝老師！

龔成老師：

1）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

以你的年齡，可加入一些較有增長力的股，你可考慮舜宇光學（2382）。

2）長遠會好轉，你都可以月供，是平穩增長型。不過如果只能2選1，就2382。

3）合理價中下部，你可以買入一手。當然月供都可以。

4）京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

過往的財務數據，收入每年都是20%左右增長，2019年收入為5700億人民幣，已經有實質的盈利，2019年盈利為120億，初步以此推算，股價並不算平。當然，這股有一定的增長力，之後的市盈率會減。

從質素上，這股不差的，但估值上就不算平，如果買，都可以，但要控制注碼。這股可以長線投資的。

5）匯豐（0005）不適合你這年齡投資。

你轉其他股是大方向，只是幾時轉的問題。你可以等佢上翻D，部分賣出。

6）其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

------------------------------------------------

Q18553：

老師，買左你的財務自由行及選股勝經兩書，獲益良多，想問若投資100萬，想買長線股收息

希望年回報想有5-6萬，可以有推薦介紹嗎？

龔成老師：

你可以投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q18554：

龔成老師你好，我持有幾隻股票多年，不知道是否繼續keep好，還是賣出轉其他？

1359中國信達@4//20000股
6881銀河證券@7.3//3000股
189東岳@4.8//7000股
1339人保@4.2//8000股
777網龍@21//2000股

我知道買入價不是持有的因素，但又覺得以上股票不是完全無質素，但繼續持有又好像損失機會成本，請老師指引一下

龔成老師：

首先你要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

中國信達（1359）一般般，長遠賣出較好。

中國銀河（6881）可持有，但不建議持有太多。

東岳集團（0189）質素一般，不建議持有太多。

中國人民保險集團（1339）質素一般，長遠轉其他較好。

網龍（0777）都可持有，但唔好太大注。

------------------------------------------------

Q18555：

老師 我27歲 因為疫情關係 屋企人失業 一向吾識理財既我 開始想增值

最近8月投身股票 主要美股
發覺太投入 無哂作息時間
10萬本金 一個月蝕左3萬

想知道點樣睇隻股票 邊個位合理價

最近留意老師推介既 0823
想入手 吾知咩位可以

龔成老師：

第一，理財要攻守兼備，你要預留一定的現金，特別是家人失業，投資不能太進取。

第二，投資不是炒賣，不用太貼近個市，你不用花時間睇市，而是要盡力去研究企業。你投資股票，就是買入一間企業，你要小心分析企業，確認質素及價位合理，就投資，然後長線持有，久不久檢視「業務情況」，不是成日睇股價。

領展（0823），有質素，可長線，現價合理價，可投資。

至於要知現時平貴，就要計企業的價值，因為每間公司其實都有佢的價值。

但計算過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，要考慮企業的生意、盈利、現金流等財務數據，同時要比較行業，考慮這企業的經營情況，之後的環境又會如何。這都是計算的基礎。

但如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q18556：

龔成老師你好

本人有3隻月供股票，分別是：
1. 005
2. 1398
3. 939

Q1.請問呢3隻股票仲會唔會有機會升返上去？

Q2.我應該呢3隻股票 我應該停止月供？繼續月供？還是止蝕呢？

謝謝老師

龔成老師：

你出現了集中風險，任何行業，都唔能夠佔我地股票組合比例太多，你全部都是銀行股，已經出理了集中風險。你最好停止月供，轉其他，慢慢等位將現有持股，部分賣出。

1）中短期都弱。

我用匯控（0005）來講，另外兩隻都有少少類似。匯豐賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。

