阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
同時也有7部Youtube影片,追蹤數超過44萬的網紅親親2o音樂LîvË【日系音樂】,也在其Youtube影片中提到,KYOTOKONKON x rakurui - Raindrops (feat.初音ミク) ♫ Listen on Soundcloud:https://soundcloud.com/kyotokonkon/kyotokonkon-x-rakurui-feat-raindrops ♫ Free Do...
「聽日post分享」的推薦目錄:
- 關於聽日post分享 在 Facebook 的最佳解答
- 關於聽日post分享 在 Facebook 的最佳貼文
- 關於聽日post分享 在 凱子凱の日本旅行大補帖 Facebook 的精選貼文
- 關於聽日post分享 在 親親2o音樂LîvË【日系音樂】 Youtube 的最佳解答
- 關於聽日post分享 在 親親2o音樂LîvË【日系音樂】 Youtube 的精選貼文
- 關於聽日post分享 在 Atsushiの日本語教室 Youtube 的最佳貼文
- 關於聽日post分享 在 可以得知Instagram 的名稱可能包含兩個概念:「Instant ... 的評價
- 關於聽日post分享 在 觸及率一直降?5種逆轉觸及率降低的方法與範例 - 電商修煉 的評價
- 關於聽日post分享 在 【生活英文】按讚除了like,國外還會怎麼說?發廢文 的評價
- 關於聽日post分享 在 社群什麼時候發文最多人看?FB、YouTube、IG最佳發文時間! 的評價
- 關於聽日post分享 在 YouTube 的評價
- 關於聽日post分享 在 中華花藝習花誌's Instagram post: “夏日的蓊鬱綠意令人入眼 ... 的評價
聽日post分享 在 Facebook 的最佳貼文
[持倉全公開]「個圖右邊令我諗起魚缸啲溫度計」。又,當然唔止呢度呢啲,文入面仲有。「呢度係10個倉嘅其中1個」「咁當然係最大最勁嗰個」
TLDR:台上一分鐘,台下十年功。練武不練功,到老一場空
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
邁向2000人訂!Two thousand people can't be wrong!(扯,幾百萬人冇訂添!).搵人填埋佢,下一個目標當然係3000!
1. 之前好多讀者係咁叫我公開個持倉,我係拒絶的。但畢竟答應咗,唯有萬般不情願咁除。不過都唔係除晒。名單就有晒,但絶大多數冇銀碼。講過了,留返少少私隱,以前青樓女子腰間都綁返條紅線咁,「我冇除晒」。況且,太少錢驚畀你恥笑,太多錢又怕你綁架我
2. (實情,你覺得我會有幾錢?唔通我得幾十萬夠搞台灣投資移民又夠買埋樓?但,如果我有幾億,仲會寫Patreon?)
3. 不過我再講一次,你話我家長式態度都好,我覺得呢啲list係害咗你的。我知,個個想抄功課嘛。但邊有咁簡單?信我,唔work的。
4. 首先我唔少嘢陳年買落。我就當你而家開始跟,但好多人連睇文嘅耐性都冇(但想致富,你唔覺得矛盾?)。況且你亦好可能做唔到隻隻跟,因為可能你咁啱冇錢。就當你跟都好,到升少少,或者一個浪打埋嚟,你又會走咗啫。唔信?你睇我在呢度講咗幾多次ASML?咁係咪個個都贏250%?我當我唔係一買就講,咁至少都有100%,你又有冇?
