話說好耐無食蒸氣火鍋,特別搬番新界之後更加無乜點食。�尋日比我發現左�原來新界都有好食又抵嘅粥底蒸氣海鮮火鍋!!😍��✨醉辣鮮 - 元朗✨
一入去見到一個個水缸養住好多唔同生猛嘅海鮮�第一時間令我諗起去泰國嘅海鮮燒烤店 🙈
好有去左旅行嘅感覺
然後店員帶左我地去一個餐廳位置坐低
環境感覺好大,坐都坐得好舒適🥰
而只需要 $268 就可以食到好多款海鮮
而且仲可以自己去揀心儀嘅海鮮
店員帶左我地去門口嘅水缸到揀龍蝦、蟹、生蠔同鮑魚🦞🦀🦪
基本上隻隻都好生猛,隨手一夾都好有份量
而且無時間限制可以慢慢揀
唔洗怕「你個野壞左阿!」 🤡
當你揀好心儀嘅海鮮
店員就會即刻為你清洗同處理
然後勁快就送到你枱上👍🏻
當我地一坐埋位,店員就即刻送上:
🍲精選老火湯🍲�我個日飲嘅係椰子湯�味道真係原材料煲出黎嘅味道,個湯仲好濃�搬左出黎好少機會飲湯嘅我表示: �「真係好開心同好飲阿!」
�🥚 溫泉蛋🥚
衰衰嘅我成日諗:「小前菜應該都無乜特別」�但係佢地連小前菜都好有心機
每隻都整到滑捋捋(最緊要正字!讀音:滑LU LU)�加埋D醬油味,好好味~
飲完湯、食完蛋之後
竟然有員工主動走埋黎即刻幫我地蒸雞!�太好服務了吧!?!��🐓紅棗杞子蟲草花蒸雞🐓
諗住唔係主打海鮮
所以無乜特別大期望
點知一食真係好驚喜
因為佢超級足料之餘
雞件仲好大件、啖啖肉之餘仲蒸得好滑
重點係蟲草花杞子蒸雞之餘
仲加左紅棗
每件雞都食到淡淡嘅紅棗甜香
食落又唔會好膩,一件接一件
成碟好快就比我地秒左!
呢碟雞我真係好鬼鍾意!💕
之後開始入主題喇
大家唔洗怕唔知海鮮蒸幾耐
因為張枱直頭有埋溫馨提示
好貼心咁話你知每樣食物應該蒸幾耐~
🦞龍蝦(每人半隻)🦞�我們揀龍蝦時,店員好好咁教我地點揀龍蝦
龍蝦有時細隻反而會比較彈牙
所以我地揀左隻大小適中嘅龍蝦
夾上黎仲係跳跳扎架添~~
海鮮新鮮就係王道!
所以如我地所願
龍蝦嘅肉質好結實彈牙
味道好鮮甜
店員真係無介紹錯🥰
🐚日本元貝🐚(原來無貝嘅emoji)�元貝大大隻
啖啖肉又清甜
餐廳仲有自助調味料櫃
我特登拎左少少辣椒、蔥、醬油
一啖原味、一啖辣味
點少少醬油真係提鮮 ❤
🥖蟶子🥖(個emoji比d想像力)�乜都好落、乜醬都唔好炶
清蒸已經超好味
因為新鮮,所以味道真係好鮮甜!
仲要每隻都好肥美多肉!
三個字: MVP!�我已經好耐無食蟶子
仲要食到靚嘅蟶子
好開心阿!!
🍞🐟鮑魚🍞🐟(我放棄喇,食字emoji算)
係水魟揀嘅時侯
隻隻都好新鮮
新鮮到全部都啜住個水缸拎唔走 XDD�最後好努力先夾到佢地上黎
隻隻都好肥大
同埋想講張蒸煮時間表真係好好
跟住佢時間蒸
蒸完出黎隻鮑魚真係熟之餘
仲KEEP到彈牙,彈牙得黎又夠淋好咬口
好滿足~~
🦪本地生蠔🦪
男朋友平時唔太好蠔味
所以我地加左佢地嘅蒜油、辣椒同蔥花去蒸
(我地好似當左係燒蠔咁... hahaha)
不過蒸完出黎都好香
而且蠔肉蒸完都仲係好大隻
Yummy~
🦀肉蟹(半隻)🦀
蟹肉都多~ 仲好甜~
仲有蟹膏添🤤
🦐海中蝦🦐
隻隻大大隻又夠爽口
食到想再Order多D食 �不過個SET個份量都已經好夠飽
所以都係制止左自己 XD
🐚沙白、花甲、蜆🐚
海水味加上肉嘅清甜
仲要隻隻都無沙!!!(洗得好乾淨!)
