球感係咩黎？
自從球場重開之後，聽得最多嘅除左冇體力之外，就係冇球感。控個波又甩，帶波又唔順，傳腳波冇晒準蠅，射個波又冇力。所有嘅問題都發生晒。當然版主都唔例外。
球感其實係一個好概括嘅代名詞，似有似無。咁究竟乜野係「球感」。
以我對球感嘅理解，無論你盤傳帶射，加埋控球。只要隻腳掂到個波都係球感。例如控球，用咩位控，控個波去邊，鎖唔鎖腳腕。可能大家係知點做，不過係做唔到咁解姐。而球感點解咁重要？因為確保個波係如你所願咁受控。當球應差起上黎，明明傳一條直線，都會傳左唔知去邊。甚至大細力都控制唔到。所以球感嘅重要性係非常高。不過喺你練波時候，球感會同時建立。有啲時候，球感係一種回饋感覺。等你隻腳掂到個波嘅時候，感官會話你知你隻腳嘅邊一個部位觸及波嘅邊個部分。之後就連長傳都要用到球感去話你知大力定細力，隻腳鎖得好唔好。絕對係一個回饋感覺黎。
曾經都有朋友或者學生叫我教死球，除左姿勢係咪正確與否，另外就講究球感。因為球感會比你知道大細力之餘，會話比你知點修正你嘅動作。絕對去幫到你改善技術。要將所有感覺集中喺你嘅腳掌。先可以提供到準確無誤嘅長傳。
咁講左咁耐，球感係點練？
除左成日的波，但好刻意感受個波喺你隻腳同波嘅觸感。要令自己好清晰咁搵到個接觸點。就好似你揸棍波車踩極力子嘅感覺。至於長傳嘅大細力，建議係玩射楣去練，初時係以8-12碼去練，利用球感去控制力量以及高度。每次射完就透過球感去修正。之後慢慢去拉長距離，日子有功，長傳嘅時候係唔使再諗，望得到就斬得中。
最後祝各位盡快搵番屬於你自己嘅球感
#球感
練 棍波車 在 《C姐練棍》足本上架～雪藏棍波牌解凍有法！ - Facebook 的推薦與評價
《C姐 練 棍》足本上架～雪藏棍波牌解凍有法！】 點解有牌還要去補鐘？因為《車主》內容總監Christine買了部 棍波車 ，不過自考牌以來都未有開過M/T， ... ... <看更多>