喺香港拍拖,好需要理由。
因為成日都遇到一個難題-「都唔知去邊好⋯」
唔係我哋唔想去街,而係條街令我哋唔想出去。
「今個星期妳想去邊?」
「你諗呀!唔准再求求其其睇場戲就算!」
雖然話兩個人一齊簡簡單單就得,但有時都會想好好咁拍下拖。平日辛苦咗咁耐,放假想二人世界,盡情去玩下。
好在,呢個世界仲有FB大神。每次女朋友喺啲「必食必玩」嘅推介Post Tag我,我哋就知道係時候出動。
每次有啲咩咩節,都會即去。以前會覺得咪搞啦,好迫呀,但其實大家都係一班「同是天涯淪落人」,間唔中迫一次,又有咩所謂吖。
今次女朋友叫我去工展會,以前嘅我必定第一時間反對:「吓⋯啱唔啱我哋行㗎⋯⋯」但今時今日,我一口答應,因為⋯⋯唔使我諗去邊,唔係唔去嘛!?
而且,一個地方好唔好玩,係睇你同邊個去。
兩個人迫下迫下,我會好緊張咁攬實女朋友條腰,驚佢畀人撞親;金晴火眼睇住會唔會有冇人整到佢;而女朋友就負責驚走失,同埋好為食咁話要食呢樣食嗰樣。
一齊行到腳跛,其實都幾開心。
「嗱,想唔想下次嚟我屋企食飯有得食雞髀?」女朋友鬼馬咁問:「想就買呢包湯包啦,我阿媽實鍾意,咪話我唔教精你呀!」
當我一支箭諗住衝去買嘅時候,女朋友叫停咗我。
「等等先啦,本消費指南有好多優惠券!」
佢企喺度慢慢摵,平日我一定會唔耐煩,但睇到佢咁慳家就無謂阻止。
「我想食一口牛呀!」
「得啦,得啦,依家同妳去!」
喺香港拍拖,需要默契,一種喺日常生活壓力中,一齊搵到快樂嘅默契。
去邊都開心,只要隔籬係你。
【介紹返】2016工展會,由12月10號到1月2號,喺香港銅鑼灣維多利亞公園舉行,為期24日。超過400家參展商、逾880個攤位,有好多平嘢買之餘,仲有美食區可以狂食。同女朋友行完先知,原來都幾啱我哋行,入場費都只係$10,必食必玩推介!(最緊要唔使諗去邊!)
#2016工展會
#由12月10號到1月2號
#好多好嘢食
#好多好嘢買
----------------------------------
【莎比亞簽名會】
日期:18/12/2016 (星期日)
時間:下午3時
地點:鑽石山荷里活廣場3樓三聯書店
參加方法:有我嘅書就得
荷里活廣場美食優惠券 在 鑽石山美食 荷里活廣場 食店 @vincentchannel1114 - YouTube 的推薦與評價
鑽石山搵食易 屯馬線開通 土瓜灣站 鑽石山站 @vincentchannel1114. ... <看更多>
荷里活廣場美食優惠券 在 30/5) #荷里活廣場最近推出咗最新嘅購物同美食優惠券 的推薦與評價
春日消費賞‧ HK$200優惠券等緊你】(即日起- 30/5) #荷里活廣場最近推出咗最新嘅購物同美食優惠券 ,想知點樣先換到呢啲優惠券,咁就要留意以下嘅換領方法啦 ! ... <看更多>