Good Morning~^3^~ 昨晚即興整咗個《蜜桃橙醬鮮忌廉蛋糕》，攪到三更半夜先瞓😴😴，跟住今朝6:30am就彈起身整午餐盒比Ruby~(今日大老爺有約，唔駛整午餐盒比佢歎~) 家陣好眼瞓 ~+.+~......
我呢......其實好怕整鮮忌廉蛋糕架，但我家兩位小姐又勁Like呢款蛋糕喎，上次佢哋生日(佢哋同一個月份生日，日期只相差一日，所以整一個蛋糕，各人吹一支蠟蠋，慳水慳力ing~ XDD~)，我整咗個塌塌哋嘅士多啤梨鮮忌廉蛋糕過佢哋歎，佢哋都不知幾咁高興，處女座(完美主義)的我，望見個蛋糕就眼寃了~🙄🙄
哈~不如分享吓我嘅蛋糕歷程吖~
想當年自學無添加全蛋法海綿蛋糕，真係少年太年輕了，眼高手低，蛋糊打發不足、攪拌過度、麵糊消泡蛋糕底變鞋墊，攪拌不足麵粉未溶合蛋糊內，變了白色一點點的粉刺蛋糕@.@"，見個蛋糕咁嘅鬼樣，真係好氣餒，明白呢個係新手必經階段，所以繼續練習，最後成功做到滿意嘅海綿蛋糕~^ 灑花灑花~🎉
學識做海綿蛋糕後，雄心壯志整鮮忌廉蛋糕，哈哈~當然......一開始又係做到鬼咁馬六啦~Wakakakaaaaaa~
解說吓忌廉係乜東東先，忌廉分為淡忌廉(Whipping cream)同甜忌廉(Non-Dairy Cream) :
淡忌廉(Whipping cream)係動物性奶油，不含糖的鮮奶油，打發的淡忌廉體積可比原來未打發的的 cream 大兩倍以上。 淡忌廉的風味較佳，比甜忌廉要清香，口感清爽，但是保存期限較短，須置於雪柜保存，但不能冷凍，冷凍後再解凍呈油水分離狀況
而甜忌廉(Non-Dairy Cream)係植物性奶油，又稱人造鮮奶油，主要成分為棕櫚油、玉米糖漿及其他氫化物，已經加糖，甜度較淡忌廉高，亦較易打發,惟味道及香味不及淡忌廉,故一般作裝飾用 (植物性鮮奶油是經過氫化處理的油脂，含有『反式脂肪』)
我見到甜忌廉有『反式脂肪』呢四個字有點嚇怕，所以做鮮忌廉蛋糕會全部用曬淡忌廉，但淡忌廉嘅穩定性不及甜忌廉高，所以打發幾考功夫，打發不足水水的不成形，打發過度會水油分離🤨，哈~當我打得個忌廉靚靚的，跟住抹忌廉又係一門學問🤪，上次個士多啤梨忌廉蛋糕，大家都有目共睹(左右不對稱、不夠圓、高低不平均，外側抹唔平求其用椰片遮醜😝)比條Link你哋重溫番佢嘅真身喇~ https://www.facebook.com/…/a.2775091716…/10155872285461616/…
今次呢個《蜜桃橙醬鮮忌廉蛋糕》，可以做到高度平均，同比較圓，但抹忌廉呢家嘢，尚要苦練喔~ 💪💪
哎吔，鮮忌廉蛋糕好肥架，哈哈~睇怕未學成已變豬呀~🤣🤣
