關於 華榮股價走勢 ，我們在網路上蒐集到這些相關的討論、資訊與評價

★★★每日一股☆☆☆ 2021/06/17 晴

【美元指數因為聯準會鷹派表態創下近六周以來新高，這是市場情緒的反應；直播已經提過多次美元指數跟原物料商品的高度反向連動，所以如果說原物料的行情還要持續，傳產股還想要一開張吃十年，那美元指數一定不能一路大漲。國際銅價最近的大跌，不就是跟美元指數是很明顯反向的關係嗎？所以要看到國際銅價重振雄風，從技術面講很多次了，就是要看觀察何時站上所有短期均線形成三陽開泰，那才有辦法真的翻多。這次就是上周反彈都無法站上，於是有了這幾天的大跌！連帶拖累電線電纜族群的華新與華榮、大亞都一度跌破月均線，此刻仍是觀察月均線能否守住，要是跌破則要以季均線做為最後長線防線；但如果國際銅價持續疲弱甚至再破底，季均線也只是裝飾用。反觀鋼鐵股早盤表現強勢，中鴻在解除分盤交易之後，一度大漲逼近漲停！它早盤可是已經突破了六月份的高點，也就是創下反彈新高了喔！這就跟老王過去在直播分析中鴻的預告是完全符合的，我說只要它可以守住月均線，就還是多方趨勢沒有改變！那為什麼同樣是守住月均線的狀態，電線電纜族群表現得卻如此弱勢甚至破線，中鴻卻可以大漲創下反彈新高？這關鍵當然是國際報價的連動嘛！

鐵礦石沒有往上噴出，可是人家就撐在那嘛，至少還可以維持三陽開泰的趨勢。可是國際銅價卻是往下大跌的，自然就會拖累相關概念股，這樣清楚了嗎？所以其實老王過去在分析鋼鐵跟電線電纜這二個類股的時候，其實我的分析與看法都是一模一樣的，技術分析看月均線，基本面看國際報價。會有兩個不一樣的差別走勢，就在於國際報價出現不一樣的變化！所以您說老王一直跟大家強調的，原物料就看國際報價這件事，就長線整體的趨勢來看，不就是完全印證了我的說法嗎？中鋼七月盤價平盤終結連12漲，這當然就是股價為什麼會是鋼鐵股裡頭相對弱勢的原因。我也終於明瞭為什麼人家一堆鋼鐵股都還守住月均線，但中鋼卻在上周早已跌破！凡事有人早知道嘛，股價原來已經提前反應盤價平盤的利空消息！所以我們在運用技術分析的時候，一個關鍵的支撐位置如果被跌破，那一定有它背後的原因。只是您當下並無法得知到底是什麼事情，但過一陣子就會看到消息了；這就是為什麼老王常說，技術面永遠領先反應基本面！中鋼講過了，沒看到重新站回所有短期均線就沒翻多，那它沒翻多自然就壓抑鋼鐵族群只能個股點放。】

＊＊＊每日一股免費開放轉貼分享＊＊＊

【精華重播】三星暫緩退出LCD！外資倒垃圾！面板心事誰人知？https://youtu.be/rqmyLYUnrEA

2021/06/15【老王不只三分鐘】運價再創新高！萬海、長榮、陽明全線漲停，散裝航運拿香狂拜！投信買超，旺宏華邦電有戲？鋼鐵、電纜月均線反彈！原物料行情還有嗎？https://youtu.be/iOg0C57GLOA

老王給你問 #77 端午節特輯！技術分析一定會遇到的騙線如何判斷？怎麼應對？老王不看半年線與年線嗎？不懂產業，只看均線可以操作嗎？最後祝大家端午佳節愉快！https://youtu.be/Hfy04upk0KI
-----------------------------------------------------------
※王倚隆（老王）為浦惠證券投顧分析師，本影片僅為心得分享且不收費，本資料僅提供參考，投資時應審慎評估！不對非特定人推薦買賣任何指數或股票買賣點位，投資請務必獨立思考操作，任何損失概與本頻道、本公司、本人無責。※

【龔成問答信箱】（Q19001-Q19020）

Q19001：

老師 我係你學生，分析489東風集團股份。

我大致用左評估表既第一版輕輕咁睇左佢過往5年既財務數據 （2016-2020/6中期）因為2020未完 所以用左4年黎睇

營業額：有輕微下降既趨勢
股東應佔溢利：近兩年都比2016-2017下跌
每股盈利：趨向下跌
毛利率算平穩
ROE: 平均5年都有12%）
市值>10億
總負債/股東權益：大致<100% (除2019年 （2019年非流動負債增約一倍，睇番年報 主要因為2019多左資產抵押債券）

