身為一樣做日本嘢嘅藝人，其實都應該明呢個餅已經夠細，就算做唔到互相幫助，都唔好互相傷害。特別係呢個時勢，向觀光局對其他同行做一啲篤灰行為黎叫人唔好搵某啲表態嘅藝人，唔單只係離棄香港人，仲要係出賣同鄉，咁嘅神之一手我真係諗極都唔覺對你有好處。
我同其他都係隻身黎日本嘅藝人又好，隻身去日本返返黎識講日文嘅香港藝人又好，相處咁耐都從來冇人話返比我知其他日本藝人講我是非。我亦唔信人地無啦啦講大話搞你呢個follower少過佢嘅人。
睇到佢地聲明，字裡行間知到呢一刻佢地都想企係中立嘅位置，遠離香港嘅市民。山水有相逢，希望第時做野果陣見到，大家都做返自己本份，唔好動一啲歪念。
#聽聞大家都係假日本妹就唔好同我講唔知香港發生咩事
