[美國GDP增長碧丹]如題,消費很重要
1. 首先掃一掃盲,係Real GDP,一般都係講Real GDP,已調整通脹,其他國家都係。你見中國嗰啲咩保八保六都係。
2. 所以你聽到有人講話「GDP增長得6%咁減返通脹即係2-3%」嘅,必然係盲毛。因為你平時見到嘅GDP增長,十居其九都係real terms,古今中外都係
3. 咩情況會籮綿奴?例如你計入例收入,或者拎嚟同股市市值呀,債務呀,樓價呀,樓宇按揭呀咁相比。例如你計M2/GDP,就會係用籮綿奴。因為股價,樓價,收入,市值,貨款金額全部都係籮綿奴。我發現好多人係連呢啲都唔理的。更加唔好要佢分flow 同 inventory (所以我認為股市市值同GDP畀都係多撚餘)
4. 好,睇圖,好簡單,GDP增長就係由呢幾味嘢貢獻。Econ101(又來了)。有時啲碧丹有少少唔同,但大約都係咁。大陸就叫三駕馬車,消費投資淨出口。鬼佬有時叫投資做Gross capital formation,甚至係Gross fixed capital formation。好似好啲,因為好多人聽投資以為係炒股票貢獻經濟(都某程度上係)。不過中文叫 固定資本形成 人地就唔知你講乜春
5. 三味加埋之後,藍色點,最終你見到嘅GDP增長
6. 順便講下,淨出口嘛,就係出口減入口,淨出口正數就貢獻GDP增長。亦都係成日講嘅貿易順差。但有人以為「貿易順差實係好事」甚至「貿易順差就係佔人便宜」,就too naïve。呢個只係反映模式不同。你見美國2015-2020,都好多季度係淨出口負數,拉低GDP—但係咪經濟好差?十分粗略地講,你入口多出口少,咪證明你富貴有得消費。所以呢三味馬車唔係各自為政,係有相關的。
7. 咁你見到了,差不多每次都係灰色最大舊,美國係個消費帶動嘅社會。今季(第一季)GDP大跌5%嘅元兇亦係消費大跌,早兩日都寫過(https://bit.ly/35kqHGO)。
8. 仲有,除咗次次都係灰色最大舊外,你發現,灰色係從來冇試過負數的!
9. 當然呢個只係2015年尾去到而家,但想講嘅係,即使在以往衰退嘅時期,都好少見到灰色呢舊東西變負數!
10. 所以會有人話,今次好大鑊。中性啲嘅講法,就係今次有啲唔同。亦都幾明顯嘅係,啲封城措施好難做得長,對經濟打擊太大了。之後都會出多個post講
———————
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。
美國m2/gdp 在 股榮 Facebook 的最佳貼文
厲害了,國的錢!(大表按連結)
中美貿易談判無甚結果,貿易戰演變成貨幣戰,眼見人民幣穿7(1美元兌7人幣)在望之際,人民銀行見出口術無用,日前再出手「操控」人幣中間價,指近期受美元指數走強及貿易磨擦影響,「8月份以來人民幣對美元滙率中間價報價行,陸續主動調整了逆周期系數。」人行預計未來續對人幣滙率水平保持基本穩定,續會「發揮積極作用」。
一國貨幣強弱,說穿了,就是睇經濟能否支撐發鈔速度,無論出口術或入市干預,對打擊炒家極其量只有短暫作用,難以扭轉中長線升值/貶值勢頭。究竟人民幣有否濫發,可以用廣義貨幣(M2)餘額衡量,即是社會大眾手上持有的貨幣,加上企業及個人的銀行存款等。
廿年前(1997年底),中國M2餘額約9萬億人幣,十年後(2007年)已累增3.4倍至逾40萬億人幣。08年海嘯後,時任總理溫家寶推四萬億救市方案,當年M2飆升7萬億人幣、翌年再狂增14萬億人幣,往後每年M2皆以一成以上幅度上升,至去年底止,增至167萬億元人幣。
按照貨幣學基本原理,一個國家經濟每增長出1元價值,央行也應該供給貨幣1元,超出1元的貨幣供應則視為超發。自2015年,中國貨幣總量較國民生產總值(M2/GDP)高出2倍(見表)。
