【忍到赤口】
由年廿九膠到初三,究竟想點?
响英國社會,對新移民嘅大愛包容言論,可以話要幾多有幾多,要幾膠就有幾膠。估唔到香港,同樣有啲咁嘅團體同言論,仲要膠得咁趣緻。先唔好講爭取嘅內容對與錯,但係唔係要揀適當嘅時候呢?選擇响醫院爆晒,由年廿九講到年初三,究竟想點?
咪話歧視邊類人,最怕啲膠人偷換概念,純邏輯討論。講到香港嘅公共醫療同福利,到底係咩人用多啲並唔係同點。根本嘅問題係資源已經唔夠情況下,使用權嘅問題。簡單啲講,那管係老人家或者係傷殘人士使用率係高,都唔好講貢獻或或交稅咁功利,咁佢地係咪住滿七年嘅香港人?呢個唔係標籤或者歧視,而係响有限嘅資源下嘅分配,新年有財神派錢唔係當真呀?
就好似英國家庭團聚簽證入境咁,人數無限額㗎。不過申請人要證明財務上養得起啲家屬(差唔多最低工資多三成),仲要簽晒聲明,啲家屬响入籍前唔申請公屋或者綜援之類嘅福利,每年比公共醫療費(唔睇都要比)。財政上證明唔到?唔好團聚囉。到中間養唔起?返祖家囉。係咪好衰,無人性,唔夠大愛?係!一定係,但資源有限,有乜辦法?
香港已經唔係咁,仲想點?
#忍咗三日都見到
#到底係咩團體
英國家庭團聚 在 Goodbye HK, Hello UK Facebook 的精選貼文
走得就走番英國要知幾多? (7) 畢業生可以做企業家?
好耐無講英國移民,得閒又分享下
Tier 1 (Graduate Entrepreneur) Visa係投資小好多
大家上Home Office嘅網頁睇T1 Entrepreneur Visa基本資料嘅時候,會發現有分20萬鎊同5萬鎊投資額嘅分類。當中英國政府種子基金或者Venture Capital嗰啲咁離地嘅無謂講,大家有興趣嘅可能會係Tier 1 (Graduate Entrepreneur) Visa。
其實T1 (Grad) VIsa嘅原意,係英國政府希望特定嘅院校畢業生(學位或以上)用創業嘅形式攞企業家簽證(List of HEIs : http://bit.ly/2kwgiEg)。
因為係比畢業生創業為主,當然要求就會同T1 (Ent)唔同。唔同嘅地方就係要個Business Plan經由畢業生所讀嘅院校批核同認可。難度點都高過T1 (Ent)嘅tailor made business plan嘅,不過對Home Office黎講就認受性高好多。
Visa嘅年期係12個月加12個月,期間可以完全無投資金額要求。當T1 (Grad) Visa Holder準備投資有關嘅5萬鎊,就可以申請轉為T1 (Ent) Visa。所以要達到攞Permanent Residence嘅 5 Year Route要求,時間就以由T1 (Grad)轉成 T1 (Ent)開始當日計算。
大家可能覺得自己畢咗業幾十年唔關自己事,其實每一間院校對申請人嘅畢業時限都可以好唔同,亦都會因為內部原因而改變。短者可以係畢業三個月內,長者可以係一世。創業可以係唔關年紀事,係個Business Idea事。不過英國政府對T1 (Grad) Visa每年係有quota嘅,總數2000個。
最後都係嗰堆嘢,我只係同大家分享基本嘅英國移民資訊。有興趣可以大家討論下或者inbox我,有錯亦歡迎指正。點解我知,可能係我鐘意Google,或者我係死移民Agent。有疑問當然去問「專業」嘅「移民顧問」,我自問唔專業,亦都未必乜都識。
#移民英國
#走得就走
#番英國
#點做英國公民
#居英權第二代
#T1Entrepreneur
#英國企業家簽證
#T1Graduate
#英國畢業生企業家簽證
#Tier2WorkingVisa
#英國工作簽證
#英國家庭團聚
#英國SettlementVisa
**************************
點樣搵人幫手申請移民(上)
http://bit.ly/2vYLtgL
點樣搵人幫手申請移民(下)
http://bit.ly/2wX3T0e
移民係一條數學題
http://bit.ly/2wgKIyP
移民與香港買樓數學題
http://bit.ly/2vHSayM
移民最難嘅數學題~至愛親朋
http://bit.ly/2g0XITp
點樣先可以做英國公民?
http://bit.ly/2vocSVY
點做Tier 1企業家?
