關於 菇獁放負 ，我們在網路上蒐集到這些相關的討論、資訊與評價

#菇獁放負
―――――*☼*―――――
#讀者們的負能量
編號:0006

小學好恐怖，有冇人願意救下我

我依家係一個中學生，但係係小學嘅時候所發生嘅事即使過咗好耐，我都會諗返之前嗰啲好恐怖嘅事。

我係小五嘅時候，因為係插班生，同其他人都唔係好熟，而班上面就有一個女仔對我好好，又唔介意我係新嘅同學，而且興趣都好夾，但係其他同學都同我有啲距離，可能因為我本身都唔係一個外向嘅女仔，我都唔係好知點同人相處，係班上面有一個女仔有啲似係嗰種大佬，好有氣勢嘅，過嚟搵我話要唔要放學之後同佢地一齊去行街，咁我就因為冇答到佢，佢就以為我係個啲囂張之類嘅女仔，跟住我嘅惡夢就開始左。

每日欺凌已經習慣晒，掉野，打我，寫嘢係我隻手度，剪我啲校服，倒啲水落功課度，困住我係廁所，一大堆嘅欺凌足足困擾左我成兩個學期，去到後來我就同左社工講，但係就因為其中一個女仔，係唔知訓導主任定係唔知邊個老師嘅外甥女，所以成件事就咁不了了之，而且佢哋知道我有講俾社工之後，「懲罰」就越嚟越嚴重。

大概直至到我係六年級嘅時候轉校，先至停止左呢件事，真係好恐怖，好恐怖，冇人救我，全部人好似見唔到咁，點解，我只係內向姐⋯⋯

―――――*☼*―――――
今次有幸請到治療系插畫師 @fattypugdiary 一齊放負
―――――*☼*―――――
菇獁日常 @guma.pig
漁絵師 @tsurieshi.shop
―――――*☼*―――――
#852 #hongkong #HKIG #插畫 #插圖 #畫 #畫畫 #日常 #情侶 #香港插畫 #原創 #落書き #電繪 #絵 #イラスト #hkdraw #hkart #illustration #drawing #語錄 #愛情

#菇獁放負
―――――*☼*―――――
#讀者們的負能量
編號:0005

5/13/2020 0:25:02 女 18-25歲

抑鬱症對你嚟講係咩

"我係一個有抑鬱同焦慮症嘅女仔，上年確診，睇過好多情緒輔導，依家keep住要食藥同睇心理學家。

我發現好多人都對抑鬱症嘅知識好貧乏，好多人都會唔識同抑鬱症嘅人相處，覺得抑鬱症都只不過係長期唔開心之類，但其實唔止咁簡單，情緒病之所以係病，係因為我哋冇辦法控制到自己嘅情緒，我可以冇啦啦就情緒失控，毫無原因咁大喊大叫，我會喪失對一切事物嘅興趣，就好似開心嘅果條神經俾人切斷咗一樣，我感受唔到快樂，感受唔到我嘅靈魂喺度存在，生活好虛無縹緲，而我喺度浮浮沉沉，唔知幾時會被突如其來嘅情緒壓低，即使食藥都冇辦法令我完全好翻。

其實我好受夠啲人同我講多啲搵人傾計，講咗會點？你哋明咩？你哋只係會講「諗得開心啲啦」、「開心啲啦」，但從來都唔知你哋係叫緊一個冇辦法開心嘅人開心啲。呢個世界冇教人點樣同抑鬱症患者相處，亦都冇人教抑鬱症患者點樣同正常人相處。

我自殘過，曾經上過天台自殺，亦都寫好遺書。我嘅生活圍繞住絕望，只係我選擇迴避，再迴避。

所以抑鬱症對你哋嚟講係咩？佢係一個不定時炸彈，當爆炸嘅果刻，會隨住內心抑壓嘅情緒，將我成個人四分五裂。"

―――――*☼*―――――
菇獁日常 @guma.pig
漁絵師 @tsurieshi.shop
―――――*☼*―――――
#852 #hongkong #HKIG #插畫 #插圖 #畫 #畫畫 #日常 #情侶 #香港插畫 #原創 #落書き #電繪 #絵 #イラスト #hkdraw #hkart #illustration #drawing #語錄 #愛情

