———————已更新，補上食譜—————
自家制雪糕厚多士 ， 慳家師奶唔捨得出街食，想食唯有自己整啦😆😆 靚嗎？
#自家制雪糕厚多士 #榛子雪糕厚多士 #榛子醬藍莓芝士雪糕厚多士
雷大囡考試，要氹佢溫書真係唔容易，又唔想迫佢令佢唔開心，但唔溫當然唔可以啦。唯有整啲好野氹下佢，溫一陣有好野食，食完要繼續溫多陣。心情好做練習都做得起勁啲，快好多👍🏻👍🏻
為左令佢能放鬆心情，整個雪糕厚多士俾佢開心下。食完就要努力溫書架喇☺️☺️
脆卜卜嘅厚多士加上凍冰冰嘅雪糕。加上香滑榛子醬，口感味道一流😋
係咪真係咁好食？ 十分鐘俾人ko晒，你話呢？😆😆
#考試係要食好啲
#下午茶 #點可以冇杯咖啡呢
#榛子醬雪糕厚多士
材料：
牛油麵包 ⋯⋯⋯1磅
牛油 ⋯⋯⋯⋯⋯適量
雪糕 ⋯⋯⋯⋯⋯1球
榛子醬 ⋯⋯⋯⋯1湯匙
牛奶 ⋯⋯⋯⋯⋯1湯匙
水果 ⋯⋯⋯⋯⋯適量
糖霜 ⋯⋯⋯⋯⋯適量
步驟：
1.用麵包機預先做好一磅麵包。我做的是鬆軟牛油麵包，入焗翻焗後外皮比一般麵包鬆化。不會太硬。
2.把麵包頂部切走，麵包中心𠝹成6格。
3.塗上牛油，放入已預熱180度焗爐焗3-5分鐘。表面金黃色便可。
4.榛子醬加牛奶攪拌，同時放入焗爐熱溶。或用熱水座溶。
4.放上雪糕，撒上水果粒，淋上榛子醬，撒上糖霜。
5.趁熱食😋😋
⁉️如果冇麵包機做麵包，可向麵包店預留一磅底部麵包免切。
⁉️另外再簡單點買袋裝厚方包。把中間麵包切出來，切成方形。麵包皮不要切斷。
⁉️如果沒有焗爐，可以把麵包放平底鑊乾煎。以烘底方式去做。平底鑊預熱，麵包烘好後才塗上牛油。
其實好多方法可以做，只要花少少心思。就可以做個靚靚厚多士，氹下人氹下自己。各位加油💪🏻
https://cook1cook.com/recipe/33753
考試係要食好啲 在 HK Express - 【媽咪話，考試千祈唔好食 ... - Facebook 的推薦與評價
韓國人喺考試前唔會飲海帶湯，因為佢哋覺得用海帶煮嘅湯口感滑順，飲完會滑到落榜！ 咁韓國人考前要食咩？答案就係又甜又黐牙麥芽糖喇， 韓國人相信會「黐」上榜！ ... <看更多>