我從股息角度分析這股。

相信長遠是收息股，但股價增長就有限。可以先從佢近年唔派息及財務情況分析。

首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。同時不能持有太多。

2）最好停供。

等佢上翻D，應該將部分轉其他股。

------------------------------------------------

Q18557：

老師，想請教一下如果你說買入優質股票需要長時間投資，咁當公司如果由有盈利到出現虧損，或出現壞消息，咁我之前手持該公司股票係咪要即時沽出？

如果睇到環球經濟會變差或者轉熊市，那還要繼續持有定先行獲利？謝謝老師請教

龔成老師：

要睇該虧損或出現壞消息，是短期，還是長期。

如果是一個長期的不利因素，令佢的經營情況已不及從前，企業核心的賺錢能力改變，我地會認為已不是過往的優質股，這就要止蝕。

但如果只是中短期問題，例如疫情令佢虧損，但過1、2年後，業務會回到正常，只要我地是長線投資，就不用擔心。如果佢這刻股價下跌，更是很好的加注時機。

至於「如果睇到環球經濟會變差或者轉熊市」，如果睇到就可以賣部分。

不過，要真正預測，比想象難好多，而股市往往已反映「你能見到的資訊」，因此，你賣出不一定有著數。

------------------------------------------------

Q18558：

你好老師.請問8363是老仟股嗎？我在$5及$8各有10000股。後來跌净$0.4。守到而家上返$1.5。

要放弃嗎？麻煩老師抽空解答

龔成老師：

SDM GROUP（8363）相信你已買了多年，佢當時股價我唔清楚點解咁高，未知是當時市場炒作，還是有人為控制。點都好，當時是貴的水平。

如果你睇翻佢業務，年年虧損，持有這類企業，只會令財富貶值，因此，相信股價好難上翻去，你賣出是較好的做法。

------------------------------------------------

Q18559：

龔sir，你好，我今年32歲，大概10年前讀大學嘅時候有買過股票，個時持有中國銀行同建設銀行，大概持左4年吧，最後都有賺咗少少離場嘅。個時又不太了解股票市場，又唔係好多錢，就選擇咗d比較穩陣型

到依家工作左咁耐，都有少少積蓄，有部份可額外既積蓄我想用嚟短線投資一下，大概20萬。希望可以比d意見和方向我。感謝你

我希望短線。
1年半至2年

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

我會建議你長線投資，因為長線的回報一定比短線高。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮$10萬，分注投資一些優質股，分注入。盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：華夏恆生科技ETF（3088）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18560：

請問 868便宜大約多少？有長線投資價值？

龔成老師：

信義玻璃（0868）有質素，有增長力。

這股在《50優質潛力股》中，一直是其中一隻潛力股，無論在2016年版，還是最新的版本。可見，這股有長線投資的價值，這類股有貨可一直持有。

當然，近年股價上升了不少，股價是唯一的風險，業務則仍是長期睇好，市場長遠發展正面。

現價大約在合理區頂，如投資，這刻唔建議大注。

你預跌3成先算平。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16981-Q17000）

Q16981：

老師~近期1211升得唔錯，我男朋友又問我幾時放，但我覺得應該要keep住長線投資，唔應該見到賬面賺左啲就急住放，因為1211真係有潛力。

我地之前入左中生，見佢升少少就忍唔住放左，點知最後升左一倍，到而家都買唔返

不過我男朋友問我等到幾時先放1211，我又答唔出，所以想請教下老師，我地如何判斷一隻股票既收成期? 求賜教

龔成老師︰

你想法係正確，一隻優質股應出線持有，才會有最大增值效益。特別係比亞迪（1211）這類潛力企業，投資一定是長期的。

如果你持有較多，就可以等佢再升多少少時，賣部分。但我會比較建議大部分都是長線的。

我主要最睇好佢電動車部份，有環保的概念，這點令政府會加以幫助，而市民亦會支持，但其實，電動車真正的價值並非在環保，而是慳錢，用電比起用油平得多，因此只要各種配套都完善，車主沒有理由不選擇電動車。

只要有金錢利益推動，人們的習慣將輕易改變，在70年代的石油問題，完全改變了美國人使用汽車的習慣，由一向追求大汽車的習慣，轉變到鐘情於小排量慳油的日本車，令日本車大舉入侵市場，當其他車廠發覺時已經太遲，最終成就日本車霸主的地位。

雖然將來的油價難以估計，但到經濟好景，各國都大量用油的情況下，石油需求大增，電動車的優勢亦愈來愈明顯。

另外，比亞迪在中國發展電動車，可說是佔盡地利因素，因發展電動車必需要有完善的配套，政府的支持十分重要，另外，若政府肯帶頭使用對推廣很有幫助，現時比亞迪的電動巴士已經行走在中國多地的公路上，由公共交通開始發展，可見政府對電動車是正面及支持的，然而，中國政府在支持電動車背後亦有個重要因素，就是石油。