每股盈利增長：近2年負數
市盈率：2.76-5.54
流動資產>流動負債
負債增長平均每年～20%
不多供股合股 只有派息紀錄
上年年期>2年
核數師無保留意見

綜觀以上黎睇
1）賺錢能力
營業額，盈利，ROE均有下降
係咪意味着競爭力開始下降？

2) 流動性/穩健度
流動資產可以cover流動負債同總負債
負債比率都平均有約20%增長 但流動資產都有增長 暫時都尚算穩健？

希望老師可以俾啲意見 歡迎糾正同補充

除左上堂以外，哩個係第一個有跟評估表去做分析指標 但我發覺有時資料太多唔知點樣篩選好 同時未去到好似老師咁 可以賦予數據具體既意義 老師有冇咩方法可以分享？

龔成老師：

你分析不差，能應用課堂的所教及評估表的部分指引。

東風集團股份（0489）不過不失，但不是高增長類別。

睇翻佢過往財務數據，無特別增長（當我地分析時，最好睇長少少的情況），數年間生意與盈利保持大致水平，增長力不強。

同時，你要解讀數據，要將財務數據配合大環境及佢自己的情況去分析，唔好只表面分析數字。

如果比起行業情況，佢唔算特別強，多年來的發展都只是一般，過往產品未能帶動佢生意大增，同時賺錢能力亦無法提高。

其實你在上述分析中，講出了財務數據的重點，但就「解讀」唔到。你要分析翻背後的意思，所以點解我叫你要睇5年年報，同時要分析管理層講話，就是兩者要配合的。

佢的財務數據不算差，大致都合格，但未見有好強的地方，同埋業務唔算有自己的獨特性。

佢之後業務能否增長，要好睇好發展，中國車市長遠正面，都會利好佢，但未能確定佢是高增長類。這股都算有投資價值，現價合理。

當你用評估表時，最重要是先消化這公司的情況，大環境、管理層、財務數據，你要有立體的解讀，而評估表就是一個指引。你先做第1、2頁先，之後到第3-6頁，就跟跟表中的指引，慢慢從年報中找翻答案，但首先要消化整體公司的營運情況。

------------------------------------------------

Q19002：

老師，我想幫媽媽買兩隻收息股，因為佢已經退休，有大約十萬...

想請教一下6823，548，778， 三隻是否都係穩健同優質？如果想買兩隻，老師會建議邊兩隻？

同埋咩位置為之合理區中間或中下，甚至平？謝謝老師

龔成老師：

如果選投其中兩隻，可選香港電訊（6823）、置富（0778），這兩股都是不差的收息股，現時都在合理區水平，6823，中間，778中下，都可投資。

------------------------------------------------

Q19003：

龔sir 你好，想請問你1093石藥嘅問題。

我買入10000股石藥@$16.36，係第一次送紅股5送1，股數增至12000，當上到當時高位$17.8，賺$5萬。我本想長線持有，當宣佈第二次派紅股，買5送3，股數增至19200。現股價$8左右上落，現蝕$1萬。

請教龔sir，為何第一次送紅股股價會升？第二次會跌咁多？石藥是否不應再持有？

現在應該點操作？應該上望幾多定係止蝕離場？大方向黎講，係咪應該拎左紅股就走一走？多謝指教

龔成老師：

根本無得解釋，佢的升跌與送股無關，股價其實本身都會因市場力量，以及中短期的消息影響，有時只是市場情緒化的結果，根本唔需要理會。

你唔應該因為短期股價波動，影響左長線的策略，你最重要是睇企業的質素，長線持有就得。

------------------------------------------------

Q19004：

老師，1211升左好多。感謝老師的教導，改變自己過去無知的投資方法。

買到一間有質素的公司要堅信不疑，長線等待。

其實我自己本身入行做保險，最近有一位同學找我替她的小孩買儲蓄計劃，我竟然叫他留下10萬學習投資

因為她小孩今年21歲，沒有負擔，應該趁年輕學習其他理財，就算要交學費還輸得起。

老師常常教導我們保險只需有基本已可以，其餘涉及投資還是操控在自己手中。

我告訴他先買盈富基金，再慢慢研究學習，也推介老師網站。

其實每日見到老師post好多正面訊息，好有鼓勵性質，也轉介給自己的女兒細心閱讀。真心感謝你，並非因為1211，而是自己開始了解多些理財，可以教育我的小朋友。

見到網友話老師多才多藝，上至理財下及愛情顧問，真係覺得書到用時方恨少。更加鼓勵自己小孩要吸收不同層面的知識，人生才會活得有意義。

謝謝老師，祝福你和家人一切安康。

龔成老師：

你的方向正確，你為客人提供正確的理財是最好的，有時放眼前的利益，之後往往會有更大的利益。

同埋，我好相信「共贏」的思維，唔好只想在別人身上找著數，最重要是幫到人，自然能創造「你的價值」，長遠對你最有利，我自己都是用這一套的。

大家加油！保持進步！

------------------------------------------------

Q19005：

我本人37歲，收入尚算穩定，月入3萬，但只係識得儲錢，保守又唔識投資，唔敢炒炒賣賣高風險，通常都係買下銀行嗰啲基金，賺少少息。

但係好幾年追唔番個本金同手續費，目前有65萬銀行基金，個本蝕緊十萬左右（市值55萬），如計埋收咗嘅息應該只係蝕5萬，我成日有問銀行RM,佢話唔好放，長線投資先會有回報。

