讀者投稿《我的自私奶奶篇》
我99之前賺好多,大經理,下屬超過千人。但一次金融風暴後咩都冇唒仲要欠下銀行多筆數。99生左老公之後就有菲傭,99點工人做野我還可理解,但本人認為欠缺侍人基本尊重。99 金融風暴後性格冇變過,繼續指指點點,認為自己啱哂同埋諗到咩講咩唔理感受!風暴後,他們一直繼續請工人(老公出左身,就由老公負擔唒一家開支,62間中幫下手)。但直至某件事,他們冇再請工人。所以就由拍緊拖,就黎結婚的我負責家務。
因為我因某原因結緍後一直part time 工作, 所以我可以自己養自己和家庭某D開支。其實我係冇所謂因為我宜家多左時間,同埋傳統的我認為小輩既我有責任服侍長輩,所以煮飯,洗碗,洗衫等一般家務我都自己來,真的冇所謂。但慢慢一點一點99不尊重老馮既對侍後,一直俾朋友認為EQ 爆高既,最近真係要爆!
1. 順便
99好鐘意叫人順便幫佢做野、買野。但根本冇咁多順便!
- 有日我倆在家。99一路講,一路俾佢張銀行咭我:「幫我去樓下超市買D罐頭呀。順便幫我去銀行㩒D錢!」
- 「聽日出街嗎,順便幫我去朋友到攞兩個月餅(喺大圍),之後順便攞去老人院俾婆婆!(喺馬鞍山)」我住沙田😓。
- 「聽日去買餸時,順便幫我去診所攞報告,之後幫我去銀行㩒錢再匯款,順便幫我買D野!」但自己去左朋友屋企坐傾計
- 之前不幸流產,努力多月再懷上,99冇俾面繼續指指點點。「你得閒煲多D湯,順便攞D俾婆婆,婆婆鍾意飲西洋菜湯!」(大肚婆唔飲得西洋菜湯)
- 我地出車去九龍城,順便車佢去大埔
佢隔日就順便我一次。其實佢知唔知咩叫「順便」!
2. 心直口快
99為人''心直口快'',常得失親戚, 62 ,老公朋友同埋我。
- 上年新年,我同老公去左度蜜月坐長途機歸來。99同朋友在家打牌,落左機有D餓,我咪煮D蘿白糕俾老公同我食,99就叫我順便煮多D俾佢朋友(冇問題)再順便紅豆,芋頭榚(都冇問題)!服侍完叫我洗碗,老公想幫手,99立刻叫佢登腳!好,我洗!我洗碗,碗碟有碰撞有聲!一下不小心大聲左,99走入廚房「你嚇親我D朋友!」我說了聲「不好意思。」
- 之後99有日問我係唔係想搵鐘點(其實係老公意思),我話想慳D,我攪得掂。咁99對我老公説(我在旁)「你老婆話唔要鐘點!」「咪啦!打爛唒我D碗!」(我由踏入佢家到嗰時三年只打爛過一只)
- 之後我有左,有日煮完俾佢地食、洗碗時,佢又走入來「之後你個仔就會俾你D洗碗聲嚇死,哇哇大哭!」我説了聲「下!」
- 早上等我起身佢先起身叫我煮早餐。(佢晨早起身係床上睇手機)我煮左一人一包通粉+一人四粒魚蛋。煮完就話你做咩煮咁多。一包通粉兩個食就得!我話咁就到我唔飽,我叫佢食唔唒唔好食,佢就話我下世執垃圾食!做咩都錯!
- 之前流產過一次,今次非常小心。有日,同老公講不如等穩定左一家人去旅行(62想)。99就話「咪啦你、之後又小產,小產得多之後就慣性流產!想生都冇得生!」(講者'好心'、聽者有意)。
- 有日佢朋友上左黎。佢冇啦啦指住我同佢朋友講「撞鬼囉!我個仔肥左咁多」&「佢囉!成日煮野鬼咁多!食肥哂我個仔!」我立刻回應「唔關我事,佢成日自己買零食!」(唔可以將責任推卸唒我到!)
- 舅父同佢一樣口不擇言,佢做風水,有日同我老公講,話我流產係可能我嗰邊袓先生墳有問題!(講者'好心'、聽者有意)。
3. 令人費解的事
- 99生意失敗欠下幾筆數。62,老公幫佢頂左,只欠少數。有日,佢問我借錢。叫我唔可以同任何人講。我就問佢點解借咁多之前老公唔係幫你攪點咩。佢話係另外咭數。心諗,還唔起就唔好轆咁大洗!成日坐的士,請朋友食飯!之後老公知道左,話左佢一餐,更代99還俾我!但之後99就冇重一身輕咁約朋友去旅行。
- 成日叫我捐款俾佛寺,唔捐就講一堆大道理。話種善因,得善果。不斷講D人做完好事之後的善果。攪到好似唔捐就好似做壞事咁。仲叫我同老公去問各自親戚同我阿爸阿媽! 心諗要問自己問!
惱氣的事,實在太多太多。有人可能會問你可以say no ,或者話唔得閒。相信我,我試過!佢會問你今日要做咩,佢間野開到十點,或者聽日先攪都得。老公同過佢傾過,佢委屈哭話佢(我)唔得閒可以唔做。又話對我態度已經好好!
佢可能在公在私洗慣人,冇工人就當我工人。信我,由我拍拖到結婚到流產再到我有左佢冇煮過一樣野俾我食!但見老公有兩聲咳馬上叫我煲呢樣嗰樣。又或者叫我買料佢自己煲!
我嬲,嬲的是佢當我工人,甚至唔尊重我!我嬲,係明知我流產過,今時今日仲指指點點!如果老公唔係企我呢邊我相信我已爆煲!
我同老公有共識坐完月會搬,在此之前,我選擇:退一步(佢係屋企我出街)海濶天空!
#退一步海闊天高
#我的極品四大長老
Search