5. 以前都有啲熟朋友,問我拎啲長渣嘅股票名單,咁我有畀。但你發現,同一餐飯嘅朋友,有啲人就輸錢,有啲就贏大錢,有啲表現仲好過我。問題係你本人,唔係啲股票呀。
6. 咁我做嘅,唯有名單照畀你,但分享下我買嗰時嘅心路歷程,同埋用呢啲例子又去示範返我平時講嘅嘢咯。「其實我本書都係講呢啲」
7. 睇圖
============================================================
8. 一反常態,由最廢嘅講起。首先,輸到趴街跌八成嘅,開埋名,SSYS,3D打印股喎,N年前了。嗰時興咩3D打印嘛,改變世界嘛,等同而家啲咩氫能呀 扑青呀 SAAS呀 齋燒鵝 杏仁奶 咁咯。之前仲有隻ONVO Organovo,印個腎出嚟自己用。嗰時仲有隻DDD,3D System,聽名都正.,我朋友(真係我朋友)買完輸九成幾,但都冇走,點知今年炒發夢股時契媽又買返炒起,結果由輸九成幾變咗輸五成,佢快手走咗人。教訓?你個故事再好,啲科技再巴閉都好,唔等於你會賺錢。3D 打印冇改變世界咩?有喎。但你隻嘢就係輸到趴街。同2000年好多科網股差不多,互聯網係改變世界喎,但唔等於你買嗰啲股會賺錢。
9. 另外,你都見有兩隻跌超過70%嘅,「就都係今年新鮮滾熱辣的」,都有讀者輸錢。但,有乜計?我都輸埋一份,兩份咯。包生仔咩。但贏幾倍嘅你有冇跟先?
10. 好啦,都係輸錢啲嘅,煙仔股啦,都四五年前買,後來佢買電子煙JUUL瀨晒嘢,我一度輸一半,但冇止蝕。今年就生猛,歷年又派到下息,計埋唔使點輸
11. 仲有?黃金ETF啦,舊年一開Patreon就講買金,因為印錢通脹。結果真係通脹,但唔係升黃金,吹咩。不過買得唔多,亦其實輸得唔多。
12. 升得少嘅,Verizon啦,17年尾買,都唔知點解會買,應該主要係錢太多身痕。留意嗰年股市好好,而我轉咗去星展加左一截人工。真係沽就考慮沽呢啲,唔使輸錢但又冇乜賺
13. SalesForce啦,仲好笑。佢話買Slack,我就買佢。結果CRM買Slack買得貴!我就買CRM買得貴!齊齊消化不良,股價高位即隊。但始終間公司正正常常,咁慢慢就上返水面。見唔見到同咩3D打印股嘅分別?你間公司一路有增長有錢賺,就算買貴咗啲都有得追返上嚟。
14. 好啦,講啲得意之作。呢隻SCI勁!你見我呢度同Patreon都極少講,因為……唔記得咗!到升咗幾倍我先發現有買到隻咁嘅嘢!做乜?做殯儀。但如果你97年高位追,一樣有排坐。固然好多時事後先知咩係高位,但,首先你可以睇多次上一段。另外,所以咪叫你唔好all in 同一時間一大舊錢買落同一隻股票,然後仲要九成摸頂高位跌兩成又低位打靶止蝕。
15. 至於JP Morgan迪士尼呢啲,一早買落。咁你見到教訓係乜?係要時間呀哈利。畢菲特話齋,你去搞大9個女人,都唔可以1個月生個B出嚟的。
16. 仲有?坐穩呀!你睇迪士尼?明明疫情重創,完美風暴,戲院又死樂園又死體育又冇得播,仲要畀NetFlix狂打。但我有冇走去沽咗佢?一有「不利消息」就沽走,咁你真係永世唔使買股票的。等「明朗化」?刁,到「明朗化」時升咗幾十位啦,到時你咪摸頂。蘋果25000億市值都仲有人質疑盤生意得唔得呀。「你點知聽日唔會執笠?」「但如果唔執呢?」
17. 呢度你見,24隻之中,9隻至少升到100%(有2隻好接近),當中6隻超過200% ,1隻超過300%
18. 啟示係乜?唔係我好巴閉,而係我示範一路都講,但成日畀人串嘅兩樣嘢:
19. 首先,一兩隻掂嘅股票,可以頂好多隻出事嘅股票。你咪串我幾隻嘢輸七八成咯,但有何問題?你唔買咪唔會輸錢,升一成take profit 跌一成止蝕咪唔會大輸,have fun。
20. 第二,股票係要坐的,你見升得多嗰啲都係比較早期買。ASML之類兩年250%,係好少有嘅例子。「雖然我唔識tech唔識整光刻機」
============================================================
21. 記住,呢個圖只係美股嘅大倉,另外仲有堆細倉(咩LVMH 愛馬士我提過嘛,唔在呢度的,「同埋其他係歐洲股」)。
22. 至於美股個垃圾倉組合,Patreon入面都有貼出嚟。一個月15%,勁過晒所有倉,勁過股神。但買得3萬港紙,有春用咩。我一度都睇到懷疑人生,其實係咪亂買就得。但由我買咁細咪畀咗答案你:而家贏梗係也文也武,但我係有預會輸晒的。
23. 當然仲有港股,都公開埋,但除咗呢排成日講嘅王維基1137,就係隻升十幾倍嘅安踏2020(貼過啦),仲有一個開嘅港交所388,以及高位插水一半我都仲唔使輸錢嘅騰訊700外,都冇乜特別。咁嘅市況,神仙咩。
24. 但,雖然只得一手,但我隻安踏13蚊渣到上160,一度幾乎200蚊。何止10倍股?10鳩幾倍股呀!Take profit?why?定你覺得190蚊冇沽而家160蚊我好傷心?你出出入入,有幾多隻嘢贏到10倍?
