實不相瞞，我之前係一次staycation都未去過嘅，因為我覺得對我嚟講，好似搵唔到原因要去。
去staycation主要為乜呢？係女嘅話，可以搵個靚位/攤喺床然後打卡擺上ig fb；一家大細嘅話，可以同小朋友當渡下假扮去下旅行，之類。第一，我唔係女，如果有日我po張將啲咖啡呀煎蛋呀麵包呀鋪滿成張床然後露長腿食早餐嘅相上嚟，我真係驚太多少女會愛上我，我唔想阿太唔開心；第四，冇錯我哋係有 #小怪獸s，但係佢兩個仲學緊行，又有排都未食得大人嘢，帶佢哋去住酒店嘅話，只不過將喺屋企要做嘅工序搬去第二度做咁解，件事其實會複雜咗，即係玩自己；同阿太兩個去？佢邊捨得掉低小朋友吖。
唉，係咁㗎喇。而家兩隻小怪獸大晒。平時就算到夜晚佢哋瞓咗，我打機睇波都唔敢大聲；過兩日歐洲國家盃開波，正當我預咗睇唔到幾多場之際，就收到電話：
「伍生，尖沙咀 #香港金域假日酒店 有個 #睇波 package，有冇興趣試下？」
*****我係同伍家謙一樣咁靚仔嘅分隔線*****
我點同阿太攞permit出去呢啲，唔講嘞，總之鏡頭一轉，我已經試緊我嘅staycation初體驗，好有型咁坐咗喺酒店房入面食緊cold cuts platter😎
冇錯，呢個cold cuts platter呢，就係呢個睇波package包嘅嘢食嘞，另外仲有一大包薯片同花生+啤酒同汽水各四罐添。房入面當然有Now Sports嘅 #歐國盃 直播啦(播足咁多場！)；一間豪華客房最多可以住四個人，以上咁多樣嘢包晒都只不過港幣$800起！除開每人兩百蚊，就可以舒舒服服咁喺酒店房食住好嘢睇好波；睇完夜嘅話咪喺酒店瞓囉，佢仲保證延遲退房到第二日下晝三點！
試完，真心滿意。咁當然啦，大家科盧得我，一定有好嘢畀大家嘅，喺呢度我會以遊戲方式送出一套呢個睇波package！至於遊戲方法，都係嗰啲啦：喺comment欄答一條問題兼tag三個朋友，再like埋👉🏻Holiday Inn Golden Mile Hong Kong👈🏻呢個page就得㗎喇；問題好簡單，就係：
你會點樣形容伍家謙嗰種靚仔法？
貼士：得奬者係我揀嘅，你哋自己識做😎
如果你份人習慣講大話，唔想讚我靚仔嘅話，就自己預訂啦：https://www.higoldenmile.com/web/zho/promotions 或者打去(+852)2315 1001 / 腥email去[email protected]都得。
*受條款及細則約束
Btw，香港金域假日酒店仲有另一個staycation plan，我試埋，價錢係$1250，但係佢會畀番價值$1250嘅餐飲禮券畀你喺酒店用，即係話，間房係免費嘅！我就用咗嚟喺Osteria食飯(請睇圖4-7)；呢個package可以用佢嘅executive lounge食早餐同飲cocktail，仲可以用埋其他設施添。
