買一送一TOP芋泥鮮奶😍
.
———————————
🍓 士多啤梨酥 ($28)
🥛 逮丸芋頭2號 ($45)
————————-——-
.
之前出過個post講我喺香港試過嘅芋頭奶，
隔咗咁耐終於要更新一下(๑•̀ㅂ•́)و✧
可以㩒去 #18間芋頭奶簡評 度睇返(⁎⁍̴̛ᴗ⁍̴̛⁎)
.
逮丸芋頭分別有1號同2號選擇，
1號係配琥珀珍珠而2號就係配芋圓，
芋圓細細粒而且比較軟腍，
如果稍為再結實同煙韌返啲口感會更好；
靈魂所在嘅芋泥份量足足佔半杯之多，
綿密厚滑但不至於過份黏稠，
香濃自然並混有粉糯芋泥顆粒，
榮登個人心目中最出色嘅芋頭奶之一🤩
.
原價嚟講真係可能係香港最貴嘅芋頭牛奶，
不過喺 #GoodMallingApp 見到依家有買一送一，
除返開一杯廿蚊鬆啲真心係極極極極抵，
真係要去買多兩杯，
同埋用GoodMalling每慳1蚊就會有1分，
儲夠分可以用嚟換Starbucks現金券，
喺7月21號或之前用任何優惠仲會有額外3倍積分，
完全係開外掛咁儲分快咗勁多😂
.
另外呢度仲有好多款麵包賣，
全部賣相都好精緻之餘款式都好特別，
士多啤梨酥因為加上吉士醬令酥皮受到濕氣影響所以唔算相當酥脆，
食落鬆軟並帶陣陣牛油香，
幼滑吉士醬加上士多啤梨酸酸甜甜唔會過份甜膩
.
————————-——————————
📍茶茶GO (尖沙咀)
金馬倫道34-36A號福僑大廈地下D號舖
————————————————-——
.
.