25. 不過話說回頭,港股輸好多嘅,亦都少,好多都月供。然後仲要多數都派到下息,咩長江基建1038之類,計埋啲息就輸錢變贏錢啦。
26. 至於我最新會買乜,文入面都有講,但唔好期望係咩特別嘢,都係悶嘢。Sexy嘢就梗係開個新post啦
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
邁向2000人訂!Two thousand people can't be wrong!(扯,幾百萬人冇訂添!).搵人填埋佢,下一個目標當然係3000!
聽日post分享 在 凱子凱の日本旅行大補帖 Facebook 的精選貼文
台灣疫情控制到比較理想的狀況了~
可是日本疫情還在每天新增兩萬多人當中苦戰
東京帕運這項任務也展開了~希望一切圓滿結束🙏
聽日本現地的朋友說大家都在搶"退熱貼"
令人擔心到底是有多少人在發燒啊??
自宅療養的人數真是很多~
止痛退燒藥當然也被大家狂買....
朝日新聞今天也有報導台灣108天以來再現本土0確診
https://www.asahi.com/articles/ASP8T6566P8TUHBI01C.html
希望日本也可以跟著快點好起來👍
日本政府也撥出預算明年要打第三劑了!
我想快點回到可以開心寫日本文章的日子啊!
--
😘懷念秋田的比內地雞親子丼跟稻庭烏龍麵
角館車站前這間小店也吃得到!
https://ksk.tw/blog/post/353516890
--
🔥開團熱銷中【Electrolux 伊萊克斯】兩用手持式蒸汽掛燙機
👉訂購連結 https://bit.ly/3sHdymW
🈹團購超殺價格:$2990 (#前100名限定優惠價只要$2490)
🛒團購時間 08/25(三)~9/1(三) PM23:59
✅凱子凱實際使用心得/開箱分享文
https://ksk.tw/blog/post/354061987
聽日post分享 在 親親2o音樂LîvË【日系音樂】 Youtube 的最佳解答
KYOTOKONKON x rakurui - Raindrops (feat.初音ミク)
♫ Listen on Soundcloud:https://soundcloud.com/kyotokonkon/kyotokonkon-x-rakurui-feat-raindrops
♫ Free Download:https://www.toneden.io/nekora/post/kyotokonkon-x-rakurui-feat-raindrops
✔ rakurui
● https://rakurui.jimdo.com/
● https://twitter.com/rakurui_t
● https://www.nicovideo.jp/mylist/35188383
● https://https://soundcloud.com/rakurui
● https://www.youtube.com/user/rakurui7
✔ KYOTOKONKON
● https://www.youtube.com/channel/UCLSYYWs8LHn_kHj-Dw_iJHg
● https://nekoranomu.wixsite.com/kyotokonkonworld
● https://soundcloud.com/kyotokonkon
● https://www.instagram.com/nekoranomu/
● https://twitter.com/NekoraNomu
● https://open.spotify.com/artist/0GEBLGTcBxgyrVKLf6Fj6G
★illustration:https://www.pixiv.net/artworks/73492057
◎ Artwork by:雨陌
● https://www.pixiv.net/member.php?id=6147118
● https://pawoo.net/@mimengfeixue
♪ 親親2o音樂LîvË【日系音樂】♪
►https://www.youtube.com/channel/UCiZLTDFNOGtM3s76kbudaOQ
►https://www.facebook.com/20LIVE/?ref=bookmarks
To submit your own music for promotion:https://link.kiss20music.com/JP-Submit
#親親2o音樂LîvË#日系音樂
©️ COPYRIGHT / LICENSING
If any producer/label/artist has an issue with any of the songs or pictures please send me an e-mail to (japanese@kiss20music.com) and the video will be taken down immediately.
