《濁水漂流》改編自真人真事，一班係深水埗天橋底聚居既露宿者，而佢地因為城市再發展而長期被清場。
到後尾佢地決定為左自己既尊嚴而起訴政府，要求政府賠償係清場中所有既損失同為此道歉，但政府最後都只係願意賠償，點都唔肯道歉，而其中一個露宿者 - 輝哥到最後都係揀繼續為尊嚴而戰不低頭。哩套電影既劇本係2017年就已經寫好，有邊個估到係2021年上映既今日，會令咁多香港人有共鳴。
哩套香港電影早前係第45屆香港國際電影節舉行亞洲首映，更加入圍荷蘭鹿特丹國際影展。
導演李駿碩以關注對社會議題作為自己電影作品主題，他的第一部電影《翠絲》同樣是以關注跨性別作為中心。
《濁水漂流》提醒左香港人要堅持自己既價值觀，縱使身邊人唔理解甚至唔支持你，都唔可以咁易低頭，但堅持既同時都會有代價，而哩一切既代價都有可能好昂貴。
戲中帶出左好多唔同層次既社會問題，由虛無既階級問題到好實在既土地問題，都一一呈現係觀眾既眼前。我地可能對哩啲社會問題都聽到耳熟能詳，都已經聽到冇晒感覺，但導演就將所有真實既細節都一一放係你眼前，令你好實在咁正視哩堆社會問題帶出黎既後果。
除左套戲既主題，戲裡吳鎮宇飾演既輝哥一樣受人觸目，佢除左將露宿者既生活習慣同情況都真實咁演返出黎之外，佢每一句以粗口鬧政府既說話都應該係好多香港人既心底話，當中輝哥對住香港啲高樓大廈同李麗珍既對話「起左咁_ 多樓」、「香港把 _ 」等等，相信好多香港人都係心入面講過N次。但每次政府都以一啲好可笑既理由去解釋自己做既事，而旁人聽到除左無奈同嬲之外，都應該冇咩反應可以俾到。最可悲既係每次我地都只可以接受，如果唔接受就要以好大既代價既爭取。
除左吳鎮宇之外，朱栢康同謝君豪既演技都將露宿者既角色演得非常出色，唔同年齡既露宿者都各有故事同性格，每個演員都將自己既角色發揮得淋漓盡致。而蔡思韵係入面飾演幫哩班露宿者既社工，佢為左幫露宿者們用左好多心機同工餘時間，但可笑既係佢本身就住係一間又大又靚既屋，當中既對比令人感到可笑，因為每次佢既出現，係露宿者群入面就好似扮演住天使既角色，為左幫佢地而出現。
《濁水漂流》當中既場景、燈光、調色等等都落左唔少心機，係深水埗場景既色tone多數都以藍藍綠綠為主，帶出城市冰冷既感覺同露宿者俾人拋棄既憂傷感。而開始同政府打官司係法院外既場景，同之後搬左去天橋下自己用木板搭屋仔出黎既場景，就用多左好多warm tone，帶出有好既轉變或者團露宿者變得更團結既感覺。
而場景同道具上，都用返好多舊既物品去營造返露宿者每件物件都係由好耐以前用到依家，例如輝哥成日用既燈、係木板屋入面瞓既雙層鐵架床、袋住自己物品既紅白藍膠袋，所以每樣加埋加埋，就令到觀眾係戲入面好易拎到共嗚，從而令大家更加了解哩啲社會問題，關注現況。
by 小編 - 數字
黎緊6月3號就係《濁水漂流》上映，希望大家可以去支持香港電影。
Official Trailer :
https://youtu.be/Dive0mfX_UM
#mm2studioshongkong
#Drifting
#濁水漂流
荷蘭鹿特丹國際影展 在 Taiwan Docs - 新的一年又開始了 - Facebook 的推薦與評價
荷蘭鹿特丹國際影展 歷史悠久，為歐陸五大影展之一， 今年已邁入第45屆，並即將於1月27日至2月7日盛大舉 行。鹿特丹國際影展成立以來強調獨立精神，並致力發 ... <看更多>