你的孩子
不是你的孩子 【心情長文】
疫情咁耐，我係上星期先裝左Netflix睇劇，原因唔係要睇 #愛的迫降，而係最新熱播的 #雙甲路邊攤，終於燵著我去開Netflix睇呢套韓劇， 係一對2000後的姐妹，一齊食飯一齊陪我由第一集開始睇，異口同聲話好好睇！而佢地其實已經煲哂，純粹陪我再睇多次！
睇完第一集又真係唔錯，就自己開左Netflix繼續追喇！
我覺得同2000後溝通，講韓國一定有話題！任何韓國歌手、韓劇、旅行，總之關於韓國嘅任何一樣都可以同佢地打開到話題，當然我自己本身都好鍾意韓國，要搵話題傾偈一定唔難！
曾經睇過關於人際關係嘅書，講話如果同陌生人傾偈，想令對方快速對你有良好印象，令人想跟你做朋友，就要不斷從談話中找到共同話題，搵到之後就可以引身出其他的共同話題，破冰就會成功！
我唸…其實當中的溝通是雙向的！即是我對你感興趣，想知道多點你的睇法，你一樣對我感興趣，個conversation 先會不停傾到落去。
琴日無意間係facebook睇到段片，段片一開始就講有個媽媽讀中學的大女兒跳樓自殺，令我很想追看，發現原來係Netflix有得睇，睇完之後令我有很大感觸，一路睇一路覺得好心痛！好想同大家分享一下我的感受！
套戲大約90分鐘，講述女主角的大女一直讀書成績優異，跟妹妹佻皮的性格截然不同，深得媽媽歡心，卻突然從家中跳樓自殺，令媽媽痛心疾首，決定要搵出真相，結果佢讀取大女兒的腦部記憶，終於搵到真相！
我劇透少少吧！我心痛劇中的大女兒，為了滿足媽媽的面子與期望，獨自承受了許多痛苦，文學得獎、自己得了抑鬱症也不敢跟媽媽講！每晚都喊，騙妹妹是因為過敏，對媽媽又敬又畏，完全不敢反抗！
媽媽與女兒的溝通，從來都只有單向，就是媽媽要你讀書，要考到好成績！女兒的想法、女兒的喜好、女兒的朋友，媽媽從來都不知道，女兒不敢分享，怕讓媽媽知道後，會被駡被打！
當媽媽讀取死去女兒的記憶，她的視覺一直就是自己對女兒一直嫌棄、打駡、永不滿足的一張臭嘴臉，我開始反思，我平時對仔女是否都是一樣呢？仔女想起我的時候，會是一張笑臉，還是一張在指駡他們的臉呢？
前幾日媽媽谷才見到有媽媽分享新聞，就是新開學那天，不約而同有兩個學生輕生，我其實一直都很擔心，有誰可以保證自己的孩子不會是下一個？
從小每當Timtam仔遇到困難或感到害怕，我都會緊緊抱住佢，同佢講：「唔洗驚！媽媽係到！媽媽一定會幫你！」
講得多佢都學左，有時我扮嘢話好驚，佢就會學返我：「唔洗驚！仔仔係到！」
我都反叛過，我明白反叛期會有多可怕，但我希望仔女無論發生咩事都好，開心唔開心，做錯了事，什至考第尾都好，都會願意同我分享，永遠都會記得爸爸媽媽會一直支持佢地、愛護佢地！
呢套戲令我唸到，如果為了學業成績，輸掉了親子關係，是否值得？很多朋友都分享過，教小朋友讀書做功課，往往會很勞氣，少不免就會破壞了親子關係！學業成績的確很重要，我想當中就是要取個平衡點吧？但中間的平衡點要如何拿捏呢？
這些留待上小學再算吧！噢！我知我太天真，好似現在幼稚園功課都不易應付了！好吧！為有先提升自己的EQ，每次教功課前都想想呢套劇，引以為鑑！
#你的孩子不是你的孩子…茉莉的最後一天，有興趣可去 #Netflix 睇下！
茉莉的最後一天netflix 在 #ep3茉莉的最後一天- YouTube 的推薦與評價
《your孩子不是your孩子：茉莉的最后一天》【宇哥讲电影】 ... 我們的孩子_幕後特輯#茉莉的最後一天=播出平台大集錦= ✓公視頻道晚間九點首播✓NETFLIX 同步播出✓公 ... ... <看更多>