自從開始揸車後，女朋友都開始識車。
情況就好似陪女朋友Shopping一樣，行喺佢隔離陪佢揀衫睇鞋買手袋，明明款式差唔多，但啲女人都要研究好耐，突然間仲會雙眼發光咁：「嘩，呢條裙真係好靚！」
但你完全唔明邊度靚，不過久而久之，聽得多都成為咗半個專家，間中畀吓意見女友，同佢交流吓。
坐喺副駕嘅女朋友，本來對車毫無認識，覺得架架都一樣，而你又會慢慢同佢解釋：「呢架勁嘢呀，新款嚟㗎！型到爆！不過這些機會⋯⋯唔屬於我㗎喇！」
女朋友「升呢」嘅第一步係開始同你「傾車」，佢會話「呢架啲色幾特別」、「嗰架改到咁MK嘅！」、「遲啲有錢換呢部囉！」
而再進一步，係女朋友會同你一齊躁底，睇到啲車亂Cut線，佢會即刻話：「條友搞錯呀，唔打燈嘅！」；睇到啲飛車，佢會話：｢條友咩事呀，使唔使咁趕呀！」
對男人嚟講，揸車係另一次初戀，由新手上路30km/h都戰戰兢兢，泊車泊咗十幾次都唔啱位，Cut線猶豫唔知去唔去，到依家已經駕輕就熟，享受揸車嘅樂趣。
呢種感覺都係一去難再遇上一次，而呢個由零至一百嘅學習駕駛嘅過程，女朋友一直都喺隔離陪住我。
有佢喺隔離，總會覺得安心啲。
【後記】女朋友已經升呢到會陪我睇車，經過又一城，我話想試下全港首個汽車VR虛擬實境裝置，全程冇黑面之餘仲幫我影相！當我話個VR可以試吓喺瑞士高原揸車，佢仲即刻要玩埋一份。下次再帶女朋友去又一城，陪佢Shopping食Pancake，我又可以睇Audi定期更換嘅最新車款，簡直完美！
PS: 今個週末，大家只要嚟到現場進行簡單登記，就有機會得到Audi限定手工糖果一份！（數量有限，送完即止）
《Audi Innovation Space》
營業時間:星期一至日 (上午 11 時正 – 晚上 9 時正)
地點:九龍塘又一城 LG2 (翰騰閣酒樓對出)
詳情即睇 Premium Motors Limited
FB: https://www.facebook.com/PremiumMotorsLtd/
#AudiInnovationSpace #AudiHK #AudiVRexperience #嶄新汽車體驗
