🚴🏽♀️Ride! Tsing Yi 青衣騎行🚴🏼♂️
依家收集緊大家對「青衣騎行」建議雛型嘅意見，一齊表達你心入面嘅諗法，喺青衣推動單車出行啦！😊
🔗 https://forms.gle/jgYVk5XM27WpPVvp9
過去一整年自己都冇乜機會去外國比賽，多咗時間留喺香港發掘咗以前比較少去嘅小區練習☺️ 因為大部份時間都係喺公路踩單車，而香港公路比起外國繁忙得多，每次練習都要全程提高警覺‼️如果香港能於公路上多啲單車友善設施，例如加上明確嘅指示路牌或單車路線，會更有效實行單車共融城市，令人更願意以單車代步🚴🏽♀️🚴🚴🏽♂️
💁🏽♀️今次發掘到嘅小區係青衣，區內嘅環境的確好靚好幽靜，特別係沿住海濱長廊嘅環境，直頭令我有置身於外地嘅感覺😍 我發現海濱長廊嘅公園禁止踩單車，但仍有不少青衣居民以單車代步；而且區內嘅馬路亦都暫時未有清晰嘅指示路牌，例如單車泊車處、靠左或右行駛等等，這樣容易發生意外🙅🏾♀️我踩過好多唔同嘅小區，就會即刻諗吓香港每一個小區有冇機會更完善規劃行人 - 單車 - 駕駛者共融嘅單車城市，令到可以實行單車通勤🤗
同日好開心得知創不同協作(MaD)同葵青區議會社區營造工作小組合辦嘅 #青衣騎行計劃 ，正探討喺青衣島上推行單車代步嘅可能性💪🏽
聽左青衣騎行計劃嘅分享後，有兩個建議雛型的想法令我印象深刻：
1) 喺海濱公園建立一條共融徑的確會好靚，同時間喺一個容易控制嘅安全範圍入邊會吸引更多踩單車嘅人同小朋友，實現行人 - 單車共融🚶🏻♀️🚴🏽♂️🚶♂️🚴🏽♀️
2) 聽到不同路人嘅意見，知道大家對安全嘅意識都好高，再加埋青衣騎行計劃入邊的安全指示路牌及指示燈，而更有效營造出健康嘅單車共融小區👨👩👧👦
另外，我踩過外國嘅單車徑同時會設有單車掛架及小型單車工具比大家使用，都係唔錯嘅建議架！無論你有冇單車經驗，踩單車最緊要當然係安全，要建立單車城市就一定要提升單車、駕駛者同埋行人之間嘅默契👦🏻🤝👧🏽
如果大家都有唔同嘅意見，記得透過上面link嘅問卷留低你寶貴嘅意見啊，希望好快可以喺香港唔同嘅小區見到單車出行嘅場景啦🌴🚴🏽♀️🚴🏽♂️🌴
MaD Asia #單車通勤 #創新交通規劃 #葵青區議會 #葵青區議會社區營造工作小組
葵青區議會社區營造工作小組 在 #葵青區議會社區營造工作小組 - Explore | Facebook 的推薦與評價
中心連同社區設計師顧問團隊#鄰里關係研究所 ，集合不同持份者的所思所想,由下而上地搜集照顧者友善設計的意見,藉此整合意見及提出區內首個以照顧者友善為主題的公園 ... ... <看更多>