另外，有聽你講買吓2800當儲錢，平均價$24.5入（已有5000股）無咩上落，我當長線儲錢。另外自己有份退休儲蓄保險 （月供$3000），同埋$65萬現金流。

目前年年咁儲都追唔到通脹，我份工已經去到頂新點暫時加人工無望，我成日想將現金投資，請問最穩陣係咪要買樓？

我怕自己資金好似唔夠，單身又怕銀行借唔到錢，請問有咩投資方案建議？

龔成老師：

如果你長遠有自住需要，就可以把握香港經濟轉弱，樓價可能下跌（不會大跌），去買樓，但如果無自住需要，就不用急買樓。

另外，「自己的供款能力」好重要，如果供得太勉強，就唔好買，投資其他工具仲好。

如果最後決定再買樓，你可以保持月供盈富（2800），另外，可以考慮加多少少優質股去供：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

慢慢月供就得。

同時，你應該增加投資知識，你37歲，仍是財富有增長力的年齡，應該增加知識，然後好好運用現金（暫時唔好心急用，或只用少少，等你有知識先投資更加好。

------------------------------------------------

Q19006：

老師，多謝你細心分析股票呀！如果我唔識你我係香港個market 又會亂咁買！

我計過現在股票每月差不多收一萬元息！好開心
thank youuuuu! Have a nice day !

龔成老師：

好呀！

我地最重要是「建立長期的優質股組合」，你的方向正確，保持進行就得。

要留意，組合要「平衡」，同時你要留有一定的現金在手

------------------------------------------------

Q19007：

龔sir 你好，我今年28，大概有現金30萬左右，從未買過股票，收入$24000，先生收入$22000，扣除每月開支，大概有$16000剩，現想嘗試開始月供股票，已開滙豐股票戶口。

1. 請問喺咩平台買賣股票最好？

2. 每月應該投資落邊幾隻股票，每隻幾錢？

3. 希望可以30歲前有100萬
感激麻煩龔sir 可給我一些指引

龔成老師：

1）銀行及證券行，其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。匯豐都得。

2）以你年齡，可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

做月供股票，每月$10000。

你可以考慮盈富（2800）$4000。

另外再加3隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

3）要完成目標，你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，做月供股票。

原理如同儲錢，不過就不是儲現金，而是儲股票。計劃要長期進行。

另外，盈富是不差選擇，因為是一個組合，適合絕大部分人投資，風險不高，長期儲貨可助你財富平穩增值，記住要長線持有。

第三，當你有知識，同月供左幾個月後。就可以開始正式利用現金，如果見到大市下跌，就可以同時把握機會，增加你投資回報率。

我相信如果你跟上述三點去做，$100萬不是問題，只是30歲，還是31、32歲的問題。

------------------------------------------------

Q19008：

龔sir 有拜讀您的作品同留意您的資訊 獲益良好 有一個問題想請教 由於家人（後輩）完全無儲蓄習慣 不懂任務投資

如果我想迫他買份儲蓄基金會否是一個好選擇 佢入場費1400$一個月 供五年 第12年回本 後面基本7%息回報 ！還是用同樣本金做其他東西比較好？

月供股票暫時不考慮 因他真心不懂股票類東西
盼望回覆 感謝您

龔成老師：

$1400並不算多，雖然該工具回報不算高，但可以逼佢儲錢，我相信適合佢的。

這是鼓勵佢理財的第一步，因此可以進行。

到佢有更多理財知識，有理財習慣，日後再對股票有興趣，先再加上月供。現時投資上述工具，可以。

------------------------------------------------

Q19009：

你好，想請教：以下股票中伏，持有數量多，現在有什麼建議

1733 $1.05
1029 $0.3
1393$0.6
1165 $3 以上，好多年前記唔清楚
1101 $2 以上，記唔清楚

龔成老師︰

易大宗（1733），如果有睇佢的企業年報，就會見到核數師，多年來都有「保留意見」或「不表示意見」，這已經賬目「有古怪」。這類股基本上無投資價值，賣出較好。

鐵貨（1029）年年虧損，如你有留意佢的股價，長期下跌的。

令人擔心的，就是核數師報告，曾經出現「不表示意見」，這反映核數師對盤數「有疑問」。此股無投資價值，建議沽出。

華榮能源（1101）、順風清潔能源（1165）和恒鼎實業（1393），同樣沒有質素，不適合投資，賣出較好。

在你再投資前，建議你先吸取多些相關知識才再開始。你也可以睇我寫架"財務自由行"和"股票勝經"，會對你有幫助。

------------------------------------------------

Q19010：

你好。想投資新經濟、新能源、ESG、電動車、醫藥、生物科技、AI和雲計算的版塊，應該買入相關的主題式ETF或基金或個股？

如買入相關的主題式ETF，應如何選擇？有何推介？

謝謝你。

龔成老師︰

如果你有選股和定平貴能力，我會建議你選擇個股。好似新能車的比亞迪（1211）、醫藥就中生（1177），新經濟就阿里巴巴（9988）、騰訊（0700）等。

（當然，要小心平貴度！部分股已貴！）

若你無太多投資經驗，但又睇好個別板塊。你可以利用月供，或者分注形式，去買入相關ETF，好似新經濟的安碩恒生科技（3067）。

咁做可以用平均價格，去減少你買貴貨風險之外。這些ETF都係一籃子相關股份，可以助你分散風險。

GX中國機智（2807），追蹤中國機械人及人工智能相關指數
三星中國龍網（2812），追蹤中國互聯網相關指數
GX中國生科（2820），追蹤中國生物科技相關指數
GX中國雲算（2826），追蹤中國雲端運算相關指數