真係一隻接一隻
食到我同男朋友都進入靜音Mode
淨係不停係到食 hahaha
🥦🥬🥒蒸選時蒸(任食)🌽🍄🍠�有菜食係好幸福嘅事!
仲要係任食~
D菜仲要洗得好乾淨~!
蔬菜款式都算多!
(不同菇類、瓜類、粟米同菜)
🍲海皇粥底🍲
食哂所有蒸嘅野之後
就到個精粹喇
本身個粥底已經好足料
有豬骨、南瓜、白蘿蔔等等
仲要一路將D海鮮、雞、蔬菜嘅精華蒸哂落去個粥到
個啖粥真係知佢咩料啦!
飽到肚穿都忍唔住要食多碗�
食到肚穿之後
原來都仲有甜品
🍵椰汁芋頭西米露🍵
滿足程度無野好講
可惜我地係閒日去�原來佢地逢星期六會有 Live Band!�聽講係一隊年青嘅樂隊
店員仲同我地好有心機咁介紹佢地
令我感覺佢地真係好有心!
好比機會年青人~�好鍾意佢地阿 💕
其實我好少寫食評
但係因為覺得呢間餐廳真係好值得介紹
加埋佢地嘅員工真係好好服務
每個人都好有禮貌
又好頻密幫我地換骨碗
唔會一堆垃圾係自己個碗隔離
然後見到隔離枱想影相
佢地員工勁有心機幫佢地影
個姨姨仲幫佢地多角度影相 🙈
呢到比我感覺真係唔錯
所以好有心機寫呢個食評
大家有興趣都可以去試下🥰��📍醉辣鮮 (天空之城) (元朗)�元朗錦田高埔村110號天空之城地舖
花甲蒸幾耐 在 食玩買兵團 Facebook 的最讚貼文
[美食攻略]
蒸氣鍋食店開到週街都有, 今次我就去了九龍區覓食啦~~
這裡有套餐供應, 個人覺得第一次食是不錯的選擇, 什麼都有一些.
醬料吧中有大約十多款醬料, 都算幾有誠意吧~~ 可以迎合各人的喜好.
本人就十分喜歡花甲, 鑽石蚌, 胭脂蚌及貴妃蚌, 全部都很鮮甜, 充滿海水感, size 亦算大隻, 份量都多, 還有很多汁, 一食落去, 感覺相當好!!
黑松露蒸元貝就幾特別!! 好少地方會利用上黑松露, 一路蒸一路聞到個香味, 很開心呀!! 元貝新鮮, 又厚身, 口感佳~~配上黑松露, 鮮甜之感更加明顯呢~~
龍蝦一人半隻, 幾肥美又鮮甜, 很juicy! 還有不少的膏, 好yummy 呢~~
聖子大隻又新鮮, ,蒜茸及粉絲的份量剛好, 不會影響口感.
梅菜蒸菜蒸得很好, 時間拿得很準, 正!!
食了這麼多海鮮, 是時間食牛肉了~~ 厚薄剛好, 入口溶化, 牛香亦夠, 相當不錯!
最後煮的是南瓜豬骨粥, 是珍珠米, 清清甜甜, 幾適合炎炎夏日! 粥底配各材料, 不需要加水就在底部煮. 粥底口感十分軟綿, 並且集合了各海鮮的精華,味道很鮮甜!!
食物是不俗的, 不過地方就幾迫, 另外人手真的不夠, 時常要等好耐材有服務生協助....而且門口的reception 相當無禮貌....真的極需要改善!!!
正宗水上人蒸氣鍋專門店
尖沙咀加拿芬道49號地下
Dinner set B 人均約 HKD540
花甲蒸幾耐 在 Too Cool For Share Facebook 的最佳貼文
相信對於韓式海鮮塔大家唔會太陌生,因為都興左輪嫁喇!但QT最近發現一間原本位於大坑嘅韓式海鮮塔餐廳 「九重鮮」開左分店係黃埔😆 以前成日聽人講話幾正幾正~ 但係港島區對係新界人嘅QT有dd唔就腳 所以一直未試!今次仲唔係我大開食慾嘅機會😂 始終係海鮮價錢方面 都有返甘上下啦 不過可接受同真心我甘大食都覺飽!飽到要打包食物走!價錢係以一位位同睇你order乜級數嘅海鮮塔計算!
