香港人信呢啲叫評論。😂😂😂
由燈神到牙石，你都知道，香港人要既只係娛樂。信錯左，就話「我只係食花生架咋」。有咩好食呢d花生？一個老人，對住鏡頭9up，十句評論九句唔中，有咩值得睇？
因為，佢地畀到希望絕望既香港人。香港人知自己好L絕望架啦。你睇下d區議員，完左中秋好似餵狗咁將d月餅放係d住宅大堂度叫人自己拎，你就知香港人信既人，幾咁無能啦。
對所有評論人黎講，呢種評論人既出現，應該係對佢人生最大既侮辱。所有有讀過兩錢書，以為自己可以以評論作為導正世道既工具既知識份子，都好應該深深覺得，此等評論人係何等既侮辱。
不過，唔緊要啦，香港人80年代，90年代，都係畀人呃大架啦。唔爭在2020年再畀人呃下囉。
＃與其話我個trend好準
＃不如話我果度好firm
＃你果度好firm
＃聽到都high真係
＃我話我d腹肌
＃你諗左去邊。
睇返黃世澤同Gphone 單野，所謂的時事評論員其實好易做，你只需要每日不斷咁評論，唔需要準確亦唔需要講太深入，然後過左3個月至半年後，你抽返你講中嘅黎炫耀，你就可以做到「講個trend好準」。
例如我會講：
川普肺炎會每令政局不穩，從而令英鎊下跌。
香港維持高地價政策，是為了下屆特首鋪路。
美國疫情嚴重，係因為共濟會搞事，希望美國人將怒火投向疫情發源地中國。
日本地震會導致餐廳關閉，減少對進口三文魚的需求，打擊挪威的捕魚業。
月餅濟銷會導致老人吸收較少糖份，減低三高風險，從而令人口平均壽命增加。
然後，你當然會笑我9up，事實上我真係9up，但我只需要等半年，如果英鎊跌，我就可以截自己圖吹噓「人妻講得好岩」、香港地價高企，「人妻個trend好準」... 然後你就會話「人妻比所有人行得更前」。
萬一唔中呢？
唔緊要，你邊記得半年前我講過啲乜？就算你記得，然後黎搵我算帳，我一野block9你再話你係五毛國安黎搞事，「我越受害越顯得清高」，你已經無我辦法，然後block淨嘅繼續圍爐，成個死人page同人民日報一樣只有正面冇反面架。再唔係嘅話，我咪加啲陰謀論「依家係國家同共濟會鬥法，所以成盤棋已經唔再一樣」、「美國51區瞞唔到落去，所以要轉移視線」、「成件事根本就係為南海戰爭部署」。由於無人可以對證（難不成國安真係會睇呢啲9up、共濟會長老真的會走出來澄清咩？），所以佢係可以瘋狂質人地食死天馬 （因為係天馬行空，所以唔係食死貓)。
到最後，我「個trend」一定好準。
#時事評論演員的自我修養
#你諗下如果真係有人咁本事同你預測到國際關係
#佢駛L咁折墮廁身德國呃人口罩錢唔肯退款咩
#一早六國大封相個個政府爭住請啦
#連買賣口罩都搞到一鑊粥
#還好意思自稱高能
#我幾個月前寄左盒口罩去香港
#咁我咪係神童
#唔講咁多
#我早兩日又收到紮花
#純粹係想借個位黎晒一晒
#我唔係咩時事評論員
#我只係一個師奶仔
#但我又未至於衰到要呃人錢嘅