GX中國電車（2845），追蹤中國電動車相關指數
平安智能及機械人（3023），追踨納斯達克人工智能及機械人相關指數
GX中國半導（3191），追蹤中國半導體相關指數

------------------------------------------------

Q19011：

老師,我睇緊1881,778同435,

1881同778依2隻派息都唔錯,我想問邊1隻值得入? thanks

龔成老師：

其實3隻都是不差的優質股，如果你想入一隻可以選置富（0778），因為佢持有的物業是民生類，這會對經濟週期影響較少，因此會較為穩健。

------------------------------------------------

Q19012：

大灣區樓點睇？

龔成老師：

大灣區長遠發展正面，中央投入資源及政策配合，要發展世界級的灣區，長遠唔會差。

不過，都要睇翻個別地區，當地的交通配套，經濟發展，以及租合回報率，如果回報率過低，反映投資價值唔算高。

------------------------------------------------

Q19013：

龔sir! 我好想多謝你！

我8月尾果陣買左我人生既第一層樓！

我本身想黎緊兩三年內買樓，也開始留意樓市，之後我買左你果本「5年買樓4步曲」，好快咁就睇曬，你教既先買細價樓，揀會升值既地區，再等時機升值再換樓

咁岩COVID-19 人人不敢買樓，而我在公司的股票裏儲了5年錢，可以做到首期再加上自己每月的儲蓄，剛好夠100萬，周圍去睇樓，最後揀左元朗單棟細價樓！終於成功上車！

多謝你成日講機會係比有準備既人，雖然香港樓市係好高，但係響疫情環境下，各國都印銀紙，變相現金貶值不少

最保值都係股資買磚頭，最初我身邊既朋友，什至父母都不鼓勵我這時候買樓的，係你令我有膽去買樓，宜家成功上車，真心多謝你既分享同買樓心得。

龔成老師：

恭喜你！

我地唔短中短期的樓價走勢，但銀紙永遠貶值，香港樓需求大，所以長遠仍向上，你長期持有無問題的。

當然，最重要是注意「供得起」原則，要有一定的備用現金在手。

------------------------------------------------

Q19014：

龔sir你好,我手上而家有幾隻股票.想長線持有，你認為可以嗎？

1299，1810，270各1手.981 2手
如果要換馬,有邊隻值得投資?可以長線投資.

多謝你一直嘅回覆

龔成老師：

上述都是有質素的股，我會建議你長線投資。

中芯國際（0981）就比較波動少少，如果想套現，你可考慮賣出一手。

不過，現時新經濟股都唔平，你賣出後最多只建議買入舊經濟股。

恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，現時股價都合理，你可以了解下這些股票，然後從中選股。

------------------------------------------------

Q19015：

老師，你本股票勝經即將睇完，不過都係需要時間去消化。

港鐵、領展、小米、中生、金沙、舜宇，香港交易所而家是合理價位嗎？

盈富之前買入，平均價大概為25蚊買入，有2500股，是否可以繼續增持？

香港寬頻（1310）之前係$9.59買，有10000股，是繼續持有比較好？還是賣出轉其他股票？

唔該曬！

龔成老師：

上述的股票，都是有質素的，港交所（0388）略貴，而中生（1177）、舜宇（2382）就在合理區頂，其餘幾隻就合理。

盈富（2800）你保持長期月供就得，這是最好的策略。

香港寬頻（1310）本質不差的，業務穩定，現金流強，不過就增長較弱，長遠亦唔見到有大的增長。優質度是有的。現價合理，可投資，但主力是收息，唔好對股價有太大期望。所以，是否持有與否，要睇你的投資目標。

------------------------------------------------

Q19016：

老師 美團值得入手嗎？ 呢隻唔明點解可以升到咁....
ATMXJ 有alibaba

應入美團 /京東嗎？
定留錢入388港交所？

Thanks!

龔成老師：

美團（3690）因為市場對佢有好大期望，所以升好多，佢業務的確是強確，加上高增長，市民更接受這種外賣模式，都有利長遠發展。不過現價都唔平。

阿里（9988）有質素的。

其實你上述所講的股，都有質素，不過都唔平，你可以等下，睇下邊一隻跌得較多，先考慮都得。

美團的風險會高少少。

------------------------------------------------

Q19017：

龔sir, 我同先生兩年前之前轉按咗層樓（自住），本來想買套現買多一間作投資用途，點知遇上社會運動和疫情，於是不敢買樓。

有一半錢（1M) 是Mortage link 收息，另一半再同銀行借貸，買過bond, US bond fund, and multi income fund. 依家埋單（計埋借錢成本和收息），已蝕咗4 萬多。

我想問下應該點樣處理資金好？銀行叫我轉買 US Tech equity fund 和 China equity fund. .. 我先生40 多歲

龔成老師：

最重要是睇翻你地的大方向，如果你最初是方向是買另一層樓，而你地的負擔能力無問題，財富無集中風險，其實仍可以考慮這計劃。

至於這類債券基金，我已經收到唔少網友反映出現賺息蝕價的情況，你要睇翻自己的風險承受能力，因為當中涉及借貸投資，就將風險放大左。

以你地的年齡，轉買 US Tech equity fund 和 China equity fund，是可以的。

當然，我會建你想清楚長期的投資方向，建立一個長期的組合，唔好轉來轉去。

------------------------------------------------

Q19018：

我今年21歲 對理財非常有興趣
我今年7月開始挽股票 現在大概賺了3萬 本來有更多利潤 不過我一開始目標是短線 所以虧損了一部分利潤

現在想了解一下長線的投資
老師你是以長線投資為主嗎？

老師 請問你點睇3868？可長揸嗎？

你開的班係咪都係香港？
我係澳門的

同埋老師 1810 現在價錢合理嗎？

龔成老師：

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，如分注長線都可以投資。現價合理區頂。

小米（1810）有質素的，可長線持有，不過現價開始有少少貴。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q19019：

