What the food 劣？飯堂 #2
《重慶劣食森林》
正所謂「睇人中伏最開心」，其實睇自己中伏一樣咁開心，雖然上次買左成批印尼小食都未開黎食，但實在抵受唔住「不得了」既誘惑，雖則唔似當年明將既風潮，網上一篇《十二路生化壽司》，圖文並荗咁將一件又一件創新配搭既壽司描繪得栩栩如生，誘惑全港萬千年青人冒住生命危險，都係為左一試紅豆軍艦有幾嘔心，咸魚壽司有幾難食，周星馳都話過，「做人無夢想，同條咸魚有乜分別」，我諗佢自己萬萬都估唔到竟然當時既年青人夢想係試食咸魚，以當年未有新假期既情況下，西九龍廣場明將壽司門口總係大排長龍，可想而知難食既程度係何其吸引，筆者當然無執到輸，而實在咸魚壽司係奇腥無比，明明同班舊同學搓包剪揼，嬴左既可以揀壽司，我嬴左都揀咸魚，自食其果，所以寫《明將戰友》咁鏗鏘有力，除左多謝高登既巴打一齊創作，最緊要都係，食過一次真係返唔到轉頭，因為，生命無Take Two。
好，講返正題， 王艾倫冒險日記 講到印度甜品咁誘惑味蕾，圖呢？喂，個樣好正常姐，紅豆軍艦我都啃得落，咪試下囉。重慶大廈最出名食印度野，唔好諗啦，30幾度唔通行山咩，還掂夏天都無乜胃口，食完呢D野更無胃口，感覺上無咁蝕，所以不顧一切之下，就入左去呢個香港既Little India。咁上次d印尼野呢？以為有個印字就可以走數？梗係唔係啦！講起就扯火，我家姐……佢屋企有個印尼工人姐姐，早知問下佢意見先買啦d野，不過之後再講，特別係包紫薯，真係極邪惡。
回歸正題，因為上次王艾倫話食過隻迷宮咁樣既伏野，難食到不行，我又點可以執輸? 呢隻野叫Jalebi，唔知炒定係炸過，主要成分係…唔知，總之就係浸係一大盤糖漿度，王艾倫話呢隻係大佬，因為甜到唔想食，可能唔同鋪頭既關係，我食落去又唔算太甜，當然唔會話好食，我食丹麥藍罐曲奇有隻類似形狀既仲好。
我打呢篇野既時候刻意搵返Wiki睇下，原來呢隻Jalebi係taken with milk, tea……咁我明點解佢會走咁既反應！(同「茶走走茶」一樣玩法)
至於右邊個粒，因為擺落口唔係太甜，無伏味，所以完全無印象係咩黎，唯有搵日再試多次啦，搵人。
艾 倫 周星馳 梗 圖 在 [巨人] 進擊的巨人X功夫星爺梗圖連發- 看板C_Chat - 批踢踢 ... 的推薦與評價