［矽交所？其實係長交所］科技鉅子唔想畀人指指點點，咪自己搞檔交易所
之前寫過我對同股不同權嘅取態，可惜冇乜人理（http://bit.ly/2Q0xJJr）
簡單重覆一次，呢啲東西只係交易所要做生意冇節操（做生意仲講乜節操），科網小朋友又巴撚閉，你唔畀我我咪去第度，咁所以迫到交易所就晒佢地。在道理上完全講唔通。你上市，就要同股東交代。唔撚想畀啲濕鳩分析員廢柴基金經理畀壓力嘅，得，唔好上市，自己玩飽佢
呢，現眼報，真係搞啲咁嘅嘢了。矽谷搞自己嘅交易所，叫做長期交易所。擺明向你啲散仔（同埋，基金）舉中指。
之前有其他文（唔係我）寫過，而家啲科技公司，其實真係唔係點使靠上市去融資。因為而家唔係幾廿年前，私募呀等等相當成熟。亦都得罪講句，財富越嚟越集中，我搵到一個中東佬，抵得上你香港幾百萬個散仔啦。
而家最新搞作係，矽谷，搞自己的交易所了。係，可以另起爐灶。你見美國有NASDAQ 有 NYSE 以前仲有AMEX （唔係美國運通，係美交所）。但好多地方就都係官方只容許一家生意，例如香港。
呢個交易所，就當然係針對啲初創企業，你可以當係「真—創業版」。有乜吸引？就係唔使守大圍交易所（在沙田的）嘅規矩，公司管治另一套標準，投票權又另一種。
表面嘅原因，就係上面講嘅。話你啲投資者（包括基金，哈哈），短視。蝕少少錢就阿芝阿佐，又話要換管理層又乜，都唔得遠大，只係慣住短期獲利。所以而家整一套出嚟，等啲科技小朋友可以霸住個位千秋萬代。長期創新喎，唔好為短期盈利屈服。仲會玩持股越耐投票權越大，即係你唔好諗住見我廢就在市場掃貨拎投票權踢我走。
有理由相信就係，呢啲交易所，就只會受某啲投資者玩。監管當局都唔會想散仔玩呢啲（否則現存嘅交易所就一早改制啦）。但其實一樣兩難：如果到時啲股票賺大錢嘅，又會畀人話係有錢人專利，做乜唔畀散仔參加。不過幾肯定嘅係，如果玩嘅只係有錢人，就等於香港嘅PI （專業投資者）咁，呢啲友輸死都冇人可憐的。亦可能正中科技公司下懷：反正唔係集資，想散貨。咁散畀呢啲友咪得，錢多人優又唔會嘈（不過，有錢人會唔會搵人買起你我就唔敢講）
中文詳情可睇明報 http://bit.ly/2Q2yAt9 矽谷交易所獲批成立 助未盈利初創上市
美交所 在 分分钟教你搞懂美国三大证券交易所：纽交所、纳斯达克、美交所 的推薦與評價
分分钟教你搞懂美国三大证券交易所：纽交所、纳斯达克、 美交所. 276 views Aug 25, 2020 给大家分享一下美股（纽约证券交易所、纳斯达克交易所、美国 ... ... <看更多>