龔Sir,這一年來所持的舊經濟股下跌了很多，覺得這些股票增長潛力不算大，所以想著好不好賣出(部份或全部)，換馬買入潛力較大的新經濟股。

持有領展(1000股, 成本價76.11), 煤氣(4415股, 成本價12.22), 盈富基金(2547股, 成本價26.28)

想等機會買入平安好醫生，阿里巴巴等新經濟股。

有甚麼意見。
謝謝！

龔成老師：

唔好因為中短期的股價表現，而認為一隻股無質素。我地最重要睇企業本質，睇長期。

你持有的股票不是無質素，不過，如果你是年齡唔算大，你過往如果集中在上述股，就是配置有問題。

簡單來該，你持有的該幾隻股都無問題，但你可能有配置問題。

你要平衡翻潛力股、平穩增長股、收息股，你自己的大方向如何。如果大方向想有少少增長力，就可以加入新經濟股，上述兩隻都是好優質的，但坦白講，現價貴，你要注意風險，小注好了。

------------------------------------------------

Q19020：

你好，想問下941和2628的前境

龔成老師：

中移動（0941）不差的，不過，5G雖然對佢有正面影響，但中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，唔好對股價有太大期望，增長力不算強，這股有長線投資價值。

中人壽（2628）有質素的，這股都有長線投資的價值，不過，增長力就不及過往年代，所以唔好對股價有太大期望。算是平穩增長型。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q15321-Q15340）

Q15321：

龔成老師，我好想同你講我從來都唔會入圖書館，從來都唔喜歡睇書，從來都覺得買書好浪費。 我呢生人只買過2本書睇。第一本係80後百萬富翁，第二本就係呢本新書50優質潛力股。

我今日去了3間書店，先買到你本50優質潛力股，分別去了商務和田園書店。你知唔知你最近好hit,個名氣好勁，這3間既員工都話最近多好多人問呢本書！

又問我怎樣可以睇到你既資訊！

龔成老師你加油，另外希望你唸唸方法可以做到直播教學，我真係好想盡快上到你既堂，可惜時間就唔到。

龔成老師：

哈哈，好多謝你的資訊，我每一本書都好比心機寫，資料搜集，分析等等，都用左唔少時間，出面好多人都是兼職寫書，而我是全職寫的，可以得到讀者的認同，其實我都好開心！

至於網上教學，要研究下，因為我過往的實體股票班，試過比人偷拍放上網賣，最後我要報海關，所以我要研究下。

點都好，多謝支持！希望遲D可以股票班見到你！

------------------------------------------------

Q15322：

龔老師你好，我今年26歲，月收入大概30k,是經朋友介紹向你學習投資的，
我由2019年5月開始投資股票，
當時大概有40萬流動資金

至今投資過嘅股票，包括已賣出:
中國鐵塔，中國移動，建設銀行，匯豐銀行，阿里巴巴，
共賺取股價+利息:大約4萬

目前持有:中銀香港2388
$35x2000股=70000本，蝕15000
小米1810
$13.4x22400股=本300160，蝕12180

老師我想請問，我目前對投資只懂看派息，對於買入股票時，只會看最近幾個月價位升跌趨勢作分析，
其他一概不曉，例如公佈業績，公司背景等

所以老師你可以推薦一些有關你撰寫投資知識的書本給我增進嗎？希望可以在香港各大書局能買到的，
另外老師你能對我目前的投資策略給個建議嗎？
謝謝你

龔成老師：

你過往的投資，只是一個「短期賺差價」的模式，並不正確，其實我地投資股票，就是買入企業，原理就是投資一間企業，然後等企業成長。

你應該要學懂分析「企業」，你可以睇《股票勝經》《80後百萬富翁》，你去三聯、商務、誠品都買到。

你現時持有的股票，可持有。

但你小心，因為你犯了一個95%散戶都會犯的錯，就是賣出「上升的股票，下跌的股票死都唔賣」。

我希望你睇完書後，可以明我點解話你錯，同明白真正的投資模式。

------------------------------------------------

Q15323：

龔sir 您好！想請問3688萊蒙國際及2718東正金融前景？目前價位為買入價一半，是否可繼續持有或沽售？謝謝

龔成老師：

我地決定持繼續有一隻股票與否，最重要是睇企業質素，買入價只是心理因素。

萊蒙國際（3688）業務波動，近年出現虧損，加上無獨特性，建議賣出。

東正金融（2718）係一家中國汽車金融公司，從事汽車金融產品和服務，業務主要包括零售貸款業務及經銷商貸款業務。

相信中短期都會弱，加上規模細，風險較高。不過，這不是劣質股，因此，如果你持貨不太多，可守，但你要明白這股有一定的風險。

------------------------------------------------

Q15324：

Halo 成哥, 有D理財問題想問你
我現時29歲, 月入18000, 但是每月連同家用/還grant loan等開支, 每月只儲到約5K。

暫時現時有2手00709佐丹奴、2手00823領展, 本身打算作短炒之用。但是有看過你的文章, 關於月供股票。

所以想問, 如果現時除左想短炒以上兩隻外, 還有沒有其他月供股票, 適合我呢個年紀?

