人類需要我嘅優秀基因（上）
每個人都有夢想，不過唔係每個夢想，都可以公諸於世。
例如我嘅夢想，就係擁有后宮佳麗三......三十人都好丫，總之一堆靚女圍住我，酒池肉林，左擁右抱。
儘管呢個可能係好多男士嘅夢想，但我哋都一致地向女士保守祕密，以免遭到「變態」嘅指責。
而且話明係「夢」想，都無咩可能會實現，我只可以遊歷於各大網站中，再加少少想像力，滿足我嘅幻想。
今日我上緊網，突然間，屏幕畫面一轉，彈出一堆著比基尼嘅靚女，圍住一個其貌不揚嘅男人，甜甜蜜蜜咁叫：「老公！」
旁白嘅聲音響起：「你想成為，專業嘅『基因提供者』嗎？」
旁白解釋，佢哋來自未來，未來嘅科技極其發達，生活嘅大小事幾乎都可以用科技代勞。
隨之而來嘅，就係人嘅身體機能漸漸退化，例如佢哋今屆奧運嘅跑步冠軍，係一百米跑三十秒。
專家預測，如果一直退化落去，佢哋將會不得不將大腦移植到機械身體。
有得揀，邊個想做機械人？
於是，未來政府決定，開通時光隧道，從過去尋找壯男配種，改善人類嘅基因。
「壯男？」我望一望我瘦弱嘅手臂，諗一諗我一百米跑廿秒嘅成績......已經比佢哋嘅世界冠軍快十秒，果然係壯男。
「無錯，人類嘅未來，就喺你哋呢啲壯男身上啦。」
旁白努力勸我：「工作主要係交配，但你放心，唔會太頻密嘅，每個壯男都係寶貴資源，一定會確保你身體健康。」
仲有好多承諾待遇，例如包食包住，工作十年後會送我哋返現代，一次過付一筆不菲嘅酬金。
勸服我嘅，當然唔係呢啲膚淺嘅物質，而係屏幕上燕瘦環肥嘅靚女，一眼望去，個個都靚。
呢份工作實在太適合我呢種熱血青年啦，我父母雙亡，
雖然朋友唔少，但如果佢哋知道我去做呢份工，一定會羨慕地祝福我㗎。
機會嚟啦飛雲！我毫不猶豫咁撳「確定」，然後眼前一黑。
醒番嗰陣，一個哈比人企喺我面前：「來自過去嘅壯男，你哋好，我叫大高，係你哋嘅接導員。」
我望一望周圍，都係著住睡褲嘅男人，睇嚟大家都係在家瀏覽網頁嗰陣，睇到未來嘅招聘廣告。
唔，我大概知道未來嘅招聘準則啦，就係分析電腦裡嘅搜索記錄，睇吓邊位男士有「后宮夢」，再播招聘廣告，自然事半功倍。
我仔細留意呢班人，佢哋都係我嘅潛在競爭對手，
雖然我哋都會擁有無限嘅異性資源，但「邊個揀先」都係好重要㗎嘛。
然後，大高帶我哋去住嘅地方，教我哋用未來嘅傢俱。
真係好方便，自動清潔洗衫倒垃圾就唔駛講，撳個掣就咩都有得食，
連廁所都直接喺床下面，當然經過高科技處理，絕對唔會有異味。
可以話，喺未來生活，十日唔落床都無問題。
不過，我最關心嘅都係感情生活。
下集：http://bit.do/fuPhf
將專頁設定為「搶先看」/ "See first"，最新故仔馬上睇！
從不卸妝：https://goo.gl/GyV86H
自殺拯救者：https://bit.ly/2FQUXPd
#短故 #短篇 #小說 #陳美濤 #廣東話 #粵語 #tomatochan #人類需要我嘅優秀基因
自殺拯救者 在 「伸出援手拯救生命」 2015世界自殺防治日記者會 - YouTube 的推薦與評價
活動名稱：2015世界 自殺 防治日記者會活動標語：「伸出援手 拯救 生命」活動日期：2015/09/06活動地點：交通部集思國際會議中心主辦單位：社團法人臺灣 ... ... <看更多>