【葉巧琳音樂會】今次是 葉巧琳 Mischa Ip 入行9年首個個人音樂會，所以她使盡渾身解數，在音樂會中為樂迷帶來目不暇給的演出。
Mischa特別以她的音樂路作為音樂會主軸，甫出場便演繹了她的首支個人單曲〈孤單的貝多芬〉，以強勁的樂章為樂迷熱身，然後她與4位男Dancers邊唱邊跳〈一對一〉、〈二人份〉及〈怪物（心獸Version）〉，火辣的舞蹈為音樂會帶來了第一個高潮位。熱舞過後，Mischa即笑道：「係咪估唔到一開始就跳咁多舞？好多謝大家嚟我出道9年以嚟第一個Concert，好明顯係一個自肥嘅concert啦！全男班dancers仲要個個都咁靚仔。其實呢9年我嘗試咗好多嘢，不停去發掘自己可以做到嘅嘢，不停摸索，當中會有啲唔好開心、失落嘅時候，但我好感激經歷過呢啲難關，因為係人生寶貴嘅一課。以下落嚟呢首歌，係我喺唱歌時，搵唔到自己把聲音，但呢首歌幫咗我好多。」
在初加入樂壇時，Mischa以主音的身份，與在演藝結識的結他手Mike及鍵琴手Pong一同組成樂隊Trekkerz，昨晚3人再度聚首一堂，首先演繹了Trekkerz的〈原地出發〉。三人在台上，不經意地想當年，三人不但跟粉絲分享了他們在校園時的合照，Mike更自爆以前貪方便與Mischa共用同一個Locker，三個人你一言我一語，盡見友情與默契！三人在唱過樂隊的作品〈掃興〉及〈天生發呆〉後，Mischa在合唱〈給十年後的我〉時，忍不住落淚，並衷心地對隊友說：「好多謝你哋咁多年都陪住我。」
除了演藝學院好友，當然還少不了參加《全民造星》的Team A成員，Mischa昨晚便邀請了張進翹（Manson）擔任演出嘉賓，二人合唱了盧凱彤的〈囂張〉後，Mischa笑言本想Manson在演唱會中扮演暖男的角色，她透露道：「我明知唱〈給十年後的我〉時會喊，所以傾Rundown時諗過，不如Manson出嚟遞紙巾做暖男啦，但佢就話唔好，後來聽到話舞台後面可以有度門走出嚟型啲，佢即刻𦧲飯應。」Manson聽到即反駁：「因為我通常睇演唱會啲嘉賓都係好型，咁我都想喺你演唱會度做個型啲嘅角色，但我私底下都係暖男嚟。」此時Manson含情默默向著Mischa眨眼，不過女方未有過電，反問Manson：「你不停向我眨眼，做咩呀？」場面有趣得令台下粉絲都不禁失笑。搞笑過後，Manson帶來了自己的新作〈無可救藥的浪漫〉，以展示Team A如何成為樂壇的一股新勢力。
#葉巧琳 #Trekkerz #張進翹 #音樂會
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l
肥 仔 全民造星 在 全民造星v 第1集肥仔cut - YouTube 的推薦與評價
全民造星 v 第1集fatboy cut 扮 肥 濤同跳Lady Killa個part剪走曬 #跨國招募#海外選拔過萬小時拍攝515閃耀全球@fatboyip #fatboy #leungyip # 肥仔 #梁 ... ... <看更多>