同埋, 都想問如果以我現時進度, 想盡快(在5-10年內)儲到100萬, 理財上或者投資上應該有何注意地方或者策略?
謝謝!!

補充: 之前因本人理財不善, 所以現時資產, 都只係大約5萬元到..

龔成老師：

首先，唔建議短炒。

佐丹奴（0709）中短期會弱，長遠，仍有質素，但就要耐心。領展（0823），有質素，可長線。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，每月$5000
。（如果你現時的現金少過$3萬，就減少少月供，儲下現金）

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15325：

老師想請教3888金山軟件的前景？本人於三年前高位$28買下，現在接近回到家鄉，我想問這是否值得再長線增值升幅？ 感謝

龔成老師：

金山軟件（3888）有質素，但現價貴，建議你上翻去後，可考慮賣出部分。

這股業務發展，正面，潛力是有的，但估值貴是最大的問題，這有可能令股價增長方面受壓，因此，只持有小注，是較穩健的做法。

------------------------------------------------

Q15326：

老師你好！我岩岩畢業工作約半年，月薪15k，現每月儲緊7-8千，岩岩先開始學投資。

未學先試玩，抽到阿里巴巴新股同現持有7500（1600股）。

一直儲錢都係打算一次性買入股票，因前景不樂觀可能隨時失業唔敢月供股票住。

現有4-5萬現金，未知應用嚟買增值性股票（煤氣/盈富）好定係等個市好返啲先買？定係而家就開始月供股票好呢？

龔成老師：

如果你唔想月供，可以用一手手的模式，自行分注投資。首先，你要預3-6個月的開支預算，做現金的備用，餘下的資金，就是「可投資金額」。

可投資不用立刻投資，現時大市處合理區，最好是只投資部分資金，同時部分現金繼續留現金作「可投資金額」，等機會。所以，要睇翻你現時持貨及現金的比例，這刻買少少盈富（2800）都無問題的。

阿里（9988）有質素，可持有。

ＦＩ二南方恒指（7500）並不是適合長線投資的工具，並不建議投資。

------------------------------------------------

Q15327：

想問如果月供的股票不能以股代息，怎操作才可以將每次分派的錢再投入股票達到滾存複式效果？

龔成老師：

你可以先將這些股息儲起，然後等一定的數目及時機，才買入相關股票。（你可以儲起，再加自己本金，去投入）

在月供初期，由於投入本金未算多，所以收息不多，這是正常，但之後就會明顯增加，當每次收息都有一定數目，就可以買入相關股票。

------------------------------------------------

Q15328：

老師你好，我今年28歲，月薪四萬頭，每月要供樓$16000，現持有#6同#941股票，想趁而家改善下個portfolio，請教下

我希望可以三年內儲到五十萬，如果有十萬蚊本，想買2382 / 2628 / 1299，做到這個效果嗎？還有其他推介嗎？

龔成老師：

首先，你可以善用這$50萬，現時大市在合理區，你可以分注投資，同時留有一定的現金，不能盡用。而現時持股有質素，但增長力不強。

舜宇光學科技（2382）有質素，但現價不算平，因此，分注慢慢入可以。可長線。

中人壽（2628）與友邦保險（1299），可選友邦，分注投資可以。

另外，建議你同時增加其他類別股票，建立更平衡的組合，例如盈富（2800）、恆基（0012）、太古地產（1972）、銀娛（0027）等。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

------------------------------------------------

Q15329：

龔成老師
我想買入物業股作收息

778、2606、2168
邊隻會比較有潛力?

龔成老師：

置富產業信託（778）有質素，穩健，是收息股，但增長力不算強。

至於藍光嘉寶服務（2606）增長力強，不過，近期這類有熱炒的情況，因此風險較高。

佳兆業美好（2168）都有類似的情況，增長力強，不過，近期這類有熱炒的情況，因此風險較高，質素比藍光略好。

如果想穩健少少，就778，想進取D，就佳兆業美好。

------------------------------------------------

Q15330：

龔成老師您好
本人38歲,最近拜讀您的著作,是投資新手,月入約HK$18000,每月能儲HK$10000左右,但工作到年底約滿可能不獲續約

過往因不諳投資,走了一點冤枉路,現有55萬現金,約35萬月供基金(每月HK$2700),10萬年金(約2026年才能收息),還有13萬每月收利息的債劵

如要再投資股票, 應該從哪一方面入手,是應該用現金再投資?還是放棄債券/年金?