http://bit.ly/2xKtisJ
乜係British Citizen by Descent
http://bit.ly/2vlevp1
**************************
英國家庭團聚 在 Goodbye HK, Hello UK Facebook 的最佳貼文
真係走得就走 (6):點樣搵人幫手申請移民(下)
上集講到英國本土嘅移民服務提供者嘅種類,厘個post繼續。
大律師(Barrister-at-law)嘅服務通常都係關於有法律上有爭議性嘅移民申請,而且聘請大律師都係必須要由業務律師代聘嘅(係絕對無例外嘅)。所以對於香港人一般嘅申請,我就唔知點解要咁大陣容,當然緊係因應自己嘅情況去衡量(尤其是係政治難民之類)。
至於於英國嘅業務律師(Solicitor),我諗大家都明白業務律師係唔會聲稱自己乜都識。所以通常會做會提供移民服務的話,都會講明自己係immigration lawyer/solicitor。
請留意,英國嘅大律師或者律師响香港執業係要同香港嘅公會批准,亦都要入境處同意,缺一不可。如果無嘅話,就等同無牌執業。我應為,只係極之需要先會「請個英國御用大律師去幫手」。正常申請係唔會無啦啦請個英國普通嘅大律師幫手嘅,因為成本係極之貴同無必要嘅。
最後就係註冊移民顧問(Registered Immigration Adviser),厘個係同香港完全無嘅專業。移民顧問公司响英國亦都要受法定機構 (OISC)監管同攞牌照嘅,其本上每一間嘅收費方法,服務形式都要管。原因點解我相信大家都好容易理解,因為英國實在太多唔同種類嘅移民申請,政府係唔會比任何人或者公司亂黎嘅。
其實,英國嘅移民律師同移民顧問响處理移民申請嘅職責上係無分別嘅。不過有一點係好有趣嘅,無論移民律師或者顧問都好,只有某一啲先會做埋各種Tier 1嘅Business Plan,有啲真係只會做到交application嗰一步。厘樣當然係會一早會通知客戶嘅。
有樣嘢記著,唔理係律師、顧問(或者醫生),世上係唔應該有「保證成功」,亦唔會有「做就幫你做,得唔得就唔知」厘兩樣嘢。無論香港或者英國,大家有時真係要明白專業人士嘅自我保護意識係好強嘅,咁亦代表佢地專業知識限制咗佢地唔會亂比結論。所以我建議大家都係唔好問,有幾多percent成功機會厘類問題。
因為如果一個專業人士話比大家聽99%得係無用嘅,最後都係有1%係唔得。話比你聽100%得反而係最驚嘅嘢。問題重點應該係佢地點樣令你完全了解,整個過程點做,令自己清楚將會面對嘅情況,可能性、問題或者困難。
純粹個人(不過好強力嘅)建議,如果大家去選擇香港嘅「移民顧問」嘅時候,最好去搵有英國嘅移民律師行或者註冊顧問支援嗰啲。原因係如果不幸有問題發生,點都可以搵到監管機構去跟進(而唔係消委會或者同我一樣自己忍咗佢)。移民係一件人生嘅大事,錢無咗可以搵過,但係申請途中有錯嘅記錄係可以好煩,而且時間亦係好重要嘅嘢。
當然最好嘅就係去一次英國,直接去問下當地嘅專業意見同價錢比較下。問嘢又唔洗錢嘅,等如我都會叫大家去英國買樓之前,不停去estate agents睇樓同一樣道理。
最後,我真心希望大家明白嘅係,既然大家決定舉家移民,又已經打算比錢搵人幫手。咁點解唔花小小時間同精神,去搵最有把握嘅人去幫自己呢?
#點搵移民顧問
#Post得就就預咗比人罵
#帶咗頭盔都有啲驚
#好多利益呀
#移民英國
#走得就走
#番英國
#點做英國公民
#居英權第二代
#T1Entrepreneur
#英國企業家簽證
#Tier2WorkingVisa
#英國工作簽證
#英國家庭團聚
#英國SettlementVisa
**************************
點樣搵人幫手申請移民(上)
http://bit.ly/2vYLtgL
移民係一條數學題
http://bit.ly/2wgKIyP
移民與香港買樓數學題
http://bit.ly/2vHSayM
點樣先可以做英國公民?
http://bit.ly/2vocSVY
點做Tier 1企業家?
http://bit.ly/2xKtisJ
**************************
英國家庭團聚 在 G1380901。三十年经验英国律师团队/ 最高等级移民法律资质 ... 的推薦與評價
![影片讀取中](/images/youtube.png)
微信咨询:G1380901。三十年经验英国律师团队/ 最高等级移民法律资质/英国移民/英国签证法律/ 什么是 英国家庭团聚 签证? ... <看更多>
英國家庭團聚 在 #英國家庭團聚 - Explore | Facebook 的推薦與評價
explore #英國家庭團聚at Facebook. ... 居英權係當年英國政府為咗安撫大量嘅移民潮,根據British Nationality (Hong Kong) Act 1990而出現。當時有五萬位人仕同佢地嘅 ... ... <看更多>