#菇獁放負
―――――*☼*―――――
#讀者們的負能量
編號:0004

我都唔知點算好

"由細到大抖習慣咗同父母報喜不報憂，淨係講吓啲開心嘢開心傾吓計，習慣對其他嘢逃避唔傾。

老豆就好似成日都唔俾人睇醫生，覺得睇醫生好大件事，真係好唔掂先要睇，平時都唔多care身體嘅嘢，病咗就搵啲擺咗十世嘅成藥食（可能因為我哋不嬲身體都幾好）；相反，阿媽就小小事都會走去睇醫生，又對小小身體嘅事反應極大。

咁嘅環境造就做我唔鍾意亦都甚少去睇醫生，因為潛意識覺得一定係要好嚴重先至要睇。（但係好笑嘅係我想做醫生^^）

大半年前有一日突然之間（係突然之間）頸好痛好僵卡卡聲，膊頭、手好痹好痛又冇力，撐咗一個月就頂唔順，自己偷偷哋去睇醫生，老豆阿媽唔知我睇醫生。之後開咗啲藥俾我，我就要每日偷偷哋食藥。自己本身好少病所以根本唔識吞藥丸，吞得好辛苦，點知啲藥一啲用都冇。

因為覺得好痛但係應該唔嚴重（諗住我咁後生應該冇嘢掛，再加埋對睇醫生嘅嚴重性嘅執著），又因爲忙就冇再睇醫生。

直到前兩個月我開始越嚟越嚴重，條頸卡到好似就斷咁，其他位都係痺痛冇力，而且手指手掌開始冇熱感、痛覺同觸覺、又好似唔係好控制到佢咁，就嚟連字都寫唔到好耐（好驚之後開始點算）。啲痛又搞到我勁唔舒服，郁又痛唔郁又痛，夜晚有時痛到訓唔到，又有一系列動作做唔到，真係人都癲。

俾frd叫同鬧咗無數次之後，上上個星期就睇多咗次醫生。

攞咗藥，照咗x光，report要等六星期。藥依然冇用，而等緊report嘅呢段時間我一路繼續受折磨一路困擾之後應該點算好。

如果好嚴重咁點同父母交代？如果唔嚴重我自己都搞得掂？父母會點諗？點樣面對父母？我以後會唔會好得返？定係其實都係好小事？

呢點時間痛苦有增無減，藥又冇咩用，又未有report。frd就叫我去睇多次醫生，我就死都話唔好，一來有report嘅時候就係當係覆埋診嘅，二來源於內心對睇醫生嘅偏執同恐懼。

但係啱啱frd就爆seed猛鬧我，話我唔應該輕視自己嘅情況，又話我唔應該唔話俾父母聽，仲話我喺度呻辛苦又唔睇多次醫生就即係㗰氣，佢都唔想再聽我講。我聽完其實都覺得佢講得啱，但係自己心入面又有啲down。鬼叫自己一開始就做錯決定+有個對睇醫生嘅另類睇法咩...

而家真係唔知點算好，一切都好迷茫，而我呢一刻依然係好唔舒服。雖然我仍然相信+希望唔係啲咩大病，但係其實我內心好淆好驚有啲咩事，又俾frd搞到我成個人都好亂...

所以，大家有冇啲咩建議可以俾到我😭🙏🏻
多謝大家睇到嚟呢度😭

p.s. 一路都係嗰個frd陪我睇醫生，阿爸阿媽唔知我有事，我只可以扮冇事+偷偷哋食藥"

―――――*☼*―――――
菇獁日常 @guma.pig
漁絵師 @tsurieshi.shop
―――――*☼*―――――
#852 #hongkong #HKIG #插畫 #插圖 #畫 #畫畫 #日常 #情侶 #香港插畫 #原創 #落書き #電繪 #絵 #イラスト #hkdraw #hkart #illustration #drawing #語錄 #愛情