文筆不好,如有解釋不清楚請見諒,會耐心等待您的解答
謝謝

龔成老師：

如果你工作方面有不確定，自己就要預留一定的現金，餘下的才可投資，一般要3-6個月的基本支出作備用。

基金佔你最多，但由於基金好多種，要睇咩基金先知能否持有，你可以睇翻佢過往多年的投資表現，是否比大市為佳。

至於債券，以你的年齡，並不適合，因為這是防守性的產品。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

如果你未有選潛力股的能力，未有掌握投資時機的能力，就可以簡單地投資盈富基金（2800），利用月供模式都得。

另外，以你的年齡情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15331：

龔成老師 你好

我想問現時應該入美團點評(3690)嗎？同埋前景如何？
Thanks

龔成老師：

美團點評（3690）我唔敢睇少佢的業務，因為真的業務巨大，同時增長快，不過，佢仍是有危有機的股票。

業務較新興，但佢現時仍在燒銀紙狀態，我比較怕這類企業。這類企業不是不可投資，而是不能大注。

因為無人知佢燒銀紙燒到幾時，因此市場對其估值都是「估估下」，這一定會帶來股價上的波動。

所以，這類股，不是不可投資，但就要小心，同時要長線，等佢業務成長。

------------------------------------------------

Q15332：

老師，你好！我用樓按套現150現金作為預計10年後用作女兒到外國讀書及退休備用，月供$8300左右（全數樓按金額200萬，50萬要還銀行）

本人把50萬放定期，另想用100萬作為股票投資，目標是高息平穩增值股，需要高息股原因是想用作減輕樓按還款負擔，可否提供一點建議？

另外，我和先生每月會用共$6000做月供股票，現分配如下，請問需要更改嗎？

12恒基-1000
66港鐵-1000
823領展-1000
1211比亞廸-1000
2388中銀-1000
2800盈富-1000

龔成老師：

按樓套現這策略，有利有弊，因為負債會增加，這會帶來風險，同時要比按息，不過，如果能平衡到風險，投資有一定的回報，這就有著數。

由於這筆資金是借貸而得，因此在策略上會比較保守，你投資收息股是正確。你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

至於月供股票，可以。

這些都是有質素的股票，適合月供，長線投資，但可以加大盈富（2800）的金額例如加至$3000，相信會更好。

------------------------------------------------

Q15333：

你好，想了解一下576 浙江滬杭甬，值得購入嗎？
感謝！

龔成老師：

浙江滬杭甬（0576）是不錯的股票，不過中短期中國的路道方面有影響，因此會較弱。

現價合理，這是不錯的收息股，你可投資，但可以中短期股息減。

------------------------------------------------

Q15334：

啊sir我已經留意左你個page 好耐啦 多謝你經常係度分享投資既心得。以下係我宜家既股票數量 想你被d意見

2382: 1000股 @$134.25
2388: 2000股 @$28.56
1088: 2500股 @$16.11
9988: 200股 @$182
1896: 1000股 @$13.25
2020: 1000股 @$70.5
2013: 3000股 @$5.02

2382 高追左 好後悔 係咪應該繼續keep?
2388 1088 買左都一段時間 但一路賬面都蝕緊錢，一路溝貨好定由得佢買其他既股票？

唔該啊sir !!

龔成老師：

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

基本上，上述大部分的股票都有質素，問題不大。

舜宇光學科技（2382）有質素，可持有，不過現價仍貴。

神華（1088）增長力不強，質素不差，長線持有的價值算是中等。

貓眼娛樂（1896）業務增長快，但風險較高，如果持貨不多，無問題，太多貨最好賣部分。

微盟集團（2013）是潛力股，不過風險同樣較高，可持有，但不建議持有太多。

------------------------------------------------

Q15335：

龔Sir你好 ，現時24歲新手開始買股票
‌想問下 現時 投資etf 月供2800 好 定每個月買一手2833 想問下兩個分別系邊度

‌另外想問下 收息黎講3988 算唔算穩陣
‌另外9988 以長線投資黎講 宜家入算唔算貴

龔成老師：

盈富基金（2800）是追蹤恆指的基金，當中包括了50間中國與香港的企業。

恒指ETF（2833）都是追蹤恆指的基金，即是與2800是一樣的，只是不同機構搞的。

由於2800的成交較大，股價會比較近真實價值，因此，2800較好。

你初階投資，選盈富這類ETF，是適合的。

中行（3988）作為收息股，穩陣的。

阿里（9988）有潛力，不過現價有少少貴，若投資，不建議大注。

------------------------------------------------

Q15336：

龔成老師你好，有關投資的問題想請教。
背景如下：

1. 月入$30000，沒有大負擔，大概每月可儲$15000。
2. 現金儲蓄有1.2M。
3. 年紀44歲
4. 另外持有多年股票如下，因為不懂投資，大部分損手。

5. 股票代號/買入價/股數。
272/$2.43/30000
1051/$0.62/18000
1101/$2.97/4000
1919/$10.52/5000
2238/$12/5600
2342/$5.974/28705
2698/$4.45/15000
3323/$11.4/2000
6158/$4.88/5.22