另一邊廂,美國M2自97年底的4.04萬億美元,廿年間累升3.4倍(同期中國為17倍)。09年前,美國的M2一直領先中國,09年後即使因海嘯後推出三輪QE, M2累增近倍,但對比中國同期3倍升幅,以全球M2總餘額計,中國已超越美國。用M2/GDP衡量,美國過去兩年保持0.71水平,中國則高於2。
美國下月加息沒有懸念,而每季縮減資產負債表(縮表)規模,亦已由上季的300億美元增至400億美元,下季更會增至500億美元上限。由港滙不斷測試7.85弱方兌換保證,新興市場以至亞洲熱錢,已陸續回流至美國。
數字上,將目前中國所有的錢(今年6月底M2 177萬億人幣),兌換成美元是26萬億美元,美國及歐盟最新M2分別是14萬億美元及13萬億美元,中國可以買下美國,然後吞埋歐盟,再過幾年,連全世界都可以買下。可惜,這一切都要建基於,人民幣能否取代美元,作為全球結算貨幣。
美國發動貿易戰、截住中國一帶一路重要據點、穩住石油定價權,連帶減稅措施及美元回流,一環緊扣另一環,目的是要令中國露底,人民幣不能威脅美元主導地位。2015年人幣惡意貶值,惹來拋售潮,外滙儲備短短兩年間急跌1萬億,至3萬億美元,前車可鑑,人行不欲重演人幣及外滙雙跌的惡性循環(人民幣跌;央行用外滙儲備托價),此刻寧放慢人民幣國際化步伐,「操控」人幣中間價穩住滙率,希望用時間換取空間。
誠如早前Tregunter話齋,美國要求減少貿易逆差係虛的,要藉由減少中國貿易順差引發其他問題先係實。當美元收水及新興市場熱錢流走回速度加快,人民幣貶值勢頭不變,能否保7成功,不宜存太大希望。
美國m2/gdp 在 利世民 Facebook 的精選貼文
【全民媒體】淺解剪刀差(C.K. Lei)
剪刀差是指M1同M2的年增幅持續擴大,據央行解釋這現象揭示貨幣政策無法驅使資金流入實體經濟進行投資(其實較常用的指標是M2/GDP)。為何剪刀差能揭示此現象,應該由M0、M1同M2開始講起。
M0提指流通中的貨幣,簡單黎講,ATM機裡面的錢M0,直到你將提款卡插入去ATM之後攞左錢出黎,at this moment你提出黎的錢先成為M0。
再講M1=M0+單位活期存款,姑且將單位活期存款視作公司的活期存款戶口,舉例,如果一間中國企業出口一筆價值USD100萬的運動鞋到美國,人家收到貨付錢的時候,因為中國採用結匯制,經中央銀行結算後再打錢(RMB 680萬)到你活期存款戶口,此時,M1將增加RMB 680萬。值得注意,你用提一個戶口交水電費,對M1不會產生變化(因為只是由一個公司活期存款戶口轉到另一個),然而,你用黎出糧俾員工,則M1會減少,M2會增加 (稍後解釋)。
最後,M2=M1+准貨幣 (單位定期存款+個人存款+非存款類金融機構存款,非存款類金融機構存款可瞭解成放在證券戶口的錢,先簡化不敍)。根據上述定義,如果公司出糧俾員工,公司活期戶口少左錢,員工的個人存款增加,所以就做成M1減/M2增的情況。同樣,如果公司把錢轉到定期存款戶口,M1亦自然會減少,錢就跑到M2那邊。
所以,M1同M2的年增幅持續擴大,即係代表企業不斷咁將D錢放係活期銀行戶口,不投資,連打過電話轉錢到定期都唔願意做。到底點解會咁?按中國央行盛松成表示,主要原因包括為企業持人民幣待投資、定期存款利率下跌以及地方政府債務置換。
我個人覺得最大原因是企業待投資金額不斷增加,待投資即係暫時缺乏投資機會,待多久不知道,只好放係活期。值得一提,碰巧的是,剪刀差是由去年10月開始,亦即人民幣貶值後數月開始發生,M1亦都可能是外匯管理局審批變得嚴格左,時間耐左,企業走出去的資金只好“宅”左係活期存款戶口,待審批成功後,隨時匯出作海外投資。這是個人的educated guess。
C.K. Lei