![post-title](https://i.ytimg.com/vi/wEb04OgvbVA/hqdefault.jpg)
聽日post分享 在 親親2o音樂LîvË【日系音樂】 Youtube 的精選貼文
HoneyComeBear - Natsuzora(ナツゾラ)(20XX Remix)
♫ Listen on Soundcloud:https://soundcloud.com/20xx_xx_xx/honeycomebear-natsuzora20xx-remix
♫ Free Download:https://www.toneden.io/20xx-2/post/honeycomebear-natsuzora-20xx-remix
✔ 20XX
● https://soundcloud.com/20xx_xx_xx
● https://twitter.com/20XX_XX_XX_
★illustration:https://www.pixiv.net/artworks/77493382
◎ Artwork by:甘城なつき
● https://www.pixiv.net/member.php?id=3036679
● https://twitter.com/amsrntk3
● https://pawoo.net/@amsr_na
● https://amashironatsuki00.wixsite.com/amachirrr
♪ 親親2o音樂LîvË【日系音樂】♪
►https://www.youtube.com/channel/UCiZLTDFNOGtM3s76kbudaOQ
►https://www.facebook.com/20LIVE/?ref=bookmarks
To submit your own music for promotion:https://link.kiss20music.com/JP-Submit
#親親2o音樂LîvË#日系音樂
©️ COPYRIGHT / LICENSING
If any producer/label/artist has an issue with any of the songs or pictures please send me an e-mail to (japanese@kiss20music.com) and the video will be taken down immediately.
![post-title](https://i.ytimg.com/vi/Kz6ENWgKCrg/hqdefault.jpg)
聽日post分享 在 Atsushiの日本語教室 Youtube 的最佳貼文
你猜猜這一些跨國品牌的日文發音。
你聽日式英文發音之後感覺怎麼樣?
還是覺得奇怪嗎?
今天我跟你分享不可思議的日文世界。
導演:Atsushi/翻訳:Atsushi
ーーーーーーーーーーー
涉獵最新腦科學・心理學・教育學的日本人教師發現的 「瑞士式語言學習系統」的秘密
https://kabuki-anime.com/post-1227/
官方網站
https://kabuki-anime.com
Facebook
https://www.facebook.com/kabukianime
#日式英文 #聽力練習 #日文教學
![post-title](https://i.ytimg.com/vi/RXeT65EO2aw/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLAKpseKh5K4Bmfl-VnRbe9RhG1raQ)
聽日post分享 在 觸及率一直降?5種逆轉觸及率降低的方法與範例 - 電商修煉 的推薦與評價
改善FB貼文觸及率的方法1. 上傳你的影片到臉書不要貼影片連結. 不要再分享Youtube連結到臉書了!直接把你的影片上傳至Facebook。很多企業在做影片行銷時, ... ... <看更多>
聽日post分享 在 【生活英文】按讚除了like,國外還會怎麼說?發廢文 的推薦與評價
麗莎為她的寶寶創立了一個粉絲專頁,用來分享寶寶的照片。 ... 在瀏覽別人的動態時,覺得別人的生活都過得特別好,那你一定要來聽聽這首有趣的歌。 ... <看更多>
聽日post分享 在 可以得知Instagram 的名稱可能包含兩個概念:「Instant ... 的推薦與評價
各位讀者大家好,今天分享的微冷和Instagram 有關。相信不少讀者都有使用Instagram 紀錄分享自己的生活,應該也聽過不少人叫它「IG」。 ... <看更多>
相關內容