《讀者投稿》長篇，第一部分
奶奶令我見唔到有希望嘅將來，冇諗過佢為左錢咁樣對自己個仔
大家好，第一次投稿希望揀中我啦！
我老公係台灣人，我嫁過黎只係一年零四個月，而奶奶嘅做人處事令我心寒⋯⋯
首先我老公屋企人好少，只有我老公、老公哥哥、奶奶同奶奶個妹妹。哥哥已經結左婚好耐，係台北果邊有穩定高收入工作，自己搬出去住已經十幾年；我老公未結婚前同奶奶、阿姨一齊喺苗栗住成十年，做茶葉木雕生意，之前我老公係台北有穩定工作，因為老爺十年前突然離世，所以搬去苗栗幫奶奶手。
同奶奶發生第一次衝突之前，當時仲係同住階段，日日朝早九點要開鋪，冇休息冇假日冇人工，同我講因為我以前打工唔識做生意，由小做起，叫我試下賣d細件木製品例如梳、按摩器呀咁，賣出去賺到錢我自己袋，成本價要俾番佢，我覺得都合理，就試下賣，不過耐左就覺得賺細錢望唔到岸，我希望可以盡快賺一筆然後同老公搬出去，因為奶奶屋企真係好舊好污糟好多蟑螂冇冷氣，而且老公間房冇窗，只係走廊度隔間出黎，我成日都有種呼吸唔到感覺，咁有同老公傾過舖頭有咁多大件木雕點解唔試下賣咁多年？我老公話奶奶唔捨得賣，一來係以前老爺入貨，二來奶奶價錢企硬，三來叫我唔好諗，因為幾年前同奶奶賣茶葉賺大錢講唔掂數鬧大交，佢講完之後我開始對奶奶有保留，我甚至覺得奶奶完全冇仔仔大喇要成家觀念，我覺得我同老公係佢員工任佢呼呼喝喝，亦冇私穩，想出去食飯又話浪費錢唔識慳，當然買野都好大壓力盡量唔俾佢地知，經常都有奶奶講冇我地講，仲不停同外人講我地要知好命，而家好難搵到咁好又開明嘅老母加奶奶。
慢慢我又知道老公呢十年賣茶葉d錢基本上冇同奶奶分，即係公家大家一齊洗，屋企得一部車同一部電單車。老公對生意上有自己一套意見，但奶奶同阿姨成日話佢做錯，講一句說話都錯，我親眼見過佢地三個為一件好小嘅事爭執，老公喺兩位太后嘅權力之下默默忍受十年，期間因為同奶奶嘈大交同過前女朋友分手。
我嫁過黎第一次衝突，係保險。奶奶好多年前已經開始投保，兩個仔都係佢供斷，事緣我老公向賣保險姨姨如果我投保要幾錢，叫保險姨姨轉頭覆佢價錢。咁保險姨姨自作聰明直接打俾奶奶覆價錢，奶奶係火爆嘅人，第一時間聽完電話同我老公開拖,你老婆保險費我唔會幫手保，佢見面第一日我就有講清楚，你叫保險姨姨打俾我咩意思？我老公亦係一個受軟唔受硬嘅人，當場還拖鬧爆奶奶，我全程望手機冇出聲，因為太突然仲未get到咩事。之後奶奶上樓同阿姨講呢件事，我老公跟去偷聽，聽到佢兩老講我壞話，我老公即場大聲鬧爆。然後夜晚同我講月底搬出去，叫我搵租屋。就係咁我第一次感受到奶奶對錢非常敏感，當然呢個係一個誤會，我從來冇諗過要奶奶幫我供保險，不過我亦睇到佢兩母子有唔少瓜葛。。。
＃待續
＃我的極品四大長老
苗栗假日打工 在 苗栗區粗工，臨時工，打工專區 - Facebook 的推薦與評價
各行各業的老闆要找臨時工， 想要兼職，打工，賺錢的歡迎加入. ... 職缺：記帳助理、業務助理地點：苗栗縣竹南鎮環市路一段休假：週休二日、國定假日見紅休時間：週一~ ... ... <看更多>