*(Ps 唔同級數海鮮塔價位 QT影左相 大家可拉到相片參考了解)*
QT同男朋友因為兩個人都唔敢叫個最多層嘅~ 叫左5層嘅「首爾塔」 每位$398 ~ 內容有: 半個手心大嘅鮑魚X 2、手掌甘大嘅蟶子x2、大蚌x2、元貝x2、象拔蚌x2、大花蛤x2、北寄貝x2、沙巴肉蟹X1、蝴蝶蚌x2、花尾龍躉厚切肉片連皮x2、日本南瓜片x2、日本蕃薯件x2、小量嘅蔬菜瓜同菇類~ 最後會跟埋個粥底 !粥底就可自行挑選要邊幾隻!有人參雞湯/泡菜湯依兩套粥底都唔需額外加$ , 但如果你想選擇 豬手湯/羊肉魚湯 就要加人頭數每位$50 ~ 第一次試 所以QT簡最穩陣嘅人參湯粥底 ~
落好單冇耐~ 服務員就拎左咋米黎~ 同數條韓式年糕花甲,仲有爙好左人參嘅雞 放落最低層嘅鍋中加左d水~ 之後就放上5層高嘅海鮮塔!海鮮排放層以快熟程度安排 ~ 餐廳都計好晒時間溫度去蒸熟 ~ 大約5層塔要15分鐘,溫度會去到90度食就岩岩好! 要讚嘅係真心好新鮮!而且食所有貝殼類一d沙都冇!超鮮甜~ 當中QT好欣賞個蟶子同象拔蚌!爽口仲鮮甜到入心!小小好味食法提示:拎所有貝殼海鮮時都會有好多海鮮汁~ 記得唔好倒落碗 ,倒返落個層架度佢會慢慢流到落粥底一齊煮會令最後嘅粥更好味嫁!第二要讚係個龍躉肉片超大件厚切!啖啖肉~ 最緊要一定要食個魚皮口感超QQ軟 好正! 食到最後到個粥喇!一打開 個粥好香 睇得出嘅綿滑 ~ 點解用甘少時間又甘多水 個粥可以甘綿嘅?原來個功勞係個數少年糕!QT又學到野! 成個粥真係根本先係食海鮮塔嘅靈魂所在!所有精華完全落入其中 ~ 配搭埋係絕配!太好味!所有野加埋份量都十足!QT飽到要抱住肚走~
最後送上QT著上傳統韓服嘅樣俾大家笑笑😅
(似泰妹多過韓妹嘅我)
下次我要試埋其他塔我再同大家報告!
地址:九重鮮 (紅磡)
紅磡黃埔花園11期地下G26號
花甲蒸幾耐 在 蒜蓉蒸大蝦 的推薦與評價
【留言“蒸蝦絕招”攞TIPS】原來咁樣做可以令蒸熟嘅大蝦賣相更好?! 相信各位住家大廚都有 ... 3、巴掌咁長嘅虎蝦, 蒸幾 分鐘合適呢? ... 【#五豐食譜】#汾酒煮 花甲 (麻 ... <看更多>
花甲蒸幾耐 在 玫瑰鍋@蒜蓉粉絲蒸鮑魚花甲(附食譜) - Pinterest 的推薦與評價
玫瑰鍋@蒜蓉粉絲蒸鮑魚花甲(附食譜). 昨晚煮了一餐好"清" 晚飯(可來我Facebook 睇睇) , 因我家奶奶剛剛身體好番, 唔想煮太濃餸菜給她食, 所以諗咗幾個清清地, ... ... <看更多>
花甲蒸幾耐 在 家常餸:【花甲蒸水蛋】 *鮮甜又簡單 - YouTube 的推薦與評價
蒸水蛋# 花甲 #簡易食譜蒸水蛋是一道簡單的家常菜,加入 花甲 和蛋一起蒸更多一份鮮甜呢!只要掌握蛋和雞湯的比例,滑不溜口的蒸蛋輕易做到。 ... <看更多>