中國並非產油大國，未來的石油供應難以滿足中國的汽車需求，而發展電動車就成為辦法，同時中國在西藏擁有不少能生產電池的鋰資源，若能用電動車取代傳統燃油車，中國對石油的依賴可減少，對別國的依賴能減少，從整個國家發展的戰略角度分析，中國發展電動車的誘因並不少。

同時，中國是政府主導的國家，要建立配套及支持業界，比資本主義國家更容易（在西方國家，石油業的既得利益者並不希望見到電動車的出現）。

投資中國的企業有一個要點，就是順從中央的方向，這不是指個別一兩個政策，而是一個大方向，因這會對企業的長遠發展有重大的影響。

比亞迪在新能源汽車方面，經過幾年的發展開始有起色，混能車銷情理想，而電動大巴在政府支持下銷量亦理想，而部分歐洲國家亦開始試行比亞迪的電動大巴（這是有利的指標，因歐洲的標準甚高的），雖然只屬起步，但情況不錯。

現時比亞迪的新能源汽車遍佈全球6大洲、 多個國家和地區，其中包括美國、德國、 英國、日本等主流汽車強國市場。

所以，我睇好這企業的電動車，但並不是一兩年就見到收成，講緊係預期3年、5年、7年，後先有真正的爆發情況，要有耐性。

但要留意比亞迪這類潛力企業，總存有不確定性，所以，這企業長遠雖然正面，投資亦要注意風險，不能太大注，這是一直所強調的。

至於中生（1177）現價已有點貴，你可以等佢回到$10倒才分注入貨。

------------------------------------------------

Q16982：

你好，我40歲，月入$18000 住公屋。

1.供緊$1500 15年基金 暫供了五年半 2.另有8萬保險基金儲蓄可隨時攞出來 3.有35萬流動資金 4.想用$5000作長期月供股票。

之前有買股票 輸多賺小 現想作個中長期投資。

問題一.月供$5000 我想供 盈富基金 同 領展 或只供$5000落領展 怎分配較為合理？

問題二.35萬流動現金 怎樣投資？ 我有打算攞一半出來 買置富 或 盈富 來增值及收股息，這樣處理35萬合理嗎？有沒有其他更好提議？ 謝謝！

再補問題二 置富 我改打算 利用35萬 月買一手 看情況 但持續起碼一年咁入 咁增值正確嗎？

龔成老師：

1）你應該供較多資金在盈富（2800），始終這是組合，風險能有效分散。例如$3000，而領展（0823）則供$2000。

2）現時喻市的平貴情況，可以用合理來形容，你如果現金較多，可以適度將現金投資在股票，只要分注入，同時留有現金就得。建議你投資盈富，再加多2、3隻其他股，置富（0778）都可。

置富每月買一手可以，但你要留意地產相關類的股票比例會否過多。

另外，銀娛（0027）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

------------------------------------------------

Q16983：

老師，本人在$35買入1797新東方在綫，請問目標價是多少，謝謝你！

龔成老師：

新東方在綫（1797）主要在中國提供線上教育服務。

睇翻佢的業務，主要向學生所提供的在線教育課程包括大學教育、Ｋ－１２教育及學前教育。當中，大學及Ｋ－１２教育分部課程都係課外活動性質，不計入大學或中學文憑要求。大學教育服務主要包括大學考試備考、海外備考及英語學習。

業務增長快速，不過未有盈利，估值難，同時市場對佢價值未能有統一的睇法，因此股價變化會較大。只可以話，潛力是有的，但風險亦不少，因此，這股唔建議太注，無特別目標價，只可以話，如果佢發展得好，股價增長的確可以理想，但風險同樣存在。

------------------------------------------------

Q16984：

龔Sir，想問下如果今年有拆股合股新發行既動作，咁我地睇果啲財經網，佢前幾年果啲數據會唔會自動調整，定係不變？E.g. 每股盈利，市盈率

龔成老師：

佢地會調整的，但具體調整的時間，我地唔清楚，可能先個財經網不同，最好當然是除淨後立刻調整，但由於部分數據要人手調整，所以未必該財經網會否立刻進行，還是等年尾年一次過進行。

------------------------------------------------

Q16985：

龔成你好好，想問下，如果買入多隻優質股，怕唔怕太分散？因畢菲特好似講過話將雞蛋放係同一個籃？

我持有

5 匯控 1手@78.6
175 吉利 2手@10.48
1810 小米 2手@16.5
1113 長實 2手[email protected]
941 中移動 2手@66.6

