【街市式政治】
特首去飲同送禮嘅結果，變成可笑嘅街市政治
世間上嘅政治都唔會乾淨得去邊，昨日嘅敵人今天嘅盟友，或者唔清唔楚政治捐獻可謂無日無之。但係好似香港議會政治咁樣，為咗幾萬蚊捐款搞到好似街市咁，真係可以話係世間少見（咁肉酸同醜怪）。
從我嘅觀察，整件事基本上同舊式街市檔口老細之間同客仔師奶嘅無聊「恩怨情仇」關系一樣。話說林師奶同佢班有權有勢嘅朋友，從來都幫襯開葉師奶同啲友好嘅檔口，而同對面卿姐嗰邊無乜兩句亦唔多幫襯。咁葉師奶同班老友當然滿心自豪，又睇唔起卿姐佢地啦。
點知好衰唔衰卿姐有日擺生日酒，唔知點解咁「唔知醜」請埋林師奶。出奇地林師奶比面去都唔特止，重「大拿拿」封三萬蚊禮。結果比葉師奶知道之後，就嬲嬲豬非常葡萄咁番街市四圍單單打打囉。
大家覺得有咩分別？其實真係無㗎！飯民「名門正派」請特首去黨慶飲係咩玩法呢，道德高地唔見咗咩？重益人影相呃Like？而去嗰個又捐錢嘅理由係咩呢？錢唔係多但係意義就肯定怪啦，人地比就即刻含笑收票咁唔知醜（咪同當年嗰個收五百嘅婆婆一樣）？另外嗰邊葉太亦搞笑，平時都攞盡唔少「祝福」啦，為嗰啲佢本人隨手都跌咗嘅散紙都睇唔開咁得意呢？
香港同民主，睇黎幾十年黎都只係懂得製造花生笑話！
Photo Source: HK01
#聽說太理想的戀愛
#總不可接觸
#我卻那管千山走遍
#亦要設法去捕捉
**********************************
劣質作者，求網友推介文（有煲墊送呀喂！）
唔該繼續幫幫手（重有三日）：
http://bit.ly/2FTJH5L
**********************************
