［營養長文警告］早幾日袁國勇教授喺訪問中講, 「 現時本港最大的問題是，很多地方通風不好，例如食肆等，法例只要求每小時有一至兩次空氣改變，他認為理應有至少有6至10次空氣改變，亦要有強力抽氣扇，才可降低病毒傳播機會。」
今日搵工程部總經理研究呢件事，睇吓我哋可以為大家做啲乜。 我12年前未做餐飲之前係做工程師，所以對呢個課題比一般食肆老闆了解深啲。研究後我有以下總結，可能對大家以後出街食飯的安全有幫助，供大家參考：
首先講解一下法例係唔係要求持牌食肆需要每小時兩次換氣呢？ 答案係：「可以咁講」。 其實牌照上嘅要求係每一個人每小時17m3的換氣量(圖一)。 按返一間食肆嘅面積可以坐到幾多個人假設樓底係3m就會計到大約每小時兩次換氣。（呢個計算唔係好複雜但係為免大家錯重點我就唔喺度計啦，如果大家真係好想知點解我喺comment解說).
然後俾大家就係一啲重要嘅好消息, 一般食肆嘅要求係每小時換氣2次, 但係火鍋店呢? 牌照要求係每小時最少15次換氣(圖二），即係普通食肆嘅7.5倍。 燒肉店呢？ 牌照要求係每小時最少20次換氣（圖三）, 即係普通食肆嘅10倍。你可能會問唔係喎佢寫住Korean Restaurant唔係講燒肉店喎, 呢個呢純粹係因為當年制定呢條法例嘅時候係為咗韓國燒烤制定嘅, 其實而家係適用於全部燒肉店(如果你賣人蔘雞或者大長今嗰啲韓國嘢食係唔需要呢個要求)。
所以其實火鍋店同燒肉店由於換氣率遠高於普通食肆，從呢個角度講比一般食肆更加安全。然後你又會突然記得唔係喎，咪曾經出現過一個「火鍋群組」，當時講到食火鍋最危險個喎。 呢個其實牽涉兩個問題，當時嗰個所謂火鍋群組其實係在一個沒有牌照的party room打邊爐, 一來沒有牌照自然就沒有達到這個換氣要求(甚至連一般食肆的每小時兩次都做唔到), 另外喺party room除咗打邊爐其實乜嘢都做晒啦，只係個群組名稱集中左講打邊爐。
另外想同大家特別分享多一個額外資訊，牛角嗰個抽氣系統是從火爐邊向下抽走（所以你見到所有牛角都係升高地台成本好高），即係話呢每一個火爐其實都係一個「小負壓區」，你喺燒烤嘅時候傾偈講嘢如果有口水花都會抽咗入去個爐，即係話必定經過幾百度高溫消毒，唔會影響到你隔離枱嘅人。同一道理坐你隔離嗰台嘅客人面前都有這個「小負壓區」，所以佢哋就算傾偈講嘢嗰啲口水花或者呼出嚟嘅空氣都只會喺佢面前抽咗入去佢自己嗰個火爐，唔會飄左去你張枱，影響到你嘅機會就低咗好多。
公開透明係好嘅作風，所以我特別準備咗以下呢個列表列出左我哋旗下所有食店嘅換氣率，所有呢啲資料來自我們的食肆牌照，清楚見到我哋嗰個換氣標準仲要高過牌照要求。（圖四）
當然有更好嘅換氣率都仲要好多其他配合, 包括我哋嗰啲噴晒消毒鍍膜的間板、執枱專員、每小時洗手、認真探熱、枱椅每次消毒等等，亦都非常多謝客人一直堅守戴咗口罩先離開座位、多用酒精搓手液等的社交距離衛生措施，我哋一齊加油捱埋佢💪
https://topick.hket.com/article/2718830/【新冠肺炎】袁國勇指本港或多等9至12個月才有疫苗%E3%80%80暫難評估全民檢測的成效
肺通氣量計算 在 【呼吸器教學】呼吸器Order怎麼開？呼吸器螢幕上的線跟參數 ... 的推薦與評價
Mechanical ventilation機械 通氣 ，臨床上常說的插管用呼吸器。 ... rate 一分鐘的 通氣量 也就定下來了這樣的好處是可以控制病人固定的呼吸量但壓力則不 ... ... <看更多>