《讀者投稿》
本身6299都係父權主義到爆，咩都要話事，要人就佢哋，同佢哋住就好似軍訓咁，唔知係咪因為咁，佢哋個女好早就離家出走同人生咗對仔女之後失婚。
可能佢哋覺得自己欠左個女，成日走去照顧佢個女D小朋友（但有時唔問我奉旨要我幫手湊）
過左一年沉默生活，終於可以出嚟自己住。
話說今晚同99慶生，睇住老公準備哂所有野（餐廳蛋糕）
仲要邀請埋佢的失婚家姐連仔女連工人出席（請求的請）
去到8人長枱，老公家姐、一子一女加工人4人坐一邊，咁我就坐工人對面，之後老公，6299。
點餸果陣，我講左想食咩，不過冇人理，因為小朋友想食咩/食得咩先可以叫（或家姐想食都得），其實我想叫一人一份唔使煩，不過照舊冇人理。
食物黎到，按禮貌畀壽星99食先，之後就老公家姐、小朋友，夾完都唔會畀你，因為要睇個小朋友仲食唔食，佢哋一家又要唔要先，小朋友想食就要再畀，小朋友中意食就留哂畀佢哋。
就係咁，成餐飯，我同個工人，你眼望我眼，繼續飲水，反正有新野黎，佢哋想食新野，就會傳食完的野畀我同工人。
老公雖然叫坐中間，不過佢都係招呼佢雙親為主，果刻我覺得做工人都叫有錢有飯食，我成副人工去左供樓（好彩算搵到少少），今餐又look我張信用卡（老公話會畀返我），我卻感恩有個工人同我分甘同味。
完左餐飯同老公表示不滿，佢話我發咩脾氣，唔通我連嬲的權利都無？
＃我的極品四大長老
自己做蛋糕壽星 在 自己做烘焙聚樂部- #壽星活動調整預告各位朋友 - Facebook 的推薦與評價
壽星 活動調整預告各位朋友，我們的「生日蛋糕免費活動」在明年度開始將會有些調整唷～ 從2019/1/1起，生日蛋糕免費活動，將只限定給我們的line@好友，如果現在還沒加入 ... ... <看更多>