548 深高速 1手@11.2
1928 金沙中國 1手@31.2
823 領匯 1手@59.95... 得100 股，後悔買太少
1368 特步 2手@2.54
2018 瑞聲科技 1手@63.6

會否太散或太貴嗎？
有部分是2018 年貿易戰時買入...
當年亦是我第一年買股票，匯控、瑞聲等都是當時買入

龔成老師：

其實巴菲特都持有多隻股票，佢最想帶出的意思，就是—不要過度分散，同時，不要無意義的分散，如果不斷買入無價值的股票，又或自己不認識的股票，不如不要投資盲目分散是無意義的。

現時，你持有10隻股，並不算好散，大部分所素都不差，只是有些股的買入價有問題。

如果你這刻仍有現金，其實這個組合問題不大，但部分股買入價較貴，要上翻去並不易，你要睇翻該股佔你組合的比例是否適合。初步睇，暫時唔需要有特別調整。瑞聲（2018）仍有機會上翻去，但就要耐心點，匯豐（0005）就難D。

------------------------------------------------

Q16986：

現在手上股票 要等長遠回升才考慮放出 因價格低於入價 ？

如果出售 會lose money 要月供
等疫情及社會運動完結 價值升值？

龔成老師：

你唔好比「買入價」影響。

首先你要明白，我地繼續持有一隻股票與否，與你的買入價無關，因為這只是一個心理因素，最重要是企業的質素、前景。

買股票就是買入一間企業，原理就是買入企業等佢成長，因此，你根本不用理中短期因素，保持長線投資就得。

你要睇翻，由這刻起，持有那些資產，才是最有效令你財富增長。

------------------------------------------------

Q16987：

你好..我今年40歲，都有投資，但都冇乜增長，老師可否比一啲意見給我

我有人民幣20萬，做左8年定期，但計埋匯率，幾乎沒有增長（因為現在只有1.4%利息）
另持有4隻股票

1）1398
2）777
3）3330，跌了50%

待老師回覆

龔成老師：

人民幣只是貨幣，長期只會貶值（其實全球的貨幣也是如此），因此，你長期持有，作用不會太大。

你長遠可轉成優質股。當然，要同時持有現金，不能全部持股。

至於你現時的持股，工行（1398）有質素，但只是收息股，增長力不強。

網龍（0777）都有質素，但業務變化較大，唔建議持有太多。

靈寶黃金（3330），只是商品類企業，持有的價值只算中等，你可以等佢上翻多D時賣出。

------------------------------------------------

Q16988：

成哥，想請教

1. 請問2382現在入貨係咩太貴？

2.請問6185，你覺得如何？有潛力嗎？之前升得非常高價！我209入左2首貨。

3. 9996，你點睇？

麻煩你

龔成老師：

1）舜宇光學科技（2382）有質素，有增長力，現價算是合理區中上部，分注投資仍可，但這刻就未必好大注。

2）康希諾生物（6185）有增長力，但估值難，因為無盈利基礎作全面分析，市場都只是「估估下」，只可以於，這股唔能夠大注，如果2手佔你財富比例少，就守住先。

3）沛嘉醫療（9996）同樣是難分析，只可以話有潛力，但同樣唔建議太注，業務變化大。

------------------------------------------------

Q16989：

Hi, 我30歲，現在暫時有一位小朋友！想問下現在應該換層三房單位定加按買多層二房？邊個好d？

龔成老師：

從財富累積的角度，持有較多資產項，長遠會對你更有利，所以，買多一層2房出租會較好。

當然，每個人都有佢的需要，如果你這刻真的唔夠住，就可能要換，但如果都住到，就住現時的地方先。

------------------------------------------------

Q16990：

老師，你好！想請教如何理財令資產升值？

背景：

38歲女士，有家室，與丈夫共同養育一位小朋友

平均月薪三萬一左右，個人資產大概有現金四十萬多

現時持有5手滙豐，大概預留多十多萬等低價入市，餘下現金暫時放入銀行作定期存款

曾聽說有一位理財專家說，長遠不適宜持有恆指股票，應多投資內地A股，請問老師看法如何？Thank you so much

龔成老師：

恆指成份股有香港及內地的股票，仍有持有的價值，香港股票部分的增長力，的確不及過往年代，但不是無投資價值的，只要適當配置就得。

你持有較多匯豐（0005），唔好再增持，更則會太過集中。另外，匯豐只是收息股，唔好對股價有太大期望。

以你的年齡，財富仍有增長的能力，但就不是進取，你可以投資平穩增長股，你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

