屯馬線岩岩開通，當然要黎九龍城搵食。今次就去咗等等Hea食台式放題。放題可以揀嘅野食都唔少，有飯麵、小菜、小食、香菜芫荽系列、甜品、飲品等，仲可以加$18食埋烤魚。
我地一坐低先叫咗兩杯飲品-奶蓋白桃烏龍茶同草莓鮮奶。白桃烏龍茶好香白桃味，仲有清幽嘅烏龍茶味，加埋creamy嘅奶蓋，絕對拍得住出面嘅茶飲專門店，以放題黎講有驚喜。至於草莓鮮奶，用咗草莓果醬加埋香濃鮮奶，好有少女心。
我地叫咗三杯雞、燒雞泡魚乾、基隆芝士流心蛋餅、黑松露黃金花枝丸、台式烤香腸、芝麻雞翼、煎特色手工餃等小菜小食。
其中最推介三杯雞、燒雞泡魚乾、芝麻雞翼同台式烤腸。
三杯雞雞肉嫩滑，而且爆炒得非常惹味有鑊氣。
雞泡魚乾烤得咸香又唔會太乾身，點埋蛋黃醬一齊食送飯一流。
芝麻雞翼外皮炸得金黃香脆，肉質仍然keep同juicy同嫩滑，同香口嘅芝麻非常夾。
烤香腸有肉腸同潤腸兩種，肥瘦適中，各有各特色。
另外叫咗蚵仔滷肉飯同牛筋牛肚刀削麵。滷肉飯面頭鋪滿肥美飽滿嘅蚵仔，估唔到同滷肉飯非常夾。
至於牛筋牛肚刀削麵，麵底煙韌有咬口，湯底清香，牛筋牛肚牛味香濃。
食飽飽叫咗兩枝冷泡茶消消滯，茶味清新香濃。
差d唔記得食埋甜品，係用玻璃小杯裝住既椰奶芋圓仙草同豆腐花，芋圓煙韌。
。
。
等等HEA
九龍城福佬村道41號地下
。
。
肥佬黎滷肉飯 在 肥佬黎魯肉飯\ 平日更新- 客家琳- / 苗栗竹南 - Facebook 的推薦與評價
苗栗竹南- 肥佬黎魯肉飯\ 平日更新、歡迎追蹤❤️：#客家琳在地吃竹南最喜歡平常小吃分享漫無目的去晃到這家\ #商業午餐$119 / ｜#炸排骨套餐｜ 配菜有#白菜魯#魯筍干 ... ... <看更多>