6. 66 月供$5000
7. 投資知識不多，曾睇股票書但未能理解當中概念。

問題如下：

1. 手上股票應怎樣處理？

2. 現金可以作邊類保守投資？

3. 你著作當中我應該選邊
一本作開始？

謝謝你，待我找到工作定必報讀你的課程，因為理解到投資的重要，畢竟身紀大要計劃達到財務自由。雖然起步遲，但會努力趕上。祝你身體健康，股票蒸蒸日上

龔成老師：

1）首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

瑞安房地產（0272），質素不算差，但無太大增長力，不宜持有太多。

國際資源（1051）無投資價值。

華榮能源（1101）無投資價值。

中遠海控（1919） 質素中等，但無太大增長力，不宜持有太多。

廣汽集團（2238），都算有質素，可持有。

京信通信（2342）有質素，可持有。

魏橋紡織（2698）質素中等，但無太大增長力，不宜持有太多。

中國建材（3323），都算有質素，可持有。

正榮地產（6158）質素都算不差，持有都可以。

2）$120萬現金，以現時的情況，只宜投資$50萬，要O分注慢慢入。以你的年齡，平穩增值股適合你，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，建議你做月供股票，每月供盈富，$10000。

3）《80後百萬富翁》《股票勝經》。

------------------------------------------------

Q15337：

龔成老師 你好。本人32歲，穩定職業(40k+)，但一直冇咩理財概念，只係用供咗5年幾嘅基金「儲錢」。最近屋企有事用咗一筆錢

現時現金流只有少過10萬。現在有大概5萬幾買下股票，但離儲錢還有一大段距離...

可以請教下有效嘅投資策略嗎？（我都開始睇你嘅書，但好希望你可以幫幫我）感謝！

龔成老師：

你這個年齡，其實仍是財富增值的黃金時期，要好好把握，盡你一切的力量去儲蓄、投資、學投資知識。

這刻你最大的問題是本金太少，你要盡力儲多D本金。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。建議你將$50000投資股票，平穩增長。

同時，開始做月供股票，每月$10000（以你的收入，其實可以更多）。

你可以考慮盈富（2800）$5000。

另外再加2隻（每隻$2500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

如果你不懂股，就集中供盈富$10000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15338：

老師你好！我很欣賞你每天為廣大市民分享投資心得，並且經常提醒我們投資需要以企業價值為首要考慮，而並非投機

另外你經常發的勵志文章，鼓勵了不少市民，這令我非常感動！

想請問257 和 1257看法如何？兩公司每年都有盈利增長但股價卻一直往下走？另外此兩隻股票那一隻比較高投資價值？現在入市，價錢在合理區域嗎？

祝福你身體健康，繼續財富增值！

龔成老師：

中國光大國際（0257）及中國光大綠色環保（1257）都是有質素的股票，後者會比較進取。

由於負債有所增加，市場對佢的風險度提高左，因此估值方面減左。同時，市場擔心佢地的發展，增長力方面會減，都影響了市場對佢的睇法。

現價處合理區中下部，1257風險度會比257高少少。另外，不建議太過大注。

------------------------------------------------

Q15339：

龔成老師,你好！我希望我可以有穩定的財產上的增長, 最終可以達到財務自由。以下是我現時狀況, 請你幫忙評論一下, 並給我一些意見, 謝謝!

本人29歲, 已婚, 有一份月薪3萬元穩定收入。太太是文員, 月薪約有1萬8元, 但最近經濟環境問題, 她有減薪風險。

半年前買樓了, 月供1萬9, 分30年還款.

現時夫妻二人現金流有25萬左右, 手持以下股票, 約35萬貨, 包括阿里巴巴(9988)、領展(823)、港鐵 (66)、建行(939) 及損失最慘重的南方能源(1573)。

另有一份儲蓄, 月儲1350元, 當年2013年, 讀書時期開始儲,儲10年, 2023年停供。

因為要供樓及供養父母的關係, 所以每月保守估計只餘下2至3千元可作投資。

因此想問問老師, 我現時股票方面, 可以如何佈署, 特別是南方能源, 用了8萬多，現已經蝕了6萬, 應該止蝕,還是等待他朝一日回家鄉。另外, 會否有其他的建議給予我, 感激萬分!!

龔成老師：

由於你供樓的數目不少，加上有父母等負擔，因此，要留一定的現金作備用。

如果現金唔多，就儲多少少現金先，唔好太心急入股票。如果你現金足，就可以做月供股票，供$3000盈富（2800）。

至於你上述持有的股票，除了南方能源（1573）外，都是有質素的，可持有。

南方能源（1573）是規模較小的公司，這類公司賬目有問題的機會的確較大（因為之前市場好擔心佢盤數），所以，當中不是無風險的，股價大跌後並無升翻，反映市場明白這股的風險，同時這股的確有點問題，令市場認為現時的股價較合理。

這類股你要小心，如果等多一段時間都無升翻，代表內裡可能有點問題，如果佔組合比例太多，要賣出部分先。

長遠來說，最好全部賣出。

------------------------------------------------

Q15340：

龔老師唔好意思又打攪你
我想問問依家中美貿易同武漢肺炎影響下，樓價黎緊走勢會如何

我見依家不停有負面新聞話經濟差，但樓價仲係好硬咁
我想問下幾時近谷低可入手？
萬分感謝

龔成老師：

我相信樓市中短期會跌，始終香港經濟轉弱，但這只是中短期，這將會在一年內出現，但跌多少，無人知，不過唔會太多。長期來說，香港樓市仍是向上的，因為香港樓的長期供應仍是不足。

因此，中短期可說是一個機會，你可以每個業主都大力還價，希望中了一個心急業主，你就可以買到平貨。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。