總之，你唔好用盡現金，分注入，同時要留有一定的現金在手，咁就得。

------------------------------------------------

Q16991：

龔老師 我想拎10000內既用黎投資
有咩建議？

龔成老師：

盈富（2800）是最平衡的選擇，不過一手都要$12000。

另外，你可考慮領展（0823）、港燈（2638）、置富（0778）。

------------------------------------------------

Q16992：

我唔識買股票，我以為沽股票落盤後就會沽出，但原來要有人接貨才沽出，我現在還持有2908，我輸哂所有錢了。

我唔識玩股票，跟人玩就死得了。

龔成老師：

環亞國際實業（2908）你可以睇下佢業務，年年虧損！

你買股票就是買入一盤生意，你買一盤年年虧損的生意做甚麼？

你最好賣出這股。

另外，買股票要學習的，建議你多增加投資知識，在選股、企業估值、投資時機上落功夫，對你長遠財富有好大影響。最初只投資盈富（2800）及一些穩健股。

另外，建議你睇《股票勝經》。

------------------------------------------------

Q16993：

老師你好，知道你有為屋企人投資的經驗，想問問你喺幫佢哋投資時，會用聯名户口，定係佢哋會直接俾錢你幫忙？

想知道多啲因為嚟緊想幫屋企人投資，但又想啲錢分清楚啲。另外，請問你對331 豐盛服務有咩睇法呢？值得投資嗎？謝謝～

龔成老師：

當時用佢地的戶口，只是我發出指示，叫佢地自己去做買賣，因為我地是長線投資的，所以好耐先會做一次買賣動作，因此都唔算麻煩。

你最好佢地戶口，同你戶口，是兩個戶口。

豐盛服務集團（0331）主要係於香港、中國內地及澳門，從事機電工程服務、建築材料買賣、環保產品貿易及提供相關工程諮詢，亦於香港從事清潔及廢物處置管理服務、回收及環保處置服務以及洗衣服務。

過往生意都有穩定的增長，而盈利都是，但企業的規模較細，因此風險較大，同時規模效益不高。但以佢現時的估值計算，價格是在合理區。

你可以投資這股，分注買入就得，長線持有，但就不建議投資得太多，始終這企業有點風險。

------------------------------------------------

Q16994：

龔生，1337無盈利但值100億又算否貴？

龔成老師：

好問題。市場預期這股有一定的增長，以將來做基礎，但這種估值的模式，存有好大的不確定性，所以根本無法有絕對的答案，就要用市銷等與外國同行比較，其實計到後，都要明白只是「參考下」，所以，如果要幫這企業做估值，其實要研究得好仔細，同時作大量的預測。所以坦白講，這刻我都唔敢講，面對這類股，我就會「唔投資」。

------------------------------------------------

Q16995：

老師你好，我係你學生，我有d問題想問問老師你。

1: 如果基於上題既數據，係1211估值上，我用近呢5年既EPS，乖以係10年內中抽出既合理p/e，我計到合理價為$42-63 (未計10% buffer)，但係就好似唔太對路咁，所以想老師你比下意見。

2: 呢題學術d，係1211中，點解明明EPS keep住跌左4年，但p/e會keep住升左幾年既 ? 背後有冇話有咩因素咁ga?

感謝你，keep safe and healthy

龔成老師：

1）比亞迪（1211）是較難估值的，因為這是潛力股，在估值中，會用更多「預期」的模式，如果只用過去的數據作推算，就無法反映真實價值。

其實你估值數都大致正確，無問題。

2）因為市場用「預期」的模式進行，當市場以數年後的預測數據為基礎，就算當刻的盈利下跌也沒有問題。

例如，市場以數年後盈利作核心，計出這股值$50，如果今年EPS$2，市盈率就是25億，下年EPS$1，市盈率升到50倍。表面上，由25倍升到50倍，實際上，市場並不是以這刻的盈利作計算基礎，而是以之後，所以，估值根本無變過，都是$50。

另外，你可以同時記翻課堂教過的現金流折現法，當中是預測之後的現金流，近1、2年只是其中一些數據，因為計算時是假設無限大的。

------------------------------------------------

Q16996：

你好，268點睇？

龔成老師：

金蝶國際（0268）主要業務為在中國境內開發、製造及出售軟件產品及提供軟件相關技術服務。業務增長快，同時市場預期佢有一定的發展力，對佢期望唔從細。

睇翻財務數據，其實是不錯的股票，生意同盈利都有明顯的增長，而且行業仍處增長階段。

不過，這股的股價太高，現價處貴水平，對這刻投資有所保留。如果真的投資，小注好了。

------------------------------------------------

Q16997：

龔sir，你好…我是生興的苦主……高價接了洩了25萬………而家跌到呢個位我走都無謂
好想死……

龔成老師：

其實投資是一個學習過程，每個人都會經歷輸錢，我20年前都因為無知，試過輸左成副身家，但如果你可以從中學習，保證你賺得翻！

你這刻要理性面對，這股要上翻高位，已經無可能，這股無獨特性，不如這刻賣出止蝕，算是交學費。

你要記住這次的學費，到下次投資時，要自己做足功課，買股票就是買企業，如果現時有個朋友叫你入股做生意，你會問佢咩問題？這就是你買股賈前要了解的。

理財是長期戰，一次失敗不代表甚麼，成功投資者都會犯錯，只是他們會從中學習，之後不會再這樣犯錯。

------------------------------------------------

Q16998：

Hello. 我係半年前由對股票一無所知 更加唔識龔成係邊個 去到我屋企人叫我報讀你課程 我先開始接觸股票 雖然報讀完你課程之後只是接觸港股一段好短時間

就轉左去美股市場 而好快我就買左fb v tsla 好多優質股 去到依家tsla我已經番左一倍幾

我好記得你話只要係優質股 就唔好放手 所以我依家已經賺到一筆好好好可觀既profit。越睇越多income statement balance sheet annual report 同上堂講既估值 最後都係好多謝你

龔成老師：

可以幫到你實在太好，我股票班所教的是投資教育，以「價值投資法」作核心，港股美股都適用的。

相信你已經掌握了投資知識，買股票就是買企業，長線持有，你保持學習，進步！

另外，你都要有風險意識，可能你知識上已提高左，但經驗上，就只有半年，股市要你親身感受，先會明白的，這點要留意。

------------------------------------------------

Q16999：

老師你好！！現時3月入手既股票終於有正回報！只係月供緊既帳面仲負回報，但我相信一定得！

問題如下 又要麻煩老師幫忙！！

1）老師認為現時有需要將合理區估值要調低嗎？因為風險大左

2）現時分注入仲得唔得？現金大約仲有3成

3) 計算回報率時，$28.3買入1928，如果股價$34，回報率是否（34-28.3)/28.3 *100% = 約2成??

如果係既話，難怪老師書入面講年回報8～10%係好簡單

4）若然我遲兩三個月將加薪到$20500，扣減支出後，月儲大約$12000，算是很好既儲蓄率嗎？

龔成老師：

1）當風險系數大左時，我地的合理價都有可能調整，因為我地的「要求回報」會高左。但具體多少，則沒有絕對的答案，只可以話當「不確定性」愈高，要求回報就會較高。

2）現時恆指合理，你如現金多，可分注，如果3成現金，就適合，不用心急入市。

3）對，大約是2成回報，之後要化做「年」為單位。

不過，你唔好比短期的回報太過作準，股市波動，其實要睇長期先得。反而我想講，唔好太心雄去追求過高回報，可以用10%作基礎。

4）算。我一般建議年輕人，儲收入的一半。

------------------------------------------------

Q17000：

老師，我信你講1928 係優質股，所以想平價買入再長線持有，但我早前miss左$29買入1928嘅機會，而家升左好多，請問應該大概咩價位算係可以再試入貨呢，謝謝你

龔成老師：

金沙（1928）有質素的，就算$3X仍是合理區，可分注入。而到了$27就是便宜區。

或者你可以這樣，算回少少入一手，之後等去到$30以下再加注，這是較為平衡的策略。股市波動，無人知股價會點走的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。