[第十九餐][台北美食地圖]近鐵江戶川鰻魚飯 — 抵!
告個急先:本人已被炒,未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。當然我唔係坐定定「我不想努力」,一星期至少出返六篇文,仲要之前有啲讀者贏到下錢嘅(但本人目標唔係玩畀冧把,係更高層嘅嘢)
亦係嗰句,辛苦自在搵嚟食,搵食搵食,最後都係搵嚟食。但,唔通畀人炒咗就日日40蚊魯肉飯咩。況且呢餐都未畀人炒
1. 饅魚飯,都寫過幾次,當然係貴嘢。唔係你香港嗰啲幾十蚊鰻魚飯啦,在日本饅魚飯都係貴嘢。
2. 都寫過,日本嘅,如果東京就南千住「尾花」啦,一度在Tabelog係4分樓上(而家冇了),很難得,「因為你見啲日本人十分腌尖腥悶」,要排隊又鬧,貴又話貴。當然係貴,亦都要排隊的。好似米芝蓮一星添喎。你總會見到香港人。基本上你在嗰個站見到香港人十居其九都係去食,或食完
3. 咁若果九州嘅,就梗係柳川「本吉屋」元祖店,福岡去好似大半個鐘。同樣地,你見到香港人嘅,十居其九都係去食鰻魚飯。有人話「若松屋」都好食,同樣未食過。
4. 冇咁貴又唔使排又唔使咁遠嘅,「伊豆榮」吧。本店就在上野公園附近,For some reason 好多時我在東京都係住上野,十分方便。呢間好似好少要等位(當然我好多時兩點先去食)。
5. 至於名古屋嘅「蓬萊軒」,鰻魚三吃嘛。我就覺得麻麻地的。「實情名古屋都唔知有乜睇」「不過啲嘢食奇怪得嚟又幾過癮」
6. 咁台灣人戀日嘛,不用講。都幾多日本店嚟開。「小倉屋」九州「田舍庵」海外分店。 「田舍庵」冇食過,台北「小倉屋」倒係食過,在東區,不錯的說
7. 至於今次呢間「江戶川」,亦係日本仔母公司。近鐵集團,日本「江戶川」就冇食過啦。台北呢間都係第一次食,幾好的。
8. 特別留意我呢個鰻重(鰻魚飯)係最平最細嗰隻,得兩片的。288
9. 「因為我另外仲加咗個白燒鰻魚」,552。
10. 邊個整法好味?兩個都好食。Why not both?我在日本都會另外叫個白燒(如有)
11. 盛惠 288+552。但如果只係叫個飯 288,就相當抵。性價比極高。真係要挑剔嘅,你見個飯唔係太多汁,「日本嘅成個飯都係」。但,288仲想點?
12. 當然去到4片鰻魚嘅鰻魚飯就552了 。另外亦可以叫名古屋式嘅「鰻魚飯三吃」,633,7/8鰻魚喎,剩返嗰1/8係乜?頭?
13. 又,仲有個醋漬蒲燒鰻184。在日本食過都幾好食,居然睇漏咗,有機會再食。
14. 而我應該係食住呢個飯畀人炒的
==========================
Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
若松 屋 訂 位 在 轉角(Mable~) の吃喝玩樂 Facebook 的最讚貼文
飯店位於會津若松市區,離JR站走路只要3-5分鐘,附近有超市超商、觀光巴士站、居酒屋,生活機能強大,一晚房價約台幣2千元,挺經濟實惠的,亦是隔日前往只見線拍照的最佳首選飯店,與只見線、鶴之城的車程都差不多半小時內可達,若有來到會津若松旅遊或商務都很推薦唷!
✅分享文 goo.gl/sGbiFs
✅快速訂